SENESI 42
42
Te u tehina o Sosefo i Esipito
1Nee sio leva ia Sakopo nee mau te fulumeto i Esipito, pea nee ina ui leva ki ona foha: Kotea ae e koutou fesioaki ai ia koutou? 2Koeni, e au logo e mau he fulumeto i Esipito. Koutou hihifo ki ai o totogi mai he fulumeto ke tou mauli ai, pea ke aua naa tou mamate.
3Nee hihifo leva te u tehina e toko hogofulu o Sosefo ki Esipito, o totogi fulumeto. 4Nee mole tuku e Sakopo ia Pesamino, tehina o Sosefo, ke alu mo natou, koteuhi nee mataku ia Sakopo naa hoko he mea kovi kia ia. 5Pea nee olo leva te u foha o Iselaele o totogi fulumeto mai Esipito, mo te hahai ae nee olo o totogi fulumeto, koteuhi nee toe kovi foki te hoge i te fenua o Kanaane.
Ahiahii e Sosefo ona tehina
6Nee pule ia Sosefo i te fenua; ko ia ae nee ina fakatau te fulumeto ki te hahai katoa o te fenua. Pea nee omai leva te u tehina o Sosefo o punou ki te kele i ona mua. 7Nee sio leva ia Sosefo ki ona tehina, pea nee ina iloi leva natou. Kae nee hage ia ia kia natou ko he mea kehe, pea nee palalau malohi leva ia ia kia natou, o ui: E koutou omai mai fea? Nee natou tali leva: E matou omai mai te fenua o Kanaane, o totogi meakai. 8Nee iloi leva e Sosefo ona tehina, kae nee mole natou iloi ia ia.
9Nee manatui leva e Sosefo te u moemisi ae nee ina fai o uhiga mo natou, pea nee ina ui leva kia natou: Ko ni tagata kaka koutou; nee koutou omai ke koutou sio ki te u kogamea gaegae o te fenua. 10Nee natou tali leva kia Sosefo: Kailoa! Toku aliki! Nee omai au tagata faifekau o totogi fulumeto. 11Ko te u foha fuli matou o te tagata e tahi; e matou fakaha te mooni, e mole matou kaka. 12Nee ui leva e Sosefo kia natou: E mole au tui. Nee koutou omai o sio ki te u kogamea gaegae o te fenua. 13Nee natou tali leva: Ko au tagata faifekau matou, ko te kau tau tehina matou nee toko hogofulu ma lua, ko te u foha fuli matou o te tagata e tahi i te fenua o Kanaane: pea e nofo ia ia ae e muli i te aho nei mo tamatou tamai, kae kua puli te tahi. 14Nee ui leva e Sosefo kia natou: E au ui atu e mooni ko ni tagata kaka koutou. 15E au ahiahii anai koutou i te mea aeni. I te higoa o Falaone, e au fakapapau atu kia koutou e mole koutou mavae anai i te fenua aeni ia mua o te aumai o tokotou tehina muli ki heni. 16Koutou fekaui he tahi ia koutou ke alu o kumi mai tokotou tehina; kae ko koutou age ae, e koutou nonofo anai i te fale pilisoni. E ahiahii anai akotou palalau, pea e au iloi anai pe e nofo te mooni ia koutou. Pea kapau e kailoa, i te mauli o Falaone, ko ni tagata kaka koutou. 17Pea nee tuku leva natou e Sosefo ki te fale pilisoni ia aho e tolu.
18I te tolu aho, nee ui leva e Sosefo kia natou: Koutou fai te mea aeni, pea e koutou mauli anai. E au mataku ki te Atua! 19Kapau e koutou mooni, pea ke nofo anai he tahi ia koutou i te fale pilisoni; kae ko koutou ake ae, ke kotou toe liliu o ave he fulumeto ke mauli ai okotou famili, 20pea ke koutou aumai ki heni tokotou tehina muli, ke ahiahii ai akotou palalau, pea ke aua naa koutou mamate ai. Pea nee natou fai leva ki ai.
Pilisoni o Simeone
21Nee natou feuiaki leva ia natou: Io, kua hoko te mamahi aeni kia tatou o tupu ko tatatou agahala ae nee tou fai ki totatou tehina: Koteuhi nee tou sio ki te mamahi o tona loto, i tana tagi mai kia tatou ke tou ofa age kia ia, kae nee mole tou tokagai ia ia! 22Nee palalau leva ia Lupeni kia natou, o ui: Pe nee mole au ui atu kia koutou ke aua naa koutou fai he mea kovi ki te fanau? Kae nee mole pe koutou fakalogo mai kia au. Pea koeni, kua tou totogi leva tona toto. 23Nee mole natou iloi nee logo ia Sosefo ki anatou palalau, koteuhi nee fakaaoga e Sosefo he tagata fakahoko lea kia natou. 24Nee fakamamao leva ia Sosefo ia natou o tagi. Pea nee toe liliu mai leva ia ia o palalau kia natou; pea nee ina too leva ia Simeone, o fakatotonu ke hai ia ia aki he seini i onatou mua.
25Pea nee fakatotonu leva e Sosefo ke fakafonu anatou taga aki te fulumeto, pea ke toe tuku anatou paaga ki loto o anatou taga, pea ke toe foaki kia natou ni meakai ki te ala. Pea nee fai leva ki ai. 26Nee natou hili leva anatou taga fulumeto ki anatou asino, pea nee natou olo ai leva.
27Nee avahi leva e he tahi o natou tana taga, ke fafaga tana asino, i te kogamea ae nee tonu ke natou nonofo ai i te pouli, pea nee sio leva ia ia ki te paaga ae nee tuku i te gutu o tana taga. 28Nee ina ui leva ki ona tehina: Kua toe fakaliliu mai kia au taku paaga! Koeni te paaga i taku taga. Nee natou matataku lahi osi, pea nee natou feuiaki leva ia natou, o manavahe: Kotea te mea ae kua fai e te Atua kia tatou?
29Nee natou toe liliu leva ki tanatou tamai ko Sakopo, i te fenua o Kanaane, pea nee natou fakamatala leva kia ia te u mea fuli ae nee hoko kia natou. Nee natou ui leva. 30Ko te tagata ae e kovana i te fenua nee palalau malohi mai kia matou, pea nee ina ui ko ni tagata kaka matou. 31Nee matou ui kia ia: E matou fakaha te mooni, e mole matou kaka. 32Ko matou ko ni kau tautehina e hogofulu ma lua, ko te u foha fuli matou o te tagata e tahi, tamatou tamai: kua puli te tahi, pea e nofo te muli i te aho aeni mo tamatou tamai i te fenua o Kanaane. 33Pea ko te tagata, ae ko te aliki o te fenua, nee ina ui mai leva kia matou: Koeni te mea ae e au iloi ai leva pe e koutou mooni. Koutou tuku he tahi o koutou ke nofo mo au, pea koutou too he mea ke mauli ai okotou famili, pea koutou olo, pea koutou aumai kia au tokotou tehina muli. 34E au iloi anai i ai e mole ko ni tagata kaka koutou, kae e koutou fakaha te mooni; e au tuku atu anai tokotou tehina, pea e feala anai ke koutou feoloaki faitaliha i te fenua.
35Nee natou liligi leva anatou taga, pea nee natou mau leva anatou taga paaga i loto. Nee natou sio fuli leva ki anatou taga paaga, pea nee toe sio foki ki ai tanatou tamai ko Sakopo, pea nee natou matataku fuli.
36Nee ui leva e tanatou tamai ko Sakopo kia natou: Kua au nofo i te aho nei, o hala mo aku fanau e toko lua, o tupu ko koutou! Kua puli ia Sosefo, pea kua puli mo Simeone, pea e koutou loto ke toe too mo Pesamino! Ko au ae e to ki ai te u mea fuli aia. 37Nee tali leva e Lupeni ki tana tamai: E ke tamatei anai oku foha e lua mo kapau e mole au toe liufaki mai kia koe tou foha ko Pesamino; tuku mai ia ia kia au, pea e au toe liufaki mai anai ia ia kia koe. 38Nee ui leva e Sakopo: E mole hifo anai toku foha ki Esipito mo koutou; koteuhi kua mate tona tehina, pea e toko tahi ia ia; kapau e hoko kia ia he malaia i te fagona ae ka koutou fai, e koutou fakahifo anai toku ulu hina i te mamahi ki te nofoaga o te kau mate.
Currently Selected:
SENESI 42: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SENESI 42
42
Te u tehina o Sosefo i Esipito
1Nee sio leva ia Sakopo nee mau te fulumeto i Esipito, pea nee ina ui leva ki ona foha: Kotea ae e koutou fesioaki ai ia koutou? 2Koeni, e au logo e mau he fulumeto i Esipito. Koutou hihifo ki ai o totogi mai he fulumeto ke tou mauli ai, pea ke aua naa tou mamate.
3Nee hihifo leva te u tehina e toko hogofulu o Sosefo ki Esipito, o totogi fulumeto. 4Nee mole tuku e Sakopo ia Pesamino, tehina o Sosefo, ke alu mo natou, koteuhi nee mataku ia Sakopo naa hoko he mea kovi kia ia. 5Pea nee olo leva te u foha o Iselaele o totogi fulumeto mai Esipito, mo te hahai ae nee olo o totogi fulumeto, koteuhi nee toe kovi foki te hoge i te fenua o Kanaane.
Ahiahii e Sosefo ona tehina
6Nee pule ia Sosefo i te fenua; ko ia ae nee ina fakatau te fulumeto ki te hahai katoa o te fenua. Pea nee omai leva te u tehina o Sosefo o punou ki te kele i ona mua. 7Nee sio leva ia Sosefo ki ona tehina, pea nee ina iloi leva natou. Kae nee hage ia ia kia natou ko he mea kehe, pea nee palalau malohi leva ia ia kia natou, o ui: E koutou omai mai fea? Nee natou tali leva: E matou omai mai te fenua o Kanaane, o totogi meakai. 8Nee iloi leva e Sosefo ona tehina, kae nee mole natou iloi ia ia.
9Nee manatui leva e Sosefo te u moemisi ae nee ina fai o uhiga mo natou, pea nee ina ui leva kia natou: Ko ni tagata kaka koutou; nee koutou omai ke koutou sio ki te u kogamea gaegae o te fenua. 10Nee natou tali leva kia Sosefo: Kailoa! Toku aliki! Nee omai au tagata faifekau o totogi fulumeto. 11Ko te u foha fuli matou o te tagata e tahi; e matou fakaha te mooni, e mole matou kaka. 12Nee ui leva e Sosefo kia natou: E mole au tui. Nee koutou omai o sio ki te u kogamea gaegae o te fenua. 13Nee natou tali leva: Ko au tagata faifekau matou, ko te kau tau tehina matou nee toko hogofulu ma lua, ko te u foha fuli matou o te tagata e tahi i te fenua o Kanaane: pea e nofo ia ia ae e muli i te aho nei mo tamatou tamai, kae kua puli te tahi. 14Nee ui leva e Sosefo kia natou: E au ui atu e mooni ko ni tagata kaka koutou. 15E au ahiahii anai koutou i te mea aeni. I te higoa o Falaone, e au fakapapau atu kia koutou e mole koutou mavae anai i te fenua aeni ia mua o te aumai o tokotou tehina muli ki heni. 16Koutou fekaui he tahi ia koutou ke alu o kumi mai tokotou tehina; kae ko koutou age ae, e koutou nonofo anai i te fale pilisoni. E ahiahii anai akotou palalau, pea e au iloi anai pe e nofo te mooni ia koutou. Pea kapau e kailoa, i te mauli o Falaone, ko ni tagata kaka koutou. 17Pea nee tuku leva natou e Sosefo ki te fale pilisoni ia aho e tolu.
18I te tolu aho, nee ui leva e Sosefo kia natou: Koutou fai te mea aeni, pea e koutou mauli anai. E au mataku ki te Atua! 19Kapau e koutou mooni, pea ke nofo anai he tahi ia koutou i te fale pilisoni; kae ko koutou ake ae, ke kotou toe liliu o ave he fulumeto ke mauli ai okotou famili, 20pea ke koutou aumai ki heni tokotou tehina muli, ke ahiahii ai akotou palalau, pea ke aua naa koutou mamate ai. Pea nee natou fai leva ki ai.
Pilisoni o Simeone
21Nee natou feuiaki leva ia natou: Io, kua hoko te mamahi aeni kia tatou o tupu ko tatatou agahala ae nee tou fai ki totatou tehina: Koteuhi nee tou sio ki te mamahi o tona loto, i tana tagi mai kia tatou ke tou ofa age kia ia, kae nee mole tou tokagai ia ia! 22Nee palalau leva ia Lupeni kia natou, o ui: Pe nee mole au ui atu kia koutou ke aua naa koutou fai he mea kovi ki te fanau? Kae nee mole pe koutou fakalogo mai kia au. Pea koeni, kua tou totogi leva tona toto. 23Nee mole natou iloi nee logo ia Sosefo ki anatou palalau, koteuhi nee fakaaoga e Sosefo he tagata fakahoko lea kia natou. 24Nee fakamamao leva ia Sosefo ia natou o tagi. Pea nee toe liliu mai leva ia ia o palalau kia natou; pea nee ina too leva ia Simeone, o fakatotonu ke hai ia ia aki he seini i onatou mua.
25Pea nee fakatotonu leva e Sosefo ke fakafonu anatou taga aki te fulumeto, pea ke toe tuku anatou paaga ki loto o anatou taga, pea ke toe foaki kia natou ni meakai ki te ala. Pea nee fai leva ki ai. 26Nee natou hili leva anatou taga fulumeto ki anatou asino, pea nee natou olo ai leva.
27Nee avahi leva e he tahi o natou tana taga, ke fafaga tana asino, i te kogamea ae nee tonu ke natou nonofo ai i te pouli, pea nee sio leva ia ia ki te paaga ae nee tuku i te gutu o tana taga. 28Nee ina ui leva ki ona tehina: Kua toe fakaliliu mai kia au taku paaga! Koeni te paaga i taku taga. Nee natou matataku lahi osi, pea nee natou feuiaki leva ia natou, o manavahe: Kotea te mea ae kua fai e te Atua kia tatou?
29Nee natou toe liliu leva ki tanatou tamai ko Sakopo, i te fenua o Kanaane, pea nee natou fakamatala leva kia ia te u mea fuli ae nee hoko kia natou. Nee natou ui leva. 30Ko te tagata ae e kovana i te fenua nee palalau malohi mai kia matou, pea nee ina ui ko ni tagata kaka matou. 31Nee matou ui kia ia: E matou fakaha te mooni, e mole matou kaka. 32Ko matou ko ni kau tautehina e hogofulu ma lua, ko te u foha fuli matou o te tagata e tahi, tamatou tamai: kua puli te tahi, pea e nofo te muli i te aho aeni mo tamatou tamai i te fenua o Kanaane. 33Pea ko te tagata, ae ko te aliki o te fenua, nee ina ui mai leva kia matou: Koeni te mea ae e au iloi ai leva pe e koutou mooni. Koutou tuku he tahi o koutou ke nofo mo au, pea koutou too he mea ke mauli ai okotou famili, pea koutou olo, pea koutou aumai kia au tokotou tehina muli. 34E au iloi anai i ai e mole ko ni tagata kaka koutou, kae e koutou fakaha te mooni; e au tuku atu anai tokotou tehina, pea e feala anai ke koutou feoloaki faitaliha i te fenua.
35Nee natou liligi leva anatou taga, pea nee natou mau leva anatou taga paaga i loto. Nee natou sio fuli leva ki anatou taga paaga, pea nee toe sio foki ki ai tanatou tamai ko Sakopo, pea nee natou matataku fuli.
36Nee ui leva e tanatou tamai ko Sakopo kia natou: Kua au nofo i te aho nei, o hala mo aku fanau e toko lua, o tupu ko koutou! Kua puli ia Sosefo, pea kua puli mo Simeone, pea e koutou loto ke toe too mo Pesamino! Ko au ae e to ki ai te u mea fuli aia. 37Nee tali leva e Lupeni ki tana tamai: E ke tamatei anai oku foha e lua mo kapau e mole au toe liufaki mai kia koe tou foha ko Pesamino; tuku mai ia ia kia au, pea e au toe liufaki mai anai ia ia kia koe. 38Nee ui leva e Sakopo: E mole hifo anai toku foha ki Esipito mo koutou; koteuhi kua mate tona tehina, pea e toko tahi ia ia; kapau e hoko kia ia he malaia i te fagona ae ka koutou fai, e koutou fakahifo anai toku ulu hina i te mamahi ki te nofoaga o te kau mate.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland