Matai 21
21
Yesu ikwingila mu-Yerusalemu
(Mar. 11,1-11; Luk. 19,28-40; Yoh. 12,12-19)
1Lelo bo basegelile ku-Yerusalemu, bo bafikile mu-Betfage, nkyamba kya misyunguti, po Yesu alinkubatuma abafundigwa bake babili alinkubabula alinkuti:
2Amubukege nkaya aka muningene nako, mo mutisakuhaba ukuyaga imbunda iyi yikungigwe, yili nimwana papo; syo
3mukasyabule mundwalile. Linga yumo ikubalalusya simo, po mukatigi: UMalafyale ikusilonda; po atisakuhabapo
4ukusituma. Sisisi sipelaga ukuti mo simalikilege sisyo syayobeligwe munkunguluka apa atigi:
5Amumbule undindwana Sioni mutigi:
Keta, uNtwa gwako ikwisa kumyako,
Untengamoyo, itogile pambunda,
Pakapunda, akamwana ka mbimbamitwalo.
6Popapo abafundigwa balinkubuka, balinkwakubomba bo
7mumo abalagilile Yesu. Balinkwakuyitwala imbunda nimwana, balinkwalisyapo imyenda gyabo pamwanya; umwene
8alinkutugasyapo. Abandu ikilundilo ikikulumba fiyo balinkwalisya imyenda gyabo munjila, abangi balinkukonyola
9isamba sya mipiki balinkwalisya munjila. Ifilundilo ifi fyalongwile, na ifi fyakongaga, Alinkukolela filinkuti:
Hosiana gwe nnya Davidi,
Nsayigwa uyu ikwisila mungamu ya Ntwa.
Hosiana kumwanya.
10Lelo bo ayile kwingila mu-Yerusalemu, po akaya kosa kalinkufulunganika, balinkulalusya balinkuti: Ywani yuyuyu?
11Abene aba nifilundilo balinkubabula balinkuti: Uyu yo nkunguluka Yesu gwa ku-Nazareti, mu-Galilai.
Yesu ikumwelusya Tempeli
(Mar. 11,15-19; Luk. 19,45-48; Yoh. 2,13-22)
12Popapo Yesu alinkwakwingila mwa Tempeli, alinkubakagamo bosa aba bulisyaga, naba bulaga mwa Tempeli, alinkufigwisya ifitalati fya busaniandalama, nifikota fya bulisya-
13ngunde; alinkubabula alinkuti: Lisimbigwe ilya kuti: Inyumba yangu yikuyobigwaga ukuya nyumba ya kwiputi-
14lamo, umwe loli muyipelile mbako ya minyambuta. Lelo bo ali mwa Tempeli, popapo balinkwisa kumyake abafwamaso, naba bamyonyokaga ukwenda; umwene alinkubabumbulusya.
15Abene loli abaputi abakulumba nabamanyakalata, bo bafibwene ifiswigu ifi apelaga, nabanike aba bakolelaga mwa Tempeli ukuti, Hosiana gwe nnya Davidi, balinkwenda
16nukukalala. Balinkundalusya balinkuti: Kupilika isi bikuyoba aba? Umwene Yesu alinkuti: Ena nikupilika. Umwe mukabalamo ili likuti: Gwitendekekisye ulutufyo mmilomo
17gya bafyele naba bikonga? Popapo alinkubaleka papo, alinkusokamo nkaya, alinkubuka mu-Betania, mo alinkwakugona.
Unkuyu unsitaseke
(Mar. 11,12-14.20-26)
18Lelo nulubunju bo ikugomoka ukubuka mu-Yerusalemu,
19injala yilinkunduma. Popapo alinkugubona unkuyu gumo pambali panjila, alinkwakufika papo, alinkwaga Akayamo nafimo loli ga mani gene. Popapo alinkugubula alinkuti: Singisakubonekamo siku iseke mmyako kangi. Nakalinga
20unkuyu gulinkuma. Lelo bo abafundigwa basibwene, bali-nkuswiganika balinkuti: Ko kuma kuki mbibimbibi unkuyu
21ugu? Umwene Yesu alinkwamula, alinkubabula alinkuti: Naloli nikubabula umwe nikuti, linga muli nulwitiko, kangi mutikwilamwa, mutisakubombaga bo ka ka nkuyu kene, himma, pope nalinga mukukibula ikyamba iki mukuti: Gwi-
22pimbe gwitage munyanja, po sisakubombigwaga. Fyosa ifi linga mukusuma ndwiputo, linga mwitike, mwisakwambililaga.
Yesu ikulalusigwa isya maka gake
(Mar. 11,27-33; Luk. 20,1-8)
23Lelo bo ingile mwa Tempeli ikumanyisya, popapo balinkwisa kumyake abaputi abakulumba nabakulumba ba bandu, balinkundalusya balinkuti: Isi, kubombela mmaka maki?
24Kangi ywani akupele amaka gagaga? Umwene Yesu alinkwamula alinkubabula alinkuti: Nanine nikubalalusya ilisyu limo, linga munyamwile, po nanine nikubabulaga amaka ga
25uyu ngubombelamo sisisi. Ulosyo lwa Yohani lwafumile kugu? Lwafumile kumwanya pamo kubandu? Abene balinkuyobesania balinkuti: Linga tukuti: Lwafumile kumwa-
26nya, umwene isakutigi: Po fiki mukamwitikaga lelo? Kangi linga tukuti: Lwafumile kubandu, tukukitila ikilundilo,
27namanga bosa balimbwene Yohani ukuya nkunguluka. Abene balinkumwamula Yesu balinkuti: Tukamanya. Yope alinkubabula alinkuti: Po nanine ndikubabulaga amaka ga uyu ngubombelamo sisisi.
Ikifwanikisyo kya bana abalumyana babili
28Bule umwe mukuti fiki? Umundu yumo ali nabana babili abalumyana. Alinkubuka kuntasi alinkuyoba alinkuti: Gwe mwanangu, umusyugu bukaga ukabombege mungunda gwa
29mafilu. Umwene alinkwamula alinkuti: Ena Malafyale, loli
30alinkusita nukubuka. Popapo alinkwisa kugwa bubili, alinkuyoba sisyo. Yo alinkwamula alinkuti: Ngigana; loli pa-
31nyuma alinkupinduka, alinkubuka. Bo babili bababa, ywani uyu akongile ubwigane bwa gwisabo? Balinkuti: Ugwa kunyuma. Popapo Yesu alinkubabula alinkuti: Naloli nikubabula umwe nikuti, abasongesyasongo nabahahani biku-
32balekelelaga ukwingila mbutwa bwa Kyala. Namanga Yohani alisile kumyinu munjila ya bugolofu, mukalimwitike; loli abasongesyasongo nabahahani balimwitike. Umwe bo mukusibona sisisi, panyuma mulinkusita nukupinduka ukuti mumwitike.
Ikifwanikisyo kya ngunda gwa mafilu
(Mar. 12,1-12; Luk. 20,9-19)
33Amupilikisyege ikifwanikisyo ikingi. Aliko umwenenyumba uyu alimile ungunda gwa mafilu, alinkusyungusya ulupaso, alinkukumba mumo ikina kya kukamilamo amafilu, alinkuyenga ikisonge,#Ikisonge: bamo bikuti ingasya. alinkubasima abalimi aba kunhomba,
34alinkubuka kukisu ikingi. Lelo bo kasegelile akabalilo ka seke, alinkubatuma abatumwa bake kubalimi bala ukwaku-
35mwegelako iseke syake. Abene abalimi bala balinkubakola abatumwa bake, yumo balinkunkoma, yumo balinkungoga,
36nuyungi balinkuntika namabwe. Kangi alinkubatuma abatumwa abangi abingipo kubatasi; bope balinkubabombela
37sisyo. Panyuma alinkubatumila umwanake alinkuti: Umwa-
38nangu yo bisakumwimikaga. Loli abene abalimi bo bambwene umwanake, balinkuyobana balinkuti: Uyu yo yu mwenekilingo, isaga tungoge, ukuti tuyege twe benekilingo.
39Popapo balinkumwega, balinkunsosya mungunda gwa mafilu,
40balinkungoga. Linga isile umwenengunda gwa mafilu, isaku-
41tubulege nabo abalimi bala? Abene balinkumbula balinkuti: Isakubonangaga kabibi abandu ababibi bala, isakubasimaga ungunda abalimi abangi, aba bisakumpaga iseke nkabalilo
42kake. Umwene Yesu alinkubabula alinkuti: Mukabalamo siku mwa bakalata apa pikuti:
Ilibwe ili balisyokile abayengi,
Lyo lipelile ukuya ibwe ikulumba lya panguto;
Iyi yo mbombo ya Ntwa
Kangi ya kuswigisya kumaso gitu?
43Ko kuno nikubabula umwe nikuti: Ubutwa bwa Kyala bwisakunyakigwaga kumyinu, bwisakupegigwaga kukikolo
44iki kisakupaga iseke mmyake. [Uyu linga ikugwa pibwe lilili, yo isakutayanikaga; kangi uyu linga nkungwila, likuntaka-
45niaga itolo.] Lelo bo abaputi abakulumba nabaFarisai bapilike ififwanikisyo fyake, balinkusyagania ukuti ikubabala bo
46babo. Balinkulonda ukunkola, loli balinkufitila ifilundilo, namanga fyalimbwene ukuya nkunguluka.
Currently Selected:
Matai 21: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
