Saint Matthieu 18
18
1Ka l’heure o̱kèo̱ njou‐séna bongli mi guè mona Jésus, ka sa: Da on, yé guème ko̱ ta toula ba nèli an bilkaou a nonkala lé? 2Da Jésus mi di lélé goune hana guè monè, da ba nè bi hanguèl kli, 3da kè sa: Babaï, mi mè sa hi oui, tokoré ouime ga ko̱mo mboro ndingna fèn abaï ya, da ouime tane ga gui mahana ka lélé goundi ya, yé oui ba rina an bilkaou a nonkala tane tiya. 4Mono on, njoukouna ko̱ bou monè guè koukoula mahana ka lélé goune aïn, kè on ko̱ mi ta toula ba nèli an bilkaou a nonkala. 5Da njoukouna ko̱ mi ya lélé goune hana mbéo mahana ka aïn, ka ba ling ni, kè ndé ya ba mè. 6Da njoukouna ko̱ mi tèn ba fèn bèna jing hana mbéo an wora lélé goune aïnli, ko̱ mi la bilaou ni, dadaon baï nè, an klime gna loukou kone nène bi solè, ka wou nè bou loukou mbi an kème bine.
7Go̱ro̱ séta mi ba baï a njou‐koukoulali, baï a fèn bèna! Baï ko̱ yé fèn bèna mana an domboro; da go̱ro̱ séta mi ba baï a njoukou aïn ko̱ mi bi fèn bèna! 8Da tokoré ndo̱ko̱ maléba bo̱ko̱ mi tèn jing mo ba fèn bèna, mo koung nè ka wou nè dita jing mo; da dadaon an mome sé ka komoron ka bo̱ko̱ maléba ndo̱ko̱, guè guèl yana, ta séna jing ndo̱ko̱ séré maléba bo̱ko̱ séré ko̱ mi wou kli bou guèl hèlè, ko̱ tane ga hou ya kambèlè. 9Da tokoré nono mi tèn jing mo ba fèn bèna, mo go̱ko̱ro̱ nè ka wou nè dita jing mo; da dadaon an mome sé jing none mbéo guè guèl yana ta séna jing none séré ko̱ mi wou kli bou guèl hèlè.
10Mè wara oui, an ouime jèk hana mbéo an wora lélé goune aïnli ya; baï ko̱ mè sa hi oui, ange aklili an nonkala mi ènrèn nona Baba ni guèbassoko, ko̱ kaou an nonkala. 11Baï ko̱ Goune a njoukou mi gui baï kouna fèn on ko̱ mi bo̱l tou.
12Oui kèrè ba fèn lé? Tokoré njoukouna mi kaou jing badouali té‐mbéo, da hana mbéo mi dé an woro kli, da kè yèng garakèli bongkè‐difala‐nèng‐faltoulè?-?difala‐nèng da sé toul souraguèl, baï nzana kènkè on ko̱ mi dé amè tou ya lé? 13Da tokoré kème ko̱ nè tou, babaï, mi mè sa hi oui, yé kè jangndaï ta, ba baï toula badoua aïn ta toula bongkè‐difala‐nèng‐fal?-?toulkè‐difala‐nèng ko̱ tane ga dé akli ya. 14Mono on, Baba abaï ko̱ kaou an nonkala ji hana mbéo an wora lélé goune aïnli mi tane limna ya.
15Da tokoré yine no mi nding békéfèn jing mo, mo sé guè monè, ka ba baï hi nè ho̱kè, ba oui séré bo̱l. Da to̱ko̱ré kème la mo, mo jing yine no tou. 16Da tokoré kème tane la mo ya, mo ya njoukou mbéo maléba séré jing mo guè monè, an njoukouli séré maléba saï ko̱ sa bongbaï mi bi saon baïnjaka aïn kala. 17Da tokoré kème ji lana kli ya, oui sa baï aïn hi église; da tokoré kème ji lana église kéng ya, an mi ma an mome ko̱ nè mahana ka gentil maléba njou‐mangna l’impôt. 18Babaï, mi mè sa hi oui, fènli on ko̱ ouime gna an koukoula, yé ma gna an nonkala, da fènli on ko̱ ouime sél an koukoula, yé ma sél an nonkala.
19Da mè sa hi oui ba aféké, tokoré séré an woro baï mi ji bo̱ko̱kè jing hana an koukoula toul fèn mbéo ko̱ klime oui, yé Baba ni ko̱ kaou an nonkala ma nding fèn on baï a kli. 20Baï ko̱ guèl ko̱ njoukouli séré maléba saï, ko̱ mi ndoï jing hana ka ba ling ni, mè makaou an zéng kli an ndourou.
21Da Pierre mi guè monè, ka sa hi nè: Nanjou, mi mane bo̱ko̱ ro̱ko̱ ane, ko̱ yine ni mi nding békéfèn jing mi, da mè yèng bi mboro nè lé? Yé mane bo̱ko̱ difala‐séré lé? 22Jésus mi sa hi nè: Mè ga sa hi mo ba bo̱l ba difala‐séré ya, da yé mane bo̱ko̱ bongkè‐difala‐séré‐bo̱ko̱‐difala‐séré.
23Mono on, bilkaou a nonkala mahana ka nanjoukaou hana ko̱ ji foula falkè jing njou‐bakara nèli. 24Da ko̱ kème ti saon baï foula falkè, kli ya njoukouna mbéo on guè monè, ko̱ bi tona talentli ténakè‐té jing nè. 25Da baï ko̱ mbo̱ri nè tane ti baï chonakè ya, nanjou nè mi sa bi njaka kli an klime jo̱lè tèn waïn nè, da goune nèli, tèn fèn nèli bon ka féré cho tona. 26Njou‐bakara mi lé bou koukoula, ka hiou nè, ka sa: Nanjou mo pan mono jing mi, yé mè cho hi mo bon. 27Da nanjou mi ko̱ njou‐bakara passé ta, da yèng nè jing ko̱da bon bou koukoula. 28Da ko̱ njou‐bakara nè mi sé kala tou, kè nza njou‐ndo̱ko̱ba pina mbéo, ko̱ mi bi tona jing nè dénierli té. Kè ya nè, da ba solè, ka sa: Mo cho mbo̱ri ko̱ mo bi tonakè. 29Njou‐ndo̱ko̱ba pina nè mi lé bou koukoula bèl bo̱kè, ka sa jo̱jo̱ nè, ka sa: Mo pan mono jing mi, yé mè cho hi mo bon. 30Da kè ji ya, da kè sé da bou nè jo̱bo̱, yé kème cho ko̱dakè da. 31Da ko̱ njou‐ndo̱ko̱ba pina nèli mi ko̱ fèn aïn, go̱ro̱ kli mi sé kli maïya, da kli guè mona nanjou akli, da sa bong fèn aïn hi nè. 32Da on nanjou nè mi di nè guè monè, ka sa hi nè: Mo béké njou‐bakara, mè yèng tona no bou koukoula, baï ko̱ mome sa jo̱jo̱ ni nyèta; 33da mo, kéng ji ndingna haïo hi ndo̱ko̱ba pina no, mahana ka aïn ko̱ mème nding haïo hi mo ya lé? 34Hèrè mi mba nanjou nè maïya, da kè souti nè hi njou?-?barabaïli, yé kème cho ko̱da bon o̱ da. 35Yé Baba ni an nonkala ma ndé nding mahana ka on hi oui kéng, tokoré oui mbéo mbéo bon mi tane ga yèng bi mboro békéfèn a yine no ka laou‐o̱ ya.
Currently Selected:
Saint Matthieu 18: KBN1947
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1947.
