Yohani 3

Nikodemu

1Lelo alipo yumo umundu umFarisai, ingamu yake ali yo

2Nikodemu, unkulumba mbaYuda. Yo alinkwisa kwa Yesu pakilo, alinkumbula alinkuti: Rabi,#Rabi ko kuti Mmanyisi. tumenye ukuti uli mmanyisi, ufumile kwa Kyala, namanga nayumo akamanya ukupela ifika ifi kupela ugwe, pene papo linga Kyala ali nagwe.

3Umwene Yesu alinkumwamula alinkuti: Naloliloli nikukubula une nikuti, umundu akabagila ukububona ubutwa

4bwa Kyala, loli pene apa linga ikupapigwa kangi. Popapo Nikodemu alinkuyoba nagwe alinkuti: Abagile bulebule umundu ukupapigwa bo nkangale? Kali abagile ukwingila

5munna munda ulwa bubili ukuti apapigwege? Umwene Yesu alinkwamula alinkuti: Naloliloli nikukubula une nikuti, umundu akabagila ukwingila mbutwa bwa Kyala, loli pene apa

6linga apapigwe kumisi na kwa Mbepo. Kosa aka kapapigwe kumbili go mbili, naka kapapigwe kwa Mbepo yo mbepo.

7Ungaswigaga apa ngubulile ukuti, fikuti mupapigwege kangi.

8Umbelo gukukulila kuno gwiganile, akogo kake ko kukapilika, loli utikugumanya kuno gukufuma, nakuno gukubuka; bo

9ali bunobuno gwesa uyu linga apapigwe kwa Mbepo. Popapo Nikodemu alinkundalusya alinkuti: Syo sipelege bulebule

10sisisi? Umwene Yesu alinkumwamula alinkuti: Uli mma-

11nyisi gwa Israeli, syope na sisisi ukasimanya? Naloliloli nikukubula une nikuti, uswe tukuyoba sisyo tusimenye, nikusisimikisya sisyo tusibwene; loli ulusisimikisyo lwitu

12mutikulwambilila. Linga nikubabula umwe isya nkisu, loli mutikwitika, po mwisakwitika bulebule linga nikubabula isya

13kumwanya? Nayumo akafyukako kumwanya, loli mwene uyu asulwike ukufuma kumwanya, yo yu Nnyamundu, [uyu ali

14kumwanya.] Bo papo Mose inulaga injoka ndungalangala,

15bo fikuti yope na Nnyamundu inuligwege, ukuti gwesa uyu ikumwitika, ayege nubumi bwa bwila.

16Namanga bo akiganile bunobuno Kyala ikisu, ko kwenda nukukipa uMwanake yumoywene ntiga, bosa aba bikumwitika ukuti bangapyutigwaga, loli babwage ubumi bwa bwila.

17Namanga Kyala akalintumile uMwanake nkisu ukuti akilonge ikisu, loli ukuti ikisu kipokeligwege mmyake.

18Uyu linga ikumwitika yo atikulongigwaga; loli uyu linga atikwitika yo alongeligwe ngani, papo akayitika ingamu ya

19Mwana gwa Kyala yumoywene ntiga. Ubu bo bulongi ubwa kuti ulumuli lwisile nkisu, loli abandu bayiganile ingisi

20ukukinda ulumuli, papo imbombo syabo syali mbibi. Buno gwesa uyu linga ikubomba imbibi, yo ikulubenga ulumuli, kangi atikwisa kulumuli, ukuti imbombo syake singisakuyaga

21pabwelu. Loli uyu ikubomba isya naloli, yo ikwisa kulumuli, ukuti isi ikubomba sibonekege itolo pabwelu ukuti sibombeligwe mwa Kyala.

Yohani ikongelapo ukunsisimikisya Yesu

22Panyuma pali sisisi, po Yesu nabafundigwa bake balinkubuka nkisu kya Yudai; alinkuya mumo pamopene nabo,

23alinkosya. Loli yope Yohani osyaga mu-Enoni pabupipi na Salimu, namanga mo amisi galimo mingi; popapo abandu

24balinkwisa balinkosigwa. Namanga Yohani akali ukwiga-

25liligwa nnyumba ya bannyololo. Popapo lulinkutupuka ulukani pakati pabafundigwa ba Yohani nunjuda yumo panongwa

26ya kwelusya. Abene balinkwisa kwa Yohani balinkumbula balinkuti: Rabi,#Rabi ko kuti Mmanyisi. uyu ali nanungwe isilya lila lya Yordani, uyu unsisimikisyege, keta yope ikosya, abandu bosa bikunku-

27lukila. Umwene Yohani alinkwamula alinkuti: Umundu akabagila ukwambilila fimo, pene papo linga apegigwe ukufuma

28kumwanya. Yuyumwe mukusisimikisya une ukuti natile: Une ngaya ne Kristi, loli ndumigwe itolo nkyeni mmyake.

29Uyu ali nunkikulu uyu ikwegigwa yo mwegankikulu, loli ummanyani gwa mwegankikulu, uyu ikwima nukumpilikisya, yo ikulisekelela fiyo ilisyu lya mwegankikulu. Popapo lelo

30ulusekelo lwangu ulu lufikilepo. Umwene fikuti abalege, une loli ndogotelege.

Umfuma kumwanya

31Uyu afumile kumwanya, yo ali pamwanya pali bosa; uyu afumile nkisu yo gwa nkisu, kangi ikuyoba isya nkisu. Umwene uyu afumile kumwanya, yo ali pamwanya pali bosa.

32Isi asibwene na isi asipilike syo ikusisisimikisya, loli nayumo

33atikulwambilila ulusisimikisyo lwake. Umwene uyu alwambilile ulusisimikisyo lwake, yo ikusisimikisya ukuti Kyala yo

34gwa naloli. Namanga uyu Kyala antumile, yo ikugayoba amasyu ga Kyala; buno Kyala apa ikupa Mbepo atikupela

35pakigelelo. UGwise anganile uMwana, kangi ampele fyosa

36nkiboko kyake. Uyu ikumwitika uMwana, yo ali nabo ubumi bwa bwila; loli uyu ikumfuya uMwana yo atisakububonaga ubumi, yo ingalalisi sya Kyala sikuyaga pamyake.

Currently Selected:

Yohani 3: NYY

Highlight

Copy