Gyenesise 39
39
Yosef ne Pɔtifa aye ne
1 #
Aso 7.9
Yismaelfoɛ nemɔ fale Yosef bɛhɔle Misraim. Na Faro ye panyi ko bɔ bɛfrɛ ye Pɔtifa, bɔ ɔte Misraimniɛ na osa te ye angɔbeahene ne, ɔtɔle ye fili Yismaelfoɛ nemɔ berɛ. 2#Aso 7.9 Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro. 3Na ye mene nwuni kyɛ AWURADE gyi ye si, na AWURADE sá ma nikyee biala bɔ ɔyɔ yɛ yee. 4Yosef sɔle ye mene nye. Ɔsole ye, na biaa ne fale ye tuale ye awuro ne anoa, na ɔfale bɔ ole ye amukoraa wurale ye sa. 5Ofi mmerɛ bɔ ɔfale ye tuale ye awuro noa, na ɔfale bɔ ole ye amu wurale ye sa ne, Yosef ti, AWURADE yirale Misraimniɛ n’awuro ama, na AWURADE saleɛ wale bɔ ole ye amukoraa so, wɔ awuro ne fieso. 6Yiti ɔfale ye nningyein amukoraati wurale Yosef sa. Na ɔnate kyɛ Yosef wɔ berɛ ne ati, né ɔnha ye nwo wɔ nikye fee nwo, sana aleɛ bɔ okoli angome.
Né Yosef nwo yɛ nyemene na ɔbɔ pe. 7Mmerɛ bie asi ne, Yosef ye mene aye tuli ye nye siele ye so, na ɔhane kyɛ, “Ɛne me la.” 8Nakoso Yosef ambene, na osele ye mene aye ne kyɛ, “Eh, ɔnate me bɔ nwɔ wa ne ati, me mene ɔnha ye nwo wɔ awuro wa nikyee biala nwo; wafa ye nningyein amukoraati wawura me sa. 9Awuro wa de, ebiala nni mu ndra me, yeɛ ɔmva hwee mmɔ me aheɛ, sana wɔ ngome, ofikyɛ ɔye ole wɔ. Nzu ati yeɛ nyɔ sɔ amumuyɛɛ piri ye na nyɔ bɔne ndia Nyameɛ ɔ?” 10Ɔwɔ nu kyɛ daa biala né ɔka sɔ dwirɛ ne kyire Yosef de, nakoso Yosef ambene so ɔne ye banna anaakyɛ wanga wangɔ ye nwo. 11Ɛlɛho bie, Yosef hɔle awuro berɛ kyɛ ɔkwaayɔ ye adwuma, na né sona fee nne awuro berɛ. 12Braa ne sɔle Yosef ataadeɛ nu hyɛle ye kyɛ, “Ɛne me la!” Nakoso ofotili, na ɔyakyili ye ataadeɛ ne wɔ braa ne sa nu nwatili fili awuro berɛ. 13Braa ne nwuni kyɛ Yosef ayakyi ye ataadeɛ ne wɔ ye sa nu na wanwati wafi awuro berɛ nen, 14ɔteane nu frɛfrɛle awuro berɛ ama sele bɛ kyɛ, “Ɛ́mɔnea oo, me hu waafa Hebriniɛ wawa yɛ wa kyɛ ɔɔgoro yɛ nwo; ɔwale kyɛ ahaa ɔne me baala, nakoso ndeateane nu serɛ paa! 15Na onwuni kyɛ meteatea nu ne, ɔyakyili ye ataadeɛ ne wɔ me sa nu, na ɔnwatili fili awuro wa.” 16Ɔfale Yosef ataadeɛ ne guale ye nwo berɛ maa oodwuli kyɛ ye mene wale awuro ɔ. 17Na braa ne fale sɔ edwirɛ ne bɔle ye amaneɛ kyɛ, “Hebriniɛ akoaa bɔ aafa ye awa yɛ wa ne, ɔwale kyɛ ɔbaagoro me nwo. 18Nakoso nhyɛle ye bo kyɛ meteatea nu ne, ɔyakyili ye ataadeɛ me sa nu, na ɔnwatili fili awuro wa.”
19Na mmerɛ bɔ Yosef mene ne tele amaneɛ bɔ ɔye fa bɔle ye kyɛ, “Atee bɔ w’akoaa ne afa me afa so ɛhe” nen, ɔfɛle yaa. 20Yiti Yosef ye mene fale Yosef ɔɔtole kuku nu, nekaa bɔ bɛfa Faro kukunufoɛ begua ne, na ɔlale kuku nu. 21#Aso 7.9 Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ. 22Kuku nu neafoɛ ne fale bɛ bɔ begua kuku nu berɛ amukoraa wurale Yosef sa, na bɔ ɔhɔle so berɛ biala Yosef yeɛ né ɔnea so ɔ. 23Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.
Currently Selected:
Gyenesise 39: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Gyenesise 39
39
Yosef ne Pɔtifa aye ne
1 #
Aso 7.9
Yismaelfoɛ nemɔ fale Yosef bɛhɔle Misraim. Na Faro ye panyi ko bɔ bɛfrɛ ye Pɔtifa, bɔ ɔte Misraimniɛ na osa te ye angɔbeahene ne, ɔtɔle ye fili Yismaelfoɛ nemɔ berɛ. 2#Aso 7.9 Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro. 3Na ye mene nwuni kyɛ AWURADE gyi ye si, na AWURADE sá ma nikyee biala bɔ ɔyɔ yɛ yee. 4Yosef sɔle ye mene nye. Ɔsole ye, na biaa ne fale ye tuale ye awuro ne anoa, na ɔfale bɔ ole ye amukoraa wurale ye sa. 5Ofi mmerɛ bɔ ɔfale ye tuale ye awuro noa, na ɔfale bɔ ole ye amu wurale ye sa ne, Yosef ti, AWURADE yirale Misraimniɛ n’awuro ama, na AWURADE saleɛ wale bɔ ole ye amukoraa so, wɔ awuro ne fieso. 6Yiti ɔfale ye nningyein amukoraati wurale Yosef sa. Na ɔnate kyɛ Yosef wɔ berɛ ne ati, né ɔnha ye nwo wɔ nikye fee nwo, sana aleɛ bɔ okoli angome.
Né Yosef nwo yɛ nyemene na ɔbɔ pe. 7Mmerɛ bie asi ne, Yosef ye mene aye tuli ye nye siele ye so, na ɔhane kyɛ, “Ɛne me la.” 8Nakoso Yosef ambene, na osele ye mene aye ne kyɛ, “Eh, ɔnate me bɔ nwɔ wa ne ati, me mene ɔnha ye nwo wɔ awuro wa nikyee biala nwo; wafa ye nningyein amukoraati wawura me sa. 9Awuro wa de, ebiala nni mu ndra me, yeɛ ɔmva hwee mmɔ me aheɛ, sana wɔ ngome, ofikyɛ ɔye ole wɔ. Nzu ati yeɛ nyɔ sɔ amumuyɛɛ piri ye na nyɔ bɔne ndia Nyameɛ ɔ?” 10Ɔwɔ nu kyɛ daa biala né ɔka sɔ dwirɛ ne kyire Yosef de, nakoso Yosef ambene so ɔne ye banna anaakyɛ wanga wangɔ ye nwo. 11Ɛlɛho bie, Yosef hɔle awuro berɛ kyɛ ɔkwaayɔ ye adwuma, na né sona fee nne awuro berɛ. 12Braa ne sɔle Yosef ataadeɛ nu hyɛle ye kyɛ, “Ɛne me la!” Nakoso ofotili, na ɔyakyili ye ataadeɛ ne wɔ braa ne sa nu nwatili fili awuro berɛ. 13Braa ne nwuni kyɛ Yosef ayakyi ye ataadeɛ ne wɔ ye sa nu na wanwati wafi awuro berɛ nen, 14ɔteane nu frɛfrɛle awuro berɛ ama sele bɛ kyɛ, “Ɛ́mɔnea oo, me hu waafa Hebriniɛ wawa yɛ wa kyɛ ɔɔgoro yɛ nwo; ɔwale kyɛ ahaa ɔne me baala, nakoso ndeateane nu serɛ paa! 15Na onwuni kyɛ meteatea nu ne, ɔyakyili ye ataadeɛ ne wɔ me sa nu, na ɔnwatili fili awuro wa.” 16Ɔfale Yosef ataadeɛ ne guale ye nwo berɛ maa oodwuli kyɛ ye mene wale awuro ɔ. 17Na braa ne fale sɔ edwirɛ ne bɔle ye amaneɛ kyɛ, “Hebriniɛ akoaa bɔ aafa ye awa yɛ wa ne, ɔwale kyɛ ɔbaagoro me nwo. 18Nakoso nhyɛle ye bo kyɛ meteatea nu ne, ɔyakyili ye ataadeɛ me sa nu, na ɔnwatili fili awuro wa.”
19Na mmerɛ bɔ Yosef mene ne tele amaneɛ bɔ ɔye fa bɔle ye kyɛ, “Atee bɔ w’akoaa ne afa me afa so ɛhe” nen, ɔfɛle yaa. 20Yiti Yosef ye mene fale Yosef ɔɔtole kuku nu, nekaa bɔ bɛfa Faro kukunufoɛ begua ne, na ɔlale kuku nu. 21#Aso 7.9 Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ. 22Kuku nu neafoɛ ne fale bɛ bɔ begua kuku nu berɛ amukoraa wurale Yosef sa, na bɔ ɔhɔle so berɛ biala Yosef yeɛ né ɔnea so ɔ. 23Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.