Sant Lu 17
17
CHAPITRE DÈS-E-SETEN
Predico sus l'escandale, lou perdoun dis injùri, la fe e l'umileta. — Li dès ladre. — De l'avenimen dóu reiaume de Diéu.
1Jèsu diguè mai à si disciple: Es causo impoussiblo que noun arribe d'escandale; mai malur à-n-aquéu que n'es l'encauso!
2Miés vaudrié pèr éu que ié boutèsson au còu uno pèiro mouniero#17.2 S. Matiéu, xviii, 6, 7 emé li noto., e que lou cabussèsson à la mar, que s'escandalisavo un d'aquéli pichounet.
3Avisas-vous. Se toun fraire a peca contro tu, charpo-lou; e se se repènt, perdouno-ié.
4Quand sèt cop pèr jour éu pequèsse contro tu, e que sèt cop pèr jour te revenguèsse trouva, en disènt: Me repènte; perdouno-ié.
5E diguèron lis apoustòli au Segnour: Aumentas en nautre la fe.
6Alor ié diguè lou Segnour: S'avès de fe coume un gran de serbe, dirés à-n-aquel amourié: Derrabo-te, e vai-te planta dins la mar; e vous óubeïra#17.6 S. Matiéu, xvii, 19; xxi, 21..
7Quau es aquéu de vautre que, se se trovo d'avé 'n serviciau, bouié o pastre, ié digue, quouro tourno dóu champ: Vite, avanço, entaulo-te?
8Es que ié dira pas, au countràri: Fai-me soupa: cencho-te, e serve-me d'aqui-qu'ague manja e begu; em'acò pièi, tu, manjaras e béuras?
9Es que n'i'a d'óubligacioun à-n-aquéu serviciau, pèr avé fa ço que ié coumandavo?
10Pènse pas. Ansin vautre, quand aurés coumpli tout ço que vous es coumanda, digas: Sian de servidou inutile; ço que devian faire l'avèn fa.
11E s'anè trouva que, tout en s'enanant vers Jerusalèn, éu passè pèr li counfigno de la Samarìo e de la Galilèio.
12Em'acò, coume intravo dins uno bourgado, ié venguèron au rescontre dès ladre. Mai se tenguèron liuen#17.12 La lèi ourdounavo i ladre de se gara liuen di gènt que rescountravon.,
13E aussèron la voues, disènt: Jèsu, noste Mèstre, agués pieta de nautre.
14Tant-lèu li veguè, ié diguè: Anas, fasès-vous vèire i prèire. E dóu tèms que i'anavon, s'encapèron gari.
15Un d'éli, de se vèire mounde, revirè camin, cridant à pleno voues glòri à Diéu.
16E toumbè d'aboucoun i pèd de Jèsu, fasènt soun gramaci. Or, aquéu-d'aqui èro Samaritan.
17Alor Jèsu ié venguè: Es que n'i'a pas dès de gari? e li nòu autre ounte soun?
18Ansin se n'es ges trouva que s'entour-nèsse e que rendeguèsse glòri à Diéu, senoun aquel estrangié.
19E ié diguè: Ausso-te, vai-t'en, que ta fe t'a sauva.
20Ié deman èron li Farisen: Quouro vendra lou reiaume de Diéu? Ié respoundeguè: Noun vendra lou reiaume de Diéu, que lou poscon vèire.
21E diran pas: Vès, es eici! o: vès, es aqui. Car, vesès, lou reiaume de Diéu es au dedins de vautre.
22Diguè pièi à si disciple: Vendra lou tèms que vous fara gau de vèire un jour dóu Fiéu de l'ome#17.22 Valènt-à-dire l'epoco de l'avenimen glourious dóu Sant Crist, au finimound., e lou veirés pas.
23De gènt vous diran: Vès, es eici! vès, es aqui! I'anés pas, e noun li seguigués.
24Dóumaci, coume l'uiau lampejo e 'sbrihaudo d'un bout à l'autre dóu cèu, ansin sara lou Fiéu de l'ome en soun jour.
25Mai d'en proumié fau que soufrigue bravamen, e que siegue rebufa pèr aquesto generacioun.
26E coume acò se passè au tèms de Nouvè, se passara tambèn au tèms dóu Fiéu de l'ome.
27Se manjavo e se bevié, li gènt se maridavon e maridavon si chato, enjusquo au jour ounte Nouvè intrè dins l'archo; em'acò venguè l'endoulible que li perdeguè tóuti.
28E peréu coume acò se passè au tèms de Lot: se manjavo e se bevié; li gènt croumpavon e vendien, plantavon e bastissien.
29Mai lou jour que Lot sourtiguè de Soudomo, plóuguè dóu cèu uno raisso de fiò e de sóupre que li perdeguè tóuti.
30Ansin se passaran li causo, lou jour que lou Fiéu de l'ome se revelara.
31En aquelo ouro, aquéu que sara sus sa téulisso, e qu'aura si besougno dins soun oustau, que davale pas pèr li prene#17.31 Vèire S. Matiéu, xxiv, 17 e la noto.; e aquéu que sara au champ que s'entourne pas ni-mai,
32Agués souvenènço de la femo de Lot.
33Qu cercara de sauva sa vido, la perdra; e qu la perdra, la sauvara.
34Vous l'afourtisse, dins aquelo niue d'aqui, n'i'aura dous dins lou meme lié: l'un sara pres e l'autre leissa.
35Dos femo moulinaran à soun moulin#17.35 Vèire S. Matiéu, v, 41 emé la noto.: l'uno sara presso, e l'autro leissado. Dous ome saran dins uno terro: l'un sara pres, e l'autre leissa.
36E de ié dire, éli: Ounte sara 'cò, Segnour?
37E ié respoundeguè: Pertout mounte sara lou cors, aqui tambèn s'acamparan lis aiglo.
Currently Selected:
Sant Lu 17: PROV
Highlight
Share
Copy
Want to have your highlights saved across all your devices? Sign up or sign in
Historical text printed in 1903, maintained by the British and Foreign Bible Society.
