ᠢᠣᠸᠠᠨ 16
16
ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠪᠦᠯᠦᠭ ᠅
1ᠲᠠ ᠰᠡᠵᠢᠭ ᠪᠦᠦ ᠲᠥᠷᠥᠲᠦᠭᠡᠢ ᠬᠡᠮᠡᠨ ᠪᠢ ᠪᠡᠷ ᠡᠭᠦᠨ ᠢ ᠲᠠᠨ ᠳᠤᠷ ᠥᠭᠦᠯᠡᠭᠰᠡᠨ ᠪᠤᠢ᠃ 2ᠲᠠ ᠪᠡᠷ ᠬᠤᠷᠠᠯ ᠤᠳ ᠠᠴᠠ ᠭᠠᠷᠭᠠᠭᠳᠠᠬᠤ ᠪᠠᠶᠢᠲᠤᠭᠠᠢ᠂ ᠠᠯᠢ ᠬᠡᠨ ᠲᠠᠨ ᠢ ᠠᠯᠠᠭᠴᠢ ᠠᠨᠤ ᠪᠢ ᠪᠡᠷ ᠪᠤᠷᠬᠠᠨ ᠳᠤᠷ ᠲᠠᠭᠠᠯᠠᠮᠵᠢ ᠲᠤ ᠦᠢᠯᠡ ᠶᠢ ᠪᠦᠲᠦᠭᠡᠮᠦᠢ᠂ ᠬᠡᠮᠡᠨ ᠰᠠᠨᠠᠬᠤ ᠴᠠᠭ ᠢᠷᠡᠬᠦ ᠪᠣᠯᠤᠮᠤᠢ᠃ 3ᠲᠡᠳᠡ ᠢᠨᠦ ᠡᠴᠢᠭᠡ ᠶᠢ ᠡᠰᠡ ᠮᠡᠳᠡᠨ᠂ ᠨᠠᠮᠠᠶᠢ ᠴᠤ ᠡᠰᠡ ᠮᠡᠳᠡᠭᠰᠡᠨ ᠦ ᠲᠤᠯᠠ ᠲᠡᠷᠡ ᠮᠡᠲᠦ ᠪᠡᠷ ᠲᠠᠨ ᠳᠤᠷ ᠦᠢᠯᠡᠳᠬᠦ ᠪᠣᠯᠤᠶᠤ᠃ 4ᠲᠡᠷᠡ ᠴᠠᠭ ᠤᠨ ᠢᠷᠡᠬᠦᠢ ᠳᠦᠷ᠂ ᠮᠢᠨᠦ ᠲᠠᠨ ᠳᠤᠷ ᠡᠭᠦᠨ ᠢ ᠥᠭᠦᠯᠡᠭᠰᠡᠨ ᠢ ᠰᠠᠨᠠᠭᠤᠯᠬᠤ ᠶᠢᠨ ᠲᠤᠯᠠ ᠪᠢ ᠪᠡᠷ ᠡᠳᠦᠭᠡ ᠲᠠᠨ ᠳᠤᠷ ᠮᠡᠳᠡᠭᠦᠯᠦᠮᠦᠢ᠃ ᠪᠢ ᠪᠡᠷ ᠲᠠᠨ ᠯᠤᠭᠠ ᠬᠠᠮᠲᠤ ᠪᠠᠶᠢᠭᠰᠠᠨ ᠤ ᠲᠤᠯᠠ ᠡᠬᠢᠨ ᠳᠦᠷ ᠲᠠᠨ ᠳᠤᠷ ᠡᠭᠦᠨ ᠢ ᠡᠰᠡ ᠥᠭᠦᠯᠡᠪᠡᠢ᠃ 5ᠵᠦᠭᠡᠷ ᠡᠳᠦᠭᠡ ᠪᠢ ᠪᠡᠷ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠳᠦᠷ ᠬᠠᠷᠢᠵᠤ ᠣᠳᠤᠮᠤᠢ᠃ ᠲᠡᠶᠢᠨ ᠪᠣᠯᠪᠠᠴᠤ ᠴᠢ ᠪᠡᠷ ᠬᠠᠮᠢᠭᠠᠰᠢ ᠣᠳᠤᠮᠤᠶᠤ ᠬᠡᠮᠡᠨ᠂ ᠲᠠᠨ ᠠᠴᠠ ᠨᠢᠭᠡᠨ ᠴᠤ ᠡᠰᠡ ᠠᠰᠠᠭᠤᠮᠤᠢ᠃ 6ᠵᠦᠭᠡᠷ ᠮᠢᠨᠦ ᠡᠨᠡ ᠮᠡᠲᠦ ᠪᠡᠷ ᠲᠠᠨ ᠳᠤᠷ ᠥᠭᠦᠯᠡᠭᠰᠡᠨ ᠦ ᠲᠤᠯᠠ ᠭᠠᠰᠢᠭᠤᠳᠠᠯ ᠠᠨᠤ ᠵᠢᠷᠦᠬᠡᠨ ᠢ ᠳᠦᠭᠦᠷᠭᠡᠭᠰᠡᠨ ᠪᠤᠢ᠃ 7ᠲᠡᠶᠢᠨ ᠪᠣᠯᠪᠠᠴᠤ ᠮᠢᠨᠦ ᠣᠳᠬᠤᠢ ᠠᠨᠤ ᠲᠠᠨ ᠤ ᠲᠤᠯᠠ ᠬᠡᠷᠡᠭᠲᠦ ᠪᠣᠯᠠᠢ᠂ ᠬᠡᠮᠡᠨ ᠪᠢ ᠪᠡᠷ ᠲᠠᠨ ᠳᠤᠷ ᠦᠨᠡᠬᠡᠷ ᠥᠭᠦᠯᠡᠮᠦᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠬᠡᠷᠪᠡ ᠪᠢ ᠪᠡᠷ ᠦᠯᠦ ᠣᠳᠬᠤ ᠪᠥᠭᠡᠰᠦ᠂ ᠠᠮᠤᠷᠠᠭᠤᠯᠤᠭᠴᠢ ᠠᠨᠤ ᠲᠠᠨ ᠳᠤᠷ ᠦᠯᠦ ᠢᠷᠡᠬᠦ ᠪᠤᠢ᠃ ᠵᠦᠭᠡᠷ ᠪᠢ ᠪᠡᠷ ᠣᠳᠬᠤᠯᠠ ᠲᠡᠭᠦᠨ ᠢ ᠲᠠᠨ ᠳᠤᠷ ᠢᠯᠡᠭᠡᠰᠦ᠃ 8ᠲᠡᠷᠡ ᠢᠨᠦ ᠢᠷᠡᠬᠦᠢ ᠳᠡᠭᠡᠨ ᠬᠢᠯᠢᠨᠴᠡ ᠶᠢᠨ ᠤᠴᠢᠷᠠ ᠬᠢᠭᠡᠳ ᠵᠥᠪ ᠦᠨ ᠤᠴᠢᠷᠠ ᠪᠠ ᠵᠠᠷᠭᠤᠨ ᠤ ᠤᠴᠢᠷᠠ ᠶᠢᠷᠲᠢᠨᠴᠦ ᠶᠢ ᠤᠬᠠᠭᠤᠯᠬᠤ ᠪᠤᠢ᠃ 9ᠬᠢᠯᠢᠨᠴᠡ ᠶᠢᠨ ᠤᠴᠢᠷᠠ ᠬᠡᠮᠡᠪᠡᠰᠦ᠂ ᠲᠡᠳᠡᠨ ᠦ ᠨᠠᠳᠤᠷ ᠡᠰᠡ ᠢᠲᠡᠭᠡᠭᠰᠡᠨ ᠦ ᠲᠤᠯᠠ ᠪᠣᠯᠠᠢ᠃ 10ᠵᠥᠪ ᠦᠨ ᠤᠴᠢᠷᠠ ᠬᠡᠮᠡᠪᠡᠰᠦ᠂ ᠮᠢᠨᠦ ᠡᠴᠢᠭᠡ ᠳᠡᠭᠡᠨ ᠣᠳᠬᠤ ᠪᠥᠭᠡᠳ᠂ ᠲᠠᠨᠤ ᠨᠠᠮᠠᠶᠢ ᠳ᠋ᠠᠬᠢᠨ ᠦᠯᠦ ᠦᠵᠡᠬᠦ ᠶᠢᠨ ᠲᠤᠯᠠ ᠪᠣᠯᠠᠢ᠃ 11ᠵᠠᠷᠭᠤᠨ ᠤ ᠤᠴᠢᠷᠠ ᠬᠡᠮᠡᠪᠡᠰᠦ᠂ ᠡᠨᠡ ᠶᠢᠷᠲᠢᠨᠴᠦ ᠶᠢᠨ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠵᠠᠷᠭᠤᠨ ᠳᠤᠷ ᠤᠨᠠᠭᠠᠭᠳᠠᠭᠰᠠᠨ ᠤ ᠲᠤᠯᠠ ᠪᠣᠯᠠᠢ᠃ 12ᠲᠠᠨ ᠳᠤᠷ ᠥᠭᠦᠯᠡᠬᠦᠢ ᠣᠯᠠᠨ ᠠᠨᠤ ᠨᠠᠳᠤᠷ ᠪᠤᠢ ᠪᠣᠯᠪᠠᠴᠤ᠂ ᠲᠠ ᠪᠡᠷ ᠡᠳᠦᠭᠡ ᠲᠡᠳᠡᠨ ᠢ ᠳᠠᠭᠠᠭᠠᠵᠤ ᠡᠰᠡ ᠴᠢᠳᠠᠮᠤᠢ᠃ 13ᠵᠦᠭᠡᠷ ᠲᠡᠷᠡ ᠬᠦ ᠦᠨᠡᠨ ᠦ ᠲᠣᠳᠤᠳᠬᠠᠯ ᠠᠨᠤ ᠢᠷᠡᠬᠦᠢ ᠳᠡᠭᠡᠨ ᠲᠠᠨ ᠢ ᠠᠯᠢᠪᠠ ᠦᠨᠡᠨ ᠳᠦᠷ ᠤᠳᠤᠷᠢᠳᠬᠤ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠥᠪᠡᠷ ᠦᠨ ᠪᠡᠶᠡ ᠡᠴᠡ ᠦᠯᠦ ᠥᠭᠦᠯᠡᠨ᠂ ᠠᠯᠢᠪᠠ ᠰᠣᠨᠣᠰᠤᠭᠰᠠᠨ ᠢᠶᠠᠨ ᠥᠭᠦᠯᠡᠨ᠂ ᠢᠷᠡᠭᠡ ᠡᠳᠦᠢ ᠴᠠᠭ ᠤᠨ ᠶᠠᠭᠤᠮᠠᠳ ᠢ ᠲᠠᠨ ᠳᠤᠷ ᠦᠵᠡᠭᠦᠯᠬᠦ ᠪᠣᠯᠤᠶᠤ᠃ 14ᠲᠡᠷᠡ ᠢᠨᠦ ᠨᠠᠮᠠᠶᠢ ᠬᠦᠨᠳᠦᠯᠡᠨ᠂ ᠮᠢᠨᠦᠬᠡᠢ ᠡᠴᠡ ᠠᠪᠤᠨ ᠲᠠᠨ ᠳᠤᠷ ᠦᠵᠡᠭᠦᠯᠬᠦ ᠪᠣᠯᠤᠶᠤ᠃ 15ᠡᠴᠢᠭᠡ ᠳᠦᠷ ᠠᠭᠴᠢ ᠬᠠᠮᠤᠭ ᠨᠤᠭᠤᠳ ᠠᠨᠤ ᠮᠢᠨᠦ ᠪᠤᠢ᠃ ᠲᠡᠶᠢᠮᠦ ᠶᠢᠨ ᠲᠤᠯᠠ ᠲᠡᠷᠡ ᠢᠨᠦ ᠮᠢᠨᠦᠬᠡᠢ ᠡᠴᠡ ᠠᠪᠤᠨ ᠲᠠᠨ ᠳᠤᠷ ᠦᠵᠡᠭᠦᠯᠬᠦ ᠪᠤᠢ᠂ ᠬᠡᠮᠡᠨ ᠪᠢ ᠪᠡᠷ ᠥᠭᠦᠯᠡᠪᠡᠢ᠃ 16ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠳᠤᠷ ᠲᠠ ᠪᠡᠷ ᠨᠠᠮᠠᠶᠢ ᠦᠯᠦ ᠦᠵᠡᠬᠦ ᠪᠤᠢ᠃ ᠵᠢᠴᠢ ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠳᠤᠷ ᠲᠠ ᠪᠡᠷ ᠨᠠᠮᠠᠶᠢ ᠳ᠋ᠠᠬᠢᠨ ᠦᠵᠡᠬᠦ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠪᠢ ᠪᠡᠷ ᠡᠴᠢᠭᠡ ᠳᠡᠭᠡᠨ ᠣᠳᠤᠮᠤᠢ᠃ 17ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠳᠤᠷ ᠱᠠᠪᠢᠨᠠᠷ ᠠᠴᠠ ᠵᠠᠷᠢᠮ ᠤᠳ ᠠᠨᠤ ᠥᠪᠡᠷ ᠵᠠᠭᠤᠷᠠ ᠪᠠᠨ ᠥᠭᠦᠯᠡᠯᠳᠦᠷᠦᠨ᠃ ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠳᠤᠷ ᠲᠠ ᠪᠡᠷ ᠨᠠᠮᠠᠶᠢ ᠦᠯᠦ ᠦᠵᠡᠬᠦ᠃ ᠵᠢᠴᠢ ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠳᠤᠷ ᠲᠠ ᠪᠡᠷ ᠨᠠᠮᠠᠶᠢ ᠳ᠋ᠠᠬᠢᠨ ᠦᠵᠡᠬᠦ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠪᠢ ᠪᠡᠷ ᠡᠴᠢᠭᠡ ᠳᠡᠭᠡᠨ ᠣᠳᠤᠮᠤᠢ᠂ ᠬᠡᠮᠡᠨ ᠪᠢᠳᠡᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠠᠨᠤ ᠶᠠᠭᠤᠨ ᠪᠤᠶᠤ᠃ 18ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠠᠨᠤ ᠶᠠᠭᠤᠨ ᠪᠤᠶᠤ᠃ ᠪᠢᠳᠡ ᠪᠡᠷ ᠲᠡᠭᠦᠨ ᠦ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠢ ᠡᠰᠡ ᠤᠬᠠᠮᠤᠢ᠃ 19ᠬᠡᠮᠡᠨ ᠥᠭᠦᠯᠡᠯᠳᠦᠭᠰᠡᠨ ᠳᠦᠷ ᠢᠢᠰᠦᠰ ᠢᠨᠦ ᠲᠡᠳᠡᠨ ᠦ ᠲᠡᠭᠦᠨ ᠡᠴᠡ ᠠᠰᠠᠭᠤᠬᠤᠶᠠ ᠬᠦᠰᠡᠭᠰᠡᠨ ᠢ ᠮᠡᠳᠡᠵᠦ ᠠᠶᠢᠯᠠᠳᠤᠭᠠᠳ ᠲᠡᠳᠡᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠳᠤᠷ ᠲᠠ ᠪᠡᠷ ᠨᠠᠮᠠᠶᠢ ᠦᠯᠦ ᠦᠵᠡᠬᠦ᠃ ᠵᠢᠴᠢ ᠥᠴᠦᠬᠡᠨ ᠴᠠᠭ ᠪᠣᠯᠬᠤᠢ ᠳᠤᠷ ᠲᠠ ᠪᠡᠷ ᠨᠠᠮᠠᠶᠢ ᠳ᠋ᠠᠬᠢᠨ ᠦᠵᠡᠬᠦ ᠪᠤᠢ᠃ ᠬᠡᠮᠡᠨ ᠮᠢᠨᠦ ᠥᠭᠦᠯᠡᠭᠰᠡᠨ ᠦ ᠤᠴᠢᠷᠠ ᠲᠠ ᠪᠡᠷ ᠥᠪᠡᠷ ᠵᠠᠭᠤᠷᠠ ᠪᠠᠨ ᠠᠰᠠᠭᠤᠯᠴᠠᠮᠤᠶᠤ᠃ 20ᠮᠢᠨᠦ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠬᠦᠢ ᠢᠨᠦ᠂ ᠲᠠ ᠪᠡᠷ ᠤᠶᠢᠯᠠᠵᠤ ᠭᠠᠰᠢᠭᠤᠳᠠᠬᠤ᠃ ᠬᠠᠷᠢᠨ ᠶᠢᠷᠲᠢᠨᠴᠦ ᠢᠨᠦ ᠪᠠᠶᠠᠰᠬᠤ ᠪᠣᠯᠤᠶᠤ᠃ ᠲᠠ ᠪᠡᠷ ᠵᠣᠪᠠᠬᠤ ᠪᠣᠯᠪᠠᠴᠤ᠂ ᠲᠠᠨ ᠤ ᠵᠣᠪᠠᠯᠠᠩ ᠠᠨᠤ ᠪᠠᠶᠠᠰᠬᠤᠯᠠᠩ ᠳᠤᠷ ᠬᠤᠪᠢᠯᠭᠠᠭᠳᠠᠬᠤ ᠪᠤᠢ᠃ 21ᠡᠮᠡ ᠬᠦᠮᠦᠨ ᠢᠨᠦ ᠲᠥᠷᠥᠬᠦ ᠴᠠᠭ ᠬᠦᠷᠦᠭᠰᠡᠨ ᠳᠦᠷ ᠵᠣᠪᠠᠨᠢᠮᠤᠢ᠃ ᠵᠦᠭᠡᠷ ᠬᠡᠦᠬᠡᠨ ᠢᠶᠡᠨ ᠲᠥᠷᠥᠭᠰᠡᠨ ᠳᠦᠷ ᠲᠡᠷᠡ ᠢᠨᠦ ᠨᠢᠭᠡ ᠬᠦᠮᠦᠨ ᠦ ᠡᠨᠡ ᠶᠢᠷᠲᠢᠨᠴᠦ ᠳᠦᠷ ᠲᠥᠷᠥᠭᠳᠡᠭᠰᠡᠨ ᠦ ᠲᠤᠯᠠᠳᠠ ᠭᠠᠰᠠᠯᠠᠩ ᠢᠶᠠᠨ ᠳ᠋ᠠᠬᠢᠨ ᠡᠰᠡ ᠰᠠᠨᠠᠳᠠᠭ᠃ 22ᠲᠡᠷᠡ ᠮᠡᠲᠦ ᠪᠡᠷ ᠡᠳᠦᠭᠡ ᠲᠠᠨ ᠳᠤᠷ ᠭᠠᠰᠠᠯᠠᠩ ᠪᠤᠢ᠃ ᠬᠠᠷᠢᠨ ᠪᠢ ᠪᠡᠷ ᠲᠠᠨ ᠢ ᠳ᠋ᠠᠬᠢᠨ ᠦᠵᠡᠰᠦ᠃ ᠲᠡᠶᠢᠨ ᠬᠦ ᠲᠠᠨᠤ ᠵᠢᠷᠦᠬᠡᠨ ᠢᠨᠦ ᠪᠠᠶᠠᠰᠬᠤ ᠪᠥᠭᠡᠳ᠂ ᠲᠠᠨᠤ ᠪᠠᠶᠠᠰᠬᠤᠯᠠᠩ ᠢ ᠬᠡᠨ ᠴᠤ ᠲᠠᠨ ᠠᠴᠠ ᠪᠤᠯᠢᠶᠠᠵᠤ ᠦᠯᠦ ᠠᠪᠬᠤ ᠪᠤᠢ᠃ 23ᠲᠡᠷᠡ ᠬᠦ ᠴᠠᠭ ᠲᠤᠷ ᠲᠠ ᠪᠡᠷ ᠨᠠᠳᠠᠴᠠ ᠶᠠᠭᠤᠨ ᠢ ᠴᠤ ᠦᠯᠦ ᠠᠰᠠᠭᠤᠬᠤ ᠪᠤᠢ᠃ ᠲᠠ ᠪᠡᠷ ᠡᠴᠢᠭᠡ ᠡᠴᠡ ᠮᠢᠨᠦ ᠨᠡᠷᠡ ᠪᠡᠷ ᠶᠠᠭᠤᠨ ᠢ ᠴᠤ ᠡᠷᠢᠬᠦ ᠪᠥᠭᠡᠰᠦ᠂ ᠲᠡᠷᠡ ᠢᠨᠦ ᠲᠠᠨ ᠳᠤᠷ ᠥᠭᠬᠦ ᠪᠤᠢ᠃ ᠬᠡᠮᠡᠨ ᠪᠢ ᠪᠡᠷ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠮᠦᠢ᠃ 24ᠡᠳᠦᠭᠡ ᠪᠣᠯᠲᠠᠯᠠ ᠲᠠ ᠪᠡᠷ ᠮᠢᠨᠦ ᠨᠡᠷᠡ ᠪᠡᠷ ᠶᠠᠭᠤᠨ ᠢ ᠴᠤ ᠡᠰᠡ ᠡᠷᠢᠭᠰᠡᠨ ᠪᠤᠢ᠃ ᠲᠠᠨᠤ ᠪᠠᠶᠠᠰᠬᠤᠯᠠᠩ ᠲᠦᠭᠡᠮᠡᠯ ᠪᠣᠯᠬᠤ ᠶᠢᠨ ᠲᠤᠯᠠ ᠡᠷᠢᠭᠲᠦᠨ᠃ ᠲᠡᠶᠢᠨ ᠪᠡᠷ ᠲᠠ ᠪᠡᠷ ᠬᠦᠷᠲᠡᠬᠦ ᠪᠣᠯᠤᠶᠤ᠃ 25ᠡᠨᠡ ᠮᠡᠲᠦᠰ ᠢ ᠪᠢ ᠪᠡᠷ ᠲᠠᠨ ᠳᠤᠷ ᠦᠯᠢᠭᠡᠷ ᠢᠶᠡᠷ ᠥᠭᠦᠯᠡᠭᠰᠡᠨ ᠪᠤᠢ᠃ ᠲᠡᠶᠢᠨ ᠪᠣᠯᠪᠠᠴᠤ ᠢᠷᠡᠬᠦ ᠴᠠᠭ ᠲᠤᠷ ᠪᠢ ᠪᠡᠷ ᠲᠠᠨ ᠳᠤᠷ ᠦᠯᠢᠭᠡᠷ ᠢᠶᠡᠷ ᠦᠯᠦ ᠥᠭᠦᠯᠡᠨ᠂ ᠡᠴᠢᠭᠡ ᠶᠢᠨ ᠤᠴᠢᠷᠠ ᠢᠯᠡᠷᠬᠡᠢ ᠪᠡᠷ ᠲᠠᠨ ᠳᠤᠷ ᠮᠡᠳᠡᠭᠦᠯᠬᠦ ᠪᠤᠢ᠃ 26ᠲᠡᠷᠡ ᠬᠦ ᠴᠠᠭ ᠲᠤᠷ ᠲᠠ ᠪᠡᠷ ᠮᠢᠨᠦ ᠨᠡᠷᠡ ᠪᠡᠷ ᠡᠷᠢᠬᠦ ᠪᠤᠢ᠃ ᠲᠡᠶᠢᠨ ᠪᠥᠭᠡᠳ ᠪᠢ ᠪᠡᠷ ᠲᠠᠨ ᠤ ᠲᠤᠯᠠ ᠡᠴᠢᠭᠡ ᠳᠡᠭᠡᠨ ᠵᠠᠯᠪᠠᠷᠢᠰᠤ ᠬᠡᠮᠡᠨ ᠪᠢ ᠪᠡᠷ ᠡᠰᠡ ᠥᠭᠦᠯᠡᠮᠦᠢ᠃ 27ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠠᠨ ᠤ ᠨᠠᠮᠠᠶᠢ ᠢᠨᠠᠭᠯᠠᠭᠰᠠᠨ ᠬᠢᠭᠡᠳ᠂ ᠮᠢᠨᠦ ᠪᠤᠷᠬᠠᠨ ᠠᠴᠠ ᠭᠠᠷᠤᠭᠰᠠᠨ ᠢ ᠢᠲᠡᠭᠡᠭᠰᠡᠨ ᠦ ᠲᠤᠯᠠ ᠡᠴᠢᠭᠡ ᠥᠪᠡᠷ ᠲᠠᠨ ᠢ ᠢᠨᠠᠭᠯᠠᠮᠤᠢ᠃ 28ᠪᠢ ᠪᠡᠷ ᠡᠴᠢᠭᠡ ᠡᠴᠡ ᠭᠠᠷᠴᠤ ᠶᠢᠷᠲᠢᠨᠴᠦ ᠳᠦᠷ ᠢᠷᠡᠭᠡᠳ᠂ ᠳ᠋ᠠᠬᠢᠨ ᠶᠢᠷᠲᠢᠨᠴᠦ ᠶᠢ ᠣᠭᠤᠷᠤᠨ ᠡᠴᠢᠭᠡ ᠳᠦᠷ ᠣᠳᠤᠮᠤᠢ᠃ 29ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠳᠤᠷ ᠲᠡᠭᠦᠨ ᠦ ᠱᠠᠪᠢᠨᠠᠷ ᠠᠨᠤ ᠲᠡᠭᠦᠨ ᠳᠦᠷ ᠠᠶᠢᠯᠠᠳᠬᠠᠷᠤᠨ᠃ ᠡᠳᠦᠭᠡ ᠴᠢ ᠪᠡᠷ ᠢᠯᠡᠷᠬᠡᠢ ᠪᠡᠷ ᠥᠭᠦᠯᠡᠨ᠂ ᠦᠯᠢᠭᠡᠷ ᠦᠭᠡᠢ ᠪᠡᠷ ᠵᠠᠷᠯᠢᠭ ᠪᠣᠯᠤᠮᠤᠢ᠃ 30ᠴᠢ ᠪᠡᠷ ᠬᠠᠮᠤᠭ ᠢ ᠮᠡᠳᠡᠨ᠂ ᠬᠡᠨ ᠦ ᠴᠤ ᠴᠢᠮᠠᠴᠠ ᠠᠰᠠᠭᠤᠬᠤ ᠶᠢ ᠡᠰᠡ ᠬᠡᠷᠡᠭᠯᠡᠮᠦᠢ᠂ ᠬᠡᠮᠡᠨ ᠪᠢᠳᠡ ᠪᠡᠷ ᠡᠳᠦᠭᠡ ᠮᠡᠳᠡᠮᠦᠢ᠃ ᠡᠭᠦᠨ ᠢᠶᠡᠷ ᠴᠢᠨᠦ ᠪᠤᠷᠬᠠᠨ ᠠᠴᠠ ᠭᠠᠷᠤᠭᠰᠠᠨ ᠢ ᠪᠢᠳᠡ ᠪᠡᠷ ᠢᠲᠡᠭᠡᠮᠦᠢ᠃ 31ᠬᠡᠮᠡᠨ ᠠᠶᠢᠯᠠᠳᠬᠠᠭᠰᠠᠨ ᠳᠤᠷ ᠢᠢᠰᠦᠰ ᠢᠨᠦ ᠲᠡᠳᠡᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠲᠠ ᠪᠡᠷ ᠡᠳᠦᠭᠡ ᠢᠲᠡᠭᠡᠮᠦᠶᠦ᠃ 32ᠮᠡᠨᠡ᠂ ᠲᠠᠨᠤ ᠲᠤᠰᠪᠦᠷᠢ ᠶᠢᠨ ᠥᠪᠡᠷ ᠦᠨ ᠵᠦᠭ ᠲᠦᠷ ᠲᠠᠷᠬᠠᠭᠠᠭᠳᠠᠨ ᠨᠠᠮᠠᠶᠢ ᠭᠠᠭᠴᠠᠭᠠᠷ ᠣᠭᠤᠷᠬᠤ ᠴᠠᠭ ᠢᠷᠡᠨ᠂ ᠡᠳᠦᠭᠡ ᠴᠤ ᠢᠷᠡᠭᠰᠡᠨ ᠪᠤᠢ᠃ ᠲᠡᠶᠢᠨ ᠪᠣᠯᠪᠠᠴᠤ ᠪᠢ ᠪᠡᠷ ᠭᠠᠭᠴᠠᠭᠠᠷ ᠪᠤᠰᠤ᠂ ᠬᠠᠷᠢᠨ ᠡᠴᠢᠭᠡ ᠢᠨᠦ ᠨᠠᠳᠠᠯᠤᠭᠠ ᠪᠤᠢ ᠪᠣᠯᠠᠢ᠃ 33ᠮᠢᠨᠦ ᠠᠮᠤᠷ ᠤᠨ ᠲᠠᠨᠤ ᠳᠣᠲᠣᠷᠠ ᠪᠠᠶᠢᠬᠤ ᠶᠢᠨ ᠲᠤᠯᠠ ᠪᠢ ᠪᠡᠷ ᠡᠨᠡ ᠮᠡᠲᠦᠰ ᠢ ᠲᠠᠨ ᠳᠤᠷ ᠥᠭᠦᠯᠡᠪᠡᠢ᠃ ᠲᠠ ᠪᠡᠷ ᠶᠢᠷᠲᠢᠨᠴᠦ ᠳᠦᠷ ᠵᠣᠪᠠᠯᠠᠩ ᠲᠤ ᠪᠣᠯᠬᠤ ᠪᠣᠯᠤᠶᠤ᠃ ᠲᠡᠶᠢᠨ ᠪᠣᠯᠪᠠᠴᠤ ᠵᠣᠷᠢᠮᠠᠭᠠᠢ ᠰᠡᠳᠬᠢᠯ ᠢᠶᠡᠷ ᠪᠠᠶᠢᠭᠲᠤᠨ᠃ ᠪᠢ ᠪᠡᠷ ᠶᠢᠷᠲᠢᠨᠴᠦ ᠶᠢ ᠳᠡᠶᠢᠯᠦᠭᠰᠡᠨ ᠪᠤᠢ ᠅
Currently Selected:
ᠢᠣᠸᠠᠨ 16: MB1840
Highlight
Share
Copy
Want to have your highlights saved across all your devices? Sign up or sign in
Digital edition of the Mongolian translation published in 1840 (the Old Testament) and 1846 (the New Testament) by Edward Stallybrass and William Swan. Created by Bayarjargal Garamtseren and Simon Wong. Digital edition © United Bible Societies, 2020.
