Gaoi 2
2
Ifo o le Laumalie Maokioki
1I le aso lasi o le Penikosite, na lotou fakatasi fuli i se ganea e tasi. 2Ti fokifa kua au loa mei le lagi se gugulu ofaipe se gugulu o se matagi makeke ai, o fakaapele le fale katoa leia na lotou nonofo ai. 3Ti ko ni alelo, ofaipe ni alelo afi, na sa loa kia latou, ti na ifo loa kia latou taki toka tasi. 4Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.
5I aso ana, na nonofo i Selusalemi ni kau Sutea, tagata tausi lotu malie, mei puleaga fuli o le malama nei. 6I le logoa leia kua soko, na oso ake loa se kakai toka api, ti na lotou punamauli loa talie na tasi logo le tagata kia latou e masau ake i lana masau totonu. 7Na lotou punamauli, mo tutuu noa fuli, o fepatiaki : Ko kakai ana e masasau, pe leaise lotou Kalilea fuli ? 8Pe feaki e tou logo ai kia latou i atatou masau totonu ala na tupu ake mo tatou ? 9Ko tatou ko kau Palete, mo kau Mete, mo kau Elame ; mo la e nonofo i Mesopotamia, mo Sutea, mo Kapatose, mo Potuse, mo Asia, 10mo Filisia, mo Pafilia, mo Esipito ti mo potu o Lipia e feofi ki Silene, mo latou ala na au mei Loma, Sutea mo poloselita ; 11mo le kau Kelete mo le kau Alape. Pe feaki e tou logo ai kia latou e masau ia tou masau ki nea fulumalilie a le Atua ? 12Na lotou punamauli fuli, kae na leaise iloa sa latou manatu, ti na lotou fepatiaki : Kolea le uiga o le nea leinei ? 13Kae na gologolo ni iki, o pati : Kua lotou konana i le vino.
Uluaki akonaki a Petelo
14Ti na tuu loa Petelo ki aluga mo le tino agafulu tupu tasi, o masau leo lasi, o pati : Tagata Sutea, ti mo koutou fuli ala e nonofo i Selusalemi i aso anei, ke kotou iloa le nea leinei ti ke kotou fakalogo mai ki aku masau ! 15E leaise konana a kakai anei, ofaipe le nea leia e kotou manatu ki ai, talie ko le ola iva fai leinei o le usu.
16Kae ko le nea leinei na fakasa e le polofeta ko Soele :
17 I aso fakamuli, e pati le Atua, e kau tufaki loa loku Laumalie Maokioki ki kanofi fuli ;
Efaikikite loa okoutou vosa mo okoutou taineliki,
Emaua loa e okoutou kau tupulaga ni tio,
Ti e maua loa e okoutou kau matua ni moe miti.
18 Io, ki aku tagata fakasausau mo aku fafine fakasausau,
Iaso ana, e kau tuku loa kia latou loku Laumalie ; ti e lotou faikikite loa.
19 E kau fai loa ni nea fakaofolele i aluga i le lagi
Ti mo ni milakulo i lalo i le kele,
Ei ai loa se toto, mo se afi, ti mo se afui afi ;
20 E fakapouli loa le laa,
Ti e toto loa le masina,
Imua o le soko o le aso o le Aliki,
Ole Aso lasi lena ti mo fakakololia.
21 Ti ko leia e fetapa loa ki le suafa o le Aliki, e fakamauli loa.
Ko Sesu leia na fakasa e Tavite
22Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ; 23ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala. 24Kua toe fakatuuake a ia e le Atua, o saofaki a ia mei sai o le mate, talie na leaise mafai ke taofi a ia e le mate.
25Talie na fakasa e Tavite o tosi kiate ia :
Na kau tio tuumau ki le Aliki i oku mua,
Talie e agai a ia i loku fetuu atamai, o tupu ke aua na kau siga.
26 Koia e fiafia ai loku loto, ti e fiafia lasi ai loku alelo,
Ti e nofo ai loku tino i le amanaki malie,
27 Talie e leaise ke tuku loa loku laumalie i le nofoaga o le kau mate,
Ti e leaise ke fakataga loa ke pala le tino o lou Sagato.
28 Kua ke fakasa kiate au a ala o le mauli ;
Eke fakaapele loa au ki le fiafia i lou agai.
29Fetaina, kotou fakataga mai ke kau masau fakalauatea atu kia koutou, o uiga mo lotatou tamana ko Tavite : kua mate a ia, ti kua tanu a ia, ti koi tuu nei foki lona tanuma i lotolotoga o tatou. 30Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau, 31ko le toe tuuake lena o le Kilisito na fakasa kiate ia, ti na tio a ia ki ai, ti kua fakasa fakatomua e ia, i lana pati : e leaise tuku loa e ia a ia i le nofoaga o le kau mate ti e leaise tio loa lona tino ki le pala. 32Ko le Sesu lena, leia kua toe fakatuuake e le Atua ; e motou fakamaoki fuli ki ai. 33Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.
34Talie na leaise pale Tavite ki le lagi kae na fakasa e ia totonu :
Na pati le Aliki ki loku Aliki :
Eke a koe i loku fetuu atamai,
35 O kaku ke kau fakaliliu ou fili
ko lou tekiaga vae.
36Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.
37I lalatou logo ki le masau lena, na lotou logoi i olatou loto se fakasemala lasi ai, ti na lotou pati loa kia Petelo mo la ake apositolo : Kau tagata ko fetaina, kolea le nea leia e tonu ke motou fai ?
38Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki. 39Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua. 40Ti ki ni iki ake folafola mauke ai, na fakalotoi mo fakamakeke e ia latou, o pati : Kotou sosola mei le tautupu agaveli leinei.
41Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.
Uluaki fakatasi a le kau kilisiteano
42Na lotou kataki fualoa i le akonaki a le kau apositolo, mo le komunio fakatautaina, mo le tofitofi o le pane, ti mo faikole. 43Ti na vilo ki le kakai katoa le i, ti na lasi a nea fakaofolele mo milakulo na fai e le kau apositolo. 44Ko latou fuli ala na tui na nonofo i se ganea e tasi, ti na lotou maua fakatasi a nea fuli. 45Na lotou fakatau olatou kele mo olatou koloa, ti na lotou tufatufa ia latou fuli lona paaga, o mulimuli ki le nea leia e aoga ki le tagata taki toka tasi. 46Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie, 47o fakamalo ki le Atua, ti mo alofainai e le kakai katoa. Ti na fakaulu e le Aliki i le aso taki tasi ki le Ekelesia latou fuli kua saofaki.
Currently Selected:
Gaoi 2: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020
Gaoi 2
2
Ifo o le Laumalie Maokioki
1I le aso lasi o le Penikosite, na lotou fakatasi fuli i se ganea e tasi. 2Ti fokifa kua au loa mei le lagi se gugulu ofaipe se gugulu o se matagi makeke ai, o fakaapele le fale katoa leia na lotou nonofo ai. 3Ti ko ni alelo, ofaipe ni alelo afi, na sa loa kia latou, ti na ifo loa kia latou taki toka tasi. 4Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.
5I aso ana, na nonofo i Selusalemi ni kau Sutea, tagata tausi lotu malie, mei puleaga fuli o le malama nei. 6I le logoa leia kua soko, na oso ake loa se kakai toka api, ti na lotou punamauli loa talie na tasi logo le tagata kia latou e masau ake i lana masau totonu. 7Na lotou punamauli, mo tutuu noa fuli, o fepatiaki : Ko kakai ana e masasau, pe leaise lotou Kalilea fuli ? 8Pe feaki e tou logo ai kia latou i atatou masau totonu ala na tupu ake mo tatou ? 9Ko tatou ko kau Palete, mo kau Mete, mo kau Elame ; mo la e nonofo i Mesopotamia, mo Sutea, mo Kapatose, mo Potuse, mo Asia, 10mo Filisia, mo Pafilia, mo Esipito ti mo potu o Lipia e feofi ki Silene, mo latou ala na au mei Loma, Sutea mo poloselita ; 11mo le kau Kelete mo le kau Alape. Pe feaki e tou logo ai kia latou e masau ia tou masau ki nea fulumalilie a le Atua ? 12Na lotou punamauli fuli, kae na leaise iloa sa latou manatu, ti na lotou fepatiaki : Kolea le uiga o le nea leinei ? 13Kae na gologolo ni iki, o pati : Kua lotou konana i le vino.
Uluaki akonaki a Petelo
14Ti na tuu loa Petelo ki aluga mo le tino agafulu tupu tasi, o masau leo lasi, o pati : Tagata Sutea, ti mo koutou fuli ala e nonofo i Selusalemi i aso anei, ke kotou iloa le nea leinei ti ke kotou fakalogo mai ki aku masau ! 15E leaise konana a kakai anei, ofaipe le nea leia e kotou manatu ki ai, talie ko le ola iva fai leinei o le usu.
16Kae ko le nea leinei na fakasa e le polofeta ko Soele :
17 I aso fakamuli, e pati le Atua, e kau tufaki loa loku Laumalie Maokioki ki kanofi fuli ;
Efaikikite loa okoutou vosa mo okoutou taineliki,
Emaua loa e okoutou kau tupulaga ni tio,
Ti e maua loa e okoutou kau matua ni moe miti.
18 Io, ki aku tagata fakasausau mo aku fafine fakasausau,
Iaso ana, e kau tuku loa kia latou loku Laumalie ; ti e lotou faikikite loa.
19 E kau fai loa ni nea fakaofolele i aluga i le lagi
Ti mo ni milakulo i lalo i le kele,
Ei ai loa se toto, mo se afi, ti mo se afui afi ;
20 E fakapouli loa le laa,
Ti e toto loa le masina,
Imua o le soko o le aso o le Aliki,
Ole Aso lasi lena ti mo fakakololia.
21 Ti ko leia e fetapa loa ki le suafa o le Aliki, e fakamauli loa.
Ko Sesu leia na fakasa e Tavite
22Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ; 23ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala. 24Kua toe fakatuuake a ia e le Atua, o saofaki a ia mei sai o le mate, talie na leaise mafai ke taofi a ia e le mate.
25Talie na fakasa e Tavite o tosi kiate ia :
Na kau tio tuumau ki le Aliki i oku mua,
Talie e agai a ia i loku fetuu atamai, o tupu ke aua na kau siga.
26 Koia e fiafia ai loku loto, ti e fiafia lasi ai loku alelo,
Ti e nofo ai loku tino i le amanaki malie,
27 Talie e leaise ke tuku loa loku laumalie i le nofoaga o le kau mate,
Ti e leaise ke fakataga loa ke pala le tino o lou Sagato.
28 Kua ke fakasa kiate au a ala o le mauli ;
Eke fakaapele loa au ki le fiafia i lou agai.
29Fetaina, kotou fakataga mai ke kau masau fakalauatea atu kia koutou, o uiga mo lotatou tamana ko Tavite : kua mate a ia, ti kua tanu a ia, ti koi tuu nei foki lona tanuma i lotolotoga o tatou. 30Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau, 31ko le toe tuuake lena o le Kilisito na fakasa kiate ia, ti na tio a ia ki ai, ti kua fakasa fakatomua e ia, i lana pati : e leaise tuku loa e ia a ia i le nofoaga o le kau mate ti e leaise tio loa lona tino ki le pala. 32Ko le Sesu lena, leia kua toe fakatuuake e le Atua ; e motou fakamaoki fuli ki ai. 33Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.
34Talie na leaise pale Tavite ki le lagi kae na fakasa e ia totonu :
Na pati le Aliki ki loku Aliki :
Eke a koe i loku fetuu atamai,
35 O kaku ke kau fakaliliu ou fili
ko lou tekiaga vae.
36Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.
37I lalatou logo ki le masau lena, na lotou logoi i olatou loto se fakasemala lasi ai, ti na lotou pati loa kia Petelo mo la ake apositolo : Kau tagata ko fetaina, kolea le nea leia e tonu ke motou fai ?
38Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki. 39Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua. 40Ti ki ni iki ake folafola mauke ai, na fakalotoi mo fakamakeke e ia latou, o pati : Kotou sosola mei le tautupu agaveli leinei.
41Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.
Uluaki fakatasi a le kau kilisiteano
42Na lotou kataki fualoa i le akonaki a le kau apositolo, mo le komunio fakatautaina, mo le tofitofi o le pane, ti mo faikole. 43Ti na vilo ki le kakai katoa le i, ti na lasi a nea fakaofolele mo milakulo na fai e le kau apositolo. 44Ko latou fuli ala na tui na nonofo i se ganea e tasi, ti na lotou maua fakatasi a nea fuli. 45Na lotou fakatau olatou kele mo olatou koloa, ti na lotou tufatufa ia latou fuli lona paaga, o mulimuli ki le nea leia e aoga ki le tagata taki toka tasi. 46Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie, 47o fakamalo ki le Atua, ti mo alofainai e le kakai katoa. Ti na fakaulu e le Aliki i le aso taki tasi ki le Ekelesia latou fuli kua saofaki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020