Matai 18
18
Isya kwiyisya
(Mar. 9,33-37; Luk. 9,46-48)
1Pakabalilo kako abafundigwa balinkwisa kwa Yesu, balinkundalusya balinkuti: Kali ywani lelo unkulumba
2mbutwa bwa kumwanya? Umwene alinkumbilikila umwanike, alinkumbika pakati pamyabo, alinkuyoba alinkuti:
3Naloli nikubabula une nikuti: Linga mutikupinduka ukuya bo abakeke, mutisakwingilamo siku mbutwa bwa kumwanya.
4Loli uyu linga ikwiyisya bo umwanike yuyuyu, yo ikuyaga
5nkulumba mbutwa bwa kumwanya. Uyu linga ikumwambilila yumo umwanike bo yuyuyu mungamu yangu, bo anya-
6mbilile une; loli uyu linga ikumpesya yumo ugwa banandi aba bikunyitika une, yo kumbagile ukunkungilila ulwala ulunywamu mmakosi, nukumwibisya pabusolofu bwa nyanja.
7Hitata gwe kisu panongwa ya mbesyo; namanga imbesyo syo fikuti sisege, loli hitata kumundu uyu ulupesyo lukwisila-
8ngamo! Linga ikiboko kyako pamo ikilundi kyako kikukusofya, ukibute ukitage; buno kununupo ugwe ukwingila mbumi bo gwagilwe ikiboko pamo ikilundi, ukukinda ukuya namaboko mabili pamo amalundi mabili, bo kuta gigwa mmoto
9gwa bwila. Kangi linga ikisige kyako kikukusofya, fyula ukitage; buno kununupo ugwe ukwingila mbumi nikisige kimo, ukukinda ukuya nafyo ifisige fibili, bo kusopigwa mu-Gehena ya moto.
10Mwandege mungansyokelaga nayumo ugwa banandi aba, buno nikubabula umwe nikuti: Abandumi babo kumwanya
11bikukiketa bwila ikyeni kya Tata gwa kumwanya. [Buno Nnyamundu isile nkupoka aka kasobile.]
Ikifwanikisyo kya ngʼosi isobe
(Luk. 15,3-7)
12Bule umwe mukuti fiki? Linga umundu yumo ali ningʼosi imia yimo (100), lelo yimo yende nukusoba, kali atisakusileka isingi amalongo mahano na mana na ihano na ina (99) mfya-
13mba, nukubuka kukuyilonda iyi yisobile? Lelo linga ayagile, naloli nikubabula umwe nikuti: Ikuyisekelela fiyo ukukinda inine sila amalongo mahano na mana na ihano na ina (99)
14isi sikasobile. Bunobuno lelo bukaya bwigane bwa Gwisemwe gwa kumwanya, ukuti yumo mbanandi aba asobege.
Muno fikuti tubabombelege ababombambibi
(Luk. 17,3)
15Lelo linga ugwamyinu akuligile simo, buka ukannangisye ubusobi bwake bo mwiyekile, linga akupilike, bo unkabile
16ugwamyinu; loli linga atikupilika, po umwegege yumo nalinga babili, ukuti inongwa yosa yiyege mmilomo gya
17baketi babili pamo batatu. Linga bope atikubitika, po ukibule ikipanga; linga kyope ikipanga atikukitika, yo kumyako
18ayege bo umpanja itolo, nunsongesyasongo. Naloli nikubabula umwe nikuti: Syosa isi linga mukusipinya pakisu, sikuyaga mbinyigwa nakumwanya; syosa isi linga mukusya-
19bula pakisu, sikuyaga nyabuligwa na kumwanya. Kangi nikubabula umwe nikuti: Linga babili mmyinu bitikene pakisu apa nkandu kosa aka bikusuma, bisakupegigwaga na
20Tata gwa kumwanya. Namanga apa linga babili pamo batatu babunganile mungamu yangu, nanine ndipo papo nkati mmyabo.
Muno fikuti tuswelege inongwa. Ikifwani kya utumwa unsitaluhobokelo
(Luk. 17,4)
21Popapo Peteri alinkwisa kumyake alinkundalusya alinkuti: Malafyale, ugwamyitu andigege kalinga bo ngali ngunswa?
22Ukufika kahano na kabili? Umwene Yesu alinkumbula alinkuti: Ndikuti ukufika kahano na kabili, himma, loli ukufika pamalongo mahano na mabili ukwandisaniana kahano
23na kabili (70 X 7). Bunobuno ubutwa bwa kumwanya bufwene nuntwa yumo, uyu alondaga ukutendekesya inongwa ya
24kyuma kyake nabatumwa bake. Lelo bo ikwanda ukubala, popapo alinkutwaligwa kumyake yumo uyu alile batalenti
25baelifu kalongo (10,000).#1 Talenti = Shs. 5,000. Papo akali nafyo ifya kuhomba, popapo umalafyale gwake alinkulagila alinkuti ulisigwege yuyo, nunkasi, nabana, na fyosa ifi ali nafyo; ukuti mo
26amalilege inongwa yake. Popapo untumwa alinkugwa pasi, alinkumbungulukila alinkuti: Malafyale, ulifisaga ilyoyo tasi
27kumyangu, nisakukuhombaga fyosa itolo. Popapo umalafyale gwa ntumwa yula ikisa kilinkumwaga, alinkumwabula alinkun-
28hobokela inongwa yake. Lelo bo untumwa yula ikusoka, alinkumwaga yumo mbatumwa abanine, uyu alile badenari bake imia yimo (100),#1 denari = Sents 75. yo alinkunkola, alinkumpita kummilo
29alinkuti: Hombaga ifi gwalile. Popapo untumwa unnine alinkugwa mmalundi mmyake alinkumpyelesya alinkuti:
30Ulifisaga ilyoyo tasi kumyangu, nisakukuhombaga. Umwene loli alinkusita nukwitika, alinkubuka alinkwakunsopa nnyumba ya bannyololo, ukufika papo isakubombaga fifyo alile.
31Abene abatumwa abanine bo basibwene isi syabombigwe, balinkusulumania fiyo, balinkwakumbula umalafyale gwabo
32syosa isi syabombigwe. Popapo umalafyale gwake alinkumbilikila, alinkuyoba nagwe alinkuti: Gwe ntumwa gwe mbibi ugwe, nakuhobokile inongwa yako yosa yila bo umbye-
33lisye; kukabagile nanungwe ukuti umpakisyege untumwa
34unnino, bo apa nanine nakupakisye ugwe? Popapo umalafyale gwake alinkukalala fiyo, alinkumbika mmaboko ga balufundo, ukufika papo isakubombaga fyosa fifyo alile.
35Bunobuno lelo bo isakutendekaga nanumwe Tata gwa kumwanya, linga umwe mutikuswa mundumbula syinu, uyu ugwamyabo uyu ugwamyabo.
Currently Selected:
Matai 18: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
