1 Mose 45
45
1Agbe̱ne̱ Iosef nyẽẽ ehĩe emĩa doṅṅ ye̱ mei ní damo̱ emase̱i le̱ fẽ hĩe, ni ebo ake̱: Nyehãa mofẽmo adšea kpo ke̱-dšea mimase̱i! Ni mokomoko ke̱ Iosef damo̱o̱ ši, beni edšie ehe ši etšõ enyemimei le̱.
2Ni ewó egbē ni efó, ni Mizraimbii ke̱ Farao webii le̱ tete nu.
3Ni Iosef kē̱ enyemimei le̱ ake̱: Mi Iosef ni. Ani mitše̱ ye̱ dšeṅ lolo? Ni enyemimei le̱ nyẽẽle̱ hetõ ahã, edšake̱ ame̱dšidšā ye̱ ehĩe.
4Ni Iosef kē̱ enyemimei le ake̱: Nyetšia nyebe̱ṅke̱ami kol Ni ame̱tši ame̱ba. Ni ekē̱: Midši nyenyemi Iosef, moni nyehõ *ke̱-ba Mizraim le̱! *37,28.
5Ni agbe̱ne̱ nyekahãa mĩdo̱anye ni nyemli akawowoa nyehe la, ye̱ hõmo̱ ní nyehõmi ke̱-ba bie̱ le hewo̱; edšake̱ *mei ayiwalaheremo̱ hewo̱ Nyoṅmo̱ tšũmi ke̱-tšṍ nyehĩe. *50,20.
6Ši afii enyo̱ ne̱ ní hõmo̱ ba šikpoṅ le̱ no̱, ni eſe̱ afii enumo̱ hũ lolo ni hũmo̱ lo kpamo̱ be̱ mli.
7Ni Nyoṅmo̱ tšũmi ke̱-tšṍ nyehĩe, koni mahā nyeteṅ meikomei kẽ aſe̱ ye̱ šikpoṅ le̱ no̱, ni mahere nyeyiwala ke̱ dšiemo̱ kpeteṅkple.
8Nohewo̱ le̱ dšee nye nyehã miba bie̱, ši Nyoṅmo̱ moṅ ni; ni le̱ noṅṅ ebaṅõmi efe take̱ Farao tše̱ ke̱ ewe le̱ fẽ no̱ nuṅtšo̱ ke̱ Mizraim šikpoṅ le̱ fẽ no̱ lumo̱. 41,40-43.
9Nyebe afea oyá ni nyeyaä mitše̱ ṅõ, ni nyekē̱ale̱ ake̱: Bo̱ni obi Iosef kē̱ ne̱: Nyoṅmo̱ ewomi Mizraim fẽ no̱ nuṅtšo̱; ba miṅõ, kātše̱!
10Ni obahĩ Gošen šikpoṅ le̱ no̱, ni obe̱ṅke̱mi, ho ke̱ obii ke̱ onãbii ke̱ otōi ke̱ otšinai ke̱ nibii fẽ ni oye̱;
11ni malè̱o ye̱ dše̱i; edšake̱ eſe̱ hõmo̱ afii le̱ enumo̱ lolo, koni okaye ohĩa, bo ke̱ owe ke̱ mei fẽ ni oyo̱.
12Ni na, nyehĩe tua, ni minyemi Benyamin hũ hĩe tua ake̱ midientše̱ mike̱nye wieo̱ ke̱ minābu ne̱.
13Ni nyeyagbaä mitše̱ minumnyam fẽ ni miyo̱ ye̱ Mizraim ke̱ nibii fẽ ni nyena le̱, ni nyehe afea oyá ni nyeke̱ mitše̱ abaã bie̱.
14Ni eho egbē enyemi Benyamin kue̱ no̱ ni efó, ni Benyamin hũ fó ſie ekue̱ no̱.
15Ni esā eſo̱ſō̱ enyemimei le̱ fẽ nā, ni efó eſie ame̱no̱; ni no se̱ le̱ enyemimei le̱ ke̱le̱ wie.
16Ni anu sane ne̱ ye̱ Farao we le̱ ake̱: Iosef nyemimei eba! Ni Farao ke̱ etšũdši le̱ ná be mīše̱.
17Ni Farao kē̱ Iosef ake̱: Kē̱mo̱ onyemimei le̱ ake̱: Noni nyefe ne̱: nyetẽrea nyekoloi le̱ adšatšui, ni nyeyiaṅ ke̱-yaä Kanaan šikpoṅ le̱ no̱,
18ni nyeyaṅõa nyetše̱ ke̱ nyebii ke̱ ho̱i, ni nyebaä miṅõ, ni mahãnye Mizraim šikpoṅ le̱ no̱ nikpakpai, ni nyeaye šikpoṅ le̱ no̱ fo̱ le̱.
19Ni bo le̱ afā̃o ake̱: Noni nyefe ne̱: nyeṅõa ſīlii ke̱-dše̱a Mizraim šikpoṅ le̱ ne̱ nyebāa nyebii ke̱ nyeṅãmei, ni nyeyaṅõa nyetše̱ ke̱-baä.
20Ni asaṅ nyekadia nyenibii ase̱; ši Mizraim šikpoṅ mū le̱, fẽ no̱ nikpakpai le̱ nyenõṅ.
21Ni Israel bihĩĩ le̱ fe nakai. Ni Iosef hāame̱ ſīlii; take̱ boni Farao fále̱ le̱, ni ehãame̱ gbe̱no̱ niyenii.
22Ni ehã ame̱fẽ wulamo̱ atade komekome, ši Benyamin le̱, ebāle̱ dſie̱te̱i kukudši ohai-etẽ ke̱ wulamo̱ atadei enumo̱.
23Ni etše̱ le̱, nii ni emādšele̱ ne̱: Tedšii nyoṅma ni tĕre Mizraim nibii kpakpai, ke̱ tedšiyei nyoṅma ni tẽre able ke̱ abolo ke̱ niyenii, ni ake̱-yahã etše̱, ni eke̱-nyie gbe̱ le̱.
24Ke̱ke̱ ni ewo enyemimei le̱ agbe̱ ni ame̱ṅõ-ſie no̱; ni ekē̱ame̱ ake̱: *Nyekayabéa ye̱ gbe̱ le̱ ne̱! *42,22.
25Ni ame̱dše Mizraim, ni ome̱ba ame̱tše̱ Iakob ṅõ ye̱ Kanaan sikpoṅ le̱ no̱,
26ni ame̱bakē̱le̱ ake̱: Iosef ye̱ dšeṅ lolo, ni le̱ eyee̱ lumo̱ ye̱ Mizraim šikpoṅ le̱ fẽ no̱. Ni eyiṅ fele̱ ko̱šiko̱ši, edšake̱ eheeame̱ eyee.
27Ni ame̱kē̱le̱ Iosef wiemo̱i fẽ ni eke̱ame̱ wie le̱. Ni beni ena ſīlii le̱ ni Iosef hã ake̱-bale̱ ṅõ le̱, ame̱tše̱ Iakob he tšele̱.
28Ni Israel kē̱: Efá; mibi Iosef ye̱ dšeṅ lolo! Mate mayakwe̱ ehĩe däni magbo. 46,30.
Currently Selected:
1 Mose 45: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
