Mark 2
2
1Im penūri nugkon ovun dan tawi sikat, iyi yōĭmtorimpe ra Kaperneum; mirora dūmūrigi ma iyi yeti ūnisog nimo.
2Im marimago sikat dūmūsemsimokonda, im tawi sī nūrū nisekonda, tawi ran tan nimo sugkū: miyi yemtorenūwisah nam punora.
3Mirora dūmūvelum pugi, dūmutori sī namarat ugi palse, ōveteme devat dūmuriuki iyi.
4Im popōwo dūtū faneteme woreve botpot iran popōwo oveteme tamas, dūmūtĭpelah nimo imelūo, mori iyūi yemete: mirora dūmūtisep bed namarat mori ugi palse yemalewi.
5Im pol sugkū Iesu yemokesi tavniri isenda, yemenūwi pugi namarat palse memokū, Netūg, satsū enugkĭk umafielintugkĭk ugi.
6Kō nugkon ra irora ovun somūl dūmūtesep iyūi dūmūtarū ūnōwanda mūmūnūwi mūmokū,
7Irasie imo neteme umanūwi nam sat? Nōbū wokon faneteme worefielintugi sat.
8Im marimago, polekū Iesū yemelavenūri ma irora dūmūtarūtarū imosū ūnōwanda, iyi yemenūwi punora memokū, Irasie kūm muntarūtarū imosū ūnōwami?
9Itokowo ĭtemelepon worenūwi pugi iyi mori namarat ugi palse, Sat sū enugkĭk oti efielintugkĭk ugi; kū worenūwi memokū, Etūok, ĭm pī bed enugkĭk mavan?
10Kō magkū kimi kwagkili ma Netni eni neteme oti fanteme worefielintugi sat sū, iyi yemenūwi pugi namarat ugi palse,
11Yakum magkū punok, Etūok, impī bed enugkĭk, mōĭmpe ra nimo enugkĭk.
12Im marimangō iyi yemtūok, yivi bed mori, mōĭmpe ūniminda omwisū; mirora dūmavlugi tamas, mōmūvietevesep Nōbū, mūmokū, Kam letokesi ĭndowi sugkū imo.
13Iyi yōĭmpe ran telugon tok; ĭm semsimak sū dūmūve pugi, miyi yemtavsokonda.
14Im pol sugkū yemumprokeve, yemokesi Livī netni eni Alfius yemetesep ra nūrū, worevi muni, miyi yemenūwi pugi memokū Uri yaū, Miyi yemtūōk mō mūri iyi.
15Im yometepū pol sugkū Iesū yemtesegi ra nevag ūnisog nimo eni Livī, ma, sikat ovun publikan mōvun narekisat dūmūtesep sugkū dal Iesu ĭm ovun nūrie eni; ĭt irora dūti sikat, mirora dūmūri iyi.
16Im pol sugkū ovun Somol movun Faresi dūmokesi ma iyi yemeni nevag dal ovun publikan movun narekisat, irora dūmūnūwi punora ovun nūrie eni mūmokū, Irasie iyi umneni mō moneki dal ovun publikan ĭm movun narekisat?
17Im Iesu, pol sugkū yemorĭgi, yemenūwi punora memokū, Irora ōvun horĭgeves otumnakĭugi neteme sakrefīs kō ovun narekisat wokon: yaotūvelum worovrokonda ovun tanepo kō ōvetemĭnda worevīeves nōwanda.
18Im ovun nūrie eni Yōanē movun Faresi dūmūsakrefīs ugi nevag; ĭm irora dūmūvelum dūmūnūwi pugi mūmokū, Irasie ōvun nūrie eni Yōanē movun Faresi ūmūsakrefīs ugi nevag, kō ōvun nūrie enugkĭk otum numpi sugkū?
19Im Iesū yemenūwi punora memokū, ōvun netnime eni iyi mori yemeteveterugi otum evieni nevag pol sugkū iyi dal irora.
20Kō ampelum nĭmpugon mori, anti vīparokonda neteme yemeteveterugi, ĭm itnesog irora evieni nevag ran dan sū mori.
21Tawi sī umanteri nĭvlugkon itevaū ran tan nemas iterōvat, popōwo pe mori yeteri neteri woresumpat, mamti mō mĭntavaseri nemas mōmū tamas.
22Im tawi sī umwosĭlĭgi wĭn itevaū ūnisog botel numpūmetūo; kū entawi ampulet botel ugi wĭn itevaū, im ante wosĭlĭgi wĭn, mō mumpi ūr botel: kō irora wosĭlĭgi wĭn itevaū ūnisog botel itevaū.
23Im iyi yemavan ra mumpon denūok whit ran danemindog; Im ōvun nūrie eni, pol sugkū dūmūve, dūmatipotni worareki dugon whit.
24Im ovun Faresi dūmūnūwi pugi mūmokū, Pah, irasie irora umnumpi ran danemindog mori tawi sugkū nam alam?
25Miyi yemenūwi punora memokū, kūtūsepi nam kū ugi ima mori Dēvĭd yemumpi, pol sugkū tawi nevag isen, ĭm yevieni, iyi, ĭm irora dal iyi?
26Yive ūnisog nimo eni Nōbū, ra nĭmpugon Abĭadar yeti neteme woresakrefĭs, yemoni brēd tumpora, oveteme sakrefīs wokon umneni, miyi yemovunora dal iyi sugkū.
27Iyi yemenūwi punora memokū, Dūmumpi danemindog nisekon neteme, tawi neteme ugi danemindog:
28Popōwo pe Netni eni neteme oti Narisah ra danemindog.
Currently Selected:
Mark 2: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
Mark 2
2
1Im penūri nugkon ovun dan tawi sikat, iyi yōĭmtorimpe ra Kaperneum; mirora dūmūrigi ma iyi yeti ūnisog nimo.
2Im marimago sikat dūmūsemsimokonda, im tawi sī nūrū nisekonda, tawi ran tan nimo sugkū: miyi yemtorenūwisah nam punora.
3Mirora dūmūvelum pugi, dūmutori sī namarat ugi palse, ōveteme devat dūmuriuki iyi.
4Im popōwo dūtū faneteme woreve botpot iran popōwo oveteme tamas, dūmūtĭpelah nimo imelūo, mori iyūi yemete: mirora dūmūtisep bed namarat mori ugi palse yemalewi.
5Im pol sugkū Iesu yemokesi tavniri isenda, yemenūwi pugi namarat palse memokū, Netūg, satsū enugkĭk umafielintugkĭk ugi.
6Kō nugkon ra irora ovun somūl dūmūtesep iyūi dūmūtarū ūnōwanda mūmūnūwi mūmokū,
7Irasie imo neteme umanūwi nam sat? Nōbū wokon faneteme worefielintugi sat.
8Im marimago, polekū Iesū yemelavenūri ma irora dūmūtarūtarū imosū ūnōwanda, iyi yemenūwi punora memokū, Irasie kūm muntarūtarū imosū ūnōwami?
9Itokowo ĭtemelepon worenūwi pugi iyi mori namarat ugi palse, Sat sū enugkĭk oti efielintugkĭk ugi; kū worenūwi memokū, Etūok, ĭm pī bed enugkĭk mavan?
10Kō magkū kimi kwagkili ma Netni eni neteme oti fanteme worefielintugi sat sū, iyi yemenūwi pugi namarat ugi palse,
11Yakum magkū punok, Etūok, impī bed enugkĭk, mōĭmpe ra nimo enugkĭk.
12Im marimangō iyi yemtūok, yivi bed mori, mōĭmpe ūniminda omwisū; mirora dūmavlugi tamas, mōmūvietevesep Nōbū, mūmokū, Kam letokesi ĭndowi sugkū imo.
13Iyi yōĭmpe ran telugon tok; ĭm semsimak sū dūmūve pugi, miyi yemtavsokonda.
14Im pol sugkū yemumprokeve, yemokesi Livī netni eni Alfius yemetesep ra nūrū, worevi muni, miyi yemenūwi pugi memokū Uri yaū, Miyi yemtūōk mō mūri iyi.
15Im yometepū pol sugkū Iesū yemtesegi ra nevag ūnisog nimo eni Livī, ma, sikat ovun publikan mōvun narekisat dūmūtesep sugkū dal Iesu ĭm ovun nūrie eni; ĭt irora dūti sikat, mirora dūmūri iyi.
16Im pol sugkū ovun Somol movun Faresi dūmokesi ma iyi yemeni nevag dal ovun publikan movun narekisat, irora dūmūnūwi punora ovun nūrie eni mūmokū, Irasie iyi umneni mō moneki dal ovun publikan ĭm movun narekisat?
17Im Iesu, pol sugkū yemorĭgi, yemenūwi punora memokū, Irora ōvun horĭgeves otumnakĭugi neteme sakrefīs kō ovun narekisat wokon: yaotūvelum worovrokonda ovun tanepo kō ōvetemĭnda worevīeves nōwanda.
18Im ovun nūrie eni Yōanē movun Faresi dūmūsakrefīs ugi nevag; ĭm irora dūmūvelum dūmūnūwi pugi mūmokū, Irasie ōvun nūrie eni Yōanē movun Faresi ūmūsakrefīs ugi nevag, kō ōvun nūrie enugkĭk otum numpi sugkū?
19Im Iesū yemenūwi punora memokū, ōvun netnime eni iyi mori yemeteveterugi otum evieni nevag pol sugkū iyi dal irora.
20Kō ampelum nĭmpugon mori, anti vīparokonda neteme yemeteveterugi, ĭm itnesog irora evieni nevag ran dan sū mori.
21Tawi sī umanteri nĭvlugkon itevaū ran tan nemas iterōvat, popōwo pe mori yeteri neteri woresumpat, mamti mō mĭntavaseri nemas mōmū tamas.
22Im tawi sī umwosĭlĭgi wĭn itevaū ūnisog botel numpūmetūo; kū entawi ampulet botel ugi wĭn itevaū, im ante wosĭlĭgi wĭn, mō mumpi ūr botel: kō irora wosĭlĭgi wĭn itevaū ūnisog botel itevaū.
23Im iyi yemavan ra mumpon denūok whit ran danemindog; Im ōvun nūrie eni, pol sugkū dūmūve, dūmatipotni worareki dugon whit.
24Im ovun Faresi dūmūnūwi pugi mūmokū, Pah, irasie irora umnumpi ran danemindog mori tawi sugkū nam alam?
25Miyi yemenūwi punora memokū, kūtūsepi nam kū ugi ima mori Dēvĭd yemumpi, pol sugkū tawi nevag isen, ĭm yevieni, iyi, ĭm irora dal iyi?
26Yive ūnisog nimo eni Nōbū, ra nĭmpugon Abĭadar yeti neteme woresakrefĭs, yemoni brēd tumpora, oveteme sakrefīs wokon umneni, miyi yemovunora dal iyi sugkū.
27Iyi yemenūwi punora memokū, Dūmumpi danemindog nisekon neteme, tawi neteme ugi danemindog:
28Popōwo pe Netni eni neteme oti Narisah ra danemindog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.