Luka 2
2
Ukupapigwa kwa Yesu
(Mat. 1,18-25)
1Popapo mmasiku gala, Kaisari uyu ali yo Augusti ingamu, alinkulagila ululagilo ulwa kuti, abandu ikisu kyake kyosa
2babaligwege. Ukubaligwa ukutasi uku, kwaliko apa Kireni
3ayege ndindililakisu kya Siria. Popapo bosa balinkubuka
4kukusimbigwa, uyu kukaya kake, uyu kukaya kake. Popapo yope na yu Yosefu alinkufyuka ukufuma mu-Galilai, nkaya ka Nazareti, ukubuka mu-Yudai nkaya ka Davidi aka batigi Betlehemu ingamu, namanga ali gwa nkikolo kya Davidi, ali
5gwa luyungu lwake; alinkubuka kukusimbigwa pamopene na
6Maria unsingiligwa gwake bo ali nikifuba. Lelo bo bali papo,
7po lilinkwisa ilisiku lya kupapila. Popapo alinkumpapa umwanake ugwa kipanda undumyana, alinkunniembetelela mmyenda, alinkundambalika nkipondo,#ikipondo, bamo bikuti ilitili. papo bukalimo nabumo ubuyo nnyumba ya bahesya.
8Lelo balimo bope nabatimi nkisu mumo, aba hayaga ndu-
9kubo, bo balindililaga pakilo untimo gwabo. Popapo ugwandumi gwa Ntwa alinkwima nkyeni mmyabo, ubukulumba bwa Ntwa bulinkubamulika kosa na kosa, abene lulinkubaga
10ulutende ulukulumba. Popapo ugwandumi alinkubabula alinkuti: Mungatetemaga, kabuno mbatwalile inongwa inunu
11isya lusekelo ulukulumba, ulu lukubagaga abandu bosa; namanga apapigwe umusyugu nkaya mwa Davidi uMpoki, uyu
12yo Kristi uNtwa. Iki kyo kimanyilo kumyinu, mwisakwakumwaga umwana aniembeteleligwe mmyenda, alambalele
13nkipondo. Nakalinga itolo kilinkuyapo nagwe ugwandumi ikilundilo kya kumwanya, kilinkuntufya Kyala kilinkuti:
14Ulwimiko luyeko kwa Kyala kumwanya,
Nulutengano luyemo nkisu kubandu aba ikyelilemo.
15Lelo bo abandumi basokilepo bafyukile kumwanya, popapo abatimi bala balinkuyobana balinkuti: Nduko atubukege lilino mu-Betlehemu, tukakete inongwa isi sibonike, isi
16atubulile uNtwa. Popapo balinkukuya ukubuka, balinkwakubaga Maria na Yosefu, na yu mwanike bo alambalele
17nkipondo. Lelo bo bambwene, popapo balinkubapangila
18inongwa isi babuligwe isya mwanike uyu. Popapo bosa aba bapilikaga, balinkuswiganika pali isi babuligwaga nabatimi.
19Loli umwene Maria alinkusibika inongwa syosa sisisi, alinku-
20sinogona mundumbula yake. Popapo abatimi balinkugomoka, balinkumwimika nukuntufya Kyala pali syosa isi basipilike nukusibona, bo mumo babuliligwe.
21Lelo bo lifikile ilisiku lya lwele ilya kumbutilako, balinkumpa ingamu ya Yesu, yiyo yayobigwe nugwandumi bo akali nukuyamo munda munna.
Yesu ikutwaligwa mwa Tempeli
22Lelo bo lifikile ilisiku lya kwelusigwa kwabo, bo mumo luyilile ululagilo lwa Mose, popapo balinkuntwala ku-Yeru-
23salemu, balinkwakumbonesya kuNtwa, (bo lilyo lisimbigwe ndulagilo lwa Ntwa ukuti: Tosa utwana utunyambala utwigulanjila kubannabo, tukuyobigwaga ukuya twikemo kuNtwa).
24Balinkutwala ifya kwikemekesya, bo lilyo liyobigwe ndulagilo lwa Ntwa ukuti: Ingungubiya ibili, pamo utwana twa ngunde tubili.
Simeoni, nulutufyo lwake
25Lelo alimo umundu yumo mu-Yerusalemu uyu ali yo Simeoni ingamu, uyu ali mundu ngolofu untila-Kyala, alugulilaga ulusubisyo lwa Israeli, yope na Mbepo Mwikemo
26alinkuya pamyake. Mbepo Mwikemo alimwigulile ukuti atisakukubonaga ukufwa, bo akambona Kristi gwa Ntwa.
27Alinkwisa mwa Tempeli bo Mbepo ansukenie; lelo bo abapapi bikwingila nagwe umwanike Yesu, ukuti bambombele
28ukufwana nulwiho lwa ndulagilo, popapo umwene alinkumwambilila mmaboko, alinkuntufya Kyala alinkuti:
29Lilino lelo gwe Ntwa undekesyege untumwa gwako,
Abukege ndutengano, bo papo gwayobile;
30Namanga amaso gangu gabubwene ubupoki bwako,
31Ubu ubutendekekisye ngani nkyeni mbandu bosa;
32Ulumuli lwa kubamulika abapanja,
Nukuya lwimiko lwa bandu bako abanyʼIsraeli.
33Umwene ugwise na yu nna, balinkusiswiga isi syayobigwaga
34isya mwanike. Popapo Simeoni alinkubasaya, alinkumbula Maria unna alinkuti: Keta, uyu yo uyu abikigwe ukuti bagwege nukusumuka ba bingi mwa Israeli, ukuya kimanyilo
35kya kukanigwa. Nayuyugwe ulubo lwisakukulasaniaga mmoyo gwako — ukuti siguligwege inyinogono ifuma mundumbula sya bingi.
Hana
36Lelo alipo yumo unkunguluka unkikulu, uyu ali yo Hana ingamu, umwana gwa Fanueli, ugwa nkikolo kya Aseri, yo afikilepo pabukangale. Umwene agonile pandume ifyinja
37fihano na fibili ukufuma apa beganege, yo ali mfwile ukufika apa ali nifyinja amalongo lwele na fina (84), alinkusita nukusokamo mwa Tempeli, alinkumbombela Kyala alinkufipika
38ifindu nukwiputa pamusi na pakilo. Yo alinkwisa pakabalilo kako, alinkugwa ulupi kwa Kyala, alinkubabula isya mwanike, bosa aba babugulilaga ububangi bwa Yerusalemu.
Ubukeke bwa Yesu
39Lelo bo bamalisisye syosa ukufwana nululagilo lwa Ntwa, popapo balinkugomoka ukubuka mu-Galilai, nkaya kabo ka
40Nazareti. Umwene umwanike alinkukuta, alinkukaka, alinkwisula amahala, lyope nipyana lya Kyala lilinkuya pamyake.
41Bwila pakyinja abapapi bake babukaga ku-Yerusalemu
42kukyaka kya Pasa. Lelo umwene bo ali nifyinja kalongo na fibili, popapo balinkufyuka ukubuka, bo mumo lwayilile
43ulwiho lwa kyaka. Lelo bo bagamalisisye amasiku gabo, bo bikugomoka, umwanike Yesu alinkusyala mu-Yerusalemu;
44abene abapapi bake balinkusita nukumanya. Papo batigi ali nkilundilo, balinkwenda injila ya isiku limo, balinkundonda
45mbakamu babo na nabinabo; lelo bo bakamwaga, popapo
46balinkugomoka ukubuka mu-Yerusalemu nkundonda. Bo gakindilepo amasiku matatu, balinkumwaga mwa Tempeli, atugesye pakati pabamanyisi, ikubapilikisya nukubalalusya,
47loli bosa aba bampilikisyaga, balinkuswiganika fiyo ukusya-
48gania kwake nukwamula kwake. Lelo bo bambwene, popapo balinkugasuka, umwene unna alinkumbula alinkuti: Gwe mwagwe, nongwa ya fiki utubombile bo sisisi? Keta uguso
49nanine tukulondile nubusulumanie. Umwene alinkubamula alinkuti: Mwandondelaga fiki? Ngimba mukamenye ukuti
50kumbagile ukuyamo nnyumba ya Tata? Loli balinkusita
51nukulyagania ilisyu ili ababulaga. Popapo alinkusuluka nabo ukubuka mu-Nazareti; umwene alinkwilamba kumyabo, loli
52unna alinkusibika syosa sisisi mundumbula yake. Umwene Yesu alinkongelapo ukubala mmahala na mbukusi, alinkukaba ilipyana kwa Kyala na kubandu.
Currently Selected:
Luka 2: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
