YOWANO 18
18
Navamusolola Yesu, navamukasa
(Mateu 26.47-56; Mako 14.43-50; Luka 22.47-53)
1Omu akumixile Yesu kuhanjika mazu awa, #Mateu 26.30, 36; Mako 14.26, 32; Luka 22.39.alovokele natumbaji twenyi ayile musali yakakalwiji #Samwe. 2, 15.23.Ketelone, kuze kwapwile milemba. Kahengililemo, Ivene natumbaji twenyi.
2NaYuta nawa, uze amusolwele kuli vaka-kole, atacikijile kumilemba yize, mwomwo Yesu #Luka 21.37; 22.39.ayilengako kakavulu natumbaji twenyi, xikaho.
3Ngoco Yuta, omu alingile hanatambula lyehi mukana wamaswalale natupitau vamwe vakuli vapilixitu vavalemu navaFwaliseu, ahetele kuze namanongo namimunyi navitwa.
4Jino Yesu #6.64; 13.1, 11.atacikijile vyuma vyosena vize nayimuwana, alovokele, avehwile ngwenyi, Munasakeya?
5Vamukumbulwile ngwavo, Yesu wakuNazaleta. Yesu avambile ngwenyi, Yami uno. Kaha naYuta nawa, uze amusolwele kuli vakivo, emanyine navo.
6Jino omu avambile ngwenyi, Yami uno, vahilukile futanyima, valimbukilile hamavu.
7Kaha avehwile ceka nawa ngwenyi, Munasakeya? Vakivo vamwambile ngwavo, Yesu wakuNazaleta.
8Yesu avakumbulwile ngwenyi, Ngunamilweze lyehi ngwami, Yami uno. Xikaho nge munangusake Ami, vecenu ava vayenga kwavo,
9mangana lizu lilumbunuke, #17.12; 6.39.lize ahanjikile ngwenyi, Muli ava unanguhane kangwajimbalixilemo naumweko.
10Ngoco Ximona Petulu, apwile napoko yamukwale, ayisolomwene, avetele ndungo yakapilixitu wakulitulaho, amuvatwile litwitwi lyenyi lyacilyo. Lijina lyayauze ndungo apwile ikiye Malaku.
11Kaha Yesu amwambile Petulu ngwenyi, Someka ceka poko yove mucindalo cayo. #Mateu 20.22.Lupasa kana nanguhane Tata ngukane kulunwa numba?
Navamutwala Yesu kumeso akapilixitu wakulitulaho
(Mateu 26.57-58; Mako 14.53-54; Luka 22.54)
12Kaha uze mukana wamaswalale nakapitau wamukulwane navaze tupitau twavaYuleya vamukwacile Yesu, vamukaxile.
13Hakavanga vamutwalile kuli #Luka 3.2.Anase, mwomwo ikiye apwile isewenu lyaKayafwase, uze apwile kapilixitu wakulitulaho hamwaka uze.
14Uze Kayafwase ikiye vene uze avalwezele lyehi vaYuleya ngwenyi, #11.49-51.Catela mutu umwe kuvafwila vatu.
Petulu hakutwama mucipango cakapilixitu wakulitulaho
(Mateu 26.69-70; Mako 14.66-68; Luka 22.55-57)
15 #
Mateu 26.58; Mako 14.54; Luka 22.54. Ximona Petulu amukavile Yesu, nakambaji mukwavo nawa. Uze kambaji vamutacikijile kuli kapilixitu wakulitulaho, kahengilile naYesu hamwe mucipango cakapilixitu wakulitulaho.
16Oloze Petulu emanyine kuweluka wacikolo. Kaha uze kambaji mukwavo, uze vatacikijile kuli kapilixitu wakulitulaho, alovokele, ahanjikile kuli pwevo muka-kulama kucikolo, amwingixilemo Petulu.
17Uze mwanapwevo muka-kulama kucikolo himwamwamba Petulu ngwenyi, Nayove nawa ukambaji kayou mutu nyi? Ikiye amukumbulwile ngwenyi, Kexi yamiko.
18Kaha jino, vandungo natupitau vemanyine kuze, omu valingile hivanawiki lyehi kakahya kamakala, mwomwo kwapwile cixika, xikaho. Kaha vapwile nakwotela. NaPetulu nawa emanyine navo nakwotela.
Kapilixitu wakulitulaho mwamwihula Yesu
(Mateu 26.59-66; Mako 14.55-64; Luka 22.66-71)
19Jino kapilixitu wakulitulaho amwihwile Yesu tumbaji twenyi nakunangula cenyi.
20Yesu amukumbulwile ngwenyi, Ami ngunahanjikanga musana weye kuli vaka-mavu, Ami ngwanangwilenga makumbi osena #18.20:Tala 6.59.mujisunangonga namutembele, omwo veji kuliwanyinanga vaYuleya vosena. Kangwahanjikilile cuma cimwe kupengeko.
21Naungwihwila ika? Ihulava vangwivwilile mazu ngwahanjikile navo. Tala, ava vanatacikiza vyuma ngwahanjikile Ami.
22Ikiye hakuhanjika ngoco, kapitau umwe emanyine kwakamwihi #19.3.amuvetele Yesu mbanda, amwambile ngwenyi, Umukumbulule ngoco kapilixitu wakulitulaho?
23 #
Mateu 5.39; Vili. 23.2-5. Yesu amukumbulwile ngwenyi, Kaci nge ngunahanjika mwamupi, ambulula unjiho wakuvuluka cuma ngunapihisa, oloze kaci nge mwamwaza, kaha unanguvetela ika?
24Jino Anase amutumine kuli kapilixitu wakulitulaho Kayafwase hanga vanamukaxila.
Petulu mwamuhamikila Yesu
(Mateu 26.71-75; Mako 14.69-72; Luka 22.58-62)
25Jino Ximona Petulu apwile nakwimana nakwotela kakahya. Vamwihwile ngwavo, Nayove nawa ukambaji kenyi nyi? Ikiye alihamikile ngwenyi, Kexi yamiko.
26Umwe ukweci vakwavo vandungo jakapilixitu wakulitulaho, apwile kausoko wayauze #v. 10.avatwile Petulu litwitwi, himwamwamba ngwenyi, Ami kangwakumwene ove nenyi hamwe kuze kumilembako numba?
27Ngoco Petulu alihamikile ceka, kaha linwomu vene #13.38.ndemba himwahanjika nawelewewe.
Yesu mwemana kumeso aPilatu
(Mateu 27.1-2, 11-14; Mako 15.1-5; Luka 23.1-5)
28 #
Mateu 27.1-2; Mako 15.1; Luka 23.1. Vamufumixile Yesu kuli Kayafwase, vamutwalile #18.28:Muzuvo yanguvulu.muPeletolyume. Nakukiko hicimenemene. Vavene kavengilile muzuvo yanguvuluko, #11.55.kucina navalijilula, mangana ngwavo, vakahase kulya paseka.
29Xikaho Pilatu alovokele kuweluka kuli vakivo, avehwile ngwenyi, Ou mutu kana munamuhane mulonga waka?
30Vamukumbulwile ngwavo, Kaci mutu ou kapwile muka-kupihisako, kaci katwamunehele kuli oveko.
31Xikaho Pilatu avambile ngwenyi, Mutambulenu enu vavene mumusopese nge mwaya Jiximbi jenu. VaYuleya vamwambile ngwavo, Kuli etu kujiha mutu cijila.
32Mangana #3.14; 8.28; 12.32; Mateu 20.19; 26.2; Mako 10.33-34; Luka 18.32-33.lizu lyaYesu lilumbunuke, lize ahanjikile hakuvuluka mwaya kufwa kana mweza kufwa.
33Xikaho Pilatu engilile ceka muPeletolyume, amusanyikile Yesu, amwihwile ngwenyi, Ove yove mwangana wavaYuleya tahi?
34Yesu amukumbulwile ngwenyi, Ove lyavene unehulamo tahi? nyi veka vanakulwezemo nakunguvuluka?
35Pilatu amukumbulwile ngwenyi, Ami ngukaYuleya numba? Vakamuyaci wove navapilixitu vavalemu vanakunehe kuli ami. Unalingi ika?
36Yesu amukumbulwile ngwenyi, #6.15; Mateu 26.53.Wangana wami kawexi wakuli vakamavuko. Wangana wami wapwanga wakuli vaka-mavu, kaci vangamba jami vanalu kucina kungwecela kuli vaYuleya. Oloze makumbi ano wangana wami kawexi wakwokwoko.
37Jino Pilatu amwihwile ngwenyi, Kumana, ove umwangana? Yesu amukumbulwile ngwenyi, Mwomwo vene unambe, ngumwangana. Cikiko vene cingwasemukilile Ami, cikiko nawa cingwejililile hano hamavu, #3.32; 8.14.mangana mucano nguulumbunune naunjiho wami. #8.47; Yowa. 1, 4.6.Wose napu mukamucano mwevwa lizu lyami.
Ngwavo, Yesu afwenga
(Mateu 27.15-31; Mako 15.6-20; Luka 23.13-25)
38Pilatu himwamwihula ngwenyi, Mucano cuma muka? Hakutulisa kuhanjika ngoco, alovokele ceka kuli vaYuleya, avambile ngwenyi, Ami kangwamwene mulonga kuli ikiyeko.
39Oloze nganomu mweji kulinganga, mangana ngumyecele funge umwe hapaseka, jino namusaka ngwenu, ngumyecele mwangana wavaYuleya tahi?
40Kaha vosena vatambakanyine ceka ngwavo, #Vili. 3.14.Kandouko, kuvanga Mbalapa. Oloze Mbalapa apwile lingwangwa.
Currently Selected:
YOWANO 18: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
