Lucas 5

Atska pescädukunata Pedro achkunqan

Mateo 4.18-22; Marcos 1.16-20

1Juk kutinam Genesaret qocha#5.1 Genesaret qochaqa Galilea qochapa jukaq shutinmi karqan. kuchunchö Jesús yachatsikuykaptin Dios Yayapa willakuyninta wiyayta munar maytsikaq runakuna kichkinakurraq juntapuyarqan. 2Tsaychömi qocha kuchunmanpa ishkay büquikuna kaykaqta Jesús rikarqan. Pescädu achkuqkunanam büquinkunapita yarquskir pläyachö atarräyankunata mayllaykäyarqan. 3Tsaymi Simónpa#5.3 Simónpa jukaq shutinmi Pedro karqan. büquinman Jesús lätarkur rugarqan qocha kuchunpita mas ruriman yaykatsinanpaq. Yaykaskatsiptinnam büquiman jamaykur runakunata yachatsimurqan.

4Yachatsikuyta ushaskirnam Simónta nirqan: <<Kanan mas ruriman yaykur pescäduta achkuyänaykipaq atarräyaykikunata jitay>>.

5Simónnam nirqan: <<Taytay, warat pescarpis manam ni jukllayllatapis achkuyarqütsu. Peru qam nimaptikiqa mä atarräyäkunata jitashaq>>.

6Tsaynö jitaykurmi atarräyankunapis rachinqanyaq maytsika pescäduta achkuyarqan. 7Tsaynam jukaq büquichö pescädu achkuqkuna yanapayänanpaq sëñasllapa qayayarqan. Chärirmi ishkan büquikuna jundinanqanyaq pescädukunata wiñäyarqan. 8Tsayta rikaykurmi Simón Pedro Jesúspa puntanman qonqurikuykur nirqan: <<Taytay, noqalläpita witikullay. Jutsasapam kallä>>.

9Maytsika pescäduta achkuskirmi mantsakar tsaynö nirqan. Tsaynöllam paywan kaykaqkuna 10y Zebedeupa tsurinkuna Santiaguwan Juanpis mantsakäyarqan. Paykunam Simónpa pescädu achkuq majinkuna kayarqan. Jesúsnam Simónta nirqan: <<Ama mantsakaytsu. Noqam yachatsiyäshayki runakunata pescayänaykipaq>>.

11Tsaynö niptinnam büquinkunata qochapita jipiskamur llapan tsaychö dëjaskir Jesúswan aywayarqan.

Leprawan qeshyaykaq runata Jesús kutikätsinqan

Mateo 8.1-4; Marcos 1.40-45

12Juk markachö Jesús kaykaptinnam leprawan qeshyaykaq runa charqan. Jesústa rikaykurmi urkunpis patsaman töpanqanyaq qonqurikuykur nirqan: <<Taytay, voluntäniki kaptinqa kutikaykatsillämay>>.

13Tsaynö rugakuptinmi Jesús yataykur nirqan: <<Kutikashqa kanaykitam munä>>.

Tsaynö niptinmi jina höra kutikaskirqan. 14Tsaypitanam Jesús nirqan: <<Kutikätsinqaqta ama pitapis willankitsu. Masbien kutikanqaykita rikäshunaykipaq sacerdötiman ayway. Tsaypita Moisés qellqanqanchö ninqannölla purificäkunaykipaq ofrendaykita templuman apay. Tsaynöpam kutikanqaykita musyayanqa>>.#Lev. 14.1-32.

15<<Ama willakunkitsu>> nikaptinmi maytsaychö runakuna masraq musyaskiyarqan. Tsaymi maytsikaq runakuna qorikäyarqan yachatsikuyninta wiyayänanpaq y qeshyaqyashakunata kutikätsinanpaq.

16Jesúsqa imaypis tsunyakunapa aywarmi Dios Yayaman mañakuq.

Mana puriyta puëdiq runata Jesús kutikätsinqan

Mateo 9.1-8; Marcos 2.1-12

17Juk wajichö Jesús yachatsikuykaptinmi fariseukuna y ley yachatsikuqkuna tsaychö jamaykur wiyayarqan. Paykunam Galilea markakunapita, Judea provinciapita y Jerusalénpita shayämushqa kayarqan. Qeshyaqyashakunata kutikätsinanpaqmi Dios Yayapa poderninwan Jesús kaykarqan.

18Mana puriyta puëdiq runata tsakrankawan runakuna chaykatsirmi imaykanöpapis Jesúspa puntanman yaykatsiyta munayarqan. 19Maytsikaq runakuna kichki kayaptinmi punkupa yaykatsiyta puëdiyarqantsu. Tsaymi waji jananman lätarkatsir qatashqata kichaskir tsakrankantinta Jesúspa puntanman bäjatsiyarqan.

20Tsay runakuna payman creyikuyanqanta musyarmi qeshyaykaq runata Jesús nirqan: <<Llapan jutsaykipitam perdonashqana kanki>>.

21Tsaynam ley yachatsikuqkunawan fariseukuna yarpachakur niyarqan: <<¡Pitan kay runaqa Dios tukur llutanta parlananpaq! Dios Yayallam jutsa ruraqkunataqa perdonan>>.

22Tsaynö yarpäyanqanta musyarmi Jesús nirqan: <<¿Imanirtan tsaynö yarpäyanki? 23¿Mayqantan mas aja? ¿Runapa jutsankunata perdonayku? ¿O qeshyaykaqta kutikätsiyku? 24Runapa Tsurinmi kay patsachö runakunata perdonananpaq poderyuq kaykan. Tsaytam kanan musyayanki>>.

Tsaypitam mana puriyta puëdiq runata nirqan: <<¡Shäriy! Tsakrankaykita apakurkur wajikipa kutikuy>>.

25Tsaynö niykuptinmi llapan rikaraykäyaptin jina höra kutikashqana shäriskirqan. Tsaypitanam tsakrankanta apakurkur Dios Yayata alabarnin wajinpa kutikurqan. 26Tsayta rikaykurmi runakuna kushikurnin Dios Yayata alabayarqan. Alläpa mantsakarmi niyarqan: <<¡Pay ruranqantanöqa manam ni imaypis rikashkantsiktsu!>>

Leví discïpulun kananpaq Jesús qayanqan

Mateo 9.9-13; Marcos 2.13-17

27Tsaypita aywarmi Leví shutiyuq runa#5.27 Levípam jukaq shutin karqan Mateo. impuestuta cobrar jamaykaqta Jesús rikarqan. Paytam nirqan: <<Qatimay>>.

28Tsaynö niptinmi llapan imaykanta dëjaskir Jesúswan aywarqan.

29Tsaypitanam Jesúspaq Leví wajinchö banquëtita ruratsirqan. Tsaychömi impuestu cobraqkuna y wakin runakunapis Jesúswan mikuyarqan. 30Tsayta rikarmi fariseukuna y ley yachatsikuqkuna Jesúspa discïpulunkunata musyapar tapuyarqan: <<¿Imanirtan qamkuna impuestu cobraqkunawan y jutsasapa runakunawan mikuyanki y upyayanki?>>

31Jesúsnam nirqan: <<Sänu kaqkunaqa manam mëdicuta wanayantsu, sinöqa qeshyaykaqkunallam. 32Noqaqa manam jutsannaq runakunamantsu shamushkä, sinöqa jutsasapa runakunamanmi jutsankunata dëjayänanpaq>>.

Ayünupaq Jesústa tapuyanqan

Mateo 9.14-17; Marcos 2.18

33Tsaypitanam Jesústa tapuyarqan: <<Juanpa discïpulunkuna y fariseukunapa discïpulunkunaqa Dios Yayata mañakurmi imaypis ayunayan. Peru qampa discïpuluykikunaqa ¿imanirtan ayunayantsu?>>

34Jesúsnam nirqan: <<Casaraq jöven kaykaptinqa casaray fiestaman qayatsinqan kaqkuna ¿ayunayanmantsuraq? 35Peru casaraq jövinta wañuskatsiyaptinmi sïqa ayunayanqa>>.

36Tsaynö niskirnam Jesús nirqan: <<Manam ni pipis mushuq llatapata rutuntsu makwa llatapata remendananpaq. Tsaynö rurarqa mushuq llatapatam perditsin. Tsaynöllam mushuq llatapapita rutunqan tëlaqa makwa llatapachö shumaqtsu rikakan.

37<<Tsaynöllam ni pipis tsayraq rurashqa vïnuta makwa puyñuman#5.37 Wakin runakunaqa uylluman niyan. wiñantsu. Wiñaptinqa vïnu poqurmi pakitsin. Tsaymi vïnupis y puyñupis ushakanqa. 38Tsayraq rurashqa vïnutaqa mushuq puyñumanmi wiñantsik.#5.38 Makwa llatapata y makwa puyñutam Jesucristo iwalatsirqan unay costumbrikunaman. Mushuq llatapata y tsayraq rurashqa vïnutanam iwalatsirqan kikinpa yachatsikuyninman. Tsaynö iwalatsirmi nirqan paypa yachatsikuynin mushuq kar unay costumbrinkunaman mana iwalanqanta. [Tsaynö rurashqaqa vïnupis manam jichanqatsu ni puyñupis ushakanqatsu.]

39<<Pipis poqushqa vïnuta yawarkurqa tsayraq rurashqa vïnutaqa manam upyayta munantsu <poqushqa kaq vïnum mas mishkin> nir>>.

Currently Selected:

Lucas 5: qxn

Highlight

Copy