Luka 22
22
(22,1.2 Mat. 26,1-5. Mar 14,1. 2.)
1Agbe̱ne̱ akpĩtĩ gbĩdšŭrõ ni atšé̱o̱le̱ Hehō le̱ baše̱.
2Ni oso̱fonukpai le̱ ke̱ woloṅmãlo̱i le̱ tao bo̱ni ame̱afe ní ame̱gbele̱; ši ame̱mīše maṅ le̱ gbeyei. 20,19.
(3-5. Mat. 28,14-16 Mar. 14,10. 11.)
3Ši *satan yabote Iuda moni atšé̱o̱le̱ Iskariot le̱ ní dši mei nyoṅma ke̱ enyo le̱ ateṅ mokome le̱ mli. *Ioh. 13,2. 27.
4Ni eyiṅ ete ni eke̱ oso̱fonukpai le̱ ke̱ asafoatše̱mei le̱ yawie, boni eefe ní edšiele̱ ehãame̱.
5Ni ame̱nyã́, ni ame̱wole̱ ši ake̱ ame̱ahãle̱ šika;
6ni ekplẽ; ni etao be ní sa ní eke̱dšiele̱ ehãame̱ nĩgī̃.
(7-28. Mat. 26,17-29. Mar. 14,12-25.)
7Ke̱ke̱ ni *akpĩtĩ gbĩdšŭrõ ní sa ake̱ agbeo̱ Hehõ tōbi le̱ ye̱ no̱ le̱ baše̱; *2 Mose 12,18-20.
8ni etšũ Petro ke̱ Iohane ni ekē̱: Nyeyaä ni nyeyasāa Hehõ-niyenii le̱ nyetoawo̱, koni wo̱baye.
9Ni ame̱kē̱le̱ ake̱: Nẽgbe̱ osumoo̱ ake̱ wo̱yasā wo̱to ye̱?
10Ni ekē̱ame̱ e̱ke̱: Ke̱dši nyebote mã le̱ṅ le̱, na, nū ko kenye aakpe ní ehĩe nu kpulu; nyenyiea ese̱ ke̱-yaä šĩa heni eeyabote le̱,
11ni nyeyakē̱a šĩatše̱ le̱ ake̱: Tšõlo̱ le̱ kē̱ wo̱bakē̱o ake̱: Nẽgbe̱ gbo̱iatšũ le̱ ní mike̱ mikaselo̱i le̱ baye Hehõ-niyenii le̱ ye̱ mli le̱ yo̱?
12Ni eetšõnye ṅwei-asa kple ko ní awula mli; dše̱i nyesāa nyetoa ye̱.
13Ni ame̱yiṅ ame̱te ni *ame̱yana take̱ bo̱ni ekē̱ame̱ le̱, ni ame̱sã Hehō-niyenii le̱ ame̱to. *19,32.
14Ni beni ṅmle̱tſā le̱ še̱ le̱, eho etá niyenii le̱ ahe, ni bo̱foi nyoṅma ke̱ enyo̱ le̱ hũ fata ehe.
15Ni ekē̱ame̱ ake̱: Taomo̱ mitaoo̱ ake̱ mike̱nye aye ne̱ke̱ Hehō ne̱ dãni mana amanehũlũ le̱;
16edšake̱ mīkē̱nye ake̱: Miyeṅ eko doṅṅ ke̱-yaši beyino̱ ní aaba mli ye̱ Nyoṅmo̱ maṅtše̱yeli le̱ mli. 13,29.
17Ni ewó kpulu le̱, ní eda ši, ni ekē̱: Nyehea ni nyedšaä;
18edšake̱ mīkē̱nye ake̱: Minuṅ weintšo yibii ne̱ eko doṅṅ ke̱-yaši beyino̱ ní Nyoṅmo̱ maṅtše̱yeli le̱ aaba.
19Ni eko̱ abolo, ni eda ši, ni ekũmo̱ mli, ni eṅõ-hãame̱ ni ekē̱: Ene̱ dši migbomotšo ni aṅõ-hã ye̱ nyehewo̱ le̱; nyefea ene̱ ní nyeṅõ-kaimi. 1 Kor. 11,23-25.
20Nakai noṅṅ ewó kpulu le̱ hũ ye̱ niyenii le̱ ase̱, ní ekē̱: Ne̱ke̱ kpulu ne̱ dši kpãṅmo̱ hē le̱ ye̱ milá ni aṅõ-ſie ši ahãnye le̱ mli.
21Ši na, moni batšõ mise̱gbe̱ le̱ nine ke̱ minine ye̱ okplõ le̱ no̱; Ioh. 18,21. 22.
22ni gbomobi le̱ mīya, take̱ bo̱ni akpe̱ mli ato le̱ moṅ; ši kpóo hã moni batšõ ese̱gbe̱ le̱!
23Ni ame̱bõi ame̱he bimo̱ ake̱ ame̱teṅ namo po bafe ene̱.
24Ši nātāmo̱ hũ bate ši ye̱ ame̱teṅ ake̱ ame̱teṅ namo ababu agbo fē fẽ. 9,46.
(25. 26. Mat. 20,25-27. Mar 10,42-44.)
25Ni ekē̱ame̱ ake̱: Dšeṅmãdši le̱ ano̱ maṅtše̱mei le̱ yeo̱ ame̱no̱ odehei asane, ni mei ní yo̱ ame̱no̱ hewale̱ le̱, atšé̱o̱ame̱ edšŭrõfelo̱i.
26Ši nye le̱ ebe̱nye nakai; ši moṅ moni dši agbo ye̱ nyeteṅ le̱, hã ni etšṍ tamo̱ gbekẽ, ni moni dši onukpa hũ tamo̱ moni súmoo̱.
27Edšake̱ té moni fè mo̱ṅ: moni táa okplõ he le̱, alo moni súmoo̱ le̱? ani dšee moni táa okplõ he le̱? ši mi le̱ miye̱ nyeteṅ ake̱ moni súmoo̱. Ioh. 13,4-14.
28Ši nyedši mei ní ke̱mi éhĩ ši ye̱ mikāi le̱ amli;
29ni mi hũ mīto maṅtše̱yeli mahãnye take̱ bo̱ni mitše̱ éto éhãmi le̱,
30koni nyeye nii ni nyenu ye̱ mikplõ le̱ he ye̱ mimaṅtše̱yeli le̱ mli, ni nyetrá sẽii ano̱ ni nyekodšo Israel akutšei nyonma ke̱ enyo̱ le̱. Mat 19,28.
(31-34. Mat. 26,31-35. Mar. 14,27-31. Ioh 13,36-38.)
31Ši Nuṅtšo̱ le̱ kē̱: Simon. Simon, na, satan etao nyehegbe̱, koni eša nyemli take̱ ṅmā̃; 2 Kor. 2,11,
32ši mi le̱ *mikpa fai mihão, koni ohemo̱-ke̱-yeli akatã; ni bo hũ, †beni ookpale le̱, wo onyemimei le̱ ahewale̱. *Ioh 17,11. 15. 20. †Lal. 51,15.
33Ši ekē̱le̱ ake̱: Nuṅtšo̱, mísā mihe mito ní ke̱ tšnṅ ō, gbĕle mli ō, ní mike̱o aate.
34Ni ekē̱: Petro, mīkē̱o ake̱ ṅme̱ne̱ wuo̱ náṅ agbe̱, ni ootšo šii etẽ ake̱ oleemi.
35Ni ekē̱ame̱ ake̱: Beni mitšũnye ni *nyehĩee fotro ke̱ kotoku ke̱ tokotai le̱, ani noko hĩanye? Ni ame̱kē̱: Nokonoko ehĩaawo̱. *9,3.
36Ke̱ke̱ le̱ ekē̱ame̱ ake̱: Ši agbe̱ne̱ le̱, moni yo̱ fotro le̱, hã ní eko̱, nakai noṅṅ moni yo̱ kotoku hũ; ni moni be̱ klante le̱, hã ní ehõ etade ni eke̱-hé eko.
37Edšake̱ mīkē̱nye ake̱ noni aṅmã ne̱ hũ, dša eba mli ye̱ mihewo̱, ake̱: *“Ni abule̱ aši mlatõlo̱i ano̱;” edšake̱ mihe sãdši le̱ dša eba mli. *Ies. 58,13.
38Ni ame̱kē̱: Nuṅtšo̱, na, klantei enyo̱ ne̱. Ši ekē̱ame̱ ake̱: Efá.
(39-46. Mat. 26,30.36-46. Mar. 14,26. 32-42.)
39Ni edše kpo, ni tamo̱ bo̱ni efo̱ö̱ femo̱ le̱ eyiṅ ke̱-te Mũgoṅ le̱ no̱; ni ekaselo̱i le̱ hũ nyie ese̱. Ioh. 18,1.
40Ni beni eše̱ dše̱i le̱, ekē̱ame̱ ake̱: Nyeso̱lea, koni nyekabote kā mli.
41Ni egbla ehe ši ye̱ ame̱nõ aafe te̱fõ dšeke̱mo̱, ni eho ekũla ši, ni eso̱le
42ekē̱: Atā, ke̱dši ōsumo̱ le̱, dšiemo̱ kpulu ne̱ ke̱-dše minõ! Ši kẽle̱ dšee bo̱ni mi misumoo̱ le̱, ši moṅ bo̱ni bo osumoo̱.
43Ni bo̱fo ko dše̱ ṅwei badšie ehe kpo etšõle̱, ni ebawole̱ hewale̱. 1 Maṅ. 19,5.
44Ni beni ehe dšraäle̱ le̱, ehã eso̱lemo̱ le̱ mli wa. Ni ehe latšã tšṍ tamo̱ lákulibii ní tšereo̱ ſieo̱ ši.
45Ni beni ete ši ke̱-dše̱ so̱lemo̱ le̱ mli ní eba ekaselo̱i le̱ aṅõ le̱, ebanaame̱ ake̱ ame̱mīwo̱ ye̱ aw̌ere̱hõ nā;
46ni ekē̱ame̱ ake̱: Mẽba nyewo̱ö̱? Nyetea ši ni nyeso̱lea, koni nyekabote kā mli.
(47-58. Mat. 26.47-56. Mar. 14,43-49. Ioh. 18.2-11.)
47Beni ewieo̱ lolo le̱, na asafoku ko ní mei nyoṅma ke̱ enyo̱ le̱ ateṅ mokome ní atšé̱o̱le̱ Iuda le̱ nyie ame̱hĩe, ni etši ebe̱ṅke̱ Iesu, koni eſo̱ enā.
48Ši Iesu kē̱le̱ ake̱: Iuda, oke̱ nāſo̱mo̱ mītšõ gbomobi le̱ se̱gbe̱?
49Ni beni mei ní ke̱le̱ yo̱ le̱ na noni baba le̱, ame̱kē̱le̱ ake̱: Nuṅtšo̱, wo̱bãmo̱ klante lo?
50Ni ame̱teṅ mokome bã oso̱fonukpa le̱ tšũlo̱ le̱ ni efo eninedšŭrõ toi.
51Ni Iesu here no̱ ni ekē̱: Nyeṅmẽami gbe̱ fiō! ni eta etoi le̱ he ni etšále̱.
52Ši Iesu kē̱ oso̱fonukpai le̱ ke̱ so̱lemo̱we asafoatše̱mei le̱ ke̱ maṅ onukpai le̱ ní ba eno̱ le̱ ake̱: Mi mino̱ nyedše kpo ke̱-ba ke̱ klantei ke̱ tšei tamo̱ abaä awuyelo̱ no̱ ne̱;
53dā ní mike̱nye yo̱ so̱lemo̱we le̱ *nyešĩaa nyenine ye̱ mino̱; ši nyeṅmle̱tſā le̱ ke̱ duṅ le̱ hewale̱ ne̱! *Ioh. 7,30; 8,20.
(54-62. Mat. 26,57. 58. 69-75. Mar. 14,53. 54. 66-72. Ioh. 18,12-18. 25-27.)
54Ni ame̱mõle̱ ni ame̱kplale̱, ni ame̱ke̱le̱ te oso̱fonukpa le̱ we le̱. Ši Petro nyie se̱ šoṅṅ.
55Ni beni ame̱še̱re la ye̱ mō̃ te le̱ṅ ni ame̱ho ame̱trá he le̱, Petro hũ ho yatá ame̱teṅ.
56Ni oblayō ko nale̱ ní etá la le̱ he, ni ekwe̱le̱ gā̃ ni ekē̱: Nū ne̱ hũ ke̱le̱ yo̱.
57Ši etšo ekē̱: Awó, mileele̱!
58No se̱ etše̱e̱ le̱, mokroko hũ nale̱ ni ekē̱: Bo hũ, ame̱teṅ moko dšio. Ši Petro kē̱: Atā, dšee ame̱teṅ moko dšimi!
59No se̱ aafe ṅmle̱tſā kome le̱ mokroko hũ mã no̱ mĩ́ vevēve ake̱: Asono̱kwa, nū ne̱ hũ ke̱le̱ yo̱; edšake̱ Galileanyo hũ ni!
60Ši Petro kē̱: Atā, milee noni okē̱o̱ ne̱! Ni amrõ le̱ noṅṅ, beni ekã he ewieo̱ lolo le̱, wuo̱ gbe̱.
61Ni Nuṅtšo̱ le̱ tšṍ ehe, ni ekwe̱ Petro; ni Petro kai Nuṅtšo̱ le̱ wiemo̱ le̱ ni ekē̱le̱ ake̱: Wuo̱ náṅ agbe̱, ni ookpa ye̱ mise̱ šii etẽ le̱. K. 34.
62Ni Petro dše kpo ni eyafo āhũ.
(63-65. Mat. 26,67. 68. Mar. 14,65.)
63Ši mei ní hĩe Iesu mli le̱ ye ehe fe̱o ni ame̱yile̱.
64Ni ame̱ha ehĩe ni ame̱gbla ehĩe mãi nĩ ame̱bibīle̱ ake̱: Gba, namo dši moni gbao mã le̱?
65Ni ame̱wie nibii krokomei pīaome̱ke̱bo̱ musu ame̱šile̱.
(65-71. Mat. 26,59-66. Mar. 11,55-64.)
66Ni beni dše tše̱re le̱, maṅ onukpai le̱ ke̱ oso̱fonukpai le̱ ke̱ woloṅmãlo̱i le̱ anā bakpe ši, ni ame̱kplale̱ ke̱-te ame̱kuašoṅ le̱ hĩe, Ioh. 18,24.
67ni ame̱kē̱: Ke̱dši bo dši Kristo le̱, kē̱mo̱wo̱. Ni ekē̱ame̱ ake̱: Ke̱dši mikē̱nye le̱, nyeheṅ nyeyeṅ;
68ni ké̱ sane ko mibi hũ, nyehãṅmi hetō, nĩ asaṅ nyeṅmē̃ṅ mihe.
69Ši ke̱-dše̱ be ne̱ ke̱-yaä ne̱ gbomobi le̱ aatá Nyoṅmo̱ hewale̱ le̱ uinedšŭrõ no̱.
70Ke̱ke̱ le̱ ame̱fẽ ame̱kē̱: Bĕle̱ bo dši Nyoṅmo̱ bi le̱? Ni ekē̱ame̱ ake̱: Nyedientše̱ nyemīkē̱ ake̱ mi ni.
71Ši ame̱kē̱: Meni wo̱sā wo̱taoo̱ odase wo̱fe doṅṅ? edšake̱ wo̱dientše̱ wó̱nu ye̱ enā.
Currently Selected:
Luka 22: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
