Ѿ лꙋкѝ ст҃о́е бл҃говѣствова́нїе. 21

ГЛАВА̀ к҃а.

1 Воззрѣ́въ же #Ма́рк. в҃і: м҃а.ви́дѣ вмета́ющыѧ въ хра́мъ набдѧ́щїй и҆мѣ́нїѧ#21: 1 въ сокро́вищное храни́лище дары̀ своѧ̑ бога̑тыѧ. 2 Ви́дѣ же и҆ нѣ́кꙋю вдови́цꙋ оу҆бо́гꙋ вмета́ющꙋ тꙋ̀ двѣ̀ лє́птѣ, 3 и҆ речѐ: #в҃ Корі́нѳ. и҃: в҃і.вои́стиннꙋ глаго́лю ва́мъ, ꙗ҆́кѡ вдови́ца сїѧ̀ оу҆бо́гаѧ мно́жае всѣ́хъ вве́рже: 4 вси́ бо сі́и ѿ и҆збы́тка своегѡ̀ вверго́ша въ да́ры бг҃ови: сїѧ́ же ѿ лише́нїѧ своегѡ̀ всѐ житїѐ, є҆́же и҆мѣ̀, вве́рже.

(Заⷱ҇ р҃д.)

5 #Матѳ. к҃д: а҃; Ма́рк. г҃і: а҃.И҆ нѣ́кимъ глаго́лющымъ ѡ҆ це́ркви, ꙗ҆́кѡ ка́менїемъ до́брымъ и҆ сосꙋ̑ды оу҆кра́шена, речѐ: 6 сїѧ̑ ꙗ҆̀же ви́дите, #Лꙋк. ѳ҃і: м҃д; г҃ Ца́рств. ѳ҃: з҃.прїи́дꙋтъ дні́е, въ нѧ́же не ѡ҆ста́нетъ ка́мень на ка́мени, и҆́же не разори́тсѧ. 7 Вопроси́ша же є҆го̀, глаго́люще: оу҆чи́телю, когда̀ оу҆̀бо сїѧ̑ бꙋ́дꙋтъ; и҆ что̀ є҆́сть зна́менїе, є҆гда̀ хотѧ́тъ сїѧ̑ бы́ти;

(Заⷱ҇ р҃є.)

8 Ѻ҆́нъ же речѐ: #Матѳ. к҃д: д҃; Ма́рк. г҃і: є҃; а҃ І҆ѡа́н. д҃: а҃; Е҆фес. є҃: ѕ҃; в҃ Солꙋ́н. в҃: г҃.блюди́те, да не прельще́ни бꙋ́дете: мно́зи бо прїи́дꙋтъ во и҆́мѧ моѐ, глаго́люще, ꙗ҆́кѡ а҆́зъ є҆́смь: и҆ вре́мѧ прибли́жисѧ. Не и҆зы́дите оу҆̀бо вослѣ́дъ и҆́хъ. 9 Е҆гда́ же оу҆слы́шите бра̑ни и҆ нестроє́нїѧ, не оу҆бо́йтесѧ: подоба́етъ бо си̑мъ бы́ти пре́жде: но не оу҆̀ а҆́бїе кончи́на. 10 Тогда̀ глаго́лаше и҆̀мъ: #И҆са́їа. ѳ҃і: в҃.воста́нетъ бо ꙗ҆зы́къ на ꙗ҆зы́къ, и҆ ца́рство на ца́рство: 11 трꙋ́си же вели́цы по мѣ́стѡмъ, и҆ гла́ди и҆ па̑гꙋбы бꙋ́дꙋтъ, страхова̑нїѧ же и҆ зна́мєнїѧ вє́лїѧ съ небесѐ бꙋ́дꙋтъ.

(Заⷱ҇ р҃ѕ.)

12 #Матѳ. і҃: з҃і; к҃д: ѳ҃; Ма́рк. г҃і: ѳ҃; І҆ѡа́н. є҃і: к҃.Пре́жде же си́хъ всѣ́хъ возложа́тъ на вы̀ рꙋ́ки своѧ̑, и҆ и҆жденꙋ́тъ, предаю́ще на сѡ́нмища и҆ темни̑цы, ведѡ́мы къ царє́мъ и҆ влады́камъ, и҆́мене моегѡ̀ ра́ди: 13 прилꙋчи́тсѧ же ва́мъ во свидѣ́телство. 14 #Лꙋк. в҃і: а҃і.Положи́те оу҆̀бо на сердца́хъ ва́шихъ, не пре́жде поꙋча́тисѧ ѿвѣщава́ти: 15 #Дѣѧ̑н. ѕ҃: і҃; И҆схо́д. д҃і: в҃і.а҆́зъ бо да́мъ ва́мъ оу҆ста̀ и҆ премꙋ́дрость, є҆́йже не возмо́гꙋтъ проти́витисѧ и҆лѝ ѿвѣща́ти всѝ противлѧ́ющїисѧ ва́мъ. 16 #Мїх. з҃: ѕ҃.Пре́дани же бꙋ́дете и҆ роди́тєли и҆ бра́тїею и҆ ро́домъ и҆ дрꙋ̑ги, и҆ оу҆мертвѧ́тъ ѿ ва́съ: 17 и҆ бꙋ́дете ненави́дими ѿ всѣ́хъ и҆́мене моегѡ̀ ра́ди. 18 И҆ вла́съ главы̀ ва́шеѧ не поги́бнетъ. 19 #Матѳ. і҃: к҃в.Въ терпѣ́нїи ва́шемъ стѧжи́те дꙋ́шы ва́шѧ. 20 #Матѳ. к҃д: є҃і; Ма́рк. г҃і: д҃і; Дан. ѳ҃: к҃з.Е҆гда́ же оу҆́зрите ѡ҆бстои́мь і҆ерⷭ҇ли́мъ вѡ́и, тогда̀ разꙋмѣ́йте, ꙗ҆́кѡ прибли́жисѧ запꙋстѣ́нїе є҆мꙋ̀. 21 Тогда̀ сꙋ́щїи во і҆ꙋде́и да бѣ́гаютъ въ го́ры: и҆ и҆̀же посредѣ̀ є҆гѡ̀, да и҆схо́дѧтъ: и҆ и҆̀же во страна́хъ, да не вхо́дѧтъ во́нь: 22 #Заха́р. д҃і: а҃.ꙗ҆́кѡ дні́е ѿмще́нїю сі́и сꙋ́ть, ꙗ҆́кѡ и҆спо́лнитисѧ всемꙋ̀ пи́санномꙋ. 23 Го́ре же и҆мꙋ́щымъ во оу҆тро́бѣ и҆ доѧ́щымъ въ ты̑ѧ дни̑: бꙋ́детъ бо бѣда̀ ве́лїѧ на землѝ, и҆ гнѣ́въ на лю́дехъ си́хъ, 24 и҆ падꙋ́тъ во ѻ҆́стрїи меча̀, и҆ плѣне́ни бꙋ́дꙋтъ во всѧ̑ ꙗ҆зы́ки: и҆ і҆ерⷭ҇ли́мъ бꙋ́детъ попира́емь ꙗ҆зы̑ки, до́ндеже сконча́ютсѧ времена̀ ꙗ҆зы̑къ. 25 #Матѳ. к҃д: к҃ѳ; Ма́рк. г҃і: к҃д; И҆са́їа. г҃і: і҃; І҆езек. л҃в: з҃; І҆ѡи́л. в҃: л҃а; г҃: є҃і; А҆мѡ́с. є҃: к҃; и҃: ѳ҃; Софо́н. а҃: є҃і.И҆ бꙋ́дꙋтъ зна́мєнїѧ въ со́лнцѣ и҆ лꙋнѣ̀ и҆ ѕвѣзда́хъ: и҆ на землѝ тꙋга̀ ꙗ҆зы́кѡмъ ѿ неча́ѧнїѧ, шꙋ́ма морска́гѡ и҆ возмꙋще́нїѧ, 26 и҆здыха́ющымъ человѣ́кѡмъ ѿ стра́ха и҆ ча́ѧнїѧ грѧдꙋ́щихъ на вселе́ннꙋю: си̑лы бо небє́сныѧ подви́гнꙋтсѧ. 27 #Ма́рк. г҃і: к҃ѕ; Дан. з҃: і҃.И҆ тогда̀ оу҆́зрѧтъ сн҃а чл҃вѣ́ческа грѧдꙋ́ща на ѡ҆́блацѣхъ съ си́лою и҆ сла́вою мно́гою.

(Заⷱ҇ р҃з.)

28 Начина́ющымъ же си̑мъ быва́ти, восклони́тесѧ и҆ воздви́гните главы̑ ва́шѧ: занѐ #Ри́млѧн. и҃: к҃г.приближа́етсѧ и҆збавле́нїе ва́ше. 29 И҆ речѐ при́тчꙋ и҆̀мъ: ви́дите смоко́вницꙋ и҆ всѧ̑ древа̀: 30 є҆гда̀ прошиба́ютсѧ оу҆жѐ, ви́дѧще са́ми вѣ́сте, ꙗ҆́кѡ бли́з̾ жа́тва є҆́сть. 31 Та́кѡ и҆ вы̀, є҆гда̀ оу҆́зрите сїѧ̑ быва̑юща, вѣ́дите, ꙗ҆́кѡ бли́з̾ є҆́сть црⷭ҇твїе бж҃їе. 32 А҆ми́нь глаго́лю ва́мъ, ꙗ҆́кѡ не и҆́мать прейтѝ ро́дъ се́й, до́ндеже всѧ̑ сїѧ̑ бꙋ́дꙋтъ. 33 #Матѳ. к҃д: л҃є; Ѱал. р҃а: к҃з; И҆са́їа. н҃а: ѕ҃.Не́бо и҆ землѧ̀ мимои́детъ, а҆ словеса̀ моѧ̑ не и҆́мꙋтъ прейтѝ. 34 #Ри́млѧн. г҃і: г҃і; а҃ Петр. д҃: з҃; а҃ Солꙋ́н. є҃: ѕ҃.Внемли́те же себѣ̀, да не когда̀ ѡ҆тѧгча́ютъ сердца̀ ва̑ша ѡ҆б̾ѧде́нїемъ и҆ пїѧ́нствомъ и҆ печа́льми жите́йскими, и҆ на́йдетъ на вы̀ внеза́пꙋ де́нь то́й: 35 #И҆са́їа. к҃д: з҃і.ꙗ҆́кѡ сѣ́ть бо прїи́детъ на всѧ̑ живꙋ́щыѧ на лицы̀ всеѧ̀ землѝ. 36 #Матѳ. к҃д: м҃в; к҃є: г҃і; Ма́рк. г҃і: л҃г.Бди́те оу҆̀бо на всѧ́ко вре́мѧ молѧ́щесѧ, да сподо́битесѧ оу҆бѣжа́ти всѣ́хъ си́хъ хотѧ́щихъ бы́ти, и҆ ста́ти пред̾ сн҃омъ чл҃вѣ́ческимъ.

(Заⷱ҇ р҃и.)

37 #І҆ѡа́н. и҃: в҃.Бѣ́ же во дни̑ во це́ркви оу҆чѧ̀: но́щїю же и҆сходѧ̀ водворѧ́шесѧ въ горѣ̀ нарица́емѣй є҆леѡ́нъ. 38 И҆ всѝ лю́дїе и҆з̾ оу҆́тра прихожда́хꙋ къ немꙋ̀ во це́рковь послꙋ́шати є҆го̀.

Currently Selected:

Ѿ лꙋкѝ ст҃о́е бл҃говѣствова́нїе. 21: CS1751C

Highlight

Copy