Luka 24
24
Ukusyuka kwa Yesu
(Mat. 28,1-10; Mar. 16,1-8; Yoh. 20,1-10)
1Loli pisiku ilitasi ilya ndungu, nulubunju fiyo, balinkubuka kwipumba, balinkutwala imikota iminunga gigyo
2batendekisye. Loli balinkwaga ilibwe liseguligwepo pipumba,
3balinkwingila, balinkwaga umbili gwa Ntwa Yesu gukayamo.
4Lelo bo bikwalangana itolo pali sisisi, keta, balinkwaga abandu babili bimile pabupipi nabo, bafwele imyenda igi
5gyamulikaga. Popapo balinkutetema fiyo, balinkwinamila pasi; abene balinkubabula balinkuti: Umumi yo mwati
6mundondege mbafwe muno? Akayamo muno, himma, loli asyukile. Amukumbukege isi ababulile bo akali tasi ali
7mu-Galilai, apa atigi: Nnyamundu fikuti abikigwege mmaboko ga batulanongwa, akomeligwege pakikohekano, kangi
8pisiku lya butatu asyukege. Abene balinkugakumbuka
9amasyu gake; popapo balinkugomoka ukufuma kwipumba, balinkwakubabula abakalongo na yumo nabangi bosa syosa
10sisisi. Abene bali bo ba-Maria ugwa mu-Magdala, na Yohana, na Maria (unna) gwa Yakobu, nabakikulu abangi aba bali pamopene nabo; balinkubabula abatumigwa inongwa
11sisisi. Loli abene, inongwa sisisi silinkuboneka ukuya sya
12itolo, balinkusita nukubitika. Umwene Peteri alinkusumuka, alinkubopa ukubuka kwipumba; alinkwinangila nkati, alinkugibona gyene gi myenda; alinkubuka kukaya, alinkuswiganika kuli isi syabonike.
Yesu ikubasetukila abafundigwa babili munjili ya ku-Emausi
(Mar. 16,12-13)
13Lelo popapo musi gugo, abinabo bamo babili balinkubuka nkaya aka batigi Emausi, kali pantambo gwa maili ihano na
14ibili ukufuma mu-Yerusalemu. Balinkuyobesania pali syosa
15isi syabonike. Lelo bo bikuyoba nukulalusania, popapo
16Yesu yuyo alinkusegelela, alinkulongosania nabo. Loli amaso
17gabo gapinyigwe ukuti bangammanyaga. Umwene alinkubalalusya alinkuti: Go masyu maki aga mukuyobesania bo
18mukwenda? Popapo balinkwima nubusulumanie. Lelo umwinabo yumo uyu ali yo Kleopa ingamu, alinkumwamula alinkuti: Kali yo ugwe gwe uli nhesya gwimwene mu-Yerusalemu, gwe nsitakusimanya isi sibonike mumo amasiku
19aga? Umwene alinkuti: Siliku? Abene balinkumbula balinkuti: Isya Yesu gwa mu-Nazareti, uyu ali nkunguluka gwa maka mumbombo na mmasyu, nkyeni mwa Kyala na mbandu
20bosa; na muno abaputi abakulumba nabalagili bitu balimbikile mbulongi bwa kuti afwege, nukunkomela pakikohekano.
21Loli uswe twasubilaga ukuti yo gwa kumbanga Israeli. Pamwanya pali isi, ili lyo isiku lya butatu ukufuma apa
22syabonekile sisisi. Lilino kangi bamo abakikulu aba nkilu-
23ndilo kyitu batunyomwisye, batemelile kwipumba, lolibakagwaga umbili gwake; bo bagomwike batile bakibwene iki-
24setuka kya bandumi, aba batile mumi. Kangi nabinitu bamo bo babukile kwipumba, balinkwakwaga sili bo mumo bayobile
25abakikulu, loli umwene balinkusita nukumbona. Popapo alinkubabula alinkuti: Mwe basitamahala umwe, mwe basito indumbula ukusitika syosa isi basiyobile abakunguluka;
26kali kukabagile ukuti Kristi akubilwege muli syosa sisisi,
27nukwingila mbukulumba bwake? Alinkufuma pa Mose napabakunguluka bosa, alinkubalingania syosa isi sikunjoba
28yuyo mwa bakalata bosa. Balinkusegelela nkaya aka babu-
29kangamo, umwene alinkufwana ikulonda ukukisania. Popapo abene balinkumfimbilisya balinkuti: Uligonaga nanuswe papapa, buno mayolo, kangi ubusiku bwilile. Popapo ali-
30nkwingila nnyumba alinkuya nabo. Lelo bo atugasenie nabo pakulya, alinkwega ikisyesye, alinkugwa ulupi, alinkuki-
31menyania nukubapa. Popapo amaso gabo balinkwiguka, balinkummanya; umwene loli alinkuyonga kumaso gabo.
32Popapo balinkuyobesania balinkuti: Bule indumbula syitu sikapyaga mmyitu, bo ikuyoba nanuswe munjila isya mwa
33bakalata? Popapo balinkusumuka pakabalilo kako, balinkugomoka ukubuka mu-Yerusalemu; mo balinkwakwaga bala
34kalongo na yumo, naba bali nabo babungene, bikuti: Sya
35naloli, uNtwa asyukile, ansetukile Simoni. Bope balinkubapangila isya munjila, na muno balimmanyile bo ikumenyania ikisyesye.
Yesu ikubasetukila abatumigwa bake
(Mat. 28,16-20; Mar. 16,14-18; Yoh. 20,19-23)
36Lelo bo bali pakusiyoba sisisi, Yesu yuyo alinkwima pakati
37pamyabo alinkuti: Ulutengano luyege nanumwe. Popapo balinkunyomoka nukutenguka fiyo; binogonaga ukuti, bʼa-
38mbwene nsyuka. Umwene alinkubabula alinkuti: Mukwa-
39langana fiki, mukwilusania fiki mundumbula syinu? Amuketege amaboko gangu namalundi, yo yuyune; amumbalamasyege mukete, buno unsyuka akaya numbili nififdpa, bo
40apa mukumbona une ukuya nafyo. Umwene bo ayobile
41lilili, popapo alinkubanangisya amaboko namalundi Lelo bo bakali batikwitika panongwa ya lusekelo, bo bakali bikuswiga, alinkubabula alinkuti: Muli nafyo fimo ifyakulya apa?
42-43Abene balinkumpa ikimenya kya nswi inyokye; umwene alinkwega, alinkulya nkyeni mmyabo.
44Popapo alinkubabula alinkuti: Aga go masyu gala nababulile bo ngali ndi nanumwe, aga kuti: Fikuti simalisigwege syosa isi sikunjoba une ndulagilo lwa Mose, mbakunguluka
45na munyimbo sya Israeli. Popapo alinkubigulila amahala aga
46kusyagania isya mwa bakalata. Alinkubabula alinkuti: Bo sisimbigwe bunobuno isya kuti: Kristi isakukubilwaga,
47nukusyuka mbafwe pisiku lya butatu; nisya kuti ulupinduko nubuswe bwa nongwa fifumusigwege mungamu yake kufikolo
48fyosa, — ukwanda mu-Yerusalemu. Umwe muli baketi ba
49nongwa sisisi. Keta lelo, nikubatumilaga ulufingo lwa Tata; loli umwe tasi amuyege nkaya munomuno, ukufika apa mukufwikigwaga amaka ga kumwanya.
Ukufyuke kumwanya
(Mar. 16,19-20; Bat. 1,9-14)
50Popapo alinkusoka nabo, alinkulabila nabo mu-Betania;
51alinkwinula amaboko gake, alinkubasaya. Lelo bo ali pakubasaya, alinkwikwaba kumyabo, alinkwegigwa ukubuka
52kumwanya. Popapo balinkumbungulukila, balinkugomoka
53ukubuka mu-Yerusalemu nulusekelo ulukulumba; balinkuya bwila mwa Tempeli, balinkuntufya Kyala.
Currently Selected:
Luka 24: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
