Gyenesise 20
20
Abraham ne Abimɛlɛke
1Abraham tu fili berɛ hɔle ngwaen dɔ aseɛ ne aso dɔ, na ɔɔtenane Kadese ne Sure b’afia. Na nziɛ ye ɔɔtenane Gera. 2Na Abraham ha fale ɔye Sara nwo kyɛ, “Nniɛma brasua ɔ.” Yiti Gera hene Abimɛlɛke somane maa bɛɛfale Sara bɛbrɛle ye. 3Nyameɛ ɔɔhyene Abimɛlɛke laleɛ kɔngɔen ne, na osele ye kyɛ, “Nea, awu ayie, ɔnate braa ne bɔ aafa ye awa ne ati, ofikyɛ ɔte biaa bie aye!” 4Né Abimɛlɛke onnya ɔffale ye nwo ɔhhane ye, na ɔhane kyɛ, “AWURADE, aso mmenia bɔ bedi be wora ekohu bɛ? 5Nna ye bɔbɔ yeɛ osele me kyɛ, ‘Nniɛma brasua ɔ’? Nna braa ne bɔbɔ yeɛ ɔhane kyɛ, ‘Nniɛma bienzua ɔ’? Me ti anu te fufue wɔ edwirɛ he anwo, na me tiboa mmua me foɛ.” 6Na Nyameɛ buale ye wɔ laleɛ ne anu kyɛ, “Yoo, mese kyɛ wɔ ti anu te fufue wɔ edwirɛ he anwo. Me yeɛ ndwene wɔ nzale bɔ mamma anyɔ bɔne andia me ɔ; na ɛhe ati yeɛ mamma amva wɔ nwo anga ye ɔ. 7#Edw 105.15 Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”
8Yiti Abimɛlɛke dwɔsole ngyerɛmɔ tutuutu, ɔfrɛle ye somvoɛ mɔ, na ɔfale bɔ wasi ne amukoraa nwo amaneɛ bɔle bɛ, na ɛserɛ piri paa hane bɛ. 9Na Abimɛlɛke frɛle Abraham bisale ye kyɛ, “Nzikyɛ dwirɛ yeɛ afa ali yɛ sɔa ye? Nzikyɛ bɔne yeɛ mafa mayɔ wɔ, bɔ yiti yeɛ ama musue piri he ato me ne m’ahennie ye? Edwirɛ bɔ ɔtte mayee yeɛ afa ali me ɔ.” 10Na Abimɛlɛke bisale Abraham kyɛ, “Ɛhe bɔ ɛyɔle ye, nzikyɛ adwene paa yeɛ né ɛdwene ɔ?” 11Na Abraham buale kyɛ, “Né menwa nzɛ ɛwa ama nzuro Nyameɛ koraa, na me ye ne ati bekohu me. 12Nakoso ɛnea paa a, nniɛma brasua ɔ. Me baba awa ɛne, nakoso nna me ni awa ɔ; na ɔɔyɛle me ye. 13Na mmerɛ bɔ Nyameɛ maa ndu mvili me se awuro ngyinikyinini nen, nga ngyirele ye kyɛ, ‘Mepena kyɛ ɛyɔ me sɔ paa he: nekaa biala bɔ yɛkɔhɔ ne, ka kyɛ, ‘Nniɛma ɔ’ ” 14Afei Abimɛlɛke mane Abraham mmoaen, nandwie, nganga mmienzua ne mmrasua, na osa fale ɔye Sara mane ye. 15Na Abimɛlɛke sele kyɛ, “Nea, m’aseɛ yeɛ ɔla berɛ ye; tena nekaa biala bɔ ekuro ɔ.” 16Na osele Sara koso kyɛ, “Nea, mama eliɛma ɛdwetɛ apee ko, na ɛhe yeɛ ɔkɔma mmenia bɔ bɛboka wɔ so ne amukoraa bekonwu wɔ ti anu, na ebiala anwu kyɛ edi be ɔ.” 17Afei Abraham srɛle Nyameɛ, na Nyameɛ sale Abimɛlɛke ne ɔye ne ye afaneɛ mɔ anwonyerɛ, na afei bɛhora bɛwowole. 18Ofikyɛ, ɔnate Abraham aye Sara ti, né AWURADE ama Abimɛlɛke awuro mmrasua mukoraa bapɛ aworɛ.
Currently Selected:
Gyenesise 20: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Gyenesise 20
20
Abraham ne Abimɛlɛke
1Abraham tu fili berɛ hɔle ngwaen dɔ aseɛ ne aso dɔ, na ɔɔtenane Kadese ne Sure b’afia. Na nziɛ ye ɔɔtenane Gera. 2Na Abraham ha fale ɔye Sara nwo kyɛ, “Nniɛma brasua ɔ.” Yiti Gera hene Abimɛlɛke somane maa bɛɛfale Sara bɛbrɛle ye. 3Nyameɛ ɔɔhyene Abimɛlɛke laleɛ kɔngɔen ne, na osele ye kyɛ, “Nea, awu ayie, ɔnate braa ne bɔ aafa ye awa ne ati, ofikyɛ ɔte biaa bie aye!” 4Né Abimɛlɛke onnya ɔffale ye nwo ɔhhane ye, na ɔhane kyɛ, “AWURADE, aso mmenia bɔ bedi be wora ekohu bɛ? 5Nna ye bɔbɔ yeɛ osele me kyɛ, ‘Nniɛma brasua ɔ’? Nna braa ne bɔbɔ yeɛ ɔhane kyɛ, ‘Nniɛma bienzua ɔ’? Me ti anu te fufue wɔ edwirɛ he anwo, na me tiboa mmua me foɛ.” 6Na Nyameɛ buale ye wɔ laleɛ ne anu kyɛ, “Yoo, mese kyɛ wɔ ti anu te fufue wɔ edwirɛ he anwo. Me yeɛ ndwene wɔ nzale bɔ mamma anyɔ bɔne andia me ɔ; na ɛhe ati yeɛ mamma amva wɔ nwo anga ye ɔ. 7#Edw 105.15 Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”
8Yiti Abimɛlɛke dwɔsole ngyerɛmɔ tutuutu, ɔfrɛle ye somvoɛ mɔ, na ɔfale bɔ wasi ne amukoraa nwo amaneɛ bɔle bɛ, na ɛserɛ piri paa hane bɛ. 9Na Abimɛlɛke frɛle Abraham bisale ye kyɛ, “Nzikyɛ dwirɛ yeɛ afa ali yɛ sɔa ye? Nzikyɛ bɔne yeɛ mafa mayɔ wɔ, bɔ yiti yeɛ ama musue piri he ato me ne m’ahennie ye? Edwirɛ bɔ ɔtte mayee yeɛ afa ali me ɔ.” 10Na Abimɛlɛke bisale Abraham kyɛ, “Ɛhe bɔ ɛyɔle ye, nzikyɛ adwene paa yeɛ né ɛdwene ɔ?” 11Na Abraham buale kyɛ, “Né menwa nzɛ ɛwa ama nzuro Nyameɛ koraa, na me ye ne ati bekohu me. 12Nakoso ɛnea paa a, nniɛma brasua ɔ. Me baba awa ɛne, nakoso nna me ni awa ɔ; na ɔɔyɛle me ye. 13Na mmerɛ bɔ Nyameɛ maa ndu mvili me se awuro ngyinikyinini nen, nga ngyirele ye kyɛ, ‘Mepena kyɛ ɛyɔ me sɔ paa he: nekaa biala bɔ yɛkɔhɔ ne, ka kyɛ, ‘Nniɛma ɔ’ ” 14Afei Abimɛlɛke mane Abraham mmoaen, nandwie, nganga mmienzua ne mmrasua, na osa fale ɔye Sara mane ye. 15Na Abimɛlɛke sele kyɛ, “Nea, m’aseɛ yeɛ ɔla berɛ ye; tena nekaa biala bɔ ekuro ɔ.” 16Na osele Sara koso kyɛ, “Nea, mama eliɛma ɛdwetɛ apee ko, na ɛhe yeɛ ɔkɔma mmenia bɔ bɛboka wɔ so ne amukoraa bekonwu wɔ ti anu, na ebiala anwu kyɛ edi be ɔ.” 17Afei Abraham srɛle Nyameɛ, na Nyameɛ sale Abimɛlɛke ne ɔye ne ye afaneɛ mɔ anwonyerɛ, na afei bɛhora bɛwowole. 18Ofikyɛ, ɔnate Abraham aye Sara ti, né AWURADE ama Abimɛlɛke awuro mmrasua mukoraa bapɛ aworɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.