KUPUTUKA 40
40
Yosefwe mwalumbununa vilota vyavafunge
1Kaha casolokele hakukumisa vyumevi, muka-kuhana lupasa kuli mwangana waEjipitu namuka-kumwocela jimbolo vavulumwine milonga kuli mwata wavo mwangana waEjipitu.
2Fwalo avasangumukilile vaze vangamba jenyi vavakulwane vavali, ou mukulwane wavaka-kuhana lupasa, nayou mukulwane wavakakwoca jimbolo.
3Kaha avasokelele mwakuvalamina muzuvo yacitapanga wamukulwane, mukamenga muze vakaxilile Yosefwe.
4Citapanga wamukulwane amulwezele Yosefwe kuvatala, kaha ikiye avazacilile milimo. Vaximbwile makumbi amwe mwakuvalamina.
5Kaha vosena vavali valotele, mutu himutu nakulota cenyi naufuku woumwe, mutu himutu nge mwalumbunukila kulota cenyi, namuka-kuhana lupasa kuli mwangana waEjipitu namuka-kumwocela jimbolo, vaze vapwile vakukasa mukamenga.
6Hacimene Yosefwe engilile muli vakivo, avamwene, kaha tala, vapwile nakunyengetela.
7Avehwile vaze vangamba jaFwalo vavakulwane vapwile nenyi mwakuvalamina muzuvo yakaka yenyi ngwenyi, Muli nakunyengetela ngoco lelo ika?
8Vamwambile ngwavo, Tunaloto, kaha kakwexi mutu mwahasa kucilumbununako. Yosefwe avambile ngwenyi, Kulumbununa mangana cinapu caKalunga nyi? Aci ngulwezenuco.
9Kaha mukulwane wavaka-kuhana lupasa amulwezele Yosefwe kulota cenyi. Amwambile ngwenyi, Ami hakulota, tala, muvinyo wapwanga kumeso ami.
10Kumuvinyo kana kwapwanga mitango yitatu. Kaha nge wafukulanga, nakusakumwina jitemo, kaha misusu yawo yemanga mihako yavinyo yakwihya.
11Lupasa lwaFwalo twapwanga mulivoko lyami. Kaha ngwakwatanga mihako yavinyo nakuyikamwina mulupasa lwaFwalo, nakuhana lupasa mulivoko lyaFwalo.
12Yosefwe amwambile ngwenyi, Mucalumbunukila ngana. Oyo mitango yitatu yinapu makumbi atatu.
13Ximbu kanda muhite makumbi atatu Fwalo mwazundula mutwe wove nakukuhana ceka milimo yove. Kaha nauhananga lupasa lwaFwalo mulivoko lyenyi nge muze walingilenga hakavanga omu wapwilenga umuka-lupasa lwenyi.
14Oloze kangwanukenga omu naukamona kuwaha, ukangusolwele likoji mwane, ukanguvuluke kuli Fwalo, ukangulovole muzuvo yino.
15Mwomwo Camwenemwene vangwivile mulifuci lyavaHepeleu. Kaha cipwe kuno nawa kangwalingile cumako numba vangusokelele mukamenga.
16Omu amwene mukulwane wavaka-kwoca jimbolo ngwenyi, nalumbununa kanawa, ambile kuli Yosefwe ngwenyi, Nayami nawa ngwalotanga. Kaha tala, mitonga yajimbolo jitoma yitatu yapwanga hamutwe wami.
17Mumutonga wahelu mwapwanga kulya caFwalo cakwoca ceka naceka. Tujila vacilyanga mumutonga kana wapwanga hamutwe wami.
18Yosefwe amukumbulwile ngwenyi, Mucalumbunukila ngana. Mitonga yitatu yinapu makumbi atatu.
19Ximbu kanda muhite makumbi atatu Fwalo mwazundula mutwe wove nakukufumisawo, nakukusukika kucitondo, kaha tujila navalya nyama yove.
20Kaha casolokele halikumbi lyamucitatu, likiko likumbi lyakwanuka kusemuka caFwalo, avatelekelele vangamba jenyi vosena ciwanyino cakulya. Azundwile mutwe wamukulwane wavaka-kuhana lupasa namutwe wamukulwane wavaka-kwoca jimbolo muli vangamba jenyi.
21Mukulwane wavaka-kuhana lupasa amuhanyine ceka milimo yenyi yakuhana lupasa, kaha ahanyinenga lupasa mulivoko lyaFwalo.
22Oloze mukulwane wavaka-kwoca jimbolo amusukikile, nge omu avalumbunwinyine Yosefwe.
23Cipwe ngoco, mukulwane wavaka-kuhana lupasa kamwanukile Yosefweko, Oloze amuvulyamine.
Currently Selected:
KUPUTUKA 40: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 40
40
Yosefwe mwalumbununa vilota vyavafunge
1Kaha casolokele hakukumisa vyumevi, muka-kuhana lupasa kuli mwangana waEjipitu namuka-kumwocela jimbolo vavulumwine milonga kuli mwata wavo mwangana waEjipitu.
2Fwalo avasangumukilile vaze vangamba jenyi vavakulwane vavali, ou mukulwane wavaka-kuhana lupasa, nayou mukulwane wavakakwoca jimbolo.
3Kaha avasokelele mwakuvalamina muzuvo yacitapanga wamukulwane, mukamenga muze vakaxilile Yosefwe.
4Citapanga wamukulwane amulwezele Yosefwe kuvatala, kaha ikiye avazacilile milimo. Vaximbwile makumbi amwe mwakuvalamina.
5Kaha vosena vavali valotele, mutu himutu nakulota cenyi naufuku woumwe, mutu himutu nge mwalumbunukila kulota cenyi, namuka-kuhana lupasa kuli mwangana waEjipitu namuka-kumwocela jimbolo, vaze vapwile vakukasa mukamenga.
6Hacimene Yosefwe engilile muli vakivo, avamwene, kaha tala, vapwile nakunyengetela.
7Avehwile vaze vangamba jaFwalo vavakulwane vapwile nenyi mwakuvalamina muzuvo yakaka yenyi ngwenyi, Muli nakunyengetela ngoco lelo ika?
8Vamwambile ngwavo, Tunaloto, kaha kakwexi mutu mwahasa kucilumbununako. Yosefwe avambile ngwenyi, Kulumbununa mangana cinapu caKalunga nyi? Aci ngulwezenuco.
9Kaha mukulwane wavaka-kuhana lupasa amulwezele Yosefwe kulota cenyi. Amwambile ngwenyi, Ami hakulota, tala, muvinyo wapwanga kumeso ami.
10Kumuvinyo kana kwapwanga mitango yitatu. Kaha nge wafukulanga, nakusakumwina jitemo, kaha misusu yawo yemanga mihako yavinyo yakwihya.
11Lupasa lwaFwalo twapwanga mulivoko lyami. Kaha ngwakwatanga mihako yavinyo nakuyikamwina mulupasa lwaFwalo, nakuhana lupasa mulivoko lyaFwalo.
12Yosefwe amwambile ngwenyi, Mucalumbunukila ngana. Oyo mitango yitatu yinapu makumbi atatu.
13Ximbu kanda muhite makumbi atatu Fwalo mwazundula mutwe wove nakukuhana ceka milimo yove. Kaha nauhananga lupasa lwaFwalo mulivoko lyenyi nge muze walingilenga hakavanga omu wapwilenga umuka-lupasa lwenyi.
14Oloze kangwanukenga omu naukamona kuwaha, ukangusolwele likoji mwane, ukanguvuluke kuli Fwalo, ukangulovole muzuvo yino.
15Mwomwo Camwenemwene vangwivile mulifuci lyavaHepeleu. Kaha cipwe kuno nawa kangwalingile cumako numba vangusokelele mukamenga.
16Omu amwene mukulwane wavaka-kwoca jimbolo ngwenyi, nalumbununa kanawa, ambile kuli Yosefwe ngwenyi, Nayami nawa ngwalotanga. Kaha tala, mitonga yajimbolo jitoma yitatu yapwanga hamutwe wami.
17Mumutonga wahelu mwapwanga kulya caFwalo cakwoca ceka naceka. Tujila vacilyanga mumutonga kana wapwanga hamutwe wami.
18Yosefwe amukumbulwile ngwenyi, Mucalumbunukila ngana. Mitonga yitatu yinapu makumbi atatu.
19Ximbu kanda muhite makumbi atatu Fwalo mwazundula mutwe wove nakukufumisawo, nakukusukika kucitondo, kaha tujila navalya nyama yove.
20Kaha casolokele halikumbi lyamucitatu, likiko likumbi lyakwanuka kusemuka caFwalo, avatelekelele vangamba jenyi vosena ciwanyino cakulya. Azundwile mutwe wamukulwane wavaka-kuhana lupasa namutwe wamukulwane wavaka-kwoca jimbolo muli vangamba jenyi.
21Mukulwane wavaka-kuhana lupasa amuhanyine ceka milimo yenyi yakuhana lupasa, kaha ahanyinenga lupasa mulivoko lyaFwalo.
22Oloze mukulwane wavaka-kwoca jimbolo amusukikile, nge omu avalumbunwinyine Yosefwe.
23Cipwe ngoco, mukulwane wavaka-kuhana lupasa kamwanukile Yosefweko, Oloze amuvulyamine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.