Luka 3
3
1Agbene Kaisare Tiberio maṅtše̱yeli afi ní dši nyoṅma ke̱ enumo̱ le̱ mli, beni Pontio Pilato yeo̱ amralo ye̱ Iudea, ni Herode yeo̱ tetrarke ye̱ Galilea, ni enyemi Filipo hũ yeo̱ tetrarke ye̱ Iturea ke̱ Trakoniti šikpõdši le̱ ano̱, ni Lisania yeo̱ tetrarke ye̱ Abilēne,
2ní Hana ke̱ Kaiafa yeo̱ oso̱fonukpai le̱, Nyoṅmo̱ wiemo ba Zakaria bi Iohane ṅõ, ye̱ ṅã le̱ no̱.
(3,8-18. Mat. 3,1-12. Mar. 1,1-8.)
3Ni eba Iordan niiaṅ fẽ, ni ešie̱o̱ tšuitšakemo̱ baptisimo̱ ni ake̱-náa ešai fā;
4take̱ bo̱ni aṅmã ye̱ gbalo̱ *Iesaia wiemo̱i awolo le̱ mli ake̱: “Moko gbē mībo ye̱ ṅã le̱ no̱ ake̱: Nyesāa Nuṅtšo̱ le̱ gbe̱ le̱, ni nyedšadšea etempõṅi le̱ trõmō̃. *Ies. 40,3-5.
5Aatsi dšō̱-fẽ-dšō̱, ni aahã goṅ-fẽ-goṅ ke̱ ṅmeṅme-ſẽ-ṅmeṅme aba ši, ni aadšadše nibii kõdõdši, ni gbe̱ ní no̱ yo̱ sakasaka le̱ no̱ aabo;
6ni helo fẽ aana Nyoṅmo̱ walaheremo̱ le̱.”
7Ke̱ke̱ ni ekē̱ asafoi le̱ ní ba eṅõ ní ebaptisiame̱ le̱ ake̱: *Šikpãi aſĩei, namo wie tšõnye ake̱ nyédšo mlifũ ní baä le̱ nā foi? *Mat. 23,33.
8Nohewo̱ le̱ nyewoa yibii ní sa tšuitšakemo̱; ni nyekabõia kē̱mo̱ ye̱ nyeyiṅ ake̱: Wo̱tše̱ dši Abraham; edšake̱ mīkē̱nye ake̱, Nyoṅmo̱ aanyẽ atēe bii aši ke̱-dše̱ te̱i ne̱ amli ehã Abraham.
9Ši agbe̱ne̱ hũ lema le̱ kã tšei le̱ ašišifãi le̱ ano̱ momo; nohewo̱ le̱ tšo-fẽ-tšo ni woo yibii kpakpai le̱, aato ni aašé̱ afõ la mli.
10Ni asafoi le̱ bile̱ ake̱: Bĕle̱ meni wō̱fe mo̱?
11Ni ehere no̱ ekē̱ame̱ ake̱: Moni yo̱ flakai enyo̱ le̱, hã ní eke̱ moni be̱ eko le̱ adša mli; ni moni yo̱ ṅmā̃ hũ, hã ní efe nakai noṅṅ.
12Ni ntōhelo̱i hũ ba ní abaptisiame̱, ni ame̱kē̱le̱ ake: Tšŏlo̱, meni wo̱fe?
13Ni ekē̱ame̱ ake̱: Nyekahea fẽ bo̱ni átonye le̱.
14Ni asrafoi hũ babile̱ ake̱: Ni wo̱ hũ, meni wo̱fe? Ni ekē̱ame̱ ake̱: Nyekahĩea moko soisoi, ni nyekaflo̱a moko nā yakatſā; ni nyehãa nyenyõmo̱wo asaä nyehĩe.
15Ši beni maṅ le̱ hĩe kã no̱ nĩ mei le̱ fẽ susuo̱ ye̱ ame̱tšuiiaṅ ye̱ Iohane hewo̱ ake̱ bene̱ le̱ dši Kristo le̱, Ioh. 1,19-28.
16Iohane here no̱ ni ekē̱ mei le̱ fẽ ake̱: Mi le̱ nu mike̱-baptisio̱nye; ši moko ní he wa fèmi mība, ni mīsaa moni fẽneo̱ etokotai anā kpã, le̱ eke̱ Mumo̱ kroṅkroṅ ke̱ la aabaptisinye;
17moni hĩe ešātšene ye̱ edeṅ, ni eebē̱ ešikpoṅ le̱ fitšofitšo, ni eebua ṅmã le̱ nā ewo eboṅo le̱ mli; ši tutū le̱ eke̱ la ní gboo aašã le̱.
18Ni ewie nibii krokomei pī hũ eke̱wo maṅ le̱ ṅā, eke̱-šie̱ sanekpakpa le̱ etšõame̱.
19Ši tetrarke Herode le̱, ake̱-ni Iohane kãle̱ ye̱ enyemi Filipo ṅã Herodia le̱ hewo̱, ke̱ nifõdšianii fẽ ní le̱ Herode le̱ efe le̱ hewo̱ le̱, Mat. 14,3. 4. Mar. 6,17. 18.
20esā efe ene̱ eši no̱, ake̱ emõ Iohane ewo tšūṅ.
(21. 22. Mat. 8,13-17. Mar. 1,9-11. Ioh. 1,32.)
21Ši eba mli ake̱, beni abaptisi mei le̱ fẽ le̱, abaptisi Iesu hũ; ni beni eso̱leo̱ le̱, ṅwei gble,
22ni Mumo̱ kroṅkroṅ le̱ kpleke ši ke̱ su ní tamo̱ okpo su ke̱-ba eno; ni gbē ko dše̱ ṅwei kē̱: *Bo dši misuomo̱bi le̱, bo ohe tšuidšŭrõ mináa! *9,35.
(23-38. Mat. 1,1—17.)
23Ni beni Iesu dientše̱ bõi le̱, eye aafe afii nyoṅmai-etẽ, ni bo̱ni *asusuo̱ le̱, edši Iosef bi, Heli bi, *4,22.
24Matat bi, Levi bi, Melki bi, Ianai bi, Iosef bi,
25Matatia bi, Amos bi, Nahum bi, Esli bi, Nagai bi,
26Maat bi, Matatia bi, Semein bi, Iosek bi, Ioda bi,
27Iohanan bi, Resa bi, Zerubabel bi, Šealtiel bi, Neri bi,
28Melki bi, Adi bi, Kosam bi, Elmadam bi, Er bi,
29Iesu bi, Eliezer bi, Iorim bi, Matat bi, Levi bi,
30Simeon bi, Iuda bi, Iosef bi, Ionam bi, Eliakim bi,
31Melea bi, Mena bi, Matata bi, *Natan bi, David bi, *2 Sam. 5,14.
32*Išai bi, Obed bi, Boaz bi, Salmon bi, Nahăšon bi, *Rut 4,22.
33Aminadab bi, Ram bi, Hezron bi, Perez bi, *Iuda bi, *1 Mose 29,35.
34Iakob bi, Isak bi, Abraham bi, Tera bi, Nahor bi, 1 Mose 21,2. 3; 11,10-15. 1 Kron. 1,24-27.
35Serug bi, Reu bi, Peleg bi, Eber bi, Šela bi,
36Kainan bi, Arpakšad bi, Šem bi, Noa bi, *Lamek bi, *1 Mose 5,3-32.
37Metusela bi, Henok bi, Iared bi, Mahalalel bi, Kainan bi,
38Enos bi, Set bi, Adam bi, ní dši Nyoṅmo̱ nõ le̱. 1 Mose 5,1-3.
Currently Selected:
Luka 3: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
