Mark 5
5
1Im irora dōmūve nugkon-ūmpe ran tok, mūvelutn ra nūrū Katara.
2Im pol sugkū yive marugi lō, marimago sĭ neteme naviatindi iran yimne ra ōvun veleteneme mevtit iran.
3Iyi yemete ra veleteneme, Im tawi sĭ neteme faneteme, worīeti iyi ugi ĭtyēn:
4Popōwo dūmūrin leti ugi feters ĭm ōvun ĭtyēn, miyi yemtavtiti Ovun ĭtyēn ĭm feters: ĭm tawi sĭ faneteme worumpi iyi noramel.
5Miyi yemetĭndowi pūmroksū ĭm dansū ra ōvun numpūo, ĭm ra mumpon ōvun veleteneme, yemageri, mō morevi iyi ugi nevat.
6Kō pol sugkū yemokesi Iesū isūt, yemalō mōĭmtevita iran.
7Mōmevsoresah, memenūwi memokū, Kĭm magkūntie irag, Iesū Netni eni Nōbū tantevakepe? Yamagkū pun ok ugi nin Nōbū ma kĭk otū umpi sokomūlip irag.
8Popōwo yemenūwi pugi memokū, Elum marugi imo neteme, kĭk naviatindi.
9Miyi yemtagkeli memokū, Mō nin e kĭk i Miyi yemtamse, pugi memokū, Nin enyaū Lidyon: popōwo kam sikat.
10Miyi yemsenigi tamas memokū, otū satevokonda marugi nūrū mori
11Dūmūte yūi botipot numpūo, sĭ semsimak tamas ōvun numpekase, moni nevag.
12Im ōvun naviatindi dūmūsenigi, mūmūnūwi mūmokū, Tamūlkam woreve ūnisog ōvun numpekase.
13Marimago Iesū yemtenĭmpe irora woreve. Im ōvun naviatindi dūmūve ilat marugi iyi, mō mūve ūnisog Ovun numpekase; ĭm semsimak dūmalō ra sugkelaū ran tok, sikat sugkū tū taūsan, mirora dūmumpulet ran tok.
14Im irora mori dūmavugunora dūmalō, dūmūnūwi ra sĭti, im nūrū nagkaū ugi. Mirora dūmūve worokesi ima mori yemetepū.
15Im irora dūmūve pugi Iesū, mūmokesi iyi mori sētan yeti iran, ĭm ōvun naviatindi dūmūte ūnisog iyi, yemetesep, yemevĭugi, yemete nelekon: ĭm irora dūmetet.
16Im irora mori dūmokesi dūmūnūwi pūnora nokowo yemetepū iran iyi mori ōvun naviatindi dūmūte iran, mugi numpekase.
17Mirora dūmūsenigi iyi woreve marugi nūrū isenda.
18Im pol sugkū yivelum ra mumpon lō, iyi mori ōvun naviatindi dūmūte iran yemesenigi worete ūndū iyi.
19Kō Iesū yetū tenĭmpe iyi, kō yemenūwi pugi memokū, Eve ra nete enugkĭk punora ōvun numpūnarum, menū wi punora tiame horog Novsūromon yemumpi nisekom, mō melintugkĭk.
20Im iyi yive, mō matnipotni worenūatumpene ra Dikapolis tiame sū horog Iesū yemumpi nisekon: ĭm dūmavlugi oveteme sū.
21Im pol sugkū Iesū yive, nugkonūmpe ra lō, dūmūsemsimugi Oveteme sikat: miyi yemete botipot tok.
22Im pah Yīrus, sī neteme horog ra sĭnōkok, yivelum; ĭm pol sugkū yemokesi iyi yemumol ra nokorin noan eni.
23Miyi yemesenigi iyi tamas, memokū, Netūg itnasiven umbotipot nemás iran: Yakum nesenugkĭk, elum metipe nokepmū iran, ma iyi andegives; miyi amūrep.
24Im Iesu yive ūndū iyi; ĭm sikat oveteme dūmūri iyi; mirora dūmūteteliugi.
25Im sī nasiven, yete nelūgon de iran nevi sū twelv,
26Mō morigi nesorū tamas morokonda oveteme tavū sikat yemtafugi muni eni omwisū, ĭm iyi yetūrigives ugi, kō namarat mōnaūgo iran,
27Pol sugkū yemorigi ugi Iesū, yivelum polekū dūmūteteligi kitan, mō ĭm sugkori nemas isen.
28Popōwo yemenūwi memokū, Nagkū yako sugkori wokon nemas eni, ya andegives.
29Im marimago yetin laū nesūmsah ra de eni; miyi yemorigi ra nokolisiran ma iyi yivi norigives marugi namarat ūr mori.
30Im marimago Iesū yemesepe nokili, ma torugat yive marugi, yemelagkaū ileboteven irora dūmūteteiiugi iyi, mō menūwi memokū, Mē yemsugkori némas enyaū?
31Im ōvun nūrie eni dūmūnūwi pugi memokū, Kĭk ĭm magesora semsimak umeteteliugi iram mirasie kĭm magkū, Mē yemsugkori yaū? 32Miyi yemelagkaū worokesi iyi yemumpi imo mori.
33Kō nasiven mori yemtetugi mō mampekorekora, popōwo yemokili sie mori yetepū iran iyi, yivelum momol ūnĭpmi eni, mō menūatumpene omwisū pugi.
34Miyi yemenūwi pugi memokū, Netūg, tavniri enugkĭk yemumpi kĭk horĭgeves; eve ra ninparata, andegives marugi namarat sat enugkĭk.
35Im pol sugkū yemumprokenūwi, dūmūvelum nugkon oveteme marugi nimo eni neteme horogesah ra sĭnēkok dūmūnūwi mūmokū, Netum ĭtnasiven okemas irasie kĭm yugori mōmū Narisah?
36Marimago Iesū, polekū yemorigi nam mori dūmūnūwi, yemenūwi pugi neteme horogesah ra sĭnēkok memokū, Kōtūmtetugi, tavniri wokon.
37Miyi yetūtinĭmpe sī worūri iyi, Piter wokon, ĭm Yakōbō, ĭm Yōanē avinsī Yakōbō.
38Miyi yivelum ra nimo eni neteme horogesah ra sĭnēkok, memokesi nesesaū, mirora mori dūmūrigumpūnū mō mageri tamas.
39Im pol sugkū yivelum ūnisog, iyi yemenūwi punora memokū, Irantie kĭm umpi tamas, mō mageri? ĭtnum-pūkon otū mas, kō umaleepō.
40Mirora dūmūtūfop iran. Kō pol sugkū yemsatevokonda omwisū ilat, yemtori itemen ĭm dineme eni ĭtnumpūkon, mirora mori dūmūri iyi, mō ĭmtorĭmpe ia yemalē ĭtnumpūkon.
41Miyi yemelekavi nokoven eni ĭtnumpūkon, mō menūwi pugi memokū, Talita kūmi; fan nam ugi, ĭtnumpūkon, Yakum manūwi punok, Etūok.
42Im marimago ĭtnumpūkon, yemtūok, mō mavan; popōwo yeti nevi sū twelv iran.
43Miyi yemaliwat punora ma tawi sī andegi ugi imo mori, mō ĭmpasiwokonda worevugi sī nevag.
Currently Selected:
Mark 5: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
