Bɔfoi WOLO LƐ HE SANE
WOLO LƐ HE SANE
Bɔfoi lɛ Anitsumɔi lɛ Luka Sanekpakpa lɛ nɔtsamɔ ni. Oti krɛdɛɛ ni akɛŋmã wolo nɛɛ ji bɔ ni afee ni anyɛ atsɔ̃ɔ bɔ ni Mumɔ Krɔŋkrɔŋ lɛ kpla mɛi ni banyiɛ Yesu sɛɛ klɛŋklɛŋ ni amɛkɛyagbɛ ehe Sanekpakpa lɛ amɛshwã yɛ Yerusalɛm kɛ Yudea kɛ Samaria niiaŋ fɛɛ aahu kɛyashi jeŋ koji ejwɛ lɛ fɛɛ lɛ (1.8). Wolo lɛ tsɔ̃ɔ bɔ ni ato Kristo asafo lɛ shishi yɛ Yudafoi lɛ ateŋ kɛ bɔ hu ni etee nɔ ni etsɔ hemɔkɛyeli kɛkple jeŋ muu lɛ fɛɛ. Nɔ pɔtɛɛ hu ni woloŋmalɔ lɛ taoɔ ni ekanelɔi lɛ anu shishi faŋŋ ji akɛ Kristofoi lɛ amɛbaaa ni amɛkɛ amralofoi kɛ lumɛi ni yɔɔ Roma maŋtsɛyeli lɛ mli lɛ abakede, shi moŋ Kristofoi ahemɔkɛyeli lɛ ba ni ebawo Yudafoi lɛ ajamɔ lɛ obɔ.
Aaanyɛ adamɔ bɔ ni Yesu he Sanekpakpa lɛ fee ni eshwere ni egbɛ eshwa kɛ bɔ ni afee ato Kristo Asafo lɛ nɔ ni akɛja Bɔfoi lɛ Anitsumɔi lɛ amli etɛ̃.
1. Kristo Asafo lɛ shishitoo yɛ Yerusalɛm yɛ Yesu ŋwɛiyaa lɛ sɛɛ.
2. Sanekpakpa lɛ gbɛɛkɛshwamɔ yɛ maji krokomɛi amli yɛ Palestina shikpɔŋ lɛ nɔ.
3. Bɔ ni wiemɔ lɛ gbɛ shwã shikpɔji ni bɔle Mediterenia Ŋshɔ lɛ he aahu kɛyashɛ Roma.
Nɔ kome jeɔ kpo faŋŋ yɛ Bɔfoi lɛ Anitsumɔi ahe wolo nɛɛ mli, no ji Mumɔ Krɔŋkrɔŋ lɛ nitsumɔ kɛ ehewalɛ ni ekɛbayi mɛi ni ehe Yesu nɔ amɛye yɛ Yerusalɛm yɛ Pentekoste gbi lɛ nɔ lɛ amli lɛ. Mumɔ Krɔŋkrɔŋ lɛ tee nɔ etsɔ̃ɔ Kristo Asafo lɛ kɛ asafonukpai lɛ agbɛ ni ewo amɛ hewalɛ hu yɛ nɔ fɛɛ nɔ ni wolo lɛ yeɔ he odase akɛ amɛtsu lɛ mli. Shiɛmɔwiemɔ ni akɛbahã klɛŋklɛŋ Kristofoi lɛ afolɔ lɛ kuku kuku yɛ shiɛmɔi srɔtoi amli. Agbɛnɛ hu, nii ni tee nɔ fɛɛ ni aŋmala amɛhe saji yɛ Bɔfoi lɛ Anitsumɔi lɛ ahe wolo lɛ mli lɛ tsɔ̃ɔ hewalɛ kɛ ekãa ni shiɛmɔi srɔtoi nɛɛ wo mɛi ni he Kristo nɔ amɛye yɛ amɛwala mli lɛ, asaŋ kɛ amɛnaanyobɔɔ yɛ Kristo asafo lɛ mli.
Mlijaramɔi
Hesaamɔ kɛhã odaseyeli 1.1-26
a. Yesu naagbee famɔ kɛ eshiwoo 1.1-14
b. Yuda sɛɛyelɔ 1.15-26
Odaseyeli yɛ Yerusalɛm 2.1—8.3
Odaseyeli yɛ Yudea kɛ Samaria 8.4—12.25
Paulo nitsumɔ 13.1—28.31
a. Shiɛmɔ lɛ he klɛŋklɛŋ gbɛfãa 13.1—14.28
b. Kpee yɛ Yerusalɛm 15.1-35
d. Gbɛfaa ni ji enyɔ 15.36—18.22
e. Gbɛfaa ni ji etɛ̃ 18.23—21.16
ɛ. Paulo mɔŋwoo yɛ Yerusalɛm kɛ Kaisarea kɛ Roma 21.17—28.31
Currently Selected:
Bɔfoi WOLO LƐ HE SANE: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.