Gyenesise 40
40
Yosef kyire kukunufoɛ bɛ laleɛ bo
1Na mmerɛ kãa asi ne, biaa bɔ osu Misraim hene nzaa ɔne biaa bɔ ɔto ye paanoo ne, bɛyɔle tɛɛ betiale bɛ mene Misraim hene. 2Na Faro fɛle mbanyi nyɔ hemɔ so yaa: bɛ ole nzaasulɛfoɛ so panyi ɔne paanootonɛfoɛ so panyi. 3Yiti ɔhyele bɛ guale kuku nu wɔ angɔbeahene n’awuro. Né Yosef koso la sɔ kuku ne anu bie. 4Angɔbeahene ne fale bɛ wurale Yosef sa, na Yosef sole bɛ; bɛlale kuku nu berɛ bɛhyɛle kãa. 5Ɛlɛho bie kɔngɔen, Misraim hene ye nzaasulɛfoɛ so panyi ne paanootonɛfoɛ so panyi bɔ bɛla kuku nu berɛ ne, bɛ munyɔ bɛhyene laleɛ. Asora ebiala ne ye laleɛ ɔne kyɛbɔ laleɛ ne bo kyire ɔ. 6Yosef wale bɛ nwo berɛ ngyerɛmɔ nen, onwuni kyɛ nikyee ha bɛ. 7Yiti obisale Faro mbanyi bɔ bɛ ne ye gua kuku nu wɔ ye mene awuro berɛ ne kyɛ, “Nzu ati yeɛ ɛmɔ nyunu ayɛ aworabɔlɛ aworabɔlɛ ɛnɛ ye?” 8Na bebuale ye kyɛ, “Yahyehye laleɛ, nakoso yɛnnya sona maa ongyire yɛ bɛ bo.” Yeɛ Yosef sele bɛ kyɛ, “Aso nna Nyameɛ ala yeɛ ɔkora kyire laleɛ bo ɔ? Mesrɛ ɛmɔ, ɛ́mɔhã laleɛ ne behyire me.”
9Yiti nzaasulɛfoɛ so panyi ne hane ye laleɛ ne hyirele Yosef kyɛ, “Laleɛ ne anu, né bobe bakaa gyi me nyunu. 10Né bobe ne le asa mmaa nza. Ɔfefɛle pɛ, yeɛ ɔbɔle nyerɛen ɔ, na nyerɛen kure kure ne borole yɛle bobe mmaa. 11Né ndira Faro kulie ne. Mvale bobe mmaa ne, ndwini nguale Faro kulie ne anu, na mvale kulie ne mane ye.” 12Na Yosef sele ye kyɛ, “Laleɛ ne bo ɛhe: bakaa sa mmaa nza ne kyire ɛlɛsa; 13kyɛ ódwu ɛlɛsa nen, Faro kɔɔye wɔ kofi kuku nu wa maa ekosa kooli wɔ dibea, na ekosa kosu Faro nzaa kyɛbɔ daa né ɛyɔ ne ala. 14Na sɛ nningyein kɔ yee ma wɔ a, mesrɛ wɔ, kaye me na boka me: di me nwo ngɔmɔ kyire Faro, maa bɛ́ye me béfi kuku ye anu. 15Ofikyɛ nahorɛ nu, bɛhyele me nnure befili Hebrifoɛ aseɛ so; na ɛwa po, nnyɔle hwee bɔ ɔsɛ kyɛ bɛfa me bɛto kumaa nu kuku nu ɔ.”
16Na paanootonɛfoɛ so panyi ne tele kyɛ Yosef aha edwirɛ fɛɛ wafa laleɛ ne anwo nen, osele Yosef kyɛ, “Me koso ngyene laleɛ ɔ, né paanoo kɛndɛen nza gyigyi so wɔ me ti so. 17Na kɛndɛen bɔ ogyi anwuro paa ne anu, né aleɛ ahoroɔ bɔ bato ye foonoo nu bɔ bɛfa bɛma Faro ɔ wɔ nu. Nakoso né nnomaa suso aleɛ ne fi kɛndɛen ne anu wɔ me ti so.” 18Na Yosef buale kyɛ, “Laleɛ ne bo ɛhe: kɛndɛen nza ne kyire ɛlɛsa. 19Kyɛ odwu ɛlɛsa ne, Faro kɔpɛ wɔ ti kofi so, na ɔkɔmaa bɛkɔfa wɔ kundunzii ne bekosinze bakaa so maa nnomaa kosuso wɔ naen bekoli.”
20Ye ɛlɛsa ne aso, né ɔte Faro krakyẽa. Ɔtole poen mane ye mbanyi amukoraa. Na ɔyele nzaasulɛfoɛ so panyi ne paanootonɛfoɛ so panyi ne fili kuku nu maa beegyinane ye mbanyi nemɔ anyunu. 21Faro sá fale nzaasulɛfoɛ so panyi n’adwuma wurale ye sa maa ɔhɔle so suli ye nzaa. 22Nakoso paanootonɛfoɛ so panyi ne de, ɔmaa behuni ye, kyɛbɔ Yosef hyirele bɛ laleɛ nemɔ abo nen. 23Nakoso nzaasulɛfoɛ so panyi ne angaye Yosef, na mmom ye wora fili ye.
Currently Selected:
Gyenesise 40: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Gyenesise 40
40
Yosef kyire kukunufoɛ bɛ laleɛ bo
1Na mmerɛ kãa asi ne, biaa bɔ osu Misraim hene nzaa ɔne biaa bɔ ɔto ye paanoo ne, bɛyɔle tɛɛ betiale bɛ mene Misraim hene. 2Na Faro fɛle mbanyi nyɔ hemɔ so yaa: bɛ ole nzaasulɛfoɛ so panyi ɔne paanootonɛfoɛ so panyi. 3Yiti ɔhyele bɛ guale kuku nu wɔ angɔbeahene n’awuro. Né Yosef koso la sɔ kuku ne anu bie. 4Angɔbeahene ne fale bɛ wurale Yosef sa, na Yosef sole bɛ; bɛlale kuku nu berɛ bɛhyɛle kãa. 5Ɛlɛho bie kɔngɔen, Misraim hene ye nzaasulɛfoɛ so panyi ne paanootonɛfoɛ so panyi bɔ bɛla kuku nu berɛ ne, bɛ munyɔ bɛhyene laleɛ. Asora ebiala ne ye laleɛ ɔne kyɛbɔ laleɛ ne bo kyire ɔ. 6Yosef wale bɛ nwo berɛ ngyerɛmɔ nen, onwuni kyɛ nikyee ha bɛ. 7Yiti obisale Faro mbanyi bɔ bɛ ne ye gua kuku nu wɔ ye mene awuro berɛ ne kyɛ, “Nzu ati yeɛ ɛmɔ nyunu ayɛ aworabɔlɛ aworabɔlɛ ɛnɛ ye?” 8Na bebuale ye kyɛ, “Yahyehye laleɛ, nakoso yɛnnya sona maa ongyire yɛ bɛ bo.” Yeɛ Yosef sele bɛ kyɛ, “Aso nna Nyameɛ ala yeɛ ɔkora kyire laleɛ bo ɔ? Mesrɛ ɛmɔ, ɛ́mɔhã laleɛ ne behyire me.”
9Yiti nzaasulɛfoɛ so panyi ne hane ye laleɛ ne hyirele Yosef kyɛ, “Laleɛ ne anu, né bobe bakaa gyi me nyunu. 10Né bobe ne le asa mmaa nza. Ɔfefɛle pɛ, yeɛ ɔbɔle nyerɛen ɔ, na nyerɛen kure kure ne borole yɛle bobe mmaa. 11Né ndira Faro kulie ne. Mvale bobe mmaa ne, ndwini nguale Faro kulie ne anu, na mvale kulie ne mane ye.” 12Na Yosef sele ye kyɛ, “Laleɛ ne bo ɛhe: bakaa sa mmaa nza ne kyire ɛlɛsa; 13kyɛ ódwu ɛlɛsa nen, Faro kɔɔye wɔ kofi kuku nu wa maa ekosa kooli wɔ dibea, na ekosa kosu Faro nzaa kyɛbɔ daa né ɛyɔ ne ala. 14Na sɛ nningyein kɔ yee ma wɔ a, mesrɛ wɔ, kaye me na boka me: di me nwo ngɔmɔ kyire Faro, maa bɛ́ye me béfi kuku ye anu. 15Ofikyɛ nahorɛ nu, bɛhyele me nnure befili Hebrifoɛ aseɛ so; na ɛwa po, nnyɔle hwee bɔ ɔsɛ kyɛ bɛfa me bɛto kumaa nu kuku nu ɔ.”
16Na paanootonɛfoɛ so panyi ne tele kyɛ Yosef aha edwirɛ fɛɛ wafa laleɛ ne anwo nen, osele Yosef kyɛ, “Me koso ngyene laleɛ ɔ, né paanoo kɛndɛen nza gyigyi so wɔ me ti so. 17Na kɛndɛen bɔ ogyi anwuro paa ne anu, né aleɛ ahoroɔ bɔ bato ye foonoo nu bɔ bɛfa bɛma Faro ɔ wɔ nu. Nakoso né nnomaa suso aleɛ ne fi kɛndɛen ne anu wɔ me ti so.” 18Na Yosef buale kyɛ, “Laleɛ ne bo ɛhe: kɛndɛen nza ne kyire ɛlɛsa. 19Kyɛ odwu ɛlɛsa ne, Faro kɔpɛ wɔ ti kofi so, na ɔkɔmaa bɛkɔfa wɔ kundunzii ne bekosinze bakaa so maa nnomaa kosuso wɔ naen bekoli.”
20Ye ɛlɛsa ne aso, né ɔte Faro krakyẽa. Ɔtole poen mane ye mbanyi amukoraa. Na ɔyele nzaasulɛfoɛ so panyi ne paanootonɛfoɛ so panyi ne fili kuku nu maa beegyinane ye mbanyi nemɔ anyunu. 21Faro sá fale nzaasulɛfoɛ so panyi n’adwuma wurale ye sa maa ɔhɔle so suli ye nzaa. 22Nakoso paanootonɛfoɛ so panyi ne de, ɔmaa behuni ye, kyɛbɔ Yosef hyirele bɛ laleɛ nemɔ abo nen. 23Nakoso nzaasulɛfoɛ so panyi ne angaye Yosef, na mmom ye wora fili ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.