EFETIKILO 25
25
1Avirahama wa kuẽla vali ukãi ukuavo, onduko yaye Ketura. 2Wa cita laye omãla, Simirama, Ikasane, Medana, Midiane, Isimbake la Suha. 3Ikasane yu wa cita Seva la Dedane. Omãla va Dedane ovo va Asuri la va Letusi kuenda va Lewumi. 4Omãla va Midiane vava, Efa, Efere, Hanoke, Avida la Eldana. Ava vosi omãla va Ketura. 5Avirahama wa eca cosi a kuete ku Isake. 6Puãi komãla valume ava a cita lakama, Avirahama wa eca olombanjaile; kuenje osimbu a kala lomuenyo wa va tepisa komõlaye Isake, wa va tuma kutundilo, kofeka ya Kedema.
7Oloneke viovanyamo omuenyo wa Avirahama vievi: ocita lakui epanduvali kanyamo kanyamo atãlo. 8Avirahama wa tula omuenyo, wa fa tupu ekongo liocili, osekulu muẽle, wa kuka ca lua, wa enda ku vangandiaye. 9Omãla vaye, Isake la Isamẽli, vo kenda veleva lia Makapela, vusenge wa Efirone omõla a Soyara, u Hiti, una u kasi kutundilo wa Mamire, 10haiwo usenge Avirahama a landele ku va Hiti; omo va kenda Avirahama kuenda ukãi waye Sara. 11Kovaso yokufa kua Avirahama, Suku wa sumuluisa omõlaye Isake. Isake wa tumãla ko Bere-lahai-roi.
12Alo o-o apata a Isameli, omõla a Avirahama una Hagare u Egito, ufeko wa Sara, a cita ku Avirahama. 13Olonduko viomãla va Isameli poku luka kuavo ndeci va likuama koku citiwa vievi: Nuñulu ya Isameli Nevayoti, kuenda Kedare, Adivele, Mivisama, 14Misima, Duma, Masa, 15Hadade, Tema, Yeturi, Nafisi la Kedema. 16Ovo omãla va Isameli, kuenda ovio olonduko viavo lovaimbo avo lovilombo viavo ekui liolombuale kolombuale vivali, kapata avo. 17Anyamo vomuenyo wa Isameli a soka locita kakui atatu kanyamo kanyamo epanduvali. Wa tula omuenyo, wa fa, kuenje wa enda ku va so yaye. 18Ofeka yavo ya kala tunde ko Havila toke ko Suri, kongave ya Egito, vofeka yimba ovaso ka Asuria. Wa litungila konele ya vangandiaye vosi.
19Alo o-o apata a Isake omõla a Avirahama. Avirahama wa cita Isake. 20Isake wa tẽla akui akuãla kanyamo eci a kuẽla ukãi waye Rebeka, omõla a Betuele u Arama, kuna ketapi lia Arama, mukãi wa Lavane u Arama. 21Isake wa likutililila ku Yehova ukãi waye, omo wa kala osiũle. Yehova wa tava kohutililo yaye kuenje ukãi waye Rebeka we mina. 22Omãla vaco va liyakela vimo liaye, yu wa linga hati, Nda oco ci kasi ame ñala ndeti? Oco wa enda oku ci pula ku Yehova.
23Yehova wa popia laye hati,
Olofeka vivali vi li vimo liove.
Apata avali o cita a litepa.
Epata likuavo li pama ca lua, likuavo li sule.
Ukulu wendamba o vumba umãlehe.
24Eci oloneke viaye vioku cita via pitila oco vimo liaye mua kala olonjamba. 25Omõla watete eci a tunda, etimba liaye liosi li kusuka ndocikutu cocipa; oco vo luka Esau. 26Noke manjaye wa tunda, kuenje eka liaye lia kuatelela kocisendemãi ce Esau; oco vo luka Yakoba. Isake wa kala lakui epandu kanyamo eci Rebeka a va cita.
27Eci omãla va kula, Esau wa linga enyanga, ukuosenge. Yakoba eye embombe, ocimbakoko. 28Isake wa sola Esau momo wa lialia olositu viaye. Rebeka wa sola Yakoba.
29Eteke limue, eci Yakoba a kala loku teleka ombelela, Esau weya, wa tiuka kusenge, wa lambuka. 30Esau wa popia la Yakoba hati, Nyiheko kamue okambelela aka ka kusuka, momo nda lambuka. Oco vo lukila Edome. 31Yakoba wa linga hati, Tete ndandise unuñulu wove. 32Kuenje Esau wa kumbulula hati, Ota, nda lunga lokufa, unuñulu waco hẽ, u sumũluisa ndati? 33Yakoba wa linga hati, Likuminya lame tete. Yu wa likuminya laye kuenje wa landisa unuñulu waye ku Yakoba. 34Yakoba wa iha Esau ombolo lombelela yohale, kuenje Esau wa lia, wa nyua, wa katuka, wa enda. Omo Esau a sepula unuñulu waye.
Currently Selected:
EFETIKILO 25: EMB63
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.
EFETIKILO 25
25
1Avirahama wa kuẽla vali ukãi ukuavo, onduko yaye Ketura. 2Wa cita laye omãla, Simirama, Ikasane, Medana, Midiane, Isimbake la Suha. 3Ikasane yu wa cita Seva la Dedane. Omãla va Dedane ovo va Asuri la va Letusi kuenda va Lewumi. 4Omãla va Midiane vava, Efa, Efere, Hanoke, Avida la Eldana. Ava vosi omãla va Ketura. 5Avirahama wa eca cosi a kuete ku Isake. 6Puãi komãla valume ava a cita lakama, Avirahama wa eca olombanjaile; kuenje osimbu a kala lomuenyo wa va tepisa komõlaye Isake, wa va tuma kutundilo, kofeka ya Kedema.
7Oloneke viovanyamo omuenyo wa Avirahama vievi: ocita lakui epanduvali kanyamo kanyamo atãlo. 8Avirahama wa tula omuenyo, wa fa tupu ekongo liocili, osekulu muẽle, wa kuka ca lua, wa enda ku vangandiaye. 9Omãla vaye, Isake la Isamẽli, vo kenda veleva lia Makapela, vusenge wa Efirone omõla a Soyara, u Hiti, una u kasi kutundilo wa Mamire, 10haiwo usenge Avirahama a landele ku va Hiti; omo va kenda Avirahama kuenda ukãi waye Sara. 11Kovaso yokufa kua Avirahama, Suku wa sumuluisa omõlaye Isake. Isake wa tumãla ko Bere-lahai-roi.
12Alo o-o apata a Isameli, omõla a Avirahama una Hagare u Egito, ufeko wa Sara, a cita ku Avirahama. 13Olonduko viomãla va Isameli poku luka kuavo ndeci va likuama koku citiwa vievi: Nuñulu ya Isameli Nevayoti, kuenda Kedare, Adivele, Mivisama, 14Misima, Duma, Masa, 15Hadade, Tema, Yeturi, Nafisi la Kedema. 16Ovo omãla va Isameli, kuenda ovio olonduko viavo lovaimbo avo lovilombo viavo ekui liolombuale kolombuale vivali, kapata avo. 17Anyamo vomuenyo wa Isameli a soka locita kakui atatu kanyamo kanyamo epanduvali. Wa tula omuenyo, wa fa, kuenje wa enda ku va so yaye. 18Ofeka yavo ya kala tunde ko Havila toke ko Suri, kongave ya Egito, vofeka yimba ovaso ka Asuria. Wa litungila konele ya vangandiaye vosi.
19Alo o-o apata a Isake omõla a Avirahama. Avirahama wa cita Isake. 20Isake wa tẽla akui akuãla kanyamo eci a kuẽla ukãi waye Rebeka, omõla a Betuele u Arama, kuna ketapi lia Arama, mukãi wa Lavane u Arama. 21Isake wa likutililila ku Yehova ukãi waye, omo wa kala osiũle. Yehova wa tava kohutililo yaye kuenje ukãi waye Rebeka we mina. 22Omãla vaco va liyakela vimo liaye, yu wa linga hati, Nda oco ci kasi ame ñala ndeti? Oco wa enda oku ci pula ku Yehova.
23Yehova wa popia laye hati,
Olofeka vivali vi li vimo liove.
Apata avali o cita a litepa.
Epata likuavo li pama ca lua, likuavo li sule.
Ukulu wendamba o vumba umãlehe.
24Eci oloneke viaye vioku cita via pitila oco vimo liaye mua kala olonjamba. 25Omõla watete eci a tunda, etimba liaye liosi li kusuka ndocikutu cocipa; oco vo luka Esau. 26Noke manjaye wa tunda, kuenje eka liaye lia kuatelela kocisendemãi ce Esau; oco vo luka Yakoba. Isake wa kala lakui epandu kanyamo eci Rebeka a va cita.
27Eci omãla va kula, Esau wa linga enyanga, ukuosenge. Yakoba eye embombe, ocimbakoko. 28Isake wa sola Esau momo wa lialia olositu viaye. Rebeka wa sola Yakoba.
29Eteke limue, eci Yakoba a kala loku teleka ombelela, Esau weya, wa tiuka kusenge, wa lambuka. 30Esau wa popia la Yakoba hati, Nyiheko kamue okambelela aka ka kusuka, momo nda lambuka. Oco vo lukila Edome. 31Yakoba wa linga hati, Tete ndandise unuñulu wove. 32Kuenje Esau wa kumbulula hati, Ota, nda lunga lokufa, unuñulu waco hẽ, u sumũluisa ndati? 33Yakoba wa linga hati, Likuminya lame tete. Yu wa likuminya laye kuenje wa landisa unuñulu waye ku Yakoba. 34Yakoba wa iha Esau ombolo lombelela yohale, kuenje Esau wa lia, wa nyua, wa katuka, wa enda. Omo Esau a sepula unuñulu waye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.