Iohane 12
12
(12,1-8. Mat. 26,6-13. Mar. 14,3-9.)
1Agbe̱ne̱, beni eſe̱ gbĩĩ ekpa ni ayeo̱ Hehō le̱, Iesu ha Betania, heni Lazaro, moni gbo ni etēle̱ ši ke̱-dše̱ gbohĩĩ ateṅ le̱, yo̱ le̱. 11,1. 43.
2Ke̱ke̱ ni ame̱ṅmēle̱ okplõ ye̱ dše̱i, ni Marta súmo̱, ši Lazaro dši mei ní ke̱le̱ trá okplõ le̱ he le̱ ateṅ mokome.
3Agbe̱ne̱ Maria ṅõ nardo-mũ kro̱ṅṅ ní dšra wa naakpa ni ṅmẽo̱ nsẽnite̱ kome, nĩ eke̱-bakpá Iesu nãdšĩ ahe, ni eke̱ eyitšo̱ì le̱ tšumo̱ enãdši le̱ ahe; nĩ mũ le̱ ṅma yi šĩa le̱ to̱. Luk. 7,38.
4Ke̱ke̱ ni Iuda Iskariot, Simon bi le̱, ekaselo̱i le̱ ateṅ mokome, ni batšõ ese̱gbe̱ le̱, kē̱:
5Mẽhewo̱ ahõõ mũ ne̱ ahee denarioi ohai-etẽ, ní aṅõ-hã ohĩafoi?
6Ši ene̱ ni ekē̱ ne̱, dšee ohĩafoi le̱ ahe ni do̱ö̱le̱ hewo̱ṅ, ši moṅ dšulo̱ dšile̱, ni le̱ etoo̱ fotro le̱ ni ehĩeo̱ *noni aṅõwoo̱ mli le̱. *Luk. 8,3.
7Nohewo̱ le̱ Iesu kē̱: Kāgba enā; efe ene̱ eto mifũ gbĩ le̱.
8Edšake̱ *ohĩafoi le̱, nyeke̱ame̱ ye̱ dā; ši mi le, dšee dā nyekemi yo̱. *5 Mose 15,11.
9Agbe̱ne̱ Iudafoi le̱ ateṅ mei pī ná le ake̱ eye̱ dše̱i, ni ame̱ba, dšee Iesu ke̱ke̱ hewo̱ṅ, ši moṅ koni ame̱na Lazaro moni etele̱ ši ke̱-dše̱ gbohĩĩ ateṅ le̱ hũ.
10Ni oso̱fonukpai le̱ kpe ame̱yiṅ ake̱, ame̱agbe Lazaro hũ;
11ehewo̱ dše̱ ni Iudafoi le̱ ateṅ mei pī te ni ame̱yahe Iesu no̱ ame̱ye le̱.
(12-19. Mat. 21,1-11. Mar. 11,1-10. Luk. 19,29-40.)
12Dšetše̱reno̱ le̱ mei babaō ni éba gbĩdšŭrõ le̱, beni amenu ake̱ Iesu mība Ierusalem le̱,
13ame̱kŏ̱lo̱ ble̱oi, ni ame̱dše kpo ame̱yakpele̱, ni ame̱blo̱ ake̱: *Hosiana! Adšō̱ moni baä ye̱ Nuṅtšo̱ le̱ gbe̱i ano̱ le̱, Israel maṅtše̱ le̱! *Lal. 118,25. 26.
14Ši Iesu ená tedšibi ko ni eho etá no̱, take̱ bo̱ni *aṅmã le̱ ake̱: *Zak. 9,9.
15“Kāše gbeyei, Zion biyō; na, omaṅtše̱ le̱ tá tedšibi no̱ ke̱-mība.”
16Ši ekaselo̱i le̱ enaa nii ne̱ ašiši mrã mli, ši beni awo Iesu hĩe nyam le̱, no dãni ame̱kai ake̱ aṅmã nii ne̱ ye ehewo̱, ni no afe ahãle̱ le̱.
17Agbe̱ne̱ asafo ni ke̱le̱ yo̱ be mli ni etšé̱ Lazaro ke̱-dše̱ gbonyobu le̱ mli ni etēle̱ ši ke̱-dše̱ gbohĩĩ ateṅ le̱ ye he odase.
18Ene̱hewo̱ hũ ni asafo le̱ yakpele̱ le̱, edšake̱ amenu ake̱ efe okadi ne̱.
19Nohewo̱ le̱ Farisifoi le̱ kē̱ ye̱ ame̱teṅ ake̱: Té nyena ake̱ nyenyẽẽ fē̱i nyefe; na, *dše le̱ efã ke̱-nyie ese le̱. 11,48.
20Ši Helabii komei ye̱ mei ni ba koni ame̱badšá Nyoṅmo̱ ye̱ gbĩdšŭrõ le̱ no̱ le̱ ateṅ;
21mene̱mei ba Filipo *ni dše̱ Betsaida ye̱ Galilea le̱ ṅõ, ni ame̱babile̱ ake̱: Nuṅtšo̱, wo̱mītao ake̱ wo̱na Iesu. *1,44.
22Filipo ba ni ebakē̱ Andrea, ni asaṅ Andrea ke̱ Filipo bakē̱ Iesu.
23Ni Iesu hereame̱ no̱ ekē̱: Ṅmletſā ní ake̱-bawo gbomobi le̱ hĩe nyam le̱ eše̱.
24Le̱le̱ṅ, le̱le̱ṅ, mīkē̱nye ake̱: Ké̱ *ṅmā̃kuli enyõõ šikpoṅ ní egbo le̱, no le̱ bo̱ni eyo̱ le̱ noṅṅ eyo̱; ši ke̱dši egbo le̱, ewoo̱ yibii pī. *Rom 14,9.
25Moni do̱ö̱ ewala he le̱, elādšeo̱le̱, ši moni nye̱o̱ ewala ye̱ dše ne̱ mli le̱, eetole̱ ke̱-ate nāno̱ wala mli. Mat. 10,39. Luk. 17,38.
26Ke̱dši moko mīsúmo̱mi le̱, hã ní enyie mise̱, ni heni *miyo̱ le̱, dše̱i misúolo̱ le̱ hũ aahĩ; ke̱dši moko mīsúmo̱mi le̱, mitše̱ le̱ aawole̱. *14,3; 17,24.
27Agbene *misusuma mihao, ni meni makē̱? Atā, heremo̱mi ye̱ ṅmle̱tſā ne̱ mli? Tše̱bele̱ ene̱ hewo̱ noṅṅ miba ye̱ ṅmle̱tſā ne̱ mli. *Mat. 26,38.
28Atā, wo ogbe̱i le̱ hĩe nyam! Ke̱ke̱ ni gbē ko dše̱ ṅwei kē̱: Mi ná miwo ehĩe nyam, ni masā mawo ehĩe nyam ekoṅ.
29Ke̱ke̱ ni mei ní damo̱ dše̱i ní nu le̱ kē̱ ake̱: Nyoṅmo̱ éši; meikomei hũ kē̱: Ṅweibo̱fo ko ke̱le̱ éwie.
30Iesu here no̱ ni ekē̱: Dšee mihewo̱ gbē ne̱ ba, ši *nye moṅ nyehewoṅ. *11,42.
31Agbe̱ne̱ dše ne̱ṅ kodšomo̱ le̱ eše: kpāko abafã dše ne̱ṅ lumo̱ le̱ aše̱ afõ; 14,30; 16,11. Luk. 10,18.
32ni mi le̱, ke̱dši *awó mino̱ ke̱-dše̱ šikpoṅ le̱ no̱ le̱, magbla mei fẽ ke̱-aba miṅõ. *8,28.
33Ši ene̱ le̱ ekē̱ eke̱-tšõ nõ gbĕle ní ebagbo le̱.
34Asafo le̱ herele̱ no̱ ake̱: Wo̱ le̱ wonu ye̱ mla le̱ mli ake̱ Kristo le̱ *hĩo̱ ši ke̱-yaä nāno̱; ni té tēṅ ní bo le̱ okē̱o̱ ake̱: Dša awó gbomobi le̱ no̱ṅ? Namo dši ne̱ke̱ gbomobi ne̱? *Lal. 110,4. Dan. 7,14.
35Ke̱ke̱ le̱ Iesu kē̱ame̱ ake̱: Be kukuō ke̱ke̱ eſe̱ ehã *la le̱ ye̱ nyeteṅ. Gbĩĩ abo̱ ní nyeyo̱ la le̱ ne̱, nyenyiea, koni duṅ akabaninanye; ši †moni nyieo̱ duṅ mli le̱, elee heni eyaä. *8,12; †11,10.
36Gbĩĩ abo̱ ní nyeyo̱ la le̱ ne̱, nyehea la le̱ no̱ nyeyea, koni *nyetšṍmo̱ la-bii. Iesu wie nii ne̱, ni eyiṅ ete ni eyatē ehe ye̱ ame̱hĩe. Ef. 5,9.
37Tše̱bele̱ éfe okadii wudši ye̱ ame̱hĩe, ši kẽle̱ ame̱hee eno̱ ame̱yee;
38koni gbalo̱ Iesaia wiemo̱ ni ewie le̱ ana aba mli ake̱: *“Nuṅtšo̱, namo ehe wo̱sane le̱ eye, ni namo adšie Nuṅtšo̱ le̱ nine le̱ kpo atsõ?” *Ies. 53,1. Rom. 10,16.
39Ene̱hewo̱ ni ame̱nyẽẽ ame̱he ame̱ye le̱, edšake̱ Iesaia sã kē̱ ekoṅ ake̱: Ies. 6,9. 10. Mat. 13,14. 15.
40“Eſila ame̱hĩṅme̱ii, ni ekplim ame̱tšuii; koni ame̱kana ke̱ ame̱hĩṅme̱ii, ni ame̱na nā ke̱ ame̱tšuĩi, ní ame̱kũ ame̱se̱, ni mĩtšáame̱.”
41Nii ne̱ Iesaia kē̱, edšake̱ ena *enumnyam le̱, ni ewie ehe. *Ies. 6,1.
42Tše̱bele̱ onukpai le̱ tete ateṅ mei pī he eno̱ ye, ši kẽle̱ Farisifoi le̱ ahewo̱ le̱ ame̱dšadšee faṅṅ, koni *akaſieame̱ ke̱-dše̱ kpēhe le̱; *9,22.
43edšake̱ ame̱mīsumo̱ gbomei ahĩenyam fè Nyoṅmo̱ nõ. 5,44.
44Ši Iesu bo ekē̱ ake̱: Moni heo̱ mino̱ eyeo̱ le̱, dšee mi mino̱ eheo̱ eyeo̱ le̱, ši moṅ moni tšũmi le̱;
45ni *moni naämi le̱ naä moni tšũmi le̱. *14,9.
46Mi le̱ miba dše le̱ mli ake̱ la, koni mofẽmo ní heo̱ mino̱ yeo̱ le̱ akahī duṅ le̱ mli. K. 35.
47Ni ke̱dši moko nu miwiemo̱i le̱ ni eyee no̱ le̱, mi le̱, mikodšoole̱; edšake̱ mibaa koni mibakodšo dše le̱, ši moṅ miba koni mibahere dše le̱ yiwala. 8,17. Luk. 9,56.
48Moni kwaämi ni emõõ miwiemo̱i le̱ amli le̱, eye̱ moko ní kodšoo̱le̱; wiemo̱ ní míwie le̱, no noṅṅ aakodšole̱ ye̱ nāgbēgbĩ le̱ no̱.
49Edšake̱ mi le̱ mitoo midientše̱ miyi miwiee; ši tše̱ ní tšũmi le̱, le̱ moṅ ewomi kitã, noni mikē̱ ke̱ noni míwie.
50Ni mile ake̱ ekitã le̱ nāno̱ wala ni; nohewo̱ le nofẽno ní miwieo̱ le̱, bo̱ni tše̱ le̱ ékē̱mi le̱, nakai miwieo̱.
Currently Selected:
Iohane 12: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
