1 Mose 37
37
1Ni Iakob hl ši ye̱ etše̱ gbo̱tō šikpoṅ ni dši Kanaan šikpoṅ le̱ no̱.
2Iakob weku le̱ he sane ne̱: Beni Iosef ye afii nyoṅma ke̱ kpawo le̱, eke̱ enyemimei le̱ lè̱o̱ tōi; ni oblanyo le̱ ke̱ etše̱ ṅãmei Bilha ke̱ Zilpa bii le̱ yo̱, ni ebatãa nōfõṅ ni ame̱feo̱ le̱ he sane ehãa ame̱tše̱.
3Ni Israel sumoo̱ Iosef fẽ ebii le̱ fè, edšake̱ le̱ dši egbo̱le̱ mli hi, ni ekpe̱ atade wuyã fe̱fe̱o ko ehãle̱.
4Ni beni enyemimei le̱ na ake̱ le̱ ame̱tše̱ sumoo̱ fẽ enyemimei le̱ fẽ le̱, ame̱nye̱le̱, ni ame̱nyẽẽ ame̱ke̱le̱ awie ye̱ hedšo̱le̱ mli.
5Ni Iosef la lamõ ko, ni edšadše etšõ enyemimei le̱, ni ame̱sā ame̱nye̱le̱ fè tšutšu le̱.
6Ši ekē̱ame̱ ake̱: Nyeboa lamõ ni mila ne̱ toi:
7Ši na, wo̱mĩfĩmo̱ ṅmā̃kei ye̱ ṅmõši, ni na, mike le̱ te ši damo̱ ši, ni na, nyekei le̱ babo̱le mike le̱ ni ame̱kotole̱.
8Ni enyemimei le̱ kē̱le̱ ake̱: Aso maṅtše̱ po okē̱ ooye ye̱ wo̱no̱ ne̱? alo ye obaye wo̱no̱ ne̱? Ni ame̱nye̱le̱ fè tšutšu le̱ ye̱ elamõi le̱ ke̱ ewiemo̱i le̱ ahewo̱.
9Ni esā ela lamõ kroko hũ, ni egba enyemimei le̱, ni ekē̱: Na, mila lamõ ko ekoṅ, ni na, hũlũ ke̱ nyoṅtšẽre ke̱ ṅulamii myoṅma ke̱ ekome hakotomi.
10Ni beni egba etše̱ ke̱ enyemimei le̱, etše̱ kã ehĩe, ni eké̱le̱ ake̱: Mẽ lamõ ola ne̱? Bĕle̱ kotomo̱ mike̱ onye ke̱ enyemimei le̱ aabakotoö ye̱ šikpoṅ?
11Ni enyemimei le̱ bē̱le̱ wo ame̱mli, Ši etše̱ ṅõ wiemo̱ le̱ eto.
12Ni enyemimei le̱ yiṅ ame̱te ame̱tše̱ tōi le̱ lè̱ *ye̱ Šekem. *33,18. 19.
13Ni Israel kē̱ Iosef ake̱: Nto onyemimei le̱ mĩlè̱ tōi ye̱ Šekem? Ba ni matšũo ame̱ṅõ. Ni ekē̱le̱ ake̱: Nami.
14Ni ekē̱le̱ ake̱: Ya ni oyakwe̱ ake̱ onyemimei le̱ ke̱ tōi le̱ ye̱ dšogbāṅ lo, ni obakē̱mi. Ke̱ke̱ ni etšũle̱ ke̱-dše̱ *Hebron dšō̱ le̱ mli, ni eba Šekem. *35,27.
15Ni nū ko nale̱, ni na, ētšomlo ye̱ ṅã le̱ no̱; ni nū le̱ bile̱ ake̱: Meni otaoo̱?
16Ni ekē̱: Mītao minyemimei lē̱; mīkpao fai, tšõmo̱mi heni ame̱lè̱o̱ ame̱tōi le̱ ye̱.
17Ni nū le̱ kē̱: Ame̱dše biē̱; ši minu ake̱ ame̱kē̱: Nyehãa wo̱yaä Dotan. Ni Iosef tiu enyemimei le̱, ni eyanaame̱ ye̱ Dotan.
18Ni beni ame̱nale̱ ye̱ šoṅṅ ní enáko ebe̱ṅke̱ame̱ le̱, ame̱kpãṅ eyi no̱ ake̱ ame̱agbele̱.
19Ni ame̱kē̱kē̱ ame̱be ake̱: Na, lamõi atše̱ le̱ baä.
20Nohewo̱ le̱ agbe̱ne̱ nyebaä ni wo̱gbeale̱, ni wo̱še̱ale̱ we̱fõa bui le̱ eko mli, ni wo̱kē̱: Kolo fõṅ ko eyele̱; ni wo̱kwe̱ bo̱ni elamõi le̱ aate ahã.
21Ni Ruben nu, *ni ẽtao ni edšiele̱ ye̱ amedeṅ, ni ekẽ: Nyekahãa wogbeale! *42,22.
22Ni Ruben sā kē̱ame̱ ake̱: Nyekaſiea lá ši, ši nyeṅõale̱ nyeyawoa bu ni yo̱ ṅã le̱ no̱ ne̱ mli, ni nyekataä ehe! beni afe ni edšiele̱ ye̱ ame̱deṅ, koni eke̱le̱ ayahã etše̱ ekoṅ.
23Ni eba mli ake̱, beni Iosef še̱ enyemimei le̱ aṅõ le̱, ame̱kplo̱ etade ni dši atade wuyã fe̱fe̱o ni ewo le̱ ye̱ ehe, K. 3.
24ni ame̱mõle̱ ame̱yawo bu le̱ mli; ši bu *fio ni, ni nu be̱ mli. *Ier. 38,6.
25Ni ame̱ho ame̱trá ši ni ame̱baye nii. Ni ame̱hole ame̱hĩṅme̱ii ano̱ ame̱kwe̱ ni na, Išmaelbii gbe̱nyielo̱i asafo ko dše̱ Gilead miba ke̱ ame̱yomai ni tĕre tšofãi-ke̱-ṅmai ke̱ gbonyowō tšofã ke̱ ohe̱ ni dšeo̱ ṅma ke̱-mĩya Mizraim.
26Ni Iuda kē̱ enyemimei le̱ ake̱: Mẽ se̱námo̱ po yo̱ mli ke̱dši wo̱gbe wo̱nyemi le̱, ni wo̱tšĩmo̱ elá no̱ le̱?
27Nyebaä ni nyehãa wo̱hõale̱ wo̱hãa Išmaelbii le̱, ši nyekahāa wo̱ke̱ wo̱niné mïsa ehe; edšake̱ wo̱nyemi ke̱ wo̱belo dšilo̱. Ni enyemimei le̱ kplẽ.
28Ni *Midianbii ni dši guo̱yelo̱i le̱ baho; ni ame̱yagbla Iosef ni ame̱dšiele̱ ye̱ bu le̱ mli, ni ame̱yahõ Iosef ame̱hã Išmaelbii le̱ ame̱he dſie̱te̱i kukudši nyoṅmai-enyo. Ni ameke Iosef te Mizraim. *26,2.
29Ni heni Ruben kũ ese̱ ke̱-ba bu le̱ he ekoṅ le̱, na, Iosef be̱ bu le̱ mli; kẽke ni *egbla ebè atadei le̱, *44,13. 2 Sam. 1,11.
30ni ekũ ese̱ ke̱-ba enyemimei le̱ aṅõ ni ekē: Gbekẽ le̱ be̱! ni mi le̱, nẽgbe̱ mate ko?
31Ke̱ke̱ ni ame̱ko̱ Iosef atade le̱, ni ame̱gbe tõkpakpo ko, ni ame̱ṅõ atade le̱ ame̱tšo̱ lá le̱ mli,
32ni ame̱tšũ ake̱ atade wuyā fe̱fe̱o le̱ yahã ame̱tše̱ akē̱: Noni wo̱na ne̱; kwe̱mo̱ ake̱ obi le̱ atade le̱ ni lo dšee noṅ,
33Ni eyo, ni ekē̱: Mibi le̱ atade le̱ ni! *kolo fõṅ ko eyele̱, tšere̱mo̱ etšere̱ Iosef mli ne̱! *K. 30.
34Ni Iakob *gbla ehe atade le̱, hi eke̱ kpekpe emĩa ehe̱, ni eye ebi le̱ he ṅko̱mo̱ gbĩĩ pī. *K. 29.
35Ni ebihĩĩ le̱ ke̱ ebiyei le̱ fẽ te ši, koni ame̱baše̱dše emī, ši ekplẽẽ mīše̱dšemo̱, ni ekē̱: Nko̱mo̱yeli mike-akpleke ši ke̱yanina mibi le ye gbohīĩadše. Ni etše̱ fóle̱.
36Ni Midianbii le̱ yahõle̱ ye̱ Mizraim ame̱hã Potifar ni dši Farao piafonyo ke̱ eblafoi atše̱ le̱.
Currently Selected:
1 Mose 37: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
