Imbombo sya batumigwa 10
10
Peteri na Korneli
1Lelo alimo umundu yumo mu-Kaisaria, uyu ingamu yake ali yo Korneli, sarjenti gwa kilundilo kya basikali
2iki batigi kya bʼItali; ali mundu ungolofu, kangi antilaga Kyala ninyumba yake yosa, abapaga abandu ba bingi ifyabususilwa,
3alinkwiputa kwa Kyala bwila. Ilisiku limo pakabalilo ka buhano na buna, alinkumbona pabwelu ugwandumi gwa Kyala ikunsetukila, ikwisa kumyake ikumbula ikuti: Gwe
4Korneli! Popapo alinkundulalila nulutende alinkuti: Kuti fiki gwe Ntwa? Umwene alinkumbula alinkuti: Inyiputo syako nifyabususilwa fyako Afyukile kumwanya, Apelile
5ukuya fya kukukumbukilamo Kyala. Lilino lelo tumaga abandu mu-Yope, bakamwege umundu yumo, Simoni uyu
6bikuti yo Peteri, uyu ikugona pamundu yumo Simoni umfugu-
7tangubo, uyu inyumba yake yili pambali panyanja. Lelo bo abukile ugwandumi uyu ayobaga nagwe, popapo alinkubakolela ababombi bake babili nunsikali yumo uyu antilaga Kyala,
8ukufuma muli aba bambombelaga; lelo bo abalingenie syosa isi syabonike, popapo alinkubatuma mu-Yope.
9Ulwa kilabo, bo abandu bala bali munjila bikusegelela nkaya, popapo Peteri alinkukwela pamwanya panyumba
10pakwiputa, paliti pali po pakabalilo ka ntandatu. Popapo injala yilinkunduma, alinkulonda ukulya; lelo bo bali paku-
11ntendekekesya ifindu, alinkwenda nukukomwa. Popapo kumwanya kulinkwiguka, alinkukabona akandu kikusuluka, kafwene bo ikilundo Unnywamu kikusololosigwa pasi mfipeto
12fina; mo fyalimo fyosa ifinyamana ifya malundi mana, nifi
13fikwendela inyanda, ninjuni sya kumwanya. Popapo alinkwaga ilisyu Ukumbula likuti: Sumukaga Peteri, ubolege
14ulyege. Loli Peteri alinkuti: Nemma gwe Ntwa, buno
15ngalyamo siku ifi fili mwiko nifinyali. Popapo nisyu lilinkwandisya lilinkuti: Ifi linga elwisye Kyala, komma ukuti
16fili mwiko. Sisisi silinkwandisania ukuboneka katatu, nakalinga itolo akandu kala kalinkufyuka kangi kumwanya.
17Lelo bo Peteri ikwalangana munda mmyake ukuti ikisetuka iki akibwene kyanangisyaga sya fiki, nakalinga abandu aba batumigwe na Korneli, bo balalusisye inyumba ya Simoni,
18balinkwima pakifigo, balinkukolela, balinkulalusya linga alimo
19Simoni uyu batigi yo Peteri. Umwene Peteri bo akali ikwinogona isya kisetuka, Mbepo Mwikemo alinkumbula
20alinkuti: Abandu batatu bikukulonda. Sumukaga lelo, gwikege ubukege nabo kisitakwilamwa, buno mbatumile
21yuyune. Popapo Peteri alinkwika, alinkubuka apa abandu balipo, alinkubabula alinkuti: Yo une ne mukundonda;
22mubingilile sya fiki? Abene balinkuti: Sarjenti Korneli, umundu ungolofu untila-Kyala, uyu bikunjoba ubununu aba nkikolo kyosa kya baYuda, abuligwe nugwandumi umwikemo ukutuma indumi kumyako, ukuti gwisege nnyumba yake,
23nukuti asipilikege isi uli nasyo. Popapo alinkubingisya nnyumba, balinkugona. Popapo ulwa kilabo alinkusumuka, alinkubuka nabo, bope
24nabanine bamo aba mu-Yope balinkubuka nagwe. Ulwa kilabo, balinkufika mu-Kaisaria. Umwene Korneli abaguli-
25laga, ababungenie abakamu nabamanyani bake. Lelo bo Peteri ikwingila, Korneli alinkumwambilila, alinkungwila
26mmalundi, alinkumbungulukila. Umwene loli Peteri alinkunsumusya alinkuti: Sumuka buno nanine ndi mundu itolo.
27Bo akali ikuyoba nagwe alinkwingila, alinkwaga abandu ba
28bingi babungene. Popapo alinkubabula alinkuti: Syo nanumwe musimenye ukuti mwiko unjuda ukongana pamo ukubuka kuli yumo ugwa kikolo ikingi; loli une Kyala anangisye ukuti nanganjobaga nayumo umundu ukuya mwiko,
29nukuya nnyali. Fyobene bo mbilikiligwe, nisile kisita kukana.
30Lilino lelo po nikulalusya isi mumbilikilile. Popapo Korneli alinkuyoba alinkuti: Amasiku mana aga gakindile, pakabalilo bo kakaka aka buhano na buna, niputaga nnyumba yangu; ndinkwaga imile nkyeni mmyangu umundu uyu afwele imye-
31nda igi gikungʼalika, ikuyoba ikuti: Korneli, ulwiputo lwako lupilikigwe, nifyabususilwa fyako fikumbukigwe nkyeni mwa
32Kyala. Lilino lelo tumaga indumi mu-Yope, umbilikilege Simoni uyu bikuti yo Peteri, uyu ikugona nnyumba ya
33Simoni umfugutangubo, pambali panyanja. Nakalinga lelo ndinkukutumila indumi, ubombile kanunu apa gwisile. Lilino lelo uswe twesa tulipo apa nkyeni mwa Kyala, ukuti tupilikisyege syosa isi ulagiligwe nuNtwa.
Amasyu ga Peteri
34Umwene Peteri alinkwinula imilomo, alinkuyoba alinkuti: Mbwanaloli ngusyagania ukuti Kyala atikunsalila umundu
35mbundu bwake; loli nifikolo fyosa, uyu ikuntila nukubomba
36ingolofu, yo uyu umwene ikumwambilila. Umwe mulimenye ilisyu ili anatumilaga abanyʼIsraeli ilya kufumusya inongwa inunu isya lutengano mwa Yesu Kristi. (Umwene yo yuNtwa
37gwa bosa.) Ilisyu ili likwilile mosa mu-Yudai, lyalyandile
38mu-Galilai, bo Yohani afumile pakulufumusya ulosyo, na muno Kyala ampakaga Yesu ugwa mu-Nazareti Mbepo Mwikemo namaka, uyu asyungutilaga nkubomba inunu, nukubabumbulusya bosa aba abalambike umohesi; namanga
39Kyala ali nagwe. Nanuswe tuli baketi ba syosa isi abombaga nkisu kya baYuda, na mu-Yerusalemu; uyu balinkungoga bo
40bikunkomela pakipiki. Yo uyu Kyala alinkunsyusya pisiku lya butatu, alinkumpelela ukuti abonekege itolo pabwelu,
41komma kubandu bosa, loli kubaketi aba Kyala abasalile ngani — yo yuyuswe, twe twalyaga nukunwa nagwe bo afumile paku-
42syuka mbafwe. Alinkutulagila nkufumusya kubandu nukusisimikisya ukuti, uyu yo uyu imikigwe na Kyala ukuya yo
43ndongi gwa bumi nabafwe. Yo uyu bosa abakunguluka bikunsisimikisya, ukuti bosa aba bikumwitika, bikwambilila ubuswe bwa nongwa mungamu yake.
Abapanja bikwambilila Mbepo Mwikemo nukosigwa
44Lelo bo Peteri akali ikuyoba, popapo Mbepo Mwikemo
45alinkubasololokela bosa aba bapilikaga ilisyu lilili. Abene abitiki ababutigwako, aba balisile na Peteri, balinkuswiga papo ikikungilwa kya Mbepo Mwikemo kyababonekelaga nabapanja;
46namanga babapilikaga bo bikuyobela mundimi isingi nukuntu-
47fya Kyala. Popapo Peteri alinkwamula alinkuti: Kali ywani abagile ukukanisya amisi ukuti aba bangosigwaga, aba bope
48bambilile Mbepo Mwikemo bo yuyuswe? Popapo alinkulagila ukuti bosigwege mungamu ya Yesu Kristi. Abene lelo balinkunsuma ukuti agonepo nabo amasiku manandi.
Currently Selected:
Imbombo sya batumigwa 10: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
