KUPUTUKA 34
34
Navazangamisa vatu mwomwo hakupihisa Njina
1Njina, mwanaLeya wapwevo, uze asemene naYakova, alovokele nakutala vana vamapwevo vamulifuci.
2Xekeme, mwanaHamole kaHivi, mwata walifuci, omu amumwene amukwacile, asavalile nenyi nakumupika.
3Mwono wenyi wakakacilile kuli Njina mwanaYakova, amuzangile uze mwanapwevo, ahanjikile kuli uze mwanapwevo nakumukokweza.
4Xekeme ambile kuli ise Hamole ngwenyi, Ngumbacile ou mwanapwevo.
5Jino Yakova evwile ngwavo, Xekeme napihisa lyehi mwanenyi Njina. Vana venyi vamalunga vapwile navimuna jenyi mucipapa. Yakova aliholelele kulu palanga nomu vejile.
6Hamole ise yaXekeme alovokele nakuya kuli Yakova akahhanjikise nenyi.
7Vana vaYakova vamalunga yafumine mucipapa omu vacivwile, kaha vaze malunga vanyengetelele, vevwile matoto cikuma, mwomwo alingile mwakuhulama muli vaIsalele, nakusavala namwanaYakova wapwevo, cuma cangoco cijila kucilinga.
8Hamole ahanjikile navo, avambile ngwenyi, Mwono wamwanami Xekeme unafwila mwanenu wapwevo. Aci muhanenuyo mwane amumbate.
9Kaha tulimbatenu nayenu, mutuhanahanenu vana venu vamapwevo, mumbatambatenu nawa vana vetu vamapwevo.
10Namutwamanga nayetu hamwe, kaha lifuci lino nalipwa kumeso enu. Twamenungamo, sepenungamo, mukahetelemo luheto.
11Xekeme ahanjikile kuli ise yamwanapwevo nakuli vandumbwenyi, ngwenyi, Nguwane likoji mwane kumeso enu, kaha vyexovyo namungwamba nangumihanavyo.
12Cipwe namutohwesa cikuma mivwi nawana, nangumihana mwexomwo namungwamba. Oloze nguhanenu mwanapwevou ngumumbate.
13Vana vaYakova vavakumbulwile Xekeme naise Hamole nakuvambe-mbejeka, vahanjikile mwomwo apihixile ndumbwavo Njina.
14Vavambile ngwavo, Cuma kana katwexi kuhasa kucilingako, kuhana ndumbwetu kuli cilima, ngoco kaci tunasauka.
15Hoho kaha natumitavila ngwetu, kaci namupwa nge mutwapwetu, vakwenu malunga vosena vamijihane.
16Numba hinatumihanahana vana vetu vamapwevo, kaha nawa natumbatambata vana venu vamapwevo. Kaha natutwamanga nayenu hamwe nakupwa tuvatu vamwe.
17Oloze kaci nge kamute kutwivwilila nakumijihana, kaha natutambula mwanetu wapwevo, hinatuya.
18Mazu avo avevwixile Hamole namwanenyi Xekeme kuwaha.
19Uze mwanalunga kalangixile kulinga cuma cizeko, mwomwo evwile cipepa kuli mwanaYakova wapwevo, kaha vamulemeselenga kuhambakana vaze vakuzuvo yaise vosena.
20Hamole namwanenyi Xekeme vejile kucikolo calimbo lyavo, vahanjikile namalunga vamwimbo lyavo ngwavo,
21Vaze malunga vali nakeke nayetu. Xikaho vatwamenga mulifuci, vasepengamo, mwomwo lifuci linatoho mangana vatwamemo. Tukambatambatenu vana vavo vamapwevo, kaha tukavahanahanenu vana vetu vamapwevo.
22Oloze hoho kaha navatwitavila vaze malunga nakutwama nayetu hamwe, nakupwa tuvatu vamwe, ngwavo, kaci lunga hilunga muli etu navamujihana, nge omu vavajihana lyehi vakivo.
23Vimuna javo navikumba vyavo natunyama twavo vosena navikapwa vyetu nyi? Oloze tuvetavilenu, kaha navatwamanga nayetu.
24Vosena vakulovoka kucikolo calimbo vevwililile mumazu aHamole namwanenyi Xekeme. Lunga hilunga vamujihanyine, vaka-kulovoka kucikolo calimbo lyenyi vosena.
25Kaha casolokele, halikumbi lyamucitatu, omu vevwile kukola, vana vaYakova vamalunga vavali, ou Ximeyone, ou Levi, vayaya jaNjina, vakwacile mutu himutu poko yenyi yamukwale, vayile kwimbo nakumika nakujiha malunga vosena.
26Vajihile Hamole namwanenyi Xekeme nauvela wajipoko jamikwale, kaha valowele Njina muzuvo yaXekeme nakulovokamo.
27Vaze vana vaYakova vejile kuli vaze vajihile, kaha vapupile limbo, mwomwo vapihixile ndumbwavo wapwevo, xikaho.
28Vakwacile mautangavo avimuna vavandende nawawa avangombe, navimbulu javo, navyuma vyapwile mwimbo, navize vyamumawande.
29Kaha vikumba vyavo vyosena, navana vavo vosena, namapwevo javo vavakwacile ufunge, vapupile vyuma vyosena vize vyapwile mujizuvo.
30Yakova ambile kuli Ximeyone nakuli Levi ngwenyi, Munanguyanjisa nakungunukisako nalivumba lyalipi muli ava vatwama mulifuci, muli VaKanane navaPeliji. Ami nguli navatu vavandende kaha, kaha navanguwungilila nakungujiha. Navangulalisa, nayami navava vakuzuvo yami.
31Kaha vamwambile ngwavo, Amulinge ndumbwetu nge omu mwalinga napwevo muka-ujila numba?
Currently Selected:
KUPUTUKA 34: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 34
34
Navazangamisa vatu mwomwo hakupihisa Njina
1Njina, mwanaLeya wapwevo, uze asemene naYakova, alovokele nakutala vana vamapwevo vamulifuci.
2Xekeme, mwanaHamole kaHivi, mwata walifuci, omu amumwene amukwacile, asavalile nenyi nakumupika.
3Mwono wenyi wakakacilile kuli Njina mwanaYakova, amuzangile uze mwanapwevo, ahanjikile kuli uze mwanapwevo nakumukokweza.
4Xekeme ambile kuli ise Hamole ngwenyi, Ngumbacile ou mwanapwevo.
5Jino Yakova evwile ngwavo, Xekeme napihisa lyehi mwanenyi Njina. Vana venyi vamalunga vapwile navimuna jenyi mucipapa. Yakova aliholelele kulu palanga nomu vejile.
6Hamole ise yaXekeme alovokele nakuya kuli Yakova akahhanjikise nenyi.
7Vana vaYakova vamalunga yafumine mucipapa omu vacivwile, kaha vaze malunga vanyengetelele, vevwile matoto cikuma, mwomwo alingile mwakuhulama muli vaIsalele, nakusavala namwanaYakova wapwevo, cuma cangoco cijila kucilinga.
8Hamole ahanjikile navo, avambile ngwenyi, Mwono wamwanami Xekeme unafwila mwanenu wapwevo. Aci muhanenuyo mwane amumbate.
9Kaha tulimbatenu nayenu, mutuhanahanenu vana venu vamapwevo, mumbatambatenu nawa vana vetu vamapwevo.
10Namutwamanga nayetu hamwe, kaha lifuci lino nalipwa kumeso enu. Twamenungamo, sepenungamo, mukahetelemo luheto.
11Xekeme ahanjikile kuli ise yamwanapwevo nakuli vandumbwenyi, ngwenyi, Nguwane likoji mwane kumeso enu, kaha vyexovyo namungwamba nangumihanavyo.
12Cipwe namutohwesa cikuma mivwi nawana, nangumihana mwexomwo namungwamba. Oloze nguhanenu mwanapwevou ngumumbate.
13Vana vaYakova vavakumbulwile Xekeme naise Hamole nakuvambe-mbejeka, vahanjikile mwomwo apihixile ndumbwavo Njina.
14Vavambile ngwavo, Cuma kana katwexi kuhasa kucilingako, kuhana ndumbwetu kuli cilima, ngoco kaci tunasauka.
15Hoho kaha natumitavila ngwetu, kaci namupwa nge mutwapwetu, vakwenu malunga vosena vamijihane.
16Numba hinatumihanahana vana vetu vamapwevo, kaha nawa natumbatambata vana venu vamapwevo. Kaha natutwamanga nayenu hamwe nakupwa tuvatu vamwe.
17Oloze kaci nge kamute kutwivwilila nakumijihana, kaha natutambula mwanetu wapwevo, hinatuya.
18Mazu avo avevwixile Hamole namwanenyi Xekeme kuwaha.
19Uze mwanalunga kalangixile kulinga cuma cizeko, mwomwo evwile cipepa kuli mwanaYakova wapwevo, kaha vamulemeselenga kuhambakana vaze vakuzuvo yaise vosena.
20Hamole namwanenyi Xekeme vejile kucikolo calimbo lyavo, vahanjikile namalunga vamwimbo lyavo ngwavo,
21Vaze malunga vali nakeke nayetu. Xikaho vatwamenga mulifuci, vasepengamo, mwomwo lifuci linatoho mangana vatwamemo. Tukambatambatenu vana vavo vamapwevo, kaha tukavahanahanenu vana vetu vamapwevo.
22Oloze hoho kaha navatwitavila vaze malunga nakutwama nayetu hamwe, nakupwa tuvatu vamwe, ngwavo, kaci lunga hilunga muli etu navamujihana, nge omu vavajihana lyehi vakivo.
23Vimuna javo navikumba vyavo natunyama twavo vosena navikapwa vyetu nyi? Oloze tuvetavilenu, kaha navatwamanga nayetu.
24Vosena vakulovoka kucikolo calimbo vevwililile mumazu aHamole namwanenyi Xekeme. Lunga hilunga vamujihanyine, vaka-kulovoka kucikolo calimbo lyenyi vosena.
25Kaha casolokele, halikumbi lyamucitatu, omu vevwile kukola, vana vaYakova vamalunga vavali, ou Ximeyone, ou Levi, vayaya jaNjina, vakwacile mutu himutu poko yenyi yamukwale, vayile kwimbo nakumika nakujiha malunga vosena.
26Vajihile Hamole namwanenyi Xekeme nauvela wajipoko jamikwale, kaha valowele Njina muzuvo yaXekeme nakulovokamo.
27Vaze vana vaYakova vejile kuli vaze vajihile, kaha vapupile limbo, mwomwo vapihixile ndumbwavo wapwevo, xikaho.
28Vakwacile mautangavo avimuna vavandende nawawa avangombe, navimbulu javo, navyuma vyapwile mwimbo, navize vyamumawande.
29Kaha vikumba vyavo vyosena, navana vavo vosena, namapwevo javo vavakwacile ufunge, vapupile vyuma vyosena vize vyapwile mujizuvo.
30Yakova ambile kuli Ximeyone nakuli Levi ngwenyi, Munanguyanjisa nakungunukisako nalivumba lyalipi muli ava vatwama mulifuci, muli VaKanane navaPeliji. Ami nguli navatu vavandende kaha, kaha navanguwungilila nakungujiha. Navangulalisa, nayami navava vakuzuvo yami.
31Kaha vamwambile ngwavo, Amulinge ndumbwetu nge omu mwalinga napwevo muka-ujila numba?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.