Gyenesise 21
21
Yisake aworɛ ne
1 #
Gye 18.10
AWURADE ɔɔpasale Sara nwo kyɛbɔ ɔhane ne ala, na kyɛbɔ ɔhyɛle Sara bɔ ne, sɔ ala yeɛ ɔyɔle ɔ. 2Sara nwonzɛle, na ɔne Abraham bɛwole bienzua wɔ mmerɛ bɔ né Abraham ayɛ aworowaa ɔ, wɔ mmerɛ deinn bɔ Nyameɛ fa hyɛle ye bɔ ne. 3#Gye 17.19 Na Abraham tole ɔwa bɔ Sara ne ye wole ne dumaa Yisake. 4#Aso 7.8 Abraham awa Yisake lili ɛlɛbɔtwɛ nen, ɔpɛle ye bienzua, kyɛbɔ Nyameɛ hyɛle ye ne. 5Abraham wole ɔwa Yisake nen, né wali afoɛ ɛyaa. 6#Gye 18.12 Na Sara sele kyɛ, “Nyameɛ amaa masere; na ebiala bɔ ɔkɔte ne ɔne me kɔsere.” 7Na osa sele kyɛ, “Nwa yeɛ ahaa ɔkɔha kohyire Abraham kyɛ Sara kɔma baa nyɔfone ɔ? Nakoso mawo baa mama ye wɔ mmerɛ bɔ wayɛ aworowaa ɔ.”
8Akwadaa ne nyini, na bɛpɛle ye nyɔfone; na kyẽa bɔ bɛpɛle Yisake nyɔfone nen, Abraham tole ɛpoen piri.
Bɛfoa Hagar ne Yismael
9 #
Gal 4.22
Sara nwuni kyɛ Misraimniɛ Hagar awa bɔ ɔwole ye mane Abraham ne ɔka Yisake anyinga. 10#Gal 4.30 Yiti osele Abraham kyɛ, “Foa afaneɛ he ne ɔwa ne ma bɛhɔ, ofikyɛ sɔ afaneɛ he awa ɔne mma Yisake bɛngɔbɔ nu bengoli bia ko.” 11Na edwirɛ ne anyɛ Abraham fɛ koraa, ɔnate ɔwa ne ati. 12#Rom 9.7; Heb 11.18 Nakoso Nyameɛ sele Abraham kyɛ, “Nnɛma akwadaa ne ne w’afaneɛ ne dwirɛ ne ɔha wɔ. Na yɔ bɔ Sara ka kyire wɔ biala, ofikyɛ ɔnate Yisake so yeɛ ekonya wɔ bosofoɛ kaenn ɔ. 13#Gye 17.20 Na afaneɛ n’awa ne koso, ngɔmaa ɔkɔkakyi maen, ofikyɛ ɔte wɔ bosoniɛ.”
14Yiti Abraham dwɔsole ngyerɛmɔ tutuutu, na ɔfale aleɛ ne kɔndoa#21.14: KƆNDOA: Anaakyɛ: ngomvo, anaa tundunn. bɔ nzue wɔ nu mane Hagar fa tole ye kɔme anwo, na oguale ye ne ɔwa ne ate. Hagar sili nu hɔle, na oohyinihyini Beɛ Hyeba ɛserɛ so. 15Kɔndoa ne anu nzue yiele nen, ɔyakyili akwadaa ne tole ndire bie abo. 16Afei ɔɔtenane nekaa bie dedeede wɔ ye nyunu ndendeneɛ so, bɔ ye tendenn kɔyɛ abasanu ɛyaa. Na ɔha hyirele ye nwo kyɛ, “Mengɔhora mma ye anyunu nea wɔ ye wue nu.” Na ɔte ye nyunu ndendeneɛ so berɛ nen, akwadaa ne tikyele esuɛ nu.#21.16: Tete Ahyerɛlɛ ne bie ka kyɛ: otikyele esuɛ nu. 17Nyameɛ tele akwadaa ne suɛ, na Nyameɛ abɔfo frɛle Hagar fili nyameɛso bisale ye kyɛ, “Hagar, nzikyɛ yeɛ ɔha wɔ ɔ? Nnɛsuro, ofikyɛ esuɛ bɔ akwadaa ne ɔla berɛ bɔ osũ ne, Nyameɛ ate. 18Dwɔso kɔma akwadaa ne aso, na tira ye nu yé, ofikyɛ ngɔma ye boso ama kɔyɛ maen pirikua.” 19Afei Nyameɛ bukyele Hagar nye, na onwuni abura bie; ɔɔsale nzue ne bie guale kɔndoa ne anu, na ɔmane akwadaa ne bie maa ɔnone. 20Nyameɛ gyinane akwadaa ne asi, na onyini. Ɔtenane ɛserɛ so, na ɔyɛle agyaentolɛ bɔfoɛ. 21Ɔtenane Paran ɛserɛ so, na oni oogyale braa fili Misraim aseɛ so mane ye.
Abraham ne Abimɛlɛke yɛ apam
22Sɔ mmerɛ ne, Abimɛlɛke ne ye safohene Fikol beesele Abraham kyɛ, “Nyameɛ li wɔ si wɔ nikyee biala bɔ ɛyɔ nu; 23#Gye 20.15 yiti fa Nyameɛ ta ndaen kyire me kyɛ ɛngɔlakalaka me, anaa me mma, anaa me boso ama. Na kyɛbɔ mali nahorɛ mama wɔ ne, sɔ ala yeɛ di nahorɛ ma me ne aseɛ bɔ aayɛ so ɛwɔfoɛ ne ɔ.” 24Na Abraham buale kyɛ, “Meta ndaen.”
25 #
Gye 26.15, 18 Abraham fale nzue abura bie bɔ Abimɛlɛke ngoaa mɔ bafa patapaa so bale bafi ye sa nu nwo dwirɛ tole Abimɛlɛke nyunu. 26Na Abimɛlɛke yele ye noa kyɛ, “Menze sona bɔ wayɔ sɔ nikyee ne; na wɔ koso anga angyire me. Nndele ye le, sana ɛnɛ ala.” 27Afei Abraham mane Abimɛlɛke mmoaen ne nandwie, na bɛ munyɔ bɛyɛle apam. 28Abraham yele mmoaen mmeleɛ nzoo fili mmoaen kure ne anu siele ahameɛ. 29Na Abimɛlɛke bisale ye kyɛ, “Mmoaen mmeleɛ nzoo bɔ aye bɛ asie ahameɛ ye, ye bo kyire sɛɛ?” 30Na obuale kyɛ, “Ndira me sa nu mmoaen mmeleɛ nzoo hemɔ mefa mema wɔ, na ɔmaa edi me adanzeɛ kyɛ me yeɛ nduli abura he ɔ.” 31#Gye 26.33 Yiti bɛfrɛle berɛ Beɛ Hyeba,#21.31: BEƐ HYEBA: Ye bo kyire: Ndaen Abura, anaa Nzoo Abura. ofikyɛ berɛ yeɛ bɛ munyɔ bɛtale ndaen ɔ. 32Bɛyɛle apam wɔ Beɛ Hyeba beyiele nen, Abimɛlɛke ne ye safohene Fikol bedwɔsole besa bɛhɔle Filistifoɛ aseɛ so. 33Abraham luale akyea wɔ Beɛ Hyeba, na ɔsɔnene AWURADE bɔ ɔte Ɛdangama Nyameɛ ne berɛ. 34Na Abraham yɛle ɛwɔfoɛ wɔ Filistifoɛ aseɛ so hyɛle.
Currently Selected:
Gyenesise 21: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Gyenesise 21
21
Yisake aworɛ ne
1 #
Gye 18.10
AWURADE ɔɔpasale Sara nwo kyɛbɔ ɔhane ne ala, na kyɛbɔ ɔhyɛle Sara bɔ ne, sɔ ala yeɛ ɔyɔle ɔ. 2Sara nwonzɛle, na ɔne Abraham bɛwole bienzua wɔ mmerɛ bɔ né Abraham ayɛ aworowaa ɔ, wɔ mmerɛ deinn bɔ Nyameɛ fa hyɛle ye bɔ ne. 3#Gye 17.19 Na Abraham tole ɔwa bɔ Sara ne ye wole ne dumaa Yisake. 4#Aso 7.8 Abraham awa Yisake lili ɛlɛbɔtwɛ nen, ɔpɛle ye bienzua, kyɛbɔ Nyameɛ hyɛle ye ne. 5Abraham wole ɔwa Yisake nen, né wali afoɛ ɛyaa. 6#Gye 18.12 Na Sara sele kyɛ, “Nyameɛ amaa masere; na ebiala bɔ ɔkɔte ne ɔne me kɔsere.” 7Na osa sele kyɛ, “Nwa yeɛ ahaa ɔkɔha kohyire Abraham kyɛ Sara kɔma baa nyɔfone ɔ? Nakoso mawo baa mama ye wɔ mmerɛ bɔ wayɛ aworowaa ɔ.”
8Akwadaa ne nyini, na bɛpɛle ye nyɔfone; na kyẽa bɔ bɛpɛle Yisake nyɔfone nen, Abraham tole ɛpoen piri.
Bɛfoa Hagar ne Yismael
9 #
Gal 4.22
Sara nwuni kyɛ Misraimniɛ Hagar awa bɔ ɔwole ye mane Abraham ne ɔka Yisake anyinga. 10#Gal 4.30 Yiti osele Abraham kyɛ, “Foa afaneɛ he ne ɔwa ne ma bɛhɔ, ofikyɛ sɔ afaneɛ he awa ɔne mma Yisake bɛngɔbɔ nu bengoli bia ko.” 11Na edwirɛ ne anyɛ Abraham fɛ koraa, ɔnate ɔwa ne ati. 12#Rom 9.7; Heb 11.18 Nakoso Nyameɛ sele Abraham kyɛ, “Nnɛma akwadaa ne ne w’afaneɛ ne dwirɛ ne ɔha wɔ. Na yɔ bɔ Sara ka kyire wɔ biala, ofikyɛ ɔnate Yisake so yeɛ ekonya wɔ bosofoɛ kaenn ɔ. 13#Gye 17.20 Na afaneɛ n’awa ne koso, ngɔmaa ɔkɔkakyi maen, ofikyɛ ɔte wɔ bosoniɛ.”
14Yiti Abraham dwɔsole ngyerɛmɔ tutuutu, na ɔfale aleɛ ne kɔndoa#21.14: KƆNDOA: Anaakyɛ: ngomvo, anaa tundunn. bɔ nzue wɔ nu mane Hagar fa tole ye kɔme anwo, na oguale ye ne ɔwa ne ate. Hagar sili nu hɔle, na oohyinihyini Beɛ Hyeba ɛserɛ so. 15Kɔndoa ne anu nzue yiele nen, ɔyakyili akwadaa ne tole ndire bie abo. 16Afei ɔɔtenane nekaa bie dedeede wɔ ye nyunu ndendeneɛ so, bɔ ye tendenn kɔyɛ abasanu ɛyaa. Na ɔha hyirele ye nwo kyɛ, “Mengɔhora mma ye anyunu nea wɔ ye wue nu.” Na ɔte ye nyunu ndendeneɛ so berɛ nen, akwadaa ne tikyele esuɛ nu.#21.16: Tete Ahyerɛlɛ ne bie ka kyɛ: otikyele esuɛ nu. 17Nyameɛ tele akwadaa ne suɛ, na Nyameɛ abɔfo frɛle Hagar fili nyameɛso bisale ye kyɛ, “Hagar, nzikyɛ yeɛ ɔha wɔ ɔ? Nnɛsuro, ofikyɛ esuɛ bɔ akwadaa ne ɔla berɛ bɔ osũ ne, Nyameɛ ate. 18Dwɔso kɔma akwadaa ne aso, na tira ye nu yé, ofikyɛ ngɔma ye boso ama kɔyɛ maen pirikua.” 19Afei Nyameɛ bukyele Hagar nye, na onwuni abura bie; ɔɔsale nzue ne bie guale kɔndoa ne anu, na ɔmane akwadaa ne bie maa ɔnone. 20Nyameɛ gyinane akwadaa ne asi, na onyini. Ɔtenane ɛserɛ so, na ɔyɛle agyaentolɛ bɔfoɛ. 21Ɔtenane Paran ɛserɛ so, na oni oogyale braa fili Misraim aseɛ so mane ye.
Abraham ne Abimɛlɛke yɛ apam
22Sɔ mmerɛ ne, Abimɛlɛke ne ye safohene Fikol beesele Abraham kyɛ, “Nyameɛ li wɔ si wɔ nikyee biala bɔ ɛyɔ nu; 23#Gye 20.15 yiti fa Nyameɛ ta ndaen kyire me kyɛ ɛngɔlakalaka me, anaa me mma, anaa me boso ama. Na kyɛbɔ mali nahorɛ mama wɔ ne, sɔ ala yeɛ di nahorɛ ma me ne aseɛ bɔ aayɛ so ɛwɔfoɛ ne ɔ.” 24Na Abraham buale kyɛ, “Meta ndaen.”
25 #
Gye 26.15, 18 Abraham fale nzue abura bie bɔ Abimɛlɛke ngoaa mɔ bafa patapaa so bale bafi ye sa nu nwo dwirɛ tole Abimɛlɛke nyunu. 26Na Abimɛlɛke yele ye noa kyɛ, “Menze sona bɔ wayɔ sɔ nikyee ne; na wɔ koso anga angyire me. Nndele ye le, sana ɛnɛ ala.” 27Afei Abraham mane Abimɛlɛke mmoaen ne nandwie, na bɛ munyɔ bɛyɛle apam. 28Abraham yele mmoaen mmeleɛ nzoo fili mmoaen kure ne anu siele ahameɛ. 29Na Abimɛlɛke bisale ye kyɛ, “Mmoaen mmeleɛ nzoo bɔ aye bɛ asie ahameɛ ye, ye bo kyire sɛɛ?” 30Na obuale kyɛ, “Ndira me sa nu mmoaen mmeleɛ nzoo hemɔ mefa mema wɔ, na ɔmaa edi me adanzeɛ kyɛ me yeɛ nduli abura he ɔ.” 31#Gye 26.33 Yiti bɛfrɛle berɛ Beɛ Hyeba,#21.31: BEƐ HYEBA: Ye bo kyire: Ndaen Abura, anaa Nzoo Abura. ofikyɛ berɛ yeɛ bɛ munyɔ bɛtale ndaen ɔ. 32Bɛyɛle apam wɔ Beɛ Hyeba beyiele nen, Abimɛlɛke ne ye safohene Fikol bedwɔsole besa bɛhɔle Filistifoɛ aseɛ so. 33Abraham luale akyea wɔ Beɛ Hyeba, na ɔsɔnene AWURADE bɔ ɔte Ɛdangama Nyameɛ ne berɛ. 34Na Abraham yɛle ɛwɔfoɛ wɔ Filistifoɛ aseɛ so hyɛle.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.