KUPUTUKA 39
39
Yosefwe napwevo lyaPotefwale
1Yosefwe vamutwalile kuEjipitu. Kaha Potefwale, kapitau kaFwalo, citapanga wamukulwane, kaEjipitu, amulanjile kumavoko avaIximele vaze vamutwalile kuze.
2Yehova apwile naYosefwe, ngoco ikiye apwile muka-kufukisa, kaha atwamine muzuvo yakaka yenyi uze kaEjipitu.
3Kaka yenyi amwene ngwenyi, Yehova ali naYosefwe, #Samu 1.3.nomu afukixile Yehova vyuma vyosena vize alingile mumavoko enyi.
4Yosefwe awanyine likoji kumeso enyi, kaha amuzacililenga milimo. Potefwale amulingixile kupwa mukakulama zuvo yenyi, vyuma vyenyi vyosena avihanyine mumavoko enyi.
5Kaha casolokele, kufumisa kulikumbi lize amulingixile kupwa muka-kulama zuvo yenyi navyuma vyenyi vyosena, Yehova awahixile kuzuvo yayauze kaEjipitu hali Yosefwe. Kuwahisa caYehova capwile havyuma vyenyi vyosena, navyevi vyamuzuvo navyevi vyamuwande.
6Vyuma vyenyi vyosena avihanyine mumavoko aYosefwe. Katacikijile cuma apwile naco cimweko, xina kulya cenyi kaha alilenga. Yosefwe apwile wamwaza kumujimba wenyi nakumeso enyi nawa.
7Kaha casolokele hakukumisa vyumevi, pwevo lyakaka yenyi atalile meso enyi kuli Yosefwe, amwambile ngwenyi, Tusavale nayami.
8Oloze ikiye akanyine, ambile kuli pwevo lyakaka yenyi ngwenyi, Tala, kaka yami katacikijile vyuma nguli navyo muzuvoko, kaha nahane vyuma vyenyi vyosena mumavoko ami.
9Muzuvo muno kanguhambakanamiko. Kanguminyine cuma cipwe cimweko, xinove kaha, mwomwo unapu upwevo lyenyi. Nyi nanguhasa ngacilihi kulinga kupihya kana cacinene nakuvulumuna kuli Kalunga?
10Kaha casolokele, omu ahanjikile kuli Yosefwe hakumbi hakumbi, kamwitavilileko, cipwe kusavala nenyi cipwe kutwama nenyi.
11Kaha casolokele, halikumbi limwe Yosefwe engilile muzuvo azate milimo yenyi, kamwapwile malunga vakuzuvo vekako.
12Uze pwevo amukwacile kulihina lyenyi ngwenyi, Tusavale nayami. Ikiye asezele lihina lyenyi mulivoko lyapwevo, acinyine, alovokelemo.
13Kaha casolokele, omu amwene pwevo Yosefwe naseze lihina mulivoko lyenyi, nacinyimo,
14atambikile malunga vakuzuvo yenyi, avambile ngwenyi, Talenu, lunga lyami atunehelele kaHepeleu muno nakutuhenda. Engilanga muli ami mangana asavale nayami, kaha ngwatambakananga nalizu lyakukanguka.
15Kaha casolokanga, omu evwanga nangutambakana nalizu lyakukanguka, asezanga lihina lyenyi kuli ami, acinanga, alovokanga.
16Alamine lihina lyaYosefwa palanga nomu ahetele kaka yenyi kuzuvo.
17Ahanjikile kuli ikiye nge mwaya mazu awa ngwenyi, Ou ndungo wakaHepeleu, ou watunehelele engilanga muli ami nakunguhenda.
18Kaha casolokanga, omu ngwatambakananga nalizu lyakukanguka, asezanga lihina lyenyi kuli ami, acinangamo.
19Kaha casolokele, omu evwile kaka yenyi mazu apwevo lyenyi aze ahanjikile kuli ikiye ngwenyi, Ngoco mwanalingi ndungo yove kuli ami, akwacile utenu.
20Kaka yaYosefwe amukwacile, #Samu 105.18.amusokelele mukamenga, muze vasokelelenga vafunge jamwangana. Ngoco apwilenga muze mukamenga.
21Oloze Yehova #Samu 105.19; Vili. 7.9.apwilenga naYosefwe, amutetelele, amuwanyixile likoji kumeso amwata wakamenga.
22Mwata wakamenga ahanyine vafunge vosena vaze vapwile mukamenga mulivoko lyaYosefwe. Kaha vyexovyo valingile muze, ikiye apwile muka-kuvilinga.
23Uze mwata wakamenga katalile kucuma cimwe capwile kulivoko lyenyiko, mwomwo Yehova apwile naYosefwe, kaha vize alingile, Yehova avifukixilenga.
Currently Selected:
KUPUTUKA 39: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 39
39
Yosefwe napwevo lyaPotefwale
1Yosefwe vamutwalile kuEjipitu. Kaha Potefwale, kapitau kaFwalo, citapanga wamukulwane, kaEjipitu, amulanjile kumavoko avaIximele vaze vamutwalile kuze.
2Yehova apwile naYosefwe, ngoco ikiye apwile muka-kufukisa, kaha atwamine muzuvo yakaka yenyi uze kaEjipitu.
3Kaka yenyi amwene ngwenyi, Yehova ali naYosefwe, #Samu 1.3.nomu afukixile Yehova vyuma vyosena vize alingile mumavoko enyi.
4Yosefwe awanyine likoji kumeso enyi, kaha amuzacililenga milimo. Potefwale amulingixile kupwa mukakulama zuvo yenyi, vyuma vyenyi vyosena avihanyine mumavoko enyi.
5Kaha casolokele, kufumisa kulikumbi lize amulingixile kupwa muka-kulama zuvo yenyi navyuma vyenyi vyosena, Yehova awahixile kuzuvo yayauze kaEjipitu hali Yosefwe. Kuwahisa caYehova capwile havyuma vyenyi vyosena, navyevi vyamuzuvo navyevi vyamuwande.
6Vyuma vyenyi vyosena avihanyine mumavoko aYosefwe. Katacikijile cuma apwile naco cimweko, xina kulya cenyi kaha alilenga. Yosefwe apwile wamwaza kumujimba wenyi nakumeso enyi nawa.
7Kaha casolokele hakukumisa vyumevi, pwevo lyakaka yenyi atalile meso enyi kuli Yosefwe, amwambile ngwenyi, Tusavale nayami.
8Oloze ikiye akanyine, ambile kuli pwevo lyakaka yenyi ngwenyi, Tala, kaka yami katacikijile vyuma nguli navyo muzuvoko, kaha nahane vyuma vyenyi vyosena mumavoko ami.
9Muzuvo muno kanguhambakanamiko. Kanguminyine cuma cipwe cimweko, xinove kaha, mwomwo unapu upwevo lyenyi. Nyi nanguhasa ngacilihi kulinga kupihya kana cacinene nakuvulumuna kuli Kalunga?
10Kaha casolokele, omu ahanjikile kuli Yosefwe hakumbi hakumbi, kamwitavilileko, cipwe kusavala nenyi cipwe kutwama nenyi.
11Kaha casolokele, halikumbi limwe Yosefwe engilile muzuvo azate milimo yenyi, kamwapwile malunga vakuzuvo vekako.
12Uze pwevo amukwacile kulihina lyenyi ngwenyi, Tusavale nayami. Ikiye asezele lihina lyenyi mulivoko lyapwevo, acinyine, alovokelemo.
13Kaha casolokele, omu amwene pwevo Yosefwe naseze lihina mulivoko lyenyi, nacinyimo,
14atambikile malunga vakuzuvo yenyi, avambile ngwenyi, Talenu, lunga lyami atunehelele kaHepeleu muno nakutuhenda. Engilanga muli ami mangana asavale nayami, kaha ngwatambakananga nalizu lyakukanguka.
15Kaha casolokanga, omu evwanga nangutambakana nalizu lyakukanguka, asezanga lihina lyenyi kuli ami, acinanga, alovokanga.
16Alamine lihina lyaYosefwa palanga nomu ahetele kaka yenyi kuzuvo.
17Ahanjikile kuli ikiye nge mwaya mazu awa ngwenyi, Ou ndungo wakaHepeleu, ou watunehelele engilanga muli ami nakunguhenda.
18Kaha casolokanga, omu ngwatambakananga nalizu lyakukanguka, asezanga lihina lyenyi kuli ami, acinangamo.
19Kaha casolokele, omu evwile kaka yenyi mazu apwevo lyenyi aze ahanjikile kuli ikiye ngwenyi, Ngoco mwanalingi ndungo yove kuli ami, akwacile utenu.
20Kaka yaYosefwe amukwacile, #Samu 105.18.amusokelele mukamenga, muze vasokelelenga vafunge jamwangana. Ngoco apwilenga muze mukamenga.
21Oloze Yehova #Samu 105.19; Vili. 7.9.apwilenga naYosefwe, amutetelele, amuwanyixile likoji kumeso amwata wakamenga.
22Mwata wakamenga ahanyine vafunge vosena vaze vapwile mukamenga mulivoko lyaYosefwe. Kaha vyexovyo valingile muze, ikiye apwile muka-kuvilinga.
23Uze mwata wakamenga katalile kucuma cimwe capwile kulivoko lyenyiko, mwomwo Yehova apwile naYosefwe, kaha vize alingile, Yehova avifukixilenga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.