SENESI 41
41
Sosefo ia mua o Falaone
1Hili ki ai tau e lua, nee fai leva e Falaone he moemisi: koeni nee tuu ia ia ovi ki te kauvai o te vaitafe. 2Nee sio ia ki ni pipi fafine e fitu, ae nee matalelei mo sino lelei, nee hake o kai i te gaueaga. 3Pea ko ni ihi ake pipi fafine e fitu, ae nee matakovi mo sino kovi, nee olo ake leva i onatou muli mai te vaitafe, o tutuu i onatou tafa i te laugutu o te vaitafe. 4Pea nee kai leva e te u pipi fafine matakovi mo sino kovi te u pipi fafine matalelei mo sisino. Pea nee ala leva ia Falaone.
5Nee toe moe leva ia ia, pea nee ina toe fai leva he tahi moemisi. Nee sio ia ia ki ni toulu fulumeto e fitu, ae nee matalelei mo fua lalahi nee homo ake i te tafito fulumeto e tahi. 6Pea ko ni ihi ake toulu fulumeto e fitu, ae nee paao mo mahunu i te matagi o te potu esite nee homo ake leva i onatou muli. 7Pea nee folo leva e te u toulu fulumeto paao te u toulu fulumeto fualalahi mo fualelei. Pea nee ala leva ia Falaone; koena tana moemisi. 8I te uhu, nee mamahi leva te laumalie o Falaone, pea nee ina kalagai leva te u tagata gaohi mea fakatalakitupua fuli mo te kau poto fuli o Esipito. Pea nee ina fakamatala leva kia natou ana moemisi. Kae nee mole feala ke fakamahino e he tahi te u moemisi kia Falaone.
9Pea nee palalau leva te pule vino, o ui kia Falaone: E au fakamanatu anai i te aho aeni taku hala. 10Nee ita ia Falaone ki ana tagata faifekau: pea nee ina tuku leva au ki te pilisoni mo te pule pane, ki te fale o te pule o te kau tagata leo. 11Nee ma fai toko lua leva ni moemisi i te po e tahi. Pea nee ma tahi mau leva ni fakamahino ki ama moemisi. 12I te fale pilisoni, nee ma nonofo fakatahi ai mo he tagata tupulaga Hepeleo, ko te tagata faifekau a te pule o te kau tagata leo. Nee ma fakamatala leva kia ia ama moemisi, pea nee ina fakamahino mai ama moemisi taki tahi. 13Pea nee hoko fuli leva te u mea ae nee ina fakaha mai o mulimuli ki tana fakamahino mai kia maua. Nee toe fakanofo leva au e Falaone ki toku tuulaga, kae nee tautau leva te pule pane ki te akau.
14Nee fakatotonu leva e Falaone ke avake ia Sosefo kia ia. Pea nee too fakavilivili leva ia Sosefo i te fale pilisoni. Nee ina tele leva ona kava, pea nee ina fetogi leva ona teu, pea nee alu leva ia ia kia mua o Falaone. 15Nee ui leva e Falaone kia Sosefo: Nee au fai he moemisi, pea nee mole feala ke fakamahino ia e he tahi. Pea nee au logo e ke fakamahino te u moemisi, i te osi o tau fakalogo ki ai. 16Nee tali leva e Sosefo kia Falaone: E mole ko au! Kae ko te Atua ae ka ina foaki anai he tali lelei kia Falaone.
17Nee ui leva e Falaone kia Sosefo: I taku moemisi, nee au tuu i te laugutu o te vaitafe. 18Pea nee au sio leva nee hake ake i te vaitafe ni pipi fafine e fitu, ae nee matalelei mo sisino, pea nee natou kai te vao o te gaueaga ia tafa o te vaitafe. 19Pea nee hake ake leva i muli ni ihi ake pipi fafine e fitu, ae nee sino kovi mo matakovi: nee heeki au sio i he aho ki ni pipi matakovi feia i te fenua o Esipito. 20Pea nee kai leva e te u pipi fafine te u pipi fafine sino kovi mo matakovi te u pipi sisino ae e fitu. 21Nee natou folo leva te u pipi sisino ki onatou fatu, kae nee mole pe la iloga, koteuhi nee natou sinokovi aipe o hage ko mua atu. Pea nee au ala leva. 22Nee au toe moe, pea nee au toe sio leva ki ni toulu fulumeto e fitu, ae nee fualalahi mo matalelei nee homo ake leva i he tafito fulumeto e tahi. 23Pea nee homo ake leva i muli ni ihi ake toulu fulumeto e fitu, ae nee paao mo mahunu i te matagi o te potu esite. 24Pea nee folo leva e te u toulu fulumeto paao te u toulu fulumeto matalelei ae e fitu. Koena taku moemisi; kua osi i taku fakamatala ki te kau gaohi mea fakatalakitupua, kae nee mole foaki mai e he tahi tona fakamahino kia au.
25Nee ui leva e Sosefo kia Falaone: Ko te mea ae nee moemisi ki ai Falaone ko te mea e tahi. Kua fakaha e te Atua kia Falaone te mea ae ka ina fai. 26Ko te u pipi fafine matalelei ae e fitu ko te u tau e fitu; pea ko te u toulu fulumeto matalelei ae e fitu ko te u tau aia e fitu. Ko he moemisi e tahi. 27Ko te u pipi fafine sino kovi mo matakovi ae e fitu, ae nee hake ake i muli o te u uluaki pipi fafine, ko tau aia e fitu; pea ko te u toulu fulumeto paao mo mahunu i te matagi o te potu esite, ko tau foki aena e fitu. Kae, ko ni tau hoge aia e fitu. 28Koeni te mea ae e au fakaha kia Falaone: Kua fakaha e te Atua kia Falaone te mea ae ka ina fai anai. 29Koeni, e i ai anai ni tau mahu e fitu i te fenua katoa o Esipito. 30Pea e muli mai anai ni tau hoge e fitu i te fenua katoa o Esipito. Pea e galoi anai te mahu aia i te fenua o Esipito, koteuhi e tamatei anai e te hoge te fenua. 31O tupu ko te lahi o te hoge aia ka to anai ki te fenua, e mole toe iloi anai te mahu o te fenua aeni. 32Kapau nee sio tua lua ia Falaone ki te moemisi, ko tona uhiga kua fakapapau e te Eteleno ke fai te mea aia, pea e mole toe talitali anai ia ia. 33Koia, i te aho nei, ke kumi e Falaone he tagata atamai mo poto, pea ke ina fakanofo ia ia ke pule ki te fenua o Esipito. 34Ke fakanofo foki e Falaone ni kovana i te fenua, ke natou tanaki te vaega nima o te u magisi fuli o Esipito ia tau mahu e fitu o te fenua. 35Ke natou tanaki te u meakai kehekehe fuli i te u tau lelei aeni ka hau, pea ke natou fakatuu ni fale koloa, o laku ki ai te fulumeto ke lahi he tokonaki, pea ke natou taupau te u mea fuli aia, i te pule a Falaone. 36E mau anai e Esipito he tokonaki meakai kia tau hoge ae e fitu, pea e mole mamate anai te hahai i te hoge.
Sosefo, kovana o Esipito
37Nee lelei leva te u palalau aia kia Falaone mo ana minisi fuli. 38Pea nee ui leva e Falaone ki ana minisi: E nofo te tagata aeni mo te Laumalie o te Atua. Pe e tou toe mau anai he tahi age tagata e tatau mo ia aeni? 39Pea nee ui leva e Falaone kia Sosefo: Koeni kua fakaha e te Atua kia koe te u mea fuli aeni, e mole toe mau anai he tahi age tagata ae e toe atamai mo toe poto age ia koe. 40Koia, e au fakanofo ia koe ke pule ki toku puleaga, pea e fakalogo anai taku hahai katoa ki au fakatotonu. E au mahili pe ia koe i te hekaaga fakahau. 41Nee ui leva e Falaone kia Sosefo: Sio, e au tuku atu kia koe i te aho nei te pule ki te fenua katoa o Esipito. 42Pea nee too leva e Falaone tona mama i tona nima o tuii ki te nima o Sosefo. Pea nee ina fakakofu leva ia Sosefo aki ni kofu hina matalelei, pea nee ina fakatau leva he kahoa aulo ki tona kia. 43Pea nee ina fakaheka leva ia Sosefo ki te saliote ae e hoa ake ki tana saliote, pea nee kalaga leva ia mua o Sosefo: Ke tuutuli! I te mea aia, nee fakanofo leva ia ia e Falaone ke pule ki te fenua katoa o Esipito. 44Pea nee ina toe ui foki kia Sosefo: Ko au ko Falaone! Pea e mole hiki anai e he tahi tona nima pee ko tona vae i te fenua katoa o Esipito.
Ohoana o Sosefo
45Pea nee foaki leva e Falaone kia Sosefo te higoa ko Safinati-Paeneasi; pea nee ina foaki leva kia Sosefo ia Asenate, ofafine a Potifela, ko te pelepitelo o Oni, ke ohoana mo ia. Pea nee alu leva ia Sosefo o ahiahi ki te fenua katoa o Esipito. 46Nee tau tolugofulu ia Sosefo i tana alu kia mua o te hau o Esipito ko Falaone. Pea nee mavae leva ia Sosefo maia Falaone, o alu o ahiahi ki te fenua katoa o Esipito.
47I te u tau mahu e fitu nee lahi te u fua o te kele. 48Nee tanaki leva e Sosefo te u fua fuli o te u tau aia e fitu, i te fenua katoa o Esipito. Pea nee ina fakatuu leva ni fale koloa i te u kolo fuli, o tuku ki ai te u fua o te u gaueaga i onatou tafatafa. 49Nee tanaki leva e Sosefo te fulumeto o tatau mo te one o te tai, pea nee mole kei feala tona lau.
Tupu o Manase mo Efalaimi
50I mua o te u tau hoge, nee tupu leva kia Sosefo ni foha e lua, ae nee fanaui e Asenate, ofafine o Potifale, ko te pelepitelo o Oni. 51Nee foaki leva e Sosefo ki tona foha uluaki te higoa ko Manase, koteuhi nee ina ui: Kua tuku e te Atua ke au galoi oku mamahi fuli mo taku mamao mai te fale katoa o taku tamai. 52Pea nee ina foaki leva ki te lua foha te higoa ko Efalaimi, koteuhi nee ina ui: Kua foaki mai e te Atua kia au ni fanau i te fenua aeni nee au mamahi lahi ai.
53Pea nee osi leva te u tau mahu e fitu i Esipito. 54Pea nee kamata leva te u tau hoge e fitu, o hage pe ko tona kua fakaha e Sosefo. Nee to leva te hoge i te u fenua fuli, kae nee mau pe te pane i te fenua katoa o Esipito. 55I te aho ae nee kamata pakupaku ai leva te hahai o te fenua o Esipito, nee natou tagi leva kia Falaone ke foaki age he pane kia natou. Nee ui fenei leva e Falaone ki te kau Esipito fuli: Kotou olo kia Sosefo, pea koutou fai te mea ae e ina fakatotonu atu kia koutou. 56Nee kovi osi te hoge i te fenua katoa, pea nee avahi leva e Sosefo te u kogamea fuli ae nee tanaki ai te u meakai, pea nee ina fakatau leva te fulumeto ki te kau Esipito. Nee toe kovi age osi te hoge i te fenua o Esipito. 57Pea nee omai leva mai te u fenua fuli ki Esipito o totogi fulumeto ia Sosefo, koteuhi nee kovi osi te hoge i te u fenua fuli.
Currently Selected:
SENESI 41: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 41
41
Sosefo ia mua o Falaone
1Hili ki ai tau e lua, nee fai leva e Falaone he moemisi: koeni nee tuu ia ia ovi ki te kauvai o te vaitafe. 2Nee sio ia ki ni pipi fafine e fitu, ae nee matalelei mo sino lelei, nee hake o kai i te gaueaga. 3Pea ko ni ihi ake pipi fafine e fitu, ae nee matakovi mo sino kovi, nee olo ake leva i onatou muli mai te vaitafe, o tutuu i onatou tafa i te laugutu o te vaitafe. 4Pea nee kai leva e te u pipi fafine matakovi mo sino kovi te u pipi fafine matalelei mo sisino. Pea nee ala leva ia Falaone.
5Nee toe moe leva ia ia, pea nee ina toe fai leva he tahi moemisi. Nee sio ia ia ki ni toulu fulumeto e fitu, ae nee matalelei mo fua lalahi nee homo ake i te tafito fulumeto e tahi. 6Pea ko ni ihi ake toulu fulumeto e fitu, ae nee paao mo mahunu i te matagi o te potu esite nee homo ake leva i onatou muli. 7Pea nee folo leva e te u toulu fulumeto paao te u toulu fulumeto fualalahi mo fualelei. Pea nee ala leva ia Falaone; koena tana moemisi. 8I te uhu, nee mamahi leva te laumalie o Falaone, pea nee ina kalagai leva te u tagata gaohi mea fakatalakitupua fuli mo te kau poto fuli o Esipito. Pea nee ina fakamatala leva kia natou ana moemisi. Kae nee mole feala ke fakamahino e he tahi te u moemisi kia Falaone.
9Pea nee palalau leva te pule vino, o ui kia Falaone: E au fakamanatu anai i te aho aeni taku hala. 10Nee ita ia Falaone ki ana tagata faifekau: pea nee ina tuku leva au ki te pilisoni mo te pule pane, ki te fale o te pule o te kau tagata leo. 11Nee ma fai toko lua leva ni moemisi i te po e tahi. Pea nee ma tahi mau leva ni fakamahino ki ama moemisi. 12I te fale pilisoni, nee ma nonofo fakatahi ai mo he tagata tupulaga Hepeleo, ko te tagata faifekau a te pule o te kau tagata leo. Nee ma fakamatala leva kia ia ama moemisi, pea nee ina fakamahino mai ama moemisi taki tahi. 13Pea nee hoko fuli leva te u mea ae nee ina fakaha mai o mulimuli ki tana fakamahino mai kia maua. Nee toe fakanofo leva au e Falaone ki toku tuulaga, kae nee tautau leva te pule pane ki te akau.
14Nee fakatotonu leva e Falaone ke avake ia Sosefo kia ia. Pea nee too fakavilivili leva ia Sosefo i te fale pilisoni. Nee ina tele leva ona kava, pea nee ina fetogi leva ona teu, pea nee alu leva ia ia kia mua o Falaone. 15Nee ui leva e Falaone kia Sosefo: Nee au fai he moemisi, pea nee mole feala ke fakamahino ia e he tahi. Pea nee au logo e ke fakamahino te u moemisi, i te osi o tau fakalogo ki ai. 16Nee tali leva e Sosefo kia Falaone: E mole ko au! Kae ko te Atua ae ka ina foaki anai he tali lelei kia Falaone.
17Nee ui leva e Falaone kia Sosefo: I taku moemisi, nee au tuu i te laugutu o te vaitafe. 18Pea nee au sio leva nee hake ake i te vaitafe ni pipi fafine e fitu, ae nee matalelei mo sisino, pea nee natou kai te vao o te gaueaga ia tafa o te vaitafe. 19Pea nee hake ake leva i muli ni ihi ake pipi fafine e fitu, ae nee sino kovi mo matakovi: nee heeki au sio i he aho ki ni pipi matakovi feia i te fenua o Esipito. 20Pea nee kai leva e te u pipi fafine te u pipi fafine sino kovi mo matakovi te u pipi sisino ae e fitu. 21Nee natou folo leva te u pipi sisino ki onatou fatu, kae nee mole pe la iloga, koteuhi nee natou sinokovi aipe o hage ko mua atu. Pea nee au ala leva. 22Nee au toe moe, pea nee au toe sio leva ki ni toulu fulumeto e fitu, ae nee fualalahi mo matalelei nee homo ake leva i he tafito fulumeto e tahi. 23Pea nee homo ake leva i muli ni ihi ake toulu fulumeto e fitu, ae nee paao mo mahunu i te matagi o te potu esite. 24Pea nee folo leva e te u toulu fulumeto paao te u toulu fulumeto matalelei ae e fitu. Koena taku moemisi; kua osi i taku fakamatala ki te kau gaohi mea fakatalakitupua, kae nee mole foaki mai e he tahi tona fakamahino kia au.
25Nee ui leva e Sosefo kia Falaone: Ko te mea ae nee moemisi ki ai Falaone ko te mea e tahi. Kua fakaha e te Atua kia Falaone te mea ae ka ina fai. 26Ko te u pipi fafine matalelei ae e fitu ko te u tau e fitu; pea ko te u toulu fulumeto matalelei ae e fitu ko te u tau aia e fitu. Ko he moemisi e tahi. 27Ko te u pipi fafine sino kovi mo matakovi ae e fitu, ae nee hake ake i muli o te u uluaki pipi fafine, ko tau aia e fitu; pea ko te u toulu fulumeto paao mo mahunu i te matagi o te potu esite, ko tau foki aena e fitu. Kae, ko ni tau hoge aia e fitu. 28Koeni te mea ae e au fakaha kia Falaone: Kua fakaha e te Atua kia Falaone te mea ae ka ina fai anai. 29Koeni, e i ai anai ni tau mahu e fitu i te fenua katoa o Esipito. 30Pea e muli mai anai ni tau hoge e fitu i te fenua katoa o Esipito. Pea e galoi anai te mahu aia i te fenua o Esipito, koteuhi e tamatei anai e te hoge te fenua. 31O tupu ko te lahi o te hoge aia ka to anai ki te fenua, e mole toe iloi anai te mahu o te fenua aeni. 32Kapau nee sio tua lua ia Falaone ki te moemisi, ko tona uhiga kua fakapapau e te Eteleno ke fai te mea aia, pea e mole toe talitali anai ia ia. 33Koia, i te aho nei, ke kumi e Falaone he tagata atamai mo poto, pea ke ina fakanofo ia ia ke pule ki te fenua o Esipito. 34Ke fakanofo foki e Falaone ni kovana i te fenua, ke natou tanaki te vaega nima o te u magisi fuli o Esipito ia tau mahu e fitu o te fenua. 35Ke natou tanaki te u meakai kehekehe fuli i te u tau lelei aeni ka hau, pea ke natou fakatuu ni fale koloa, o laku ki ai te fulumeto ke lahi he tokonaki, pea ke natou taupau te u mea fuli aia, i te pule a Falaone. 36E mau anai e Esipito he tokonaki meakai kia tau hoge ae e fitu, pea e mole mamate anai te hahai i te hoge.
Sosefo, kovana o Esipito
37Nee lelei leva te u palalau aia kia Falaone mo ana minisi fuli. 38Pea nee ui leva e Falaone ki ana minisi: E nofo te tagata aeni mo te Laumalie o te Atua. Pe e tou toe mau anai he tahi age tagata e tatau mo ia aeni? 39Pea nee ui leva e Falaone kia Sosefo: Koeni kua fakaha e te Atua kia koe te u mea fuli aeni, e mole toe mau anai he tahi age tagata ae e toe atamai mo toe poto age ia koe. 40Koia, e au fakanofo ia koe ke pule ki toku puleaga, pea e fakalogo anai taku hahai katoa ki au fakatotonu. E au mahili pe ia koe i te hekaaga fakahau. 41Nee ui leva e Falaone kia Sosefo: Sio, e au tuku atu kia koe i te aho nei te pule ki te fenua katoa o Esipito. 42Pea nee too leva e Falaone tona mama i tona nima o tuii ki te nima o Sosefo. Pea nee ina fakakofu leva ia Sosefo aki ni kofu hina matalelei, pea nee ina fakatau leva he kahoa aulo ki tona kia. 43Pea nee ina fakaheka leva ia Sosefo ki te saliote ae e hoa ake ki tana saliote, pea nee kalaga leva ia mua o Sosefo: Ke tuutuli! I te mea aia, nee fakanofo leva ia ia e Falaone ke pule ki te fenua katoa o Esipito. 44Pea nee ina toe ui foki kia Sosefo: Ko au ko Falaone! Pea e mole hiki anai e he tahi tona nima pee ko tona vae i te fenua katoa o Esipito.
Ohoana o Sosefo
45Pea nee foaki leva e Falaone kia Sosefo te higoa ko Safinati-Paeneasi; pea nee ina foaki leva kia Sosefo ia Asenate, ofafine a Potifela, ko te pelepitelo o Oni, ke ohoana mo ia. Pea nee alu leva ia Sosefo o ahiahi ki te fenua katoa o Esipito. 46Nee tau tolugofulu ia Sosefo i tana alu kia mua o te hau o Esipito ko Falaone. Pea nee mavae leva ia Sosefo maia Falaone, o alu o ahiahi ki te fenua katoa o Esipito.
47I te u tau mahu e fitu nee lahi te u fua o te kele. 48Nee tanaki leva e Sosefo te u fua fuli o te u tau aia e fitu, i te fenua katoa o Esipito. Pea nee ina fakatuu leva ni fale koloa i te u kolo fuli, o tuku ki ai te u fua o te u gaueaga i onatou tafatafa. 49Nee tanaki leva e Sosefo te fulumeto o tatau mo te one o te tai, pea nee mole kei feala tona lau.
Tupu o Manase mo Efalaimi
50I mua o te u tau hoge, nee tupu leva kia Sosefo ni foha e lua, ae nee fanaui e Asenate, ofafine o Potifale, ko te pelepitelo o Oni. 51Nee foaki leva e Sosefo ki tona foha uluaki te higoa ko Manase, koteuhi nee ina ui: Kua tuku e te Atua ke au galoi oku mamahi fuli mo taku mamao mai te fale katoa o taku tamai. 52Pea nee ina foaki leva ki te lua foha te higoa ko Efalaimi, koteuhi nee ina ui: Kua foaki mai e te Atua kia au ni fanau i te fenua aeni nee au mamahi lahi ai.
53Pea nee osi leva te u tau mahu e fitu i Esipito. 54Pea nee kamata leva te u tau hoge e fitu, o hage pe ko tona kua fakaha e Sosefo. Nee to leva te hoge i te u fenua fuli, kae nee mau pe te pane i te fenua katoa o Esipito. 55I te aho ae nee kamata pakupaku ai leva te hahai o te fenua o Esipito, nee natou tagi leva kia Falaone ke foaki age he pane kia natou. Nee ui fenei leva e Falaone ki te kau Esipito fuli: Kotou olo kia Sosefo, pea koutou fai te mea ae e ina fakatotonu atu kia koutou. 56Nee kovi osi te hoge i te fenua katoa, pea nee avahi leva e Sosefo te u kogamea fuli ae nee tanaki ai te u meakai, pea nee ina fakatau leva te fulumeto ki te kau Esipito. Nee toe kovi age osi te hoge i te fenua o Esipito. 57Pea nee omai leva mai te u fenua fuli ki Esipito o totogi fulumeto ia Sosefo, koteuhi nee kovi osi te hoge i te u fenua fuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland