Yoane 3

1Sī neteme ra ōvun Faresi, nin eni Nĭkodimus, sī natemonōk enirora ōveteme Isrēel, yive pugi Iesū pumrok, memenūwi, pugi memokū, 2Rabi ka kemlagkili ma kĭk neteme tavsogi memne ra Nōbū, popōwo tawi sī faneteme worumpi imo ōvun numpūrah horog mori kem numpi nagkū Nōbū tawi ūndū iyi. 3Iesū yemenūwi pugi, memokū, Itnesog, ĭtnesog, ya umanūwi pūgkik, memagkū, nagkū sī otūmamprokomol marugi pokōp iyi otūagesi lō eni Nōbū. Nĭkodimus yemtagkeli memokū. 4Sī neteme ōmamprokomol pol sugkū iyi numpūmetūo, nokowo? iyi faneteme worōmentorĭmpe nempugon dūrūgi ra netnĭn dineme eni mōmamprokoraol, kū? 5Iesū yemtamsi memenūwi, memokū, Itnesog, Itnesog, ya umanūwi pugkĭk, memagkū, nagkū sī otūmamprokomol ugi nū ĭm Naviat iyi tawi faneteme worĭntorĭmpe ra lō eni Nōbū. 6Siame ūmamprokomol ugi fan oti fan ĭm siame ūmamprokomol ugi Naviat oti naviat. 7Etūavlugi popōwo ya onūwi punok, Otin nenūwi magkū, Kĭmi Kwantin umprokomol ĭtevaū. 8Nemetagi umasepen nelimsi, ĭm kĭm andegi navian, eni, kō kĭk otū magkili umamniea, kū iyi umampiago; sugkū iranda omwisū mori ūmumprokomol ugi Naviat. 9Nĭkodimus yemtamsi mōmenūwi pugi memokū, Imosū wanti sugkū nokowo? Iesū yemtamsi mōmenūwi pugi memokū, 10Im kĭk tavsogi horog ra Isrēel, ĭm kotū magkili siame sū imosū Kū? 11Itnesog yakum manūwi punok memagkū, Ka kĭm lanūvvi imo mori ka kĭm lagkili ugi, ĭm ka kĭm lenumpūvsok imo mori kam lokesi sū; ĭm kĭmetūvī numpūvsok enugkam. 12Nagkū ya onūwi pugkūm ugi tiame ra nemap, ĭm kĭm etū tavnirigi, kimi kwontavnirĭgi nokowo, nagkū ya anūwi pugkūm ugi tiame ra lō ūnpokōp? 13Im tawi sī neteme yemsah unpokop, iyi wokon mori yemyep marugi pokōp, iyi mori Netni eni neteme umante ūnpokōp. 14Mōses yemetipesah neskil ra nūrū wokon, ĭm sugkū anti netipesah Netni eni neteme: 15ma iyi sī umuntavnirigi Iyi otūonamiap, kō ampi nomūrep ūbrūni.

16It Nōbū yemelentokonda losu tamas memovunora Netni pau siteven eni, ma iyi si umentavnirigi Iyi otuonamiap, ko, ampi nomurep ubruni. 17It Nōbū yetūtamūli Netni eni ra nemap worūrian iranda oveteme, yemokū amkorēōwara ugi Iyi. 18Iyi sī umentavnirĭgi, otūmnūrian iran; kō, iyi sī otūmentavnirĭgi Iyi, nworepatevi eni umantendōwi iran, popōwo iyi otūmentavnirigi nin eni Netni paū siteven eni Nōbū. 19Im irora umworepatevi ugi imo, Iyi Nilara yivelum ra nemap, mōveteme umneliutugi nelebokevat mōmū ra nilara, popōwo ōvun numpūrahsū enirora satindi. 20It iyi sī umandūnumpĭndi umnakan pugi Nilara, motūmampelum pugi Nilara, ma sugkū otūanūali pugi ōvun numpūrahĭndi eni. 21Kō iyi sī umnumpi ĭtnesog umampelum pugi Nilara ma sugkū wampīatumpene ōvun numpūrahsū eni popōwo iyi yemumpisū ugi Nōbū.

22Penūri imosū Iesū yivelum, mōvun nūrie eni, ra nūrū Yūdia; miyi yemorokotelap yūi dal irora, memumbaptiso. 23Im Yōane yemumbaptiso ra Inon potipot Sēlim popōwo ōvun selnavanū yūi. Mōveteme dūmorūnnevelum mūmūvĭ baptisma iranda; 24ra nempogon mori dūtūtipe Yōane ra nimo nugkugko. 25Mōvun nūrie eni Yōane, ĭm nugkon oveteme Isrēel, dūmūsepen nenūwi punora memokū ugi norowugi. 26Mirora dūmūvelum pugi Yōane mūmūnūwi pugi mūmōkū, Rabi, Iyi mori ūndū kĭk nugkon nūmpe Yordan, mori kemumpūvsok ugi, Iyi sugkū umumbaptiso momwisū umampelum pugi. 27Yōane yemtamsi memenūwi, memokū, Sī neteme otūfaneteme woresepen nevi sĭsesĭ nagkū otūampugi marugi pokōp. 28Kimi kūmnumpūvsok irag ĭt yaū menūwi, memokū, Yaū tawi Kristo, kō, okotamūli yaū worōbūm iran. 29Asūon umumpī retepon; ĭm aven eni asūon mori umantūrū mumandĭgi iyi umnavosavos popōwo ugi navian eni asūon; popōwo imo sugkū, navos enyaū horog. 30Iyi anti horogisah ĭm ya onevirok.

31Iyi mori umampelum marugi pokōp ra nūsiangosū; miyi mori marugi nemap yemne ra nemap memanūwi memagkū sugkū sī ra nemap. Iyi mori yivelum memne ra pokōp ra nūsiangosū. 32Im imo mori Iyi yemokesi memorigi Iyi umnumpūvsok ugi, ĭm tawi sī umnumpi numpūvsok eni. 33Kō, iyi sī mori yivi numpūvsok eni yemtavnirĭgi ūnam ma Nōbū itnesog. 34Popōwo Iyi mori Nōbū yemtamūli umanūwi nam eni Nōbū; ĭt Nōbū otūmampugi Iyi virok Naviat. 35Iyi Itemen umneliutugi Netni memovugi siemesū ra mumpon nokoven eni. 36Iyi sī umuntavnirigi Netni umantipe eni nomūrep ūbrūni; miyi sī otūmentavnirĭgi Netni mori otūagesi nomūrep; kō, naraki eni Nōbū umantendōwi iran.

Currently Selected:

Yoane 3: ERGNT79

Highlight

Copy