Luka 8
8
1Ni eba mli ake̱ ene̱ se̱ le̱ eyakpa mãdšĩ ke̱ akrowai amli ešie̱ Nyoṅmo̱ maṅtše̱yeli le̱ he sanekpakpa le̱ etšõ mei; ni mei nyoṅma ke̱ enyo̱ le̱ fata ehe; 4,48.
2ke̱ yei komei hũ ní atšá ame̱mumo̱i fõdši ke̱ ame̱helai le̱: Maria, moni atšé̱o̱le̱ Magdalēna, moni daimonioi kpawo dše emli le̱, Mar. 15,40. 41; 16,9.
3ke̱ Iohana, Herode tšũlo̱nukpa Kusa ṅã le̱, ke̱ Susana, ke̱ meikrokomei pī ní ke̱ amenii súmoo̱le̱ le̱.
(4-15. Mat. 13,1-28. Mar. 4,1-20.)
4Ni beni asafo babaō nā ebakpe ši ni mei ní dše̱ mãdšimãdši ano̱ le̱ hũ eba eṅõ le̱, ebu abe̱ ake̱:
5Nidũlo̱ yiṅ ete ewúi ſã́mo̱. Ni beni eſã́a le̱, eko yanyõ gbe̱ toi, ni anānā no̱, ni ṅwei lofõdši ba bakŏ̱lo̱.
6Ni eko yanyõ te̱sā no̱, ni amrõ pe̱ ní ekwẽ le̱, eṅălã, edšake̱ enáá šikpoṅ dšo̱le̱.
7Ni eko yanyõ ṅmeii ateṅ, ni ṅmeii le̱ ke̱le̱ kwẽ ni ame̱gbele̱.
8Ni eko hũ yanyõ šikpoṅ kpakpa no̱, ni ekwẽ, ni ewo yibii toi oha. Beni ewie nii ne̱ le̱, ebo ekē̱ ake̱: Moni yo̱ toii ní eke̱-anu le̱, hã ni enu!
9Ši ekaselo̱i le̱ bile̱ ake̱: Té abe̱ ne̱ šišiṅ?
10Ni ekē̱: Nye le̱ ahãnye hegbe̱ ake̱ nyele Nyoṅmo̱ maṅtše̱yeli le̱ mli tēmo̱-sădši le̱; ši meikrokomei le̱ ye̱ abe̱buai amli, *“koni nā le̱ ame̱na, ši ame̱kana šiši, ní nū hũ amenu ši ame̱kanu šiši.” *Ies. 6,9. 10.
11Agbe̱ne̱ abe̱ le̱ ne̱: Wú le̱ dši Nyoṅmo̱ wĩemo̱ le̱. 1 Pet. 1,23.
12Ši mei ní yo̱ gbe̱ toi le̱ dši mei ní nuo̱; ke̱ke̱ ni abonsam baä ni abašaä wiemo̱ le̱ ye̱ ame̱tšuiiaṅ, koni ame̱kahe ame̱ye ní ahere ame̱yiwala.
13Ni mei ni yo̱ te̱sā no̱ le̱ dši mei ní beni amenu le̱ ame̱heo̱ wiemo̱ le̱ ke̱ mīše̱; ši ake̱-ní ame̱be̱ šišifã hewo̱ le̱, ame̱heo̱ ame̱yeo̱ be kuku ke̱ke̱, ni kābe mli le̱ ame̱kwaä.
14Ni noni yanyõ ṅmeii ateṅ le̱ dši mei ní beni ame̱nu le̱ ame̱yaä ni dše ne̱ṅ he nāgbamo̱i ke̱ ninámo̱ ke̱ ṅõmo̱iyeli gbeo̱ame̱, ni ame̱woo yibii ní hĩ ke̱-wula ši.
15Ši šikpoṅ kpakpa mli nõ le̱ dši mei ní beni ame̱nu wiemo̱ le̱ ame̱ke̱-too̱ *tšui kro̱ṅṅ ní hĩ mli, ni ame̱ke̱ †tšuišiṅmē̃ woo̱ yibii. *Bo̱f. 16,14. †Heb. 10,36.
(16-18 Mar. 4,21-25.)
16Ši moko esuu kane ní eke̱ nõ ha no̱ lo ní eke̱-mã sātšo šiši; ši moṅ kane-tšo no̱ ake̱-mãa, koni mei ní boteo̱ mli le̱ ana la le̱. Mat. 5,15.
17Edšake̱ noko be̱ ní aṅõ-tē ní adšieṅ le̱ kpo, nĩ asáṅ noko be̱ ní abú no̱ ní aleṅ ní agbleṅ nā. Mat. 10,26.
18Nohewo̱ le̱ nyekwe̱a ní ahĩa ye̱ bo̱ni nyenuo̱ le̱ hewo̱; edšake̱ mofẽmo ní yo̱ noko le̱, aahãle̱; ši moni be̱ noko le̱, aašo noni efeo̱le̱ ake̱ eyo̱ le̱ tete ye̱ edeṅ. 19,26.
(19-21. Mat 12,46-50. Mar 3,31-35.)
19Ši enye ke̱ enyemimei le̱ tši be̱ṅ-ke̱le̱, ši asafo le̱ hewo̱ le̱ ame̱nyẽẽ emase̱i ame̱še̱.
20Ni ame̱kē̱le̱ ake̱: Onye ke̱ onyemimei le̱ damo̱ se̱ mītao ake̱ ame̱nao.
21Ši ehere no̱ ekē̱ame̱ ake̱: Minye ke̱ minyemimei dši mene̱mei ní nuo̱ Nyoṅmo̱ wiemo̱ le̱ ní ame̱yeo̱ no̱ le̱!
(22-25 Mat. 8,18. 23-27. Mar. 4.35-41.)
22Agbene nakai gbĩĩ le̱ eko no̱ le̱ eba mli ake̱ le̱ ke̱ ekaselo̱i le̱ yiṅ yabote le̱le̱ mli, ni ekē̱ame̱ ake̱: Nyehãa wo̱yaä kpākpo le̱ se̱gbe̱. Ni ame̱dše wuo.
23Ši beni ame̱yaä le̱, wo̱ ṅõle̱. Ni ahum batſaame̱ ye̱ kpākpo le̱ hĩe, ni ame̱le̱le̱ le̱ yi ke̱ nu, ni ame̱ye amanehũlũ mli.
24Ni ameba eṅõ ame̱batšĩele̱ ame̱kē̱: Nuṅtšo̱, Nuṅtšo̱, wo̱mīladše! Ni ete ši ni efã́ kō̱yo̱ le̱ ke̱ nu ní efe hãmãhãmã le̱ yi, ní ame̱fe diṅṅ, ni ṅšo̱ le̱ ṅmē̃.
25Ni ekē̱ame̱ ake̱: Nẽgbe̱ nyehemo̱-ke̱-yeli yo̱? Ni ame̱še gbeyei ni ame̱hĩe feame̱ yā ni ame̱kē̱kē̱ amehe ake̱: Mẽ gbomo sro̱to po ne̱ ní efã́a kō̱yo̱i ke̱ nui tete yi ni ame̱boo̱le̱ toi ne̱?
(26-39. Mat. 8,28-34. Mar 5,1-20.)
26Ni ame̱še̱ Gadarabii ašikpoṅ le̱ ní yo̱ Galilea ṅe̱le̱no̱ le̱ no̱.
27Ni beni ebakpleke le̱, nū ko dše̱ mã le̱ṅ ke̱le̱ bakpe ní daimonioi yo̱ emli dšeeṅmõ ni ewoo atade ni ehĩĩ šīa ko ake̱-dša gbohĩĩabui amli ke̱ke̱.
28Ni beni ena Iesu le̱, ebo wā ni ebakūla ši ye̱ ehĩe, ni eke̱ gbē wale̱ kē̱ ake̱: Mẽ sane mike̱o yo̱, bo Iesu, Nyoṅmo ní yo̱ ṅwei šoṅṅ le̱, bi? Mikpao fai, kāpīmi!
29Edšake̱ efã́ mumo̱ fõṅ le̱ ake̱ ēdše nū le̱ mli. Ši emõo̱le̱ kpitiokpitio; ni awoo̱le̱ kõsõṅkõsõi ke̱ gbokle̱i ake̱-buo̱ ehe, ši etšere̱o̱ nii ní ake̱-woo̱le̱ le̱ amli, ni daimonio le̱ kplaäle̱ ke̱-yaä ṅã le̱ṅ.
30Ni Iesu bile̱ ake̱: Té ogbe̱iṅ? Ni ekē̱: Legio; edšake̱ daimonioi pī ebote emli le.
31Ni amekpale̱ fai ake̱ ekafaame̱ ní eha ame̱yabote bu kwo̱ṅkwo̱ṅ le̱ mli.
32Ši kplotoi aku kple ko ye̱ dše̱i miye nii ye̱ goṅ le̱ no̱; ni amekpale̱ fai ake̱ éṅmẽame̱ gbe̱ ní ame̱yabote nomei amli. Ni eṅmẽame̱ gbe̱.
33Ni daimonioi le̱ dše nū le̱ mli, ni ame̱yabote kplotoi le̱ amli, ni ku mū le̱ fẽ wo foi ke̱-kpleke goṅ le̱ ke̱-yaſie kpākpo le̱ mli, ni ame̱gboi.
34Ni beni mei ni kwe̱o̱ame̱ le̱ na noni afe le̱, ame̱dšo foi ni ame̱yagba ye̱ mã le̱ṅ ke̱ akrowai le̱ amli.
35Ke̱ke̱ ni ame̱dše kpo ame̱te noni afe le̱ kwe̱mo̱, ni ame̱ba Iesu ṅõ ni ame̱-bana nū le̱ ní daimonioi le̱ édše emli le̱ ni etá Iesu nãdši aši ní ewo atade ni ehĩe etšere̱le̱. Ni ame̱še gbeyei.
36Ši mei ní na le̱ hũ gbaame̱ bo̱ni fe ní atšá moni daimonioi yo̱ emli le̱.
37Ke̱ke̱ ni Gadarabii le̱ ní yo̱ dše̱i niiaṅ le̱ asafo mū le̱ fẽ bakpale̱ fai ake̱ édše ame̱ṅõ eya; edšake̱ gbeyei émõmo̱-ame̱ naakpa. Ni eyabote le̱le̱ le̱ mli ke̱-kũ ese̱.
38Ši nū le̱ ní daimonioi le̱ édše emli le̱ kpale̱ fai ni eke̱le̱ ahĩ ši. Ši Iesu dšiele̱ gbe̱ ekē̱:
39Kũ ose̱ oya owe, ni oyagba niwudši ní Nyoṅmo̱ éfe éhão le̱. Ni eyiṅ ete, ni eyadšadše niwudši ni Iesu éfe éhãle̱ le̱ ye̱ mã le̱ṅ fẽ.
(40-56. Mat 9.18-26. Mar. 5.21-43.)
40Ši eba mli ake̱, beni Iesu kũ ese̱ éba le̱, asafo le̱ nyã́ ehe; edšake̱ ame̱fẽ ame̱mīmẽle̱.
41Ni na, nū ko ni atšé̱o̱le̱ Iairo ní dši kpēhe onukpa le̱ ba, ni ebakūla Iesu nādši ana ní ekpale̱ fai, koni éba ewe le̱.
42Edšake̱ eye̱ biyō kome pe̱ ní éye aafe afii nyoṅma ke̱ enyo̱, ni ēgbo. Ši beni eyaä le̱, asafoi le̱ mĩale̱.
43Ni yō ko ni lá hoo̱le̱ afii nyoṅma ke̱ enyo̱, ni efite enii fẽ ehã tšofãtše̱mei ní mokomoko nyẽẽle̱ atšá le̱,
44badše ese̱gbe̱ ni ebata etade nãmū le̱ he, ni amrõ le̱ noṅṅ elá ní hoo̱le̱ le̱ se̱ fo.
45Ni Iesu ké̱: Namo dši moni ta mihe le̱? Ši beni mei le̱ fẽ tšo le̱, Petro ke̱ mei ni fata ehe le̱ kē̱: Nuṅtšo̱, asafoi le̱ efĩ ohe ni ame̱mīmĩao, ni okē̱o̱ ake̱: Namo̱ ta mihe lo?
46Ši Iesu kē̱: Moko eta mihe, edšake̱ minu he ake̱ hewale̱ ko édše mimli.
47Ši beni yō le̱ na ake̱ ehĩĩ le̱ tēmo̱ le̱, eba ke̱ hekpokpomo̱ ni ebakũla ši ye̱ ehĩe ni ebadšadše nõhewo̱ ní eta ehe le̱ ke̱ bo̱ni ehe wa le̱ amrõ le̱ etšõ ye̱ asafo le̱ fẽ hĩe.
48Ni ekē̱le̱ ake̱: Biyō otšui ányõ omli, ohemo̱-ke̱-yeli etšáo; ya ye̱ hedso̱le̱ mli! 7,50.
49Beni ewieo̱ lolo le̱, moko dše̱ kpēhe onukpa le̱ we le̱ bakē̱le̱ ake̱: Obiyō le̱ égbo; kāgba tšõlo̱ le̱ nā,
50Ši beni Iesu nu le̱, eherele̱ no̱ ake̱: Kāše gbeyei; hemo̱ oye ke̱ke̱, ni eyi aaná wala!
51Ni beni eba šĩa le̱, eṅmẽẽ mokomoko gbe̱ ní eya dše̱i ake̱ dša Petro ke̱ Iohane ke̱ Iakobo ke̱ gbekẽ le̱ tše̱ ke̱ enye.
52Ni mei le̱ fẽ mīfó nĩ ame̱mīye ehe ṅko̱mo̱. Ši ekē̱: *Nyekafóa; egboko, ši wo̱ ewo̱. *7,18.
53Ni ame̱ṅmõle̱, edšake̱ ame̱le ake̱ égbo.
54Ši eſieame̱ fẽ, ni emõ enine ši, ni ebo ake̱: Gbekẽ, te ši!
55Ni emumo̱ kũ ese̱ ba emli ekoṅ, ni ete ši amrõ le̱ noṅṅ; ni efã́ ake̱ ahãle̱ noko eye.
56Ni efo̱lo̱i le̱ anā kpe̱ ame̱he; ši *etſa ame̱nā mã ake̱ ame̱kagba moko noni afe le̱. *5,14. Mar. 7,36.
Currently Selected:
Luka 8: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
