Gaoi 1
1
1Ei Teofile, na kau masau, i laku uluaki tosi, ki nea fuli ala na kamata fai e Sesu mo akonaki ki ai talu mei le kamataaga 2o kaku ki le aso leia na ave ai a ia ki Selo, i le oki o le tuku o ana fakatotonu, i le Laumalie Maokioki, ki le kau apositolo ala na filifili e ia.
3I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.
4I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou. 5Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki. 6Ti na vesili loa kiate ia le kau apositolo leia na fakatasi : Aliki, pe ko le temi koia leinei e ke toe fakatuu ai loa le Puleaga o Iselaele ? 7Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi. 8Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.
9I le oki o lana fakasa le nea lena, na ave loa a ia ki lagi, kae lotou lolotoga tio kiate ia, ti na fakamunia loa a ia e se ao ki olatou mata. 10Ti i lalatou koi tio fakamaumau ki le lagi i lana mavae, na sa mai loa ni tagata kofu tetea e toka lua kia latou, 11o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.
Talitali ki le Laumalie Maokioki
12Ti na lotou toe liliu loa ki Selusalemi mei le mauga na igoa ko le mauga o Oliveto. Na mamao le mauga lena mei le kolo i se kilometa e tasi. 13I lalatou kaku ki Selusalemi, na lotou pale loa ki le kogafale i le fata leia na lotou nonofo masani ai ; ko Petelo, mo Soane, mo Sakopo, mo Atelea, mo Filipo, mo Toma, mo Patolomeo, mo Mateo, mo Sakopo vosa o Alefeo, mo Simone ko le Selote, ti mo Suta, vosa o Saakopo. 14Na lotou loto tasi fuli o kataki fualoa i le faikole, fakatasi mo fafine, mo Malia, tinana o Sesu, ti mo fetaina o Sesu.
Filifili o Mateasi
15I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :
16Fetaina, e tonu ke fakasoko le nea leia kua fakasa fakatomua e le Laumalie Maokioki i le Tosi tapu, i le gutu o Tavite o uiga mo Sutasi, leia na taki ia latou ala na too ia Sesu. 17Talie na lau a ia mo matou, ti na kau a ia ki lamatou gaoi. 18Na totogi e le tagata lena se kele ki le paaga o le tukipo, ti na vilo a ia o fati lua i lotomalie, o ano ki tafa ona tootooga fuli. 19Na iloa le nea lena e le kakai fuli o Selusalemi, ti na lotou fakaigoa le kele lena i lalatou masau ko Akeletama, ko lona uiga : kele o le toto.
20Talie e tuu i le tosi o Pesalemo :
Ke lavaki lona nofoaga,
Ke aua na nofoi a ia e se tasi !
Ti e :
Ke too e se tasi lona tuulaga !
21Koia, ia latou ala na ano fakatasi mo matou i le temi katoa leia na feanoaki ai le Aliki Sesu mo matou, 22mei lona papitema e Soane Patita o kaku ki le aso leia na ave ai a ia ki aluga meia matou, e tonu ke i ai se tasi ke kau mo matou ki le fakamaoki o lona toe tuuake.
23Na lotou too loa se toka lua : Ko Sosefo na igoa ko Palasapasi ti na toe fakaigoa foki ko Susitusi, mo Mateasi. 24Ti na lotou fai loa le kole leinei : Aliki, ko koe leia e iloa ia a loto o tagata fuli, fakasa mai pe ko ai ia laua anei kua ke filifili, 25ke kau ki le gaoi fakaapositolo leia na tiaki e Sutasi kae ano a ia ki lona nofoaga totonu. 26Na lotou toso loa, ti na vilo loa le filifili kia Mateasi, leia na kau loa ki le kau apositolo e tino agafulu tupu tasi.
Currently Selected:
Gaoi 1: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020
Gaoi 1
1
1Ei Teofile, na kau masau, i laku uluaki tosi, ki nea fuli ala na kamata fai e Sesu mo akonaki ki ai talu mei le kamataaga 2o kaku ki le aso leia na ave ai a ia ki Selo, i le oki o le tuku o ana fakatotonu, i le Laumalie Maokioki, ki le kau apositolo ala na filifili e ia.
3I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.
4I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou. 5Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki. 6Ti na vesili loa kiate ia le kau apositolo leia na fakatasi : Aliki, pe ko le temi koia leinei e ke toe fakatuu ai loa le Puleaga o Iselaele ? 7Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi. 8Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.
9I le oki o lana fakasa le nea lena, na ave loa a ia ki lagi, kae lotou lolotoga tio kiate ia, ti na fakamunia loa a ia e se ao ki olatou mata. 10Ti i lalatou koi tio fakamaumau ki le lagi i lana mavae, na sa mai loa ni tagata kofu tetea e toka lua kia latou, 11o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.
Talitali ki le Laumalie Maokioki
12Ti na lotou toe liliu loa ki Selusalemi mei le mauga na igoa ko le mauga o Oliveto. Na mamao le mauga lena mei le kolo i se kilometa e tasi. 13I lalatou kaku ki Selusalemi, na lotou pale loa ki le kogafale i le fata leia na lotou nonofo masani ai ; ko Petelo, mo Soane, mo Sakopo, mo Atelea, mo Filipo, mo Toma, mo Patolomeo, mo Mateo, mo Sakopo vosa o Alefeo, mo Simone ko le Selote, ti mo Suta, vosa o Saakopo. 14Na lotou loto tasi fuli o kataki fualoa i le faikole, fakatasi mo fafine, mo Malia, tinana o Sesu, ti mo fetaina o Sesu.
Filifili o Mateasi
15I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :
16Fetaina, e tonu ke fakasoko le nea leia kua fakasa fakatomua e le Laumalie Maokioki i le Tosi tapu, i le gutu o Tavite o uiga mo Sutasi, leia na taki ia latou ala na too ia Sesu. 17Talie na lau a ia mo matou, ti na kau a ia ki lamatou gaoi. 18Na totogi e le tagata lena se kele ki le paaga o le tukipo, ti na vilo a ia o fati lua i lotomalie, o ano ki tafa ona tootooga fuli. 19Na iloa le nea lena e le kakai fuli o Selusalemi, ti na lotou fakaigoa le kele lena i lalatou masau ko Akeletama, ko lona uiga : kele o le toto.
20Talie e tuu i le tosi o Pesalemo :
Ke lavaki lona nofoaga,
Ke aua na nofoi a ia e se tasi !
Ti e :
Ke too e se tasi lona tuulaga !
21Koia, ia latou ala na ano fakatasi mo matou i le temi katoa leia na feanoaki ai le Aliki Sesu mo matou, 22mei lona papitema e Soane Patita o kaku ki le aso leia na ave ai a ia ki aluga meia matou, e tonu ke i ai se tasi ke kau mo matou ki le fakamaoki o lona toe tuuake.
23Na lotou too loa se toka lua : Ko Sosefo na igoa ko Palasapasi ti na toe fakaigoa foki ko Susitusi, mo Mateasi. 24Ti na lotou fai loa le kole leinei : Aliki, ko koe leia e iloa ia a loto o tagata fuli, fakasa mai pe ko ai ia laua anei kua ke filifili, 25ke kau ki le gaoi fakaapositolo leia na tiaki e Sutasi kae ano a ia ki lona nofoaga totonu. 26Na lotou toso loa, ti na vilo loa le filifili kia Mateasi, leia na kau loa ki le kau apositolo e tino agafulu tupu tasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020