SENESI 39
39
Sosefo i Esipito
1Nee ave leva ia Sosefo ki Esipito; pea ko te tagata Esipito ko Potifale, ofisa a Falaone, pule o te kau polisi, nee ina totogi leva ia ia ki te kau Isemaele ae nee natou ave ia ia ki Esipito. 2Nee nofo leva te Eteleno mo ia, pea nee alu te manuia mo ia; nee nofo ia i te fale o tona pule, te tagata Esipito. 3Nee sio leva tona pule nee nofo te Eteleno mo ia, pea nee fakamanuia leva e te Eteleno te u mea fuli i ona nima. 4Nee lelei osi ia Sosefo kia mata o tona pule, ae nee ina fakagauei leva ia ia kia ia, pea nee ina fakanofo leva ia ia ke pule ki tona fale, pea nee ina tuku leva ki ona nima ana mea fuli. 5Talu mai te aho ae nee fakanofo ai ia ia e Potifale ke pule ki tona fale mo ana mea fuli, nee tapuaki leva te Eteleno ki te fale o te tagata Esipito, o tupu ko Sosefo. Pea nee hifo leva te tapuakina a te Eteleno ki ana mea fuli, i tona loto fale, pea mo ana gaueaga. 6Pea nee tuku leva e Potifale ana mea fuli kia nima o Sosefo, pea nee mole toe tokaga leva ia ia ki he mea, gata pe ki te too o tana meakai. Nee fuafuatatau ia Sosefo mo tupulaga.
7I te osi o te u mea aia, nee laukau leva te ohoana o tona pule kia Sosefo, pea nee ina ui leva kia ia: Hau ke ta momoe! 8Kae nee fakafisi leva ia ia, o ina ui ki te ohoana o tona pule: Koeni, e mole pe kumi mai e toku pule kia au he mea i tona fale, koteuhi kua ina tuku mai ana mea fuli ki oku nima. 9E mole lahi age ia ia ia au i te fale aeni, pea e mole ina tapui he mea kia au, gata pe kia koe, koteuhi ko tona ohoana ia koe. E feafeai anai ke au fai he mea kovi feia kia ia, pea ke au toe agahala ai ki te Atua? 10Logo ai nee palalau te fafine i te u aho fuli kia Sosefo, kae nee fakafisi ai pe ia ia, ke momoe mo ia, pee ke ovi kia ia. 11Kae i he aho ae nee ulu ai ia Sosefo ki te fale, o fai tana gaue, pea nee mole nofo he tahi i te loto fale, 12nee too leva e te fafine ia Sosefo i tona kofu, o ui kia ia: Momoe mo au! Pea nee siaki leva e Sosefo tona kofu kia nima o te fafine, kae hola leva ia ia ki fafo. 13I te sio a te fafine kua hola ia Sosefo ki tua, kae nee ina siaki tona kofu i ona nima, 14nee kalaga leva ia ia ki te hahai o te fale, o ui kia natou. Koutou sio, kua ina aumai he tagata Hepeleo ke ina kakaai tatou. Nee hau te tagata aena kia au ke momoe mo au, kae nee au kalaga o leo lahi. 15I tana logo ki taku kalaga leo lahi, nee ina siaki leva tona kofu i oku tafa kae hola ia ia ki fafo. 16Pea nee tuku leva e te fafine te kofu o Sosefo i ona tafa, o kaku ki te ulu ake o tona pule ki fale. 17Pea nee ina ui leva ki tona ohoana: Ko te tagata faifekau hepeleo ae nee ke aumai kia tatou, nee hau kia au ke momoe mo au; 18kae i tana logo ki taku kalaga leo lahi, nee ina siaki leva tona kofu i oku tafa, kae hola ia ia ki fafo. 19I te logo a Potifale ki te u palalau a tona ohoana, ae nee ui leva kia ia: Koena te mea ae nee fai e tau tagata faifekau kia au! Nee ita lahi leva te pule o Sosefo. 20Pea nee ina ui leva ke puke ia Sosefo, o fakaulu ki te fale pilisoni, ki te kogamea ae e nonofo ai te kau pilisoni a te hau: pea nee nofo leva ia Sosefo i te fale pilisoni.
21Nee nofo leva te Eteleno mo Sosefo, pea nee ina fakaha leva tona agalelei kia ia. Nee ina tuku leva kia ia he kalasia ia mua o te pule o te fale pilisoni. 22Pea nee fakanofo leva e te pule o te fale pilisoni ia Sosefo ke leoleo ki te kau pilisoni katoa ae nee nonofo i te fale pilisoni. Ko ia ae nee ina taki te u gaue fuli ae nee fai e te kau pilisoni. 23Nee mole toe tokaga leva te pule o te fale pilisoni ki te u mea fuli ae kua tuku kia nima o Sosefo, koteuhi nee nofo te Eteleno mo ia. Pea nee fakamanuia leva e te Eteleno te u mea fuli ae nee ina fai.
Currently Selected:
SENESI 39: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 39
39
Sosefo i Esipito
1Nee ave leva ia Sosefo ki Esipito; pea ko te tagata Esipito ko Potifale, ofisa a Falaone, pule o te kau polisi, nee ina totogi leva ia ia ki te kau Isemaele ae nee natou ave ia ia ki Esipito. 2Nee nofo leva te Eteleno mo ia, pea nee alu te manuia mo ia; nee nofo ia i te fale o tona pule, te tagata Esipito. 3Nee sio leva tona pule nee nofo te Eteleno mo ia, pea nee fakamanuia leva e te Eteleno te u mea fuli i ona nima. 4Nee lelei osi ia Sosefo kia mata o tona pule, ae nee ina fakagauei leva ia ia kia ia, pea nee ina fakanofo leva ia ia ke pule ki tona fale, pea nee ina tuku leva ki ona nima ana mea fuli. 5Talu mai te aho ae nee fakanofo ai ia ia e Potifale ke pule ki tona fale mo ana mea fuli, nee tapuaki leva te Eteleno ki te fale o te tagata Esipito, o tupu ko Sosefo. Pea nee hifo leva te tapuakina a te Eteleno ki ana mea fuli, i tona loto fale, pea mo ana gaueaga. 6Pea nee tuku leva e Potifale ana mea fuli kia nima o Sosefo, pea nee mole toe tokaga leva ia ia ki he mea, gata pe ki te too o tana meakai. Nee fuafuatatau ia Sosefo mo tupulaga.
7I te osi o te u mea aia, nee laukau leva te ohoana o tona pule kia Sosefo, pea nee ina ui leva kia ia: Hau ke ta momoe! 8Kae nee fakafisi leva ia ia, o ina ui ki te ohoana o tona pule: Koeni, e mole pe kumi mai e toku pule kia au he mea i tona fale, koteuhi kua ina tuku mai ana mea fuli ki oku nima. 9E mole lahi age ia ia ia au i te fale aeni, pea e mole ina tapui he mea kia au, gata pe kia koe, koteuhi ko tona ohoana ia koe. E feafeai anai ke au fai he mea kovi feia kia ia, pea ke au toe agahala ai ki te Atua? 10Logo ai nee palalau te fafine i te u aho fuli kia Sosefo, kae nee fakafisi ai pe ia ia, ke momoe mo ia, pee ke ovi kia ia. 11Kae i he aho ae nee ulu ai ia Sosefo ki te fale, o fai tana gaue, pea nee mole nofo he tahi i te loto fale, 12nee too leva e te fafine ia Sosefo i tona kofu, o ui kia ia: Momoe mo au! Pea nee siaki leva e Sosefo tona kofu kia nima o te fafine, kae hola leva ia ia ki fafo. 13I te sio a te fafine kua hola ia Sosefo ki tua, kae nee ina siaki tona kofu i ona nima, 14nee kalaga leva ia ia ki te hahai o te fale, o ui kia natou. Koutou sio, kua ina aumai he tagata Hepeleo ke ina kakaai tatou. Nee hau te tagata aena kia au ke momoe mo au, kae nee au kalaga o leo lahi. 15I tana logo ki taku kalaga leo lahi, nee ina siaki leva tona kofu i oku tafa kae hola ia ia ki fafo. 16Pea nee tuku leva e te fafine te kofu o Sosefo i ona tafa, o kaku ki te ulu ake o tona pule ki fale. 17Pea nee ina ui leva ki tona ohoana: Ko te tagata faifekau hepeleo ae nee ke aumai kia tatou, nee hau kia au ke momoe mo au; 18kae i tana logo ki taku kalaga leo lahi, nee ina siaki leva tona kofu i oku tafa, kae hola ia ia ki fafo. 19I te logo a Potifale ki te u palalau a tona ohoana, ae nee ui leva kia ia: Koena te mea ae nee fai e tau tagata faifekau kia au! Nee ita lahi leva te pule o Sosefo. 20Pea nee ina ui leva ke puke ia Sosefo, o fakaulu ki te fale pilisoni, ki te kogamea ae e nonofo ai te kau pilisoni a te hau: pea nee nofo leva ia Sosefo i te fale pilisoni.
21Nee nofo leva te Eteleno mo Sosefo, pea nee ina fakaha leva tona agalelei kia ia. Nee ina tuku leva kia ia he kalasia ia mua o te pule o te fale pilisoni. 22Pea nee fakanofo leva e te pule o te fale pilisoni ia Sosefo ke leoleo ki te kau pilisoni katoa ae nee nonofo i te fale pilisoni. Ko ia ae nee ina taki te u gaue fuli ae nee fai e te kau pilisoni. 23Nee mole toe tokaga leva te pule o te fale pilisoni ki te u mea fuli ae kua tuku kia nima o Sosefo, koteuhi nee nofo te Eteleno mo ia. Pea nee fakamanuia leva e te Eteleno te u mea fuli ae nee ina fai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland