EFETIKILO 26
26
1Vofeka mua kala onjala, onjala yina yatete yokoloneke via Avirahama hayoko. Isake yu wa ilila ko Gerare ku Avimeleke, osoma ya va Filisiti. 2Yehova wo tukulukila, wa linga hati, Ku ka lokile ke Egito. Tumãla vofeka hu sapuila. 3Tumãla ño vofeka yilo, kuenje ñala love, hu sumũluisa. Kokuove lokombuto yove ngeca olofeka evi viosi. Ndi tẽlisa ohuminyo nda likuminya la so Avirahama, 4kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove. 5Momo Avirahama wa pokola kondaka yange, kuenje wa lava lava ovikundi viange lovihandeleko viange, lovihõlo viange, lovisila viange.
6Oco Isake wa tumãla ko Gerare. 7Eci vakuafeka vo pula ukãi waye eye wa linga hati, U mukãi wange, momo wa kuata usumba woku linga hati, Ukãi wange, hati, Sanga vakuafeka va njipaya omo Rebeka wa posoka oku u vanja. 8Noke eci pa pita otembo ya lua, oco Avimeleke, osoma ya va Filisiti, wa vanjela ponjanela kuenje wa mõla Isake yo, oku papala lukãi waye Rebeka. 9Oco Avimeleke wa pañinya Isake, wa linga hati, Tala, eye ukãi wove. Nye wa popela huti, U mukãi wange? Isake wa popia laye hati, Momo nda simile siti, Sanga fa mekonda liaye. 10Avimeleke wa pula hati, Eci wa tu linga nye? Pa kamba naito okuti umue nda wa pekela lukãi wove, kuenje nda wa tu pisa ekandu. 11Avimeleke yu wa handeleka omanu vosi hati, U o lamba kulume u, pamue kukãi waye, o fa muẽle.
12Isake yu wa limila vofeka yaco kuenje ulima waco wongula ca lua okuti konjongo yimosi kua tunda ocita colonjongo. Yehova wo sumũluisa, 13kuenje wa linga ulume unene, wamamako lunene toke a linga ekope linene. 14Wa kala lukuasi wolomeme, lukuasi wolongombe, locikumba ca lua, kuenje va Filisiti vo kuatela onya. 15Va Filisiti va sitika loku lembika leve ovisimo viosi via fẽlele akuenje va isiaye, koloneke via isiaye Avirahama. 16Avimeleke yu wa popia la Isake hati, Kofeka yetu tundako, momo wa tu tulamẽla enene.
17Oco Isake wa ilukako, wa tamũlula ombalaka yaye vocimbota ca Gerare, omo a tumãla. 18Kuenje Isake wa lembulula ovisimo viovava via fẽliwile koloneke via isiaye Avirahama, momo va Filisiti va vi lembikile eci Avirahama a fa, yu wa vi luka vali olonduko isiaye a vi lukile. 19Puãi eci akuenje va Isake va fẽla vocimbota, kuenje va sanga ocisimo covava etumu, 20oco angombo voko Gerare va liyaka langombo va Isake vati, Ovava a etu. Yu wa luka ocisimo caco hati, Cuyaki, momo va liyaka laye. 21Kuenje va fẽla vali ocisimo cikuavo lacovo va ci liyakela, yu wa luka ocisimo caco hati, Cukuse. 22Yu wa sondololako, kuenje wa fẽla ocisimo cikuavo; ka va ci liyakelele vali, yu wa luka ocisimo caco hati, Casanjavala, kuenje hati, Momo kaliye Yehova wa tu vanjela ocitumãlo okuti tu kuata ombuto vofeka yilo.
23Yu wa lamanako toke ko Bereseva. 24Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama. 25Oco wa tungako utala, wa likutilila vonduko ya Yehova, wa tamuluilako ombalaka yaye. Haiko akuenje va Isake va fẽlela ocisimo.
26Avimeleke lekamba liaye, Ahusate, kuenda Fikoli, kesongo liovita viaye, va tunda ko Gerare, veya kokuaye. 27Isake wa popia lavo hati, Nye weyilili kokuange? Ene wa suvukili kuenje wa nundisili pokati kene. 28Ovo va linga vati, Tua limbuka ocili okuti Yehova o kasi love, oco tua linga tuti, Pokati ketu love pa kale ohuminyo okuti tu lisila love ocisila, 29cokuti ku tu lingi lãvi ndomo etu ka tua ku lambele, letu tua ku linga lika ciwa, kuenje tua ku eca lombembua. Cilo ove wukuesumũluho lia Yehova. 30Yu wa va telekela okulia kuenje va lia, va nyua. 31Omele va pasuka ociteketeke kuenje va lisila ocisila pokati kavo. Oco Isake wa va katula kuenje va enda lombembua. 32Eteke liaco hailio akuenje va Isake veya, vo sapuila ondaka yocisimo va fẽla, vati, Tua sanga ovava. 33Yu wa ci luka hati, Cohuminyo, oco onduko yimbo liaco yi kasi Bereseva toke etaili lilo.
34Eci Esau a tẽla akui akuãla kanyamo wa kuẽla ukãi Yutili, omola a Beri u Hiti, kuenda Basemate, omõla a Elone u Hiti; 35kuenje va valisa ca lua utima wa Isake la Rebeka.
Currently Selected:
EFETIKILO 26: EMB63
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.
EFETIKILO 26
26
1Vofeka mua kala onjala, onjala yina yatete yokoloneke via Avirahama hayoko. Isake yu wa ilila ko Gerare ku Avimeleke, osoma ya va Filisiti. 2Yehova wo tukulukila, wa linga hati, Ku ka lokile ke Egito. Tumãla vofeka hu sapuila. 3Tumãla ño vofeka yilo, kuenje ñala love, hu sumũluisa. Kokuove lokombuto yove ngeca olofeka evi viosi. Ndi tẽlisa ohuminyo nda likuminya la so Avirahama, 4kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove. 5Momo Avirahama wa pokola kondaka yange, kuenje wa lava lava ovikundi viange lovihandeleko viange, lovihõlo viange, lovisila viange.
6Oco Isake wa tumãla ko Gerare. 7Eci vakuafeka vo pula ukãi waye eye wa linga hati, U mukãi wange, momo wa kuata usumba woku linga hati, Ukãi wange, hati, Sanga vakuafeka va njipaya omo Rebeka wa posoka oku u vanja. 8Noke eci pa pita otembo ya lua, oco Avimeleke, osoma ya va Filisiti, wa vanjela ponjanela kuenje wa mõla Isake yo, oku papala lukãi waye Rebeka. 9Oco Avimeleke wa pañinya Isake, wa linga hati, Tala, eye ukãi wove. Nye wa popela huti, U mukãi wange? Isake wa popia laye hati, Momo nda simile siti, Sanga fa mekonda liaye. 10Avimeleke wa pula hati, Eci wa tu linga nye? Pa kamba naito okuti umue nda wa pekela lukãi wove, kuenje nda wa tu pisa ekandu. 11Avimeleke yu wa handeleka omanu vosi hati, U o lamba kulume u, pamue kukãi waye, o fa muẽle.
12Isake yu wa limila vofeka yaco kuenje ulima waco wongula ca lua okuti konjongo yimosi kua tunda ocita colonjongo. Yehova wo sumũluisa, 13kuenje wa linga ulume unene, wamamako lunene toke a linga ekope linene. 14Wa kala lukuasi wolomeme, lukuasi wolongombe, locikumba ca lua, kuenje va Filisiti vo kuatela onya. 15Va Filisiti va sitika loku lembika leve ovisimo viosi via fẽlele akuenje va isiaye, koloneke via isiaye Avirahama. 16Avimeleke yu wa popia la Isake hati, Kofeka yetu tundako, momo wa tu tulamẽla enene.
17Oco Isake wa ilukako, wa tamũlula ombalaka yaye vocimbota ca Gerare, omo a tumãla. 18Kuenje Isake wa lembulula ovisimo viovava via fẽliwile koloneke via isiaye Avirahama, momo va Filisiti va vi lembikile eci Avirahama a fa, yu wa vi luka vali olonduko isiaye a vi lukile. 19Puãi eci akuenje va Isake va fẽla vocimbota, kuenje va sanga ocisimo covava etumu, 20oco angombo voko Gerare va liyaka langombo va Isake vati, Ovava a etu. Yu wa luka ocisimo caco hati, Cuyaki, momo va liyaka laye. 21Kuenje va fẽla vali ocisimo cikuavo lacovo va ci liyakela, yu wa luka ocisimo caco hati, Cukuse. 22Yu wa sondololako, kuenje wa fẽla ocisimo cikuavo; ka va ci liyakelele vali, yu wa luka ocisimo caco hati, Casanjavala, kuenje hati, Momo kaliye Yehova wa tu vanjela ocitumãlo okuti tu kuata ombuto vofeka yilo.
23Yu wa lamanako toke ko Bereseva. 24Yehova wo tukulukila uteke waco, wa popia laye hati, Ame ndi Suku ya so Avirahama. Ku ka yokoke, ame muẽle ñasi love, hu sumũluisa. Nduisa ombuto yove, oku ci lingila ukuenje wange Avirahama. 25Oco wa tungako utala, wa likutilila vonduko ya Yehova, wa tamuluilako ombalaka yaye. Haiko akuenje va Isake va fẽlela ocisimo.
26Avimeleke lekamba liaye, Ahusate, kuenda Fikoli, kesongo liovita viaye, va tunda ko Gerare, veya kokuaye. 27Isake wa popia lavo hati, Nye weyilili kokuange? Ene wa suvukili kuenje wa nundisili pokati kene. 28Ovo va linga vati, Tua limbuka ocili okuti Yehova o kasi love, oco tua linga tuti, Pokati ketu love pa kale ohuminyo okuti tu lisila love ocisila, 29cokuti ku tu lingi lãvi ndomo etu ka tua ku lambele, letu tua ku linga lika ciwa, kuenje tua ku eca lombembua. Cilo ove wukuesumũluho lia Yehova. 30Yu wa va telekela okulia kuenje va lia, va nyua. 31Omele va pasuka ociteketeke kuenje va lisila ocisila pokati kavo. Oco Isake wa va katula kuenje va enda lombembua. 32Eteke liaco hailio akuenje va Isake veya, vo sapuila ondaka yocisimo va fẽla, vati, Tua sanga ovava. 33Yu wa ci luka hati, Cohuminyo, oco onduko yimbo liaco yi kasi Bereseva toke etaili lilo.
34Eci Esau a tẽla akui akuãla kanyamo wa kuẽla ukãi Yutili, omola a Beri u Hiti, kuenda Basemate, omõla a Elone u Hiti; 35kuenje va valisa ca lua utima wa Isake la Rebeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Umbundu Bible © United Bible Societies, 1963.