Gyenesise 15

Nyameɛ ne Abram yɛ apam

1 # Deut 33.29; Edw 28.7 Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.” 2Nakoso Abram bisale kyɛ, “O, AWURADE Nyameɛ, nzikyɛ yeɛ ɛkɔfa kɔma me ɔ? Nea kyɛ nnne ba, na Eliesa bɔ ofi Damasko yeɛ okoli me bia ɔ.” 3Na Abram hane kyɛ, “Nea kyɛ ɛmmane me ba, na kanganiɛ bɔ bawo ye m’awuro yeɛ ɔbaali me bia ɔ.” 4#Gye 17.16, 21; 18.10; 21.2 Nakoso AWURADE lale ye dwirɛ ali hyirele ye kyɛ, “Nna sɔ akoaa he yeɛ okoli wɔ bia ɔ, na mmom wɔ bɔbɔ ɛwa yeɛ okoli wɔ bia ɔ.” 5#Gye 22.17; Ɛks 32.13; Deut 1.10; Rom 4.18 Afei Nyameɛ fale ye fitele, na osele kyɛ, “To wɔ nye anwuro na ka nzramaa nemɔ, na nea sɛ ɛkɔhora kɔha bɛ a.” Na osele ye kyɛ, “Sɔ ala yeɛ wɔ boso ama kɔyɛ ɔ.” 6#Rom 4.3, 9, 22, 23; Gal 3.6 Abram lele AWURADE lili, yiti AWURADE buli sɔ nikyee ne kyɛ ɔtengyɛ wɔ ye nyunu.

7Na osele ye kyɛ, “Me ole AWURADE bɔ mvale wɔ mvili Yure bɔ ɔwɔ Kaldea mmale ɔ, kyɛ méfa aseɛ he mema wɔ maa ɔyɛ wɔ deɛ.” 8#2 Ahe 20.8; Luk 1.18 Nakoso obisale kyɛ, “O, AWURADE Nyameɛ, ɔkɔyɛ sɛɛ né manwu ye kyɛ ɔkɔyɛ m’agyapadeɛ?” 9Na Nyameɛ buale ye kyɛ, “Fa nandwie beleɛ akrɔngrɔma bɔ wali afoɛ nza, abɔngye beleɛ bɔ wali afoɛ nza, boaen nyii bɔ wali afoɛ nza, aborɔma, ɔne mmorɔnoma buruwa brɛ me.” 10#Yer 34.18-19 Ɔfale ye mukoraa brɛle ye, ɔpakyepakyele bɛ nu nyɔ nyɔ, na ɔfale ko biala bue tole ye bue ne anwo; nakoso nnomaa nemɔ de, wambakyepakye bɛ nu. 11Na sɛ nnomaa bɔ bedi naen batena naen fuin nemɔ aso a, né Abram afoa bɛ.

12Na eyia yɛle kyɛ ɔkwaatɔ nen, nnafelɛ hatee wuale Abram, na awosii tunn suronyisuronyi tole ye. 13#Ɛks 12.40; Aso 7.6, 7 Na AWURADE sele Abram kyɛ, “Memaa ɛte ye bo kyɛ, wɔ boso ama kɔyɛ ɛwɔfoɛ wɔ aseɛ bɔ nna bɛ deɛ ahɔ so. Bɛkɔyɛ ngoaa wɔ berɛ, na bɛkɔhyɛ bɛ so toonn afoɛ ɛyaa nna. 14Nakoso ngobua maen bɔ bɛkɔso ye ne ndɛen, na ɛhe asi ye, bɛkɔfa anwonya pee paa bekofi maen ne anu bɛkɔhɔ. 15Nakoso wɔ de, ɛkɔtoa wɔ mbanyi mɔ asomdwee nu, na ɛkɔyɛ aworowaa posoposo koraka né basie wɔ. 16Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

17Mmerɛ bɔ eyia tɔle ná awosii wale nen, mvum nu, foonoo bɔ otu nwosina, ɔne see bɔ ogye wuronyiwuronyi wale bɛɛfale naen bue bue nemɔ afia. 18#Gye 17.2, 7, 9-14, 21 Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa, 19Kenifoɛ, Kenisifoɛ, Kademonifoɛ, 20Hitifoɛ, Perisifoɛ, Refaimfoɛ, 21Amorifoɛ, Kanaanfoɛ, Gɛgasifoɛ ne Yebusifoɛ aseɛ ne.”

Currently Selected:

Gyenesise 15: EBP

Highlight

Copy