Luka 12
12
1No mli noṅṅ, beni mei akpei-akpei abo̱ ebabua ame̱he nā ni mei nānāa mei ano̱ le̱, ebõi ekaselo̱i le̱ kē̱mo̱ ake̱: Kleṅkleṅ le̱ nyehĩe ahĩa nyehe no̱ ye̱ Farisifoi le amãša ní dši osatofemo̱ le̱ hewo̱. Mat. 16,6. Mar. 8,15.
(12,2-9. Mat. 10,26-33.)
2Ši *noko be̱ ní atšĩmo̱ no̱ ní adšieṅ le̱ kpo, alo ní aṅõ-tē ní aleṅ. *8,17.
3Nohewo̱ le̱ nofẽno ní nyewie ye̱ duṅ mli le̱, aanu ye̱ la hĩe; ni noni nyewie nyewo toiṅ ye̱ piai amli le̱, aašie̱ ye̱ tšũiayiteaṅ.
4Ši nye, mišientše̱mei le̱, mīkē̱nye ake̱: Nyekašea mei ní gbeo̱ gbomotšo le̱ ní no se̱ le̱ ame̱be̱ noko ní ame̱anyẽ ame̱fe doṅṅ le̱.
5Ši matšõnye mo gbeyei ní nyeše: nyešea moni ké̱ egbe se̱ ní eyo̱ hegbe̱ ake̱ eešé̱ efõ gehena mli le̱. Hē̃, mīkē̱nye ake, le̱ gbeyei nyešea!
6Ani dšee kpãi enyo̱ ahõo̱ aflimata! enumo̱ aheo̱? ši Nyoṅmo̱ hĩe kpáá ame̱teṅ ekomeflo no̱.
7Ši *nyeyiteṅ tšo̱i tete akane fẽ. Nohewo̱ le̱ nyekašea gbeyei; nyedšra wa fè aflimatai babaō. *21,18.
8Ši mīkē̱nye ake̱: Mofẽmo ní gbaä mli tšĩo̱ mitã ye̱ gbomei ahĩe le̱, gbomobi le̱ hũ aagba mli atši etã ye̱ Nyoṅmo̱ bo̱foi le̱ ahĩe;
9ši moni kwaämi ye̱ gbomei ahĩe le̱, aakwale̱ ye̱ Nyoṅmo̱ bo̱foi le̱ ahĩe. 9,26.
10Ni mofẽmo ní *aawie wiemo̱ ko aši gbomobi le̱, aaṅõ-fale̱; ši Mumo̱ kroṅkroṅ le̱, moni aawie musubō̱wiemo̱ ašile̱ le̱, aṅõ-faṅle̱. *Mat. 12,32. Mar. 8.28. 29.
11Ši ké̱ ame̱kplanye ke̱-te kpēhei le̱ ke̱ lume̱i ke̱ ogai ahĩe le̱, nyekagbaä nyehe nā ye̱ bo̱ni lo noni nyeke̱-adšie nyenā lo noni nyeakē̱ le̱ he; 21,14. 15. Mat. 10,19. 20.
12edšake̱ noni sa ake̱ nyekē̱ le̱, Mumo̱ kroṅkroṅ le̱ aatšõnye ye̱ nakai ṅmle̱tſā le̱ no̱ noṅṅ.
13Ni moko dše̱ asafo le̱ mli kē̱le̱ ake̱: Tšõlo̱, kē̱mo̱ minyemi le̱ ní eke̱mi adša gbošinii le̱ amli.
14Ši ekē̱le̱ ake̱: Nū, namo womi kodšole̱ lo nidšalo̱ ye̱ nyeno̱?
15Ni ekē̱ame̱ ake̱: Nyehĩe ahĩa nyehe no̱ dšogbāṅ ye̱ hĩedšōmo̱ hewo; edšake̱ dšee gbomo nii ni ená ni eteke no̱ le̱ mli ewala yo̱. 1 Tim. 6,9. 10.
16Ni ebuame̱ abe̱ ekē̱: Nū niiatše̱ ko šikpoṅ ba nii babaō;
17ni esusu eyiṅ ake̱: Té mafe tēṅ, ake̱-ní mibe̱ heni mike̱ minibānii bato ne̱?
18Ni ekē̱: Noni mafe ne̱: mibakũmo̱ miboṅoi le̱ maſie ši, ni mamãmo̱ ewudšì, ni mato minibanii ke̱ minii le̱ fẽ ye̱ dše̱i;
19ni makē̱ misusuma ake̱: Susuma, oye̱ nii babaō ni aṅõ-toö afii pī; dsō̱mo̱ ohe, ye ni onu, ni otšui anyõ omli!
20Ši Nyoṅmo̱ kē̱le̱ ake̱: Kwašia, nyō ne̱ṅ noṅṅ le̱ ababi osusuma ši ye̱ odeṅ; ni nibii ní osā oto le, namo nõ aatšṍ? Heb. 9,25.
21Nakai moni bo̱ö̱ dſetri ehãa le̱dientše̱ ehe, ši edšee niiatše̱ ye̱ Nyoṅmo̱ gbe̱fãṅ le̱ yo̱. Mat 6,20.
(22-31. Mat 6,25-33.)
22Ni ekē̱ ekaselo̱i le̱ ake̱: Nohewo̱ le̱ nye le̱, mīkē̱nye ake̱: Nyekahaoa nyehe ye̱ nyesusuma le̱ he, noni nyeaye, alo gbomotšo le̱ he, noni nyeawo.
23Susuma le̱ fè ṅmā̃, ni gbomotšo le̱ hũ fè atade.
24Nyedſẽṅa kwãkwãlabitei le̱ ahe; edšake̱ ame̱dũũ nii, asaṅ ame̱kpaa, ni ame̱be̱ nitōhe lo aboṅo po, ši *Nyoṅmo̱ lē̱o̱ame̱; nyekwe̱a bo̱ni nyedšra wa āhũ fè lofõdši! *Lal. 147,9.
25Ši nyeteṅ namo ni ke̱dši egba ehe nā le̱, ni eenyẽ etšá eke̱le̱ nā ninetalo̱ kome?
26Ši ke̱dši nyenyẽẽ noni dši bibiō nyefe le̱, mẽba nyegbaä nyehe nā ye̱ nii ní eſe̱ le̱ ahe mo̱?
27Nyedſẽṅa fo̱fo̱ii le̱ ahe, bo̱ni ame̱kwēo̱! ame̱tšuu nii, asaṅ ame̱tšẽẽ kpā̃; ši mīkē̱nye ake̱, Salomo ke̱ enumnyam le̱ fẽ tete ewulaa tamo̱ ene̱mei ateṅ ekome.
28Agbene̱ ke̱dši dſe̱i ní ṅme̱ne̱ le̱ eye̱ ṅāno̱ ní wó̱ ni aṅõ-wo flõnõ mli le̱ Nyoṅmo̱ wulaä ne̱ke̱ le̱, ani ewulaṅnye āhũ fèame̱? nye ní nyehemo̱-ke̱-yeli fáá!
29Ši nye le̱ nyekabia noni nyeaye alo noni nyeanu, ni asaṅ nyeyiṅ akafeanye ko̱šiko̱ši.
30Edšake̱ ne̱ke̱ nibii ne̱ fẽ se̱ dše ne̱ṅ mãdši ano̱ bii dio̱; ši nyetše̱ le̱ le ake̱ nii ne̱ ahe mīhĩanye.
31Moṅ nyetaoa Nyoṅmo̱ maṅtše̱yeli le̱ se̱gbe̱, ni aaṅõ nii ne̱ fẽ afata he ahãnye.
32Kāše gbeyei, asafoku bibiō; edšake̱ nyetše̱ le̱ ye̱ he tšuidšŭrõ ake̱ eeṅõ maṅtše̱yeli le̱ ehãnye. 22,29. Ies. 41,14.
(33-34. Mat. 6,20. 21.)
33Nyehõa nii ní nyeyo̱ le̱ ní nyeke̱fea edšŭrõ; nyefea fotroi ní tšṍmo̱o̱ ememedši, nyetoa dſetri ní etãã ye̱ ṅwei, heni dšulo̱ ko be̱ṅke̱e̱ ni omlẽgẽ kpee nii ye̱ le̱. 18.22.
34Edšake̱ heni nyedſetri le̱ yo̱ le̱, dše̱i nyetšui hũ aahĩ.
(35-46. Mat. 24,42-51.)
35Nyefĩmo̱a *nyemliteaṅ, ni nyehãa †nyekanei le̱ atšoa; *2 Mose 12,11. 1 Pet. 1.13. †Mat. 25,1-13.
36ni nyetšṍmo̱a tamo̱ mei ní kwe̱o̱ ame̱nuṅtšo̱ gbe̱, be mli ni eedše̱ yōkpēmo̱ le̱ eeba, koni, ké̱ eba ni ebaši le̱, ke̱ke̱ ni ame̱gblele̱ oyá.
37Adšō̱ nakai tšũdši le̱ ni beni nuṅtšo̱ le̱ aaba le̱ ní eebaninaame̱ ake̱ ame̱mīši kpe le̱! Le̱le̱ṅ, mīkē̱nye ake̱ eemĩa ni eehã ame̱trá niyenii abe, ni eeba ebasúmo̱ame̱.
38Ni ke̱dši eba ye̱ būbe ní dši enyo̱ alo noni dši etẽ le̱ mli ni ebaninaame̱ nakai le̱, adsō̱ nakai tšũdši le!
39Ši nyenaa nyelea ene̱ ake̱, *ke̱dši šĩatše̱ le nõ ṅmle̱tſā no̱ ni dšulo̱ le̱ baä le̱, kũle̱ eebu ni eṅmẽṅ gbe̱ ní agbu ešĩa le̱ awoṅ. *1 Tes. 5,2.
40Nohewo̱ le̱ nye hũ nyesāa nyehe nyetoa, edšake̱ ṅmle̱tſā ni nyehĩe kãã no̱ le̱ no̱ gbomobi le̱ baba.
41Ši Petro kē̱le̱ ake̱: Nuṅtšo̱, wo̱ obuo̱ ne̱ke̱ abe̱ ne̱, alo mei le̱ fẽ hũ ye̱ṅ?
42Ni Nuṅtšo̱ le̱ kē̱: Ši namo mo̱ dši tšũlo̱nukpa ano̱kwafo ke̱ nilelo̱, ní nuṅtšo̱ le̱ aawole̱ onukpa ye̱ ewebii ano̱, koni ehãame̱ ame̱niyenii ye̱ be ní sa mli le̱?
43Adšō̱ nakai tšŭlo̱ le̱, moni ké̱ enuṅtšo̱ le̱ ba ní eebaninale̱ ake̱ ẽfe nakai le̱.
44Mīkē̱nye ano̱kwale mli ake̱ eewole̱ onukpa ye̱ enibii fẽ no̱. Mat. 25,21.
45Ši ke̱dši nakai tšŭlo̱ le̱ kē̱ ye̱ etšui mli ake̱: Minuṅtšo̱ le̱ mītši ebabe le̱ eto, ni eebõi wehĩĩ ke̱ weyei le̱ yī ke̱ niyeli ke̱ numo̱ ke̱ dā̃tō̱ le̱:
46nakai tšũlo̱ le̱ nuṅtšo̱ le̱ aaba ye̱ gbĩ no̱ ní ekwe̱e̱le̱ gbe̱ ke̱ ṅmle̱tſā no̱ ní elee, ni eeflo̱ emli, ni eehãle̱ egbe̱fãṅnõ ke̱ ko̱ko̱nsafoi le̱.
47Ši nakai tšũlo̱ le̱ ní le enuṅtšo̱ suomo̱nānii ni esāā ehe etoo ni esā efee esuomonānii le̱, aayile kpãi pī; Iak. 4,17.
48ši moni lee ni eyafe yīnii le̱, aayile̱ fiō. Ši mofẽmo ní aṅõ pī ahã le̱, pī aatao ye̱ edeṅ; ni moni atu pī awo edeṅ le̱, aabi noni teke no̱ ši ye̱ edeṅ.
49La-wō miba ye̱ šikpoṅ le̱ no̱, ni ke̱dši ehere momo le̱, meni mitaoo doṅṅ!
50Ši miye̱ *baptisimo̱ ko ní ake̱-babaptisimi, ni kwe̱ bo̱ni †mihe hĩaämi ke̱-yaši beyino ní aagbe nā! *Mat 20,22. †Mat 26,38. Ioh. 12,27.
(51-53. Mat 10,34-36.)
51Ani nyesusu? ake̱ hedšo̱le̱ hãmo̱ miba ye̱ šikpoṅ le̱ no̱? Mīkē̱nye ake̱: Dabida, ši mligblamo̱ moṅ.
52Edšake̱ ke̱-dše̱ bene̱ ke̱-yaä ne̱ mei enumo̱ aagbá ye̱ šĩa kome, mei etẽ aate ši awo mei enyo̱, ni mei enyo̱ hũ aate ši awo mei etẽ;
53mligblamo̱ aaba tše̱ ke̱ ebinū, ke̱ binū hũ ke̱ etše̱ teṅ; nye ke̱ biyō teṅ, ke̱ biyō hũ ke̱ enye teṅ; šāyō ke̱ šāyō, ebi ṅã le̱, teṅ, ke̱ le̱ hũ ke̱ ešāyō, ewu nye le̱, teṅ.
54Ni ekē̱ asafoi le̱ hũ ake̱: Ke̱ nyena atatu mīwo ye̱ anai le̱, amrõ le̱ nyeke̱o̱ ake̱: Nyoṅmo̱ bane̱; ni ebaä mli nakai; Mat. 16,2. 3.
55ni ké̱ wuoyi kō̱yo̱ mītſa le̱, nyekē̱o̱ ake̱: Latšā baba; ni ebaä mli.
56Osatofoi, nyele ṅwei ke̱ šikpoṅ nibii asiši tšõmo̱; ši té tẽē ní nyelee yino̱ ne̱ šišitšõmo̱ṅ?
57Ni mẽ hewo̱ ní nyedše̱e̱ nyedientše̱ nyemli nyekodšoo noni dša gbe̱ le̱?
58Ši ké̱ oke̱ obelo̱ miya lumo̱ hĩe le̱, bo̱ mo̱deṅ ye̱ gbe̱ le̱ no̱, ní odše edeṅ, koni ekašãtão eyahã kodšolo̱ le̱, ni kodšolo̱ le̱ hũ ṅõo ehã apãbo̱lo̱ le̱, ní apãbo̱lo̱ le̱ woö tšũṅ. Mat. 5,25. 26.
59Mīkē̱o ake: Odšeṅ dše̱i gbĩkogbĩko dša owo nāgbē hĩeo le̱ dã.
Currently Selected:
Luka 12: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
