Jɛnɛsis 30
30
1Be ni Rahel na akɛ ekɛ Yakob fɔɔɔ lɛ, ebɔi enyɛmi yoo Lea lɛ he awuŋayeli, ni ekɛɛ Yakob akɛ, “Okɛ mi afɔ, kɛjeee nakai lɛ magbo!”
2 #
Lal 127.3
Yakob mli wo Rahel la, ni ekɛɛ akɛ, “Ani mi ji Nyɔŋmɔ ni etsi omusuŋbii anaa lɛ?”
3 #
Jɛn 16.2
Kɛkɛ ni Rahel kɛɛ, “Mikɛ miweyoo Bilha miihã bo ŋɔɔ lɛ ni okɛ lɛ afɔ ashwie mishuɔ nɔ mɔ, koni mi hu mana bii kɛtsɔ̃ enɔ.” 4No hewɔ lɛ, Rahel kɛ eweyoo Bilha hã Yakob gbãlã. Bilha yawɔ Yakob ŋɔɔ; 5Bilha na musu, ni ekɛ Yakob fɔ binuu. 6Kɛkɛ ni Rahel kɛɛ, “Nyɔŋmɔ eye misane lɛ ehã mi, ebo mi toi, ni ehã mi binuu.” No hewɔ lɛ, ewo abifao lɛ Dan. 7Bilha, Rahel weyoo lɛ, na musu ekoŋŋ, ni ekɛ Yakob fɔ binuu ni ji enyɔ. 8Kɛkɛ ni Rahel kɛɛ akɛ, “Mikɛ minyɛmi yoo lɛ enɔ nɔmɔ ni mli wa, ni miye kunim.” No hewɔ lɛ, ewo abifao lɛ Naftali.
9Be ni Lea na akɛ ekpa fɔmɔ lɛ, ekɛ eweyoo Zilpa hã Yakob gbãlã. 10Lea weyoo Zilpa lɛ kɛ Yakob fɔ binuu. 11Lea kɛɛ akɛ, “Omanye sane nɛ;” no hewɔ lɛ, ewo abifao lɛ Gad. 12Lea weyoo Zilpa kɛ Yakob fɔ binuu ni ji enyɔ; 13ni Lea kɛɛ akɛ, “Mina miishɛɛ ejaakɛ yei aaatsɛ mi yoo ni yɔɔ miishɛɛ;” ni ewo abifao lɛ Asher.
14Be ni ŋmãakuu be shɛ lɛ, Ruben yana suɔmɔ tso yibii ko yɛ ŋa lɛ nɔ, ni etse eko, ni ekɛbahã enyɛ Lea. Kɛkɛ ni Rahel kɛɛ Lea akɛ, “Miikpa bo fai ni ohã mi obi lɛ suɔmɔ tso yibii lɛ eko.”
15Shi Lea kɛɛ Rahel akɛ, “Aso ni oshɔ̃ miwu lɛ, no faaa hãaa bo, obaashɔ̃ mibi lɛ suɔmɔ tso yibii lɛ hu?”
Rahel to he akɛ, “Kɛji ooohã mi obi lɛ suɔmɔ tso yibii lɛ eko lɛ, no lɛ obaanyɛ oyawɔ Yakob ŋɔɔ ŋmɛnɛ.”
16No hewɔ lɛ, gbɛkɛ mli be ni Yakob jɛ ŋmɔ mli ebaa lɛ, Lea je kpo ni ekɛ lɛ yakpe, ni ekɛɛ lɛ akɛ, “Ŋmɛnɛ, ja obawɔ miŋɔɔ ejaakɛ mikɛ mibi lɛ suɔmɔ tso yibii#30.16: Hebribii lɛ heɔ yeɔ akɛ nɛkɛ tso nɛɛ yibii lɛ hãa mɔ naa bi efɔɔ. lɛ ebɔ bo apaa!” No hewɔ lɛ, Yakob kɛ lɛ wɔ nakai nyɔɔŋ lɛ mli.
17Nyɔŋmɔ bo Lea sɔlemɔ toi, ena musu; ni ekɛ Yakob fɔ binuu ni ji enumɔ. 18Kɛkɛ ni Lea kɛɛ akɛ, “Nyɔŋmɔ ehã mi mipaabɔɔnii, ejaakɛ mikɛ miweyoo lɛ ehã miwu gbãlã;” ni ewo abifao lɛ Isakar. 19Ni Lea na musu ekoŋŋ, ni ekɛ Yakob fɔ binuu ni ji ekpaa. 20Kɛkɛ ni Lea kɛɛ akɛ, “Nyɔŋmɔ ehã mi gbãlãnii fɛɛfɛo. Agbɛnɛ miwu baawo mihiɛ nyam, ejaakɛ mikɛ lɛ efɔ bihii ekpaa sɔŋŋ.” No hewɔ lɛ, ewo gbekɛ lɛ Zebulon. 21Enɛ sɛɛ lɛ Lea fɔ biyoo, ni ewo lɛ Dina.
22Kɛkɛ ni Nyɔŋmɔ kai Rahel; Nyɔŋmɔ bo esɔlemɔ toi, ni egbele emusu naa. 23#Yes 4.1; Luk 1.25 Rahel na musu, ni efɔ binuu, ni ekɛɛ akɛ, “Nyɔŋmɔ ejie mihiɛgbele lɛ.” 24Ewo gbekɛ lɛ Yosef, eshishi ji, “Yehowa ahã mafɔ binuu ekoŋŋ.”
Yakob kɛ Laban ye nitsumɔ naa
25Ni eba mli akɛ be ni Rahel efɔ Yosef sɛɛ lɛ, Yakob kɛɛ Laban akɛ, “Wo mi gbɛ ni maya mijɛɛhe kɛ mishikpɔŋ nɔ. 26#Jɛn 29.20, 30 Okɛ miŋamɛi kɛ nibii ni misɔ̃mɔ bo yɛ amɛhewɔ lɛ ahã mi ni maya ejaakɛ bo diɛŋtsɛ ole bɔ ni misɔ̃mɔ bo mihã.”
27 #
Jɛn 39.5
Shi Laban kɛɛ lɛ akɛ, “Kɛ oooŋmɛ mi gbɛ ni mawie lɛ, mitsɔ̃ gbalɛ nɔ mina mile akɛ bo ohewɔ ni Yehowa ejɔɔ mi nɛɛ. 28Tsɔ̃ɔmɔ mi bɔ ni obaahe mi, ni mahã bo.”
29Yakob kɛɛ lɛ akɛ, “Bo diɛŋtsɛ ole bɔ ni misɔ̃mɔ bo mihã kɛ bɔ hu ni okooloi lɛ eshwere yɛ midɛŋ. 30Ejaakɛ be ni miba lɛ, kooloi fioo ko kɛkɛ oyɔɔ; shi amrɔ nɛɛ amɛshwere babaoo; mi mihewɔ Yehowa ejɔɔ bo babaoo nɛɛ. Shi agbɛnɛ mɛɛbe mabua nɔ ko naa mahã mi diɛŋtsɛ miwe hu.”
31Laban bi lɛ akɛ, “Mɛni mahã bo?”
Yakob hã lɛ hetoo akɛ, “Kaahã mi nɔ ko nɔ ko. Kɛ ooofee nɔ ni mibatsɔ̃ɔ bo nɛɛ ohã mi lɛ, no lɛ masaa malɛ okooloi lɛ ni makwɛ amɛ ekoŋŋ. 32Ŋmɛnɛ hã ni makpa otoi lɛ fɛɛ mli ni mahala toobi fɛɛ toobi ni he yɔɔ truntrãi kɛ damdam yɛ gwantɛŋi lɛ amli, kɛ nii ni he yɔɔ damdam kɛ nii ni he yɔɔ truntrãi yɛ abotiai lɛ ateŋ lɛ. Nomɛi aaatsɔ minyɔmɔwoo. 33Ni kɛfee sɛɛ ni ooobakwɛ minyɔmɔwoo lɛ, miye bo anɔkwale jio, miyeko bo anɔkwale jio, obaana. Abotiai lɛ amli eko fɛɛ eko ni he bɛ truntrãi kɛ damdam kɛ gwantɛŋi lɛ amli nii ni he diii lɛ kɛ ooona eko yɛ midɛŋ lɛ, belɛ no lɛ juunii ni.”
34Laban to he akɛ, “Ojogbaŋŋ; afee bɔ ni okɛɛ nɛɛ.” 35Ni nakai gbi lɛ Laban jie too kpakpoi ni he yɔɔ truntrãi kɛ damdam lɛ kɛ abotia yei ni he yɔɔ truntrãi kɛ damdam lɛ, eko fɛɛ eko ni eyɛŋ ta ehe, kɛ gwantɛŋbi fɛɛ gwantɛŋbi ni diɔ, ni etu amɛ ewo ebii lɛ adɛŋ. 36Kɛkɛ ni ekɛ ebii lɛ shi Yakob kɛtee he kroko ni jɛkɛmɔ ji gbii etɛ̃ gbɛnyiɛmɔ, ni Yakob kwɛ Laban toi ni shwɛ lɛ.
37Agbɛnɛ Yakob kɔlɔ libne tsei ŋmɔji kɛ luz tsei kɛ blɔfoŋkatiɛ tsei ni eye amɛhe sãmãi yɛji, ni ehã tsei lɛ amli eyɛji lɛ je shi. 38Ekɛ tsei ni eye amɛhe sãmãi nɛɛ shwie tsesei ni toi lɛ banuɔ nu yɛ mli lɛ amli, bɔ ni toi lɛ aaana sãmãi lɛ kɛji amɛba nu lɛ numɔ lɛ; ejaakɛ kɛ amɛba nu lɛ numɔ lɛ, toohii lɛ kwɔɔ tooyei lɛ yɛ jɛi. 39No hewɔ lɛ, kɛ toohii lɛ kwɔ too yei lɛ yɛ tsei lɛ ahiɛ lɛ, toi lɛ fɔfɔɔ toobii ni he yɔɔ sãmãisãmãi kɛ nii ni he yɔɔ truntrãi kɛ damdam.
40Yakob tserɛ too gwantɛŋbii lɛ eto afã, ni etsɔ̃mɔ toi lɛ ahiɛ ehã Laban toi ni he yɔɔ sãmãisãmãi lɛ kɛ nii ni diɔ lɛ fɛɛ. Ekɛ lɛ diɛŋtsɛ etoo ku lɛ to afã, ni ekɛ amɛ futuuu Laban toi lɛ.
41Kɛ toi ni yɔɔ hewalɛ lɛ kɛ amɛhe miina bɔlɛ lɛ, Yakob kɛ tsei lɛ shwieɔ tsesei lɛ ahiɛ, koni toi lɛ ana bɔlɛ yɛ tsei lɛ ateŋ. 42Shi toi ni yɔɔ wudɔwudɔ lɛ ekɛ tsei lɛ eshwieee amɛhiɛ. No hewɔ lɛ, toi wudɔwudɔi lɛ tsɔmɔ Laban nii, ni nii ni yɔɔ hewalɛ lɛ tsɔmɔ Yakob nii. 43#Jɛn 12.16 Enɛ hã Yakob shwere waa naakpa. Ena toi babaoo kɛ weyei kɛ wehii kɛ yoomai kɛ tejii.
Currently Selected:
Jɛnɛsis 30: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
