SENESI 40
40
Sosefo i te fale pilisoni
1I te osi o te u mea aia, nee fai leva e te pule vino mo te pule pane o te hau o Esipito, he hala ki tona pule, te hau o Esipito. 2Nee ita leva ia Falaone ki ana minisi, te pule vino mo te pule pane. 3Pea nee ina tuku leva naua ki te fale pilisoni, ki te fale ae nee nonofo ai te kau pilisoni a te hau, i te fahai ae nee nofo ai ia Sosefo. 4Pea nee tuku leva naua e te pule o te fale pilisoni kia nima o Sosefo, ae nee tauhi leva kia naua. Nee na nonofo leva i te fale pilisoni o fualoa.
5I he po e tahi, nee fai leva e te pule vino mo te pule pane o te hau o Esipito, ae nee pilisoni, ni ana moemisi taki tahi, o feala ke fakamahino tona uhiga. 6I he uhu ae nee ahiahi ai ia Sosefo kia naua, nee sio leva ia ia e na mata mamahi. 7Pea nee fehui leva e Sosefo ki te u minisi a Falaone: Kotea e kolua mata mamahi ai i te aho aeni? 8Nee na tali leva kia ia: Nee ma moemisi, pea e mole he tahi ke ina kikite. Nee ui leva e Sosefo kia naua: Ko te Atua toko tahi ae e feala ke ina fakamahino atu te u moemisi aena kia koulua. Koulua fakamatala mai te u moemisi kia au.
9Nee fakaha leva e te pule vino tana moemisi kia Sosefo, o ui kia ia: I taku moemisi, nee au sio nee tuu he tafito vite i oku mua. 10Nee maga tolu te tafito vite aia. Nee mauli ake leva ia o matala, pea nee fua leva ia o fuifui, pea nee momoho leva ona fui vite. 11Nee au too leva i toku nima te ipu o Falaone. Pea nee au too leva te u fuai vite o tatau ki te ipu o Falaone, pea nee au fakatoo leva te ipu ki te nima o Falaone. 12Nee ui leva e Sosefo kia ia: Koeni te fakamahino o tau moemisi: Ko te u vaa vite e tolu ko te u aho aia e tolu. 13Kei toe anai ni aho e tolu, pea e toe hiki anai ia koe e Falaone ki he tuulaga mauhiga, pea e ke toe nofo anai ki tou tuulaga mua. E ke toe fakatoo anai te ipu ki te nima o Falaone, o hage ko tau fai mahani i mua, i te temi ae nee ke pule vino ai. 14Kae e au kole atu kia koe, ke ke manatu mai kia au, i te aho ae e ke manuia ai anai. Ke ke fakaha tou ofa kia au, o palalau kia Falaone o uhiga mo au, ke au mavae la i te fale pilisoni aeni, 15koteuhi nee aumai fakamalohi au mai te fenua o te kau Hepeleo, pea i te fenua aeni, nee mole au fai he mea kovi i te fenua aeni ke pilisonii ai au.
16I te sio a te pule pane nee lelei te fakamahino e Sosefo te moemisi, pea nee ina ui leva kia ia: Nee au fai foki mo haku moemisi: nee au sio nee hili i toku ulu ni kato pane hihina e tolu. 17Ko te kato ae nee hili i oluga osi nee fonu i te faahiga keke kehekehe, ae e fia kai ki ai ia Falaone. Kae nee omai leva te u manulele o te lagi, o kai te u keke i te loto kato, i oluga o toku ulu. 18Nee tali leva e Sosefo: Koeni tona fakamahino: ko te u kato ae e tolu ko te u aho aia e tolu. 19Kei toe anai ni aho e tolu, pea e too anai e Falaone tou tuulaga ia koe. E tautau anai ia koe ki he akau, pea e omai anai te u manulele o te lagi o kai tou sino.
20Nee hili leva ki ai aho e tolu, pea nee fakamanatu leva te aho tupu o Falaone, pea nee ina fai leva he kaitahi ki ana minisi fuli. Pea nee lagai leva e Falaone te ulu o te pule vino mo te ulu o te pule pane ki ni tuulaga mauhiga, i lotomalie o ana tagata faifekau: 21Nee ina toe fakanofo leva te pule vino ki tona tuulaga, ke ina toe fakatoo te ipu ki te nima o Falaone; 22kae nee ina fakatotonu leva ke tautau te pule pane ki he akau. Nee hoko fuli leva te u mea ae nee fakaha e Sosefo.
23Nee mole toe manatu leva te pule vino kia Sosefo. Nee ina galoi osi leva ia Sosefo.
Currently Selected:
SENESI 40: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 40
40
Sosefo i te fale pilisoni
1I te osi o te u mea aia, nee fai leva e te pule vino mo te pule pane o te hau o Esipito, he hala ki tona pule, te hau o Esipito. 2Nee ita leva ia Falaone ki ana minisi, te pule vino mo te pule pane. 3Pea nee ina tuku leva naua ki te fale pilisoni, ki te fale ae nee nonofo ai te kau pilisoni a te hau, i te fahai ae nee nofo ai ia Sosefo. 4Pea nee tuku leva naua e te pule o te fale pilisoni kia nima o Sosefo, ae nee tauhi leva kia naua. Nee na nonofo leva i te fale pilisoni o fualoa.
5I he po e tahi, nee fai leva e te pule vino mo te pule pane o te hau o Esipito, ae nee pilisoni, ni ana moemisi taki tahi, o feala ke fakamahino tona uhiga. 6I he uhu ae nee ahiahi ai ia Sosefo kia naua, nee sio leva ia ia e na mata mamahi. 7Pea nee fehui leva e Sosefo ki te u minisi a Falaone: Kotea e kolua mata mamahi ai i te aho aeni? 8Nee na tali leva kia ia: Nee ma moemisi, pea e mole he tahi ke ina kikite. Nee ui leva e Sosefo kia naua: Ko te Atua toko tahi ae e feala ke ina fakamahino atu te u moemisi aena kia koulua. Koulua fakamatala mai te u moemisi kia au.
9Nee fakaha leva e te pule vino tana moemisi kia Sosefo, o ui kia ia: I taku moemisi, nee au sio nee tuu he tafito vite i oku mua. 10Nee maga tolu te tafito vite aia. Nee mauli ake leva ia o matala, pea nee fua leva ia o fuifui, pea nee momoho leva ona fui vite. 11Nee au too leva i toku nima te ipu o Falaone. Pea nee au too leva te u fuai vite o tatau ki te ipu o Falaone, pea nee au fakatoo leva te ipu ki te nima o Falaone. 12Nee ui leva e Sosefo kia ia: Koeni te fakamahino o tau moemisi: Ko te u vaa vite e tolu ko te u aho aia e tolu. 13Kei toe anai ni aho e tolu, pea e toe hiki anai ia koe e Falaone ki he tuulaga mauhiga, pea e ke toe nofo anai ki tou tuulaga mua. E ke toe fakatoo anai te ipu ki te nima o Falaone, o hage ko tau fai mahani i mua, i te temi ae nee ke pule vino ai. 14Kae e au kole atu kia koe, ke ke manatu mai kia au, i te aho ae e ke manuia ai anai. Ke ke fakaha tou ofa kia au, o palalau kia Falaone o uhiga mo au, ke au mavae la i te fale pilisoni aeni, 15koteuhi nee aumai fakamalohi au mai te fenua o te kau Hepeleo, pea i te fenua aeni, nee mole au fai he mea kovi i te fenua aeni ke pilisonii ai au.
16I te sio a te pule pane nee lelei te fakamahino e Sosefo te moemisi, pea nee ina ui leva kia ia: Nee au fai foki mo haku moemisi: nee au sio nee hili i toku ulu ni kato pane hihina e tolu. 17Ko te kato ae nee hili i oluga osi nee fonu i te faahiga keke kehekehe, ae e fia kai ki ai ia Falaone. Kae nee omai leva te u manulele o te lagi, o kai te u keke i te loto kato, i oluga o toku ulu. 18Nee tali leva e Sosefo: Koeni tona fakamahino: ko te u kato ae e tolu ko te u aho aia e tolu. 19Kei toe anai ni aho e tolu, pea e too anai e Falaone tou tuulaga ia koe. E tautau anai ia koe ki he akau, pea e omai anai te u manulele o te lagi o kai tou sino.
20Nee hili leva ki ai aho e tolu, pea nee fakamanatu leva te aho tupu o Falaone, pea nee ina fai leva he kaitahi ki ana minisi fuli. Pea nee lagai leva e Falaone te ulu o te pule vino mo te ulu o te pule pane ki ni tuulaga mauhiga, i lotomalie o ana tagata faifekau: 21Nee ina toe fakanofo leva te pule vino ki tona tuulaga, ke ina toe fakatoo te ipu ki te nima o Falaone; 22kae nee ina fakatotonu leva ke tautau te pule pane ki he akau. Nee hoko fuli leva te u mea ae nee fakaha e Sosefo.
23Nee mole toe manatu leva te pule vino kia Sosefo. Nee ina galoi osi leva ia Sosefo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland