Yoane 17
17
1Iesū yemenūwi imosū memelasah ra pokōp memenūwi, memokū, Nate, nempugon okovelum; umpi nilasilaswi iran Netum ma Netum onumpi nilasilaswi iram; 2ĭt kĭmovugi iyi nempasewugi iranda oveteme omwisū, memokū Iyi ampunorasū nomūrep ūbrūni mori kĭmovugi Iyi. 3Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli. 4Ya umnumpi nilasilaswi iram ra nemap; ya umnokompelisū numpūrah mori kimenūwi memokū ya onumpi. 5Im marima, Ah Nate, umpi nilasilaswi irag ūndū kĭk, ugi nilasilaswi mori yaū mepĭmpĭ irag ūndū kĭk, pol sugkū tawi natipotnin nemap. 6Ya umanūatumpene nin enugkĭk punora oveteme mori kemovoyaū ra nemap; irora dūmūte enugkĭk ĭm kĭmovoyaū irora; mirora umnalekoleki nam enugkĭk. 7Marima irora umagkili ma omwisū mori kĭmovoyaū dūpmumne marug kĭk; 8popōwo nam mori kemepmovoyaū, yaū movunora, mirora ūvĭ mūmagkili ma yaūĭmpelum memne ra kĭk mūmuntavnirĭgi ma kĭmtamūli yaū. 9Ya umnufwaki memagkū ugi irora; ya otūmnufwaki memagkū ugi ōvetemesū ra nemap, ugi irora wokon mori kĭmovoyaū; ĭt irora enugkĭk. 10Im siamesū omwisū enyaū, enugkĭk; im siamesū enugkĭk enyaū, 11ĭm ya umumpī nilasilaswi irag ra irora, Ya otūante ra nemap, irora umante ra nemap, ĭm ya umampelah punok. Nate tumpora, efĭnte irora ra nin enugkĭk, mori kĭmovoyaū, ma irora wanti siteven sugkū kos. 12Nempugon yaū dal irora ra nemap ya umafĭnte irora ra nin enugkĭk. Ya umafĭnte irora mori kĭmovoyaū, im tawi sī ra irora umampiugki, kō, iyi netemĭndi mori umampiugki; worokompeli nam ra mumpon ōvun netiyi tumpora. 13Im marima ya umampelum punok; imo ya umanūwi ra nemap, memagkū irora wonavos ugi navos enyaū. 14Yaū movunora nam enugkĭk ĭm nemap dūmakan punora, popōwo irora dūtūmne ra nemap, sugkū yaū metūmne ra nemap. 15Ya otūmnesenugkĭk memagkū kampī irora marugi nemap, ya umagkū kafĭnte irora marugi sat sū. 16Irora dūtūmne ra nemap, sugkū yaū metūmne ra nemap. 17Umpi irora sentevives wokon ūnōwanda ugi nam itnesog enugkĭk; nam enugkĭk itnesog. 18Kĭmtamūli yaū ra nemap, ĭm ya umentamūlora ra nemap sugkū. 19Ya umasepen numpi yaū tumpora popōwo ugi irora; ma irora wanti tumpora sugkū ra ĭtnesog. 20Im ya otūmnufwaki memagkū ugi iroramo wokon; ya umagkū ugi irorasū sugkū mori wontavnirigi yaū ugi nam enirora; 21ma irora omwisū wanti siteven sugkū kĭk Itemen ra mumpon yaū, ĭm yaū ra mumpon kĭk, ma irora sugkū wanti siteven ra mumpon kos, ma nemap wontavnirigi kīmtamūliyaū. 22Im nilasilawsi mori kĭmovoyaū, yaū movunora; ma irora wanti sīteven sugkū kos kūmante siteven; 23yaū ra mumpon irora ĭm kĭk ra mumpon yaū, ma irora warapūtokonda; ma sugkū nemap wagkili kĭmtamūli yaū, memelintokonda, sugkū kĭmnelintokoyaū. 24Nate, ya umagkū aremī ma irora mori kĭmovoyaū wante dal yaū ra nūrū ya antewi, ma irora wagesi nilasilaswi enyaū, mori kĭmovo yaū; it kĭmelintokoyaū pol sugkū tawi natipotnin nemap. 25Ah Nate tanepōves nemap ūtūmagkilok; kō, ya umagkilok; miroramo ūmagkili ma kĭmtamūli yaū. 26Im yaū raenūatumpene nin enugkĭk punora; ĭm ya ōmanūatumpene; ma sugkū nelintugi mori kĭmelintokoyaū ugi antendōwi ūnisog irora, ĭm vaū ra mumpon irora.
Currently Selected:
Yoane 17: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
