योहन 10
10
नेह्नोग़ गोरे कोपाल येसुये
1येसु पया लोकुरिन इतोग़, “इह केंजाट, नना सेतेम वेहतह्नन, बोग़ गोरे गोवुळतगा अग़देनाहि लोप्पा नेङवा, दुस्रा बाजेताह तग़्ङिस दास्तोग़, ओग़ु कले, बेरा डाकु आंदोग़.#10:8#10:1 परुसिर इतेके माटे यहुदिरा मुक्यालोरोम आंदोम, इह इंदुर. ओराय लोप्पा येसु इद्रम इतोग़ बहे. 2मति बोग़ अग़देनाहि लोप्पा नेङिह्तोग़, ओग़े गोरे कोपाल आंदोग़. 3ओनेनाह्के राका केवाल अग़दुन तेग़यिह्तोग़. ओनाय आल्कातुन गोरेङ केंजिह्ताङ.#10:16,27 ओग़ तनाङ गोरेनु उंद-उंदता पेदिर पोस केयिह्तोग़, केयिसि अविन पलत पेहच ओस्तोग़. 4तनाङ कतम गोरेङ पलत पेहतस्के, ओग़ अविस्कना मुनेह दास्तोग़. ओना पयाह पयाह गोरेङ वने दास्ताङ, बाराह्क इतेके अवु ओना आल्कातुन पुन्ह्ताङ इनजोरे. 5पुनवोना पेग़्के अव बेस्केन अनोङ आयनुङ, मति ओनग्डाहि वितनुङ, बाराह्क इतेके अवु पुनवोराङ आल्कान मर्सोेङ इनजोरे.”#1 योहन 4:6 6इद्रमता पुन्पिह कीयनद पोल्लोतुन, येसु अगा केंजवालोरिह्क वेहतोग़.#10:6 नना मीवाङ पेदल्कना लेह्का इलेन, इदिन तोहतलाह, येसु ओरिह्क इद पोल्लो वेहतोग़. मति ताना अर्तम ओरिह्क तेळियो.
7अस्के येसु ओरिन ओसो इतोग़, “इह केंजाट, नना सेतेम वेहतह्नन, गोरेना अग़दन ननाने आंदन. 8नाकाय मुने वातोर जोल काग़्हवालोर कतमतोर कलेर, डाकुर आंदुर.#यिर्मयाह 23:1-2; यहेजकेल 34:2-5; योहन 10:1 मति नावाङ गोरेङ ओराङ केंजोङ आंदुङ. 9देवुळतके दायनद गोरेना अग़दन ननान आंदन. नयेनाहि बोर लोप्पा नेङनुर, ओरिन नना पिसिह कीकन. ओरु लोप्पा-पलत ओळियाङ-पेसाङ कीयनुर, ओरिह्क तिंड-बंड वने दोर्कग़ा. 10कलेर वास्तोर, सिरपि कललाह, हव्कलाह, बूळे कीयलाह, इदे विचरते ओर वास्तोर. मति नना बाराह्क वातन इतेके नावा लोकुरिह्कु लद्बदता जीवा दोर्कना इन्जि.#5:40 11नेह्नोग़ गोरे कोपानन ननान आंदन.#यशायाह 40:11; यहेजकेल 34:11-16,23; योहन 10:14-15; इब्रितोर 13:20; 1 पत्रु 2:25; 5:4; तोहचीतव पोल्लोङ 7:16-17 नेह्नोग़ कोपाल तनाङ गोरेनेनाह्कु तना जीवा ईयलाह तयर आस्तोग़.#10:14-15,17,18; 15:13; 1 योहन 3:16 12मति कूलतोग़ इतेके, कोपाल वने आयोग़ ओसो माल्काल वने आयोग़, अदिह्कु लोळ्ङाङ वायनदिन ऊळिसि, गोरेन अगान विळ्सिस वितिह्तोग़. बाराह्क इतेके गोरेङ ओनाङ आयोङ इनजोरे. पया लोळ्ङाङ वासि उचुकिन पोयह्पा, गोरेङ कतम बिरोबटो आस्ताङ. 13ओग़ कूलतोग़ आंदोग़, अदिह्क गोरेना पर्वा केवोग़, ओग़ वितिह्तोग़. 14-15मति नना नेह्ना कोपानन.#यशायाह 40:11; यहेजकेल 34:11-16,23; योहन 10:11; इब्रितोर 13:20; 1 पत्रु 5:4; तोहचीतव पोल्लोङ 7:17 बहलेह्का बाबाल नाक पुन्ह्तोग़ ओसो नना बाबान पुह्नन, अद्रमे नावाङ गोरेन नना पुह्नन,#2 तिमोति 2:19 अहे अव वने नाक पुन्ह्ताङ.#मत्याल 11:27; लूकाल 10:22; योहन 10:27 ओसो गोरेनेनाह्क नना नावा जीवातुन ईयलाह तयर मह्नन.#10:11,17,18; 15:13; 1 योहन 3:16 16ओसो बेव गोरेङ मन्ह्ताङ, अव इद गोह्डटग्डाङ (इतेके यहुदि जातता गोह्डटग्डाङ) आयोङ. अविस्किन वने नाक नावा गोह्डटे काल्ह्प पोयतग़ा,#यशायाह 56:8 अस्के अव नावा आल्कातुन केंजनुङ. पया उंदिय गोह्डि आयग़ा,#11:52; 17:21-22; रोम सहरतोर 11:25; इपिसुसतोर 2:15-16 अस्के नना ओरा वग़ोनन मेहवाल कोपानन आयकन. 17नना ओसो जीवा अरयकन इनजोरे, नावा जीवातुन नना ईय्ह्नन,#10:11; 10:14-15,18; 15:13; 1 योहन 3:16 अदिह्क बाबाल नाक जीवा कीस्तोग़. 18अद जीवातुन नयग्डाहि बोग़े ओया पग़वोग़, मति नावाय विचरते नना तान ईय्ह्नन. नाक अदिन ईयनद अदिकर मन्ह्ता, ओसो मल्स जीवा अरयनद वने अदिकर मन्ह्ता. इहे कीयनद उकुमि, नावा बाबाल नाक ईतोग़,”#पिलिपितोर 2:8 इन्जि येसु इतोग़.
19इव गोटिनेनाह्क यहुदिर ओसो उंद देबा पका जेटामारा आसि, रेंड तुंगाङ आतोर.#7:43; 9:16 20ओरग्डाहि वेल्लाटोर इतोर, “वेग़ पिसाङ आतोग़, रा!#मार्कल 3:21 वेन देयम पोयता.#7:20; 8:48,52 वेनाङ मीट बाराह्क केंजिह्निर?” इह इतोर. 21मति उय्तुर इतोर, “इव इद्रमताङ गोटिङ देयम पोयतोनाङ आयोङ, डा! वेग़ गुडिन तोवनाह कीतोग़, देयमतुह्क बह अह कीया वास्ताया?#9:32-33” इतोर.
येसु देवुळता मग़नन इन्ह्तोग़
22येरुसलेम सहरते इर्ङमतस्के, मंदिरतुन सिर्तम ईतदिन सीता कीयनद पंडुम वाता.#10:22 येसु पुटना डेडा नूर वर्साना मुने, इस्रयेलतोरा बूमतगा युनानि जाततोर राजालोर राजेम कींदुर. ओरगा ओर्वोग़ मतोग़, अंताकियास एपिपनिस इनवाल, ओग़ पका लाग्वोग़ु. ओग़ येरुसलेम सहरता मंदिरतुन लूटे कीसि, अगा मतोर वेल्लाटोर यहुदिरिन हव्कतोग़. ओर युनानि जाततोर मावा पवित्र मंदिरतुन कळ्वोग़ कीतोर इन्जि, उय्तुर यहुदि पळ्योर ओङ आसि, ओग़ राजाना अडम लळय कीतोर. लळय कीसि वेर यहुदिर गेल्सतोर, गेल्सिसि तमा कळ्वोग़ आता मंदिरतुन सिर्तम ईया बोटटोर. मंदिरतुन सिर्तम ईतापया, यहुदिर गिर्दाते तान सीता कीयलाह उंद पंडुम कीतोर, इद वर्सामेटा पंडुमतुन नेंड वने यहुदिर इर्ङमतस्के नोमिह्तोर. 23अस्के मंदिरतगा बेद मंडातुन साल्मोन राजाना मंडा इंदुर,#बळयिर 3:11; 5:12 अदे मंडातगा येसु तिरियलाह आस मतोग़. 24अस्के यहुदिर कोंटेतोर ओन सर्ने आस इतोर, “निमा मावा जीवातुन बेचानाह तेळियवाह कीस तासकिन? निमा देवुळ लोहवाल पिसिह केवानिन इतेके, माक पङ्ने वेहा!” 25येसु ओरिन इतोग़, “नना मीकु मुनेताहि वेहतेकाय, मीट नमविर! बेव डीसाताङ कबस्क नना नावा बाबाना अदिकरते कीय्ह्नन, अवे नावा लोप्पा वेहतह्ताङ.#मत्याल 11:4-5; लूकाल 7:22; योहन 5:36; 10:38; 14:11; 15:24 26तेला मति मीट नावाङ गोरेना गोह्डटग्डोरिर आयवाह्कु, मीट नमविर.#8:47 27(बेद्रम गोरेङ कोपाना आल्कातुन केंजिह्ताङ, अद्रमे) नाक नमवालोर नावा आल्कातुन केंजिह्तोर, ओसो नाक पुन्ह्तोर. ओरिन नना पुह्नन ओसो ओरु नावाङ कग़यलाह वास्तोर.#10:4,14,16 28नना ओरिह्कु अमेसाता पिसमुळि ईय्ह्नन.#17:1-2; 1 योहन 2:25; 5:11 ओर बेस्केन बूळेम आयोर आयनुर, ओसो ओरिन नयग्डाहि बोरे ऊंदोर आयनुर.#6:37,39; 17:12; 18:9; 1 पत्रु 1:4-5 29बोग़ नाक ओरिन ईतोग़, ओग़ नावा बाबाल सबेटोरिह्काय बेह्रोग़ मन्ह्तोग़, मनाह्कु ओना कयदाहि बोग़े ओरिन मुर्तिय ऊंद पग़वोग़. 30बाबाल, नना, माट उंदिये मह्नोम,” इन्जि येसु वेहतोग़.#17:21-23
31येसु अह इतस्के, यहुदिराङ पेदल्क बंडाङ उकिस, ओन हव्कलाह ऊळिंदुर.#मत्याल 12:14; 26:4; मार्कल 14:1; लूकाल 22:2; योहन 8:59; 10:31; 11:8,53 32अस्के “नाक बाबाल वेहतवु वेल्लाङे बेसताङ कबस्क, नना मीक कीस तोहतन इतेके, अग्डाहि बेद कबळतेनाह्क, नाकु बंडाङ उकिस हव्कलाहि ऊळिह्निर?” इन्जि येसु ओरिन ताल्ह्कतोग़. 33“आयो, बेसता कबळतेनाह्क नीक माटु बंडाङ उकिस हव्कोम. मति निमा मन्कल आसि, ननान देवुळतन इतपु,#पिलिपितोर 2:6 देवुळतुन उस्किस-पास्किस वळ्ह्कतिन; अदिह्क नीकु माट हव्ककोम,” इनजोर यहुदिराङ पेदल्क इतोर.#लैव्यव्यवस्था 24:16; योहन 5:18; 19:7 34अस्के येसु ओरिन इतोग़, “मीट देवुळ्कनिर आंदिर#देवुळताङ पाटाङ 82:6 इनजोर, देवुळबाबाल अस्केडोर राजेम केवालोरिन इन्जि, इद्रम मीवाङ अडोना सास्त्रमते रासतद इलेया? 35-36ओसो देवुळता सास्त्रम बेस्केन जोल आयो इन्जि माट पुह्नल. अद कालमते नेयम कीयलाह, बोरिह्क देवुळताङ पोल्लोङ दोर्कताङ, ओरिन देवुळबाबाल ‘देवुळ्कनिर’ इनजोर इतोग़. इतेके बोनु बाबाल पवित्र कबळतेनाह्क आचिस, इद दुनियाते लोहतोग़,#3:17; 11:42; 17:3,18,21-23,25 ओनन ननाने देवुळता मग़नन#5:17-24 इन्जि इतेके, अद बाता गल्ति? पया मीट नाकु देवुळतुन पास्किह्निन इनजोर, बाराह्कु कसुर तोहतह्निर? 37नना नावा बाबाल वेहतनव कबस्क केवेके, नाक नममाट. 38मति नना अव कबस्किन कीय्ह्नन इतेके, नाक नमवेकाय, अव कबस्किन ऊळिस तेला, देवुळ नाक लोहता इन्जि नमाटु. इद्रमलेह्का मीट नमतेके, बाबाल नयगा जोळेम आस मन्ह्तोग़, ओसो नना बाबानगा जोळेम आस मह्नन इन्जि, मीक तेळियग़ा,#1 योहन 3:24 ओसो मीट पुनजोर मनदकिर,” इन्जि येसु ओरिन इतोग़.#मत्याल 11:4-5; लूकाल 7:22; योहन 5:36; 10:25; 14:10-11,20; 15:24; 17:21-23 39ओर ओन ओसो पोयतलाह ऊळिंदुर,#मत्याल 21:46; योहन 7:30,44 मति ओग़ु ओरा कयदाहि बुस्कतोग़.
40योर्दन बेरेटा अबरि मुने योहनदेवुळता पेदिरते एग़ मीहन्दोग़, अगा येसु अतोग़, अन्जि अगान मतोग़.#1:28 41-42अस्के ओनक्के वेल्लाय मुल वातोर, वासि इतोर, “योहन वेना लेह्का बातय बामिह कीयना सीना तोहोग़, निटमे! तेला मति योहन वेना लोप्पा बेव गोटिङ वेहच मतोग़, अव सबे करलताङे आंदुङ इनजोर, वेग़ु देवुळ लोहतोग़ पिसिह केवाल राजाले मनदनोग़!”#1:34; 5:33-35 इन्जि, अग्डोर वेल्लाटोरे येसुन नमतोर.#2:23; 7:31; 8:30; 11:45; 12:11,42
Currently Selected:
योहन 10: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
