Йсхо́дъ 6
6
ГЛАВА̀ ѕ҃.
1 И҆ речѐ #И҆схо́д. а҃і: а҃; в҃і: л҃г; г҃і: г҃.гдⷭ҇ь къ мѡѷсе́ю: сѐ, оу҆́зриши, что̀ сотворю̀ фараѡ́нꙋ: рꙋко́ю бо крѣ́пкою ѿпꙋ́ститъ и҆̀хъ и҆ мы́шцею высо́кою и҆зжене́тъ и҆̀хъ ѿ землѝ своеѧ̀. 2 Гл҃а же бг҃ъ къ мѡѷсе́ю и҆ речѐ є҆мꙋ̀: #И҆схо́д. є҃і: г҃.а҆́зъ гдⷭ҇ь, 3 и҆ ꙗ҆ви́хсѧ #Быт. з҃і: а҃.а҆враа́мꙋ, #Быт. к҃ѕ: к҃д.и҆ і҆саа́кꙋ, #Быт. к҃и: г҃і.и҆ і҆а́кѡвꙋ, бг҃ъ сы́й и҆́хъ, и҆ и҆́мене моегѡ̀ гдⷭ҇ь не ꙗ҆ви́хъ и҆̀мъ: 4 и҆ поста́вихъ завѣ́тъ мо́й съ ни́ми, ꙗ҆́кѡ да́ти и҆̀мъ зе́млю ханаа́нскꙋ, зе́млю прише́лствїѧ и҆́хъ, на не́йже и҆ ѡ҆бита́хꙋ: 5 #И҆схо́д. в҃: к҃г.а҆́зъ же оу҆слы́шахъ стена́нїе сынѡ́въ і҆н҃левыхъ, и҆̀мже є҆гѵ́птѧне порабо́тиша и҆̀хъ, #Леѵі́т. к҃г: м҃в.и҆ помѧнꙋ́хъ завѣ́тъ мо́й: 6 и҆дѝ, рцы̀ сынѡ́мъ і҆н҃лєвымъ глаго́лѧ: а҆́зъ гдⷭ҇ь, и҆ и҆зведꙋ̀ ва́съ ѿ наси́лїѧ є҆гѵ́петска, и҆ и҆зба́влю ва́съ ѿ рабо́ты (и҆́хъ), и҆ ѿимꙋ̀ ва́съ мы́шцею высо́кою и҆ сꙋдо́мъ вели́кимъ, 7 #Быт. з҃і: з҃.и҆ прїимꙋ̀ вы̀ себѣ̀ въ лю́ди, и҆ бꙋ́дꙋ ва́мъ бг҃ъ: и҆ оу҆разꙋмѣ́ете, ꙗ҆́кѡ а҆́зъ гдⷭ҇ь бг҃ъ ва́шъ, и҆зведы́й ва́съ ѿ землѝ є҆гѵ́петскїѧ и҆ ѿ наси́лїѧ є҆гѵ́петска: 8 и҆ введꙋ̀ ва́съ въ зе́млю, #І҆езек. м҃з: д҃і.на ню́же простро́хъ рꙋ́кꙋ мою̀, да́ти ю҆̀ а҆враа́мꙋ и҆ і҆саа́кꙋ и҆ і҆а́кѡвꙋ: и҆ да́мъ ю҆̀ ва́мъ въ наслѣ́дїе, а҆́зъ гдⷭ҇ь. 9 Глаго́ла же мѡѷсе́й та́кѡ сынѡ́мъ і҆н҃лєвымъ, и҆ не послꙋ́шаша мѡѷсе́а ѿ малодꙋ́шїѧ и҆ ѿ дѣ́лъ жесто́кихъ. 10 Рече́ же гдⷭ҇ь къ мѡѷсе́ю, гл҃ѧ: 11 вни́ди, глаго́ли фараѡ́нꙋ царю̀ є҆гѵ́петскомꙋ, да ѿпꙋ́ститъ сы́ны і҆н҃лєвы и҆з̾ землѝ своеѧ̀. 12 Рече́ же мѡѷсе́й пред̾ гдⷭ҇емъ глаго́лѧ: сѐ, сы́нове і҆н҃лєвы не послꙋ́шаша менѐ, и҆ ка́кѡ послꙋ́шаетъ менѐ фараѡ́нъ; #И҆схо́д. д҃: і҃; И҆са́їа. ѕ҃: є҃.а҆́зъ же неслове́сенъ є҆́смь. 13 Рече́ же гдⷭ҇ь къ мѡѷсе́ю и҆ а҆арѡ́нꙋ и҆ завѣща̀ и҆̀мъ вни́ти къ фараѡ́нꙋ царю̀ є҆гѵ́петскомꙋ, да ѿпꙋ́ститъ сы́ны і҆н҃лєвы ѿ землѝ є҆гѵ́петскїѧ. 14 И҆ сі́и старѣ́йшины домѡ́въ ѻ҆те́чествъ и҆́хъ: #Быт. м҃ѕ: ѳ҃; Чи́сл. к҃ѕ: є҃; а҃ Паралїпом. є҃: а҃, г҃.сы́нове рꙋви́ма, пе́рвенца і҆н҃лева, є҆нѡ́хъ и҆ фалло́съ, а҆срѡ́нъ и҆ хармі̀: сїѐ пле́мѧ рꙋви́мово. 15 #а҃ Паралїпом. д҃: к҃д.Сы́нове же сѷмеѡ́нѡвы: і҆емꙋи́лъ и҆ і҆амі́нъ, и҆ а҆ѡ́дъ и҆ а҆хі́нъ, и҆ саа́ръ и҆ саꙋ́лъ, и҆̀же ѿ фїнїсси́ны: сїѧ̑ рождє́нїѧ сынѡ́въ сѷмеѡ́новыхъ. 16 #а҃ Паралїпом. ѕ҃: а҃; к҃г: ѕ҃; Чи́сл. г҃: з҃і; к҃ѕ: н҃з.И҆ сїѧ̑ и҆мена̀ сынѡ́въ леѵі́иныхъ по сродствѡ́мъ и҆́хъ: гирсѡ́нъ, каа́ѳъ и҆ мера́рї: лѣ́тъ же житїѧ̀ леѵі́ина сто̀ три́десѧть се́дмь. 17 #Чи́сл. г҃: и҃і; а҃ Паралїпом. ѕ҃: з҃і; к҃г: з҃.Сі́и же сы́нове гирсѡ̑ни: ловені̀ и҆ семе́й: до́мове рожде́нїѧ и҆́хъ. 18 #Чи́сл. г҃: ѳ҃і.Сы́нове же каа́ѳѡвы: а҆мвра́мъ и҆ і҆ссаа́ръ, хеврѡ́нъ и҆ ѻ҆зїи́лъ: лѣ́тъ же житїѧ̀ каа́ѳова сто̀ три́десѧть трѝ. 19 #Чи́сл. к҃ѕ: н҃з.Сы́нове же мера̑рїны: моолі̀ и҆ ѻ҆мꙋсі̀: сі́и до́мове рожде́нїѧ леѵі́ина по сродствѡ́мъ и҆́хъ. 20 #И҆схо́д. в҃: а҃, в҃; Чи́сл. к҃ѕ: н҃ѳ; а҃ Паралїпом. ѕ҃: г҃; к҃г: г҃і; Дѣѧ̑н. з҃: к҃; Е҆вр. а҃і: к҃г.И҆ поѧ̀ а҆мвра́мъ і҆ѡхаве́дꙋ, дще́рь бра́та ѻ҆тца̀ своегѡ̀, себѣ̀ въ женꙋ̀, и҆ родѝ є҆мꙋ̀ а҆арѡ́на и҆ мѡѷсе́а и҆ марїа́мь сестрꙋ̀ и҆́хъ: лѣ́тъ же житїѧ̀ а҆мвра́мова сто̀ три́десѧть се́дмь. 21 #Чи́сл. ѕ҃і: а҃.Сы́нове же і҆ссаа́рѡвы: корѐ и҆ нафе́къ и҆ зе́хрї. 22 #Леѵі́т. і҃: д҃.Сы́нове же ѻ҆зїи́лѡвы: мїсаи́лъ и҆ є҆лїсафа́нъ и҆ сегрі̀. 23 Поѧ́ же а҆арѡ́нъ є҆лїсаве́тꙋ, дще́рь а҆мїнада́вовꙋ, сестрꙋ̀ наассѡ́новꙋ, себѣ̀ въ женꙋ̀, #Чи́сл. г҃: в҃.и҆ родѝ є҆мꙋ̀ нада́ва и҆ а҆вїꙋ́да, и҆ є҆леаза́ра и҆ і҆ѳама́ра. 24 #а҃ Паралїпом. ѕ҃: к҃в.Сы́нове же коре́ѡвы: а҆си́ръ и҆ є҆лкана̀ и҆ а҆вїаса́ръ: сїѧ̑ рождє́нїѧ коре́ѡва. 25 #Чи́сл. к҃є: з҃; а҃ Паралїпом. ѕ҃: д҃.И҆ є҆леаза́ръ, сы́нъ а҆арѡ́новъ, поѧ̀ ѿ дще́рей фꙋтїи́ловыхъ себѣ̀ въ женꙋ̀, и҆ родѝ є҆мꙋ̀ фїнее́са: сїѧ̑ старѣ́йшинства ѻ҆те́чества леѵі́тска по сродствѡ́мъ и҆́хъ. 26 #Дѣѧ̑н. з҃: л҃з.Се́й а҆арѡ́нъ и҆ мѡѷсе́й, и҆̀мже речѐ бг҃ъ и҆звестѝ сы́ны і҆н҃лєвы и҆з̾ землѝ є҆гѵ́петскїѧ съ си́лою и҆́хъ. 27 Сі́и сꙋ́ть, и҆̀же глаго́ласта къ фараѡ́нꙋ царю̀ є҆гѵ́петскомꙋ, є҆́же и҆звестѝ сы́ны і҆н҃лєвы ѿ землѝ є҆гѵ́петскїѧ: се́й а҆арѡ́нъ и҆ мѡѷсе́й, 28 въ ѻ҆́ньже де́нь гл҃а гдⷭ҇ь къ мѡѷсе́ю въ землѝ є҆гѵ́петстѣй. 29 И҆ речѐ гдⷭ҇ь къ мѡѷсе́ю гл҃ѧ: а҆́зъ гдⷭ҇ь: глаго́ли къ фараѡ́нꙋ царю̀ є҆гѵ́петскомꙋ, є҆ли̑ка а҆́зъ гл҃ю къ тебѣ̀. 30 И҆ речѐ мѡѷсе́й пред̾ гдⷭ҇емъ: #И҆схо́д. д҃: і҃; ѕ҃: в҃і.сѐ, а҆́зъ хꙋдогла́сенъ є҆́смь, и҆ ка́кѡ послꙋ́шаетъ менѐ фараѡ́нъ;
Currently Selected:
Йсхо́дъ 6: CS1751C
Highlight
Share
Compare
Copy
Want to have your highlights saved across all your devices? Sign up or sign in
historic text maintained by the United Bible Societies
