John 13
13
Jisü no Pa Khopemiqo Pukhu Qhutsü
1Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.
2Avela ghulhu shi akelo, tüghami no Simon nu Judas Iscariot pelo Jisü pesü thechu shive peniye kiteve ke. 3Jisü ye Apù no thime kümtsü pa küká qholo qhipüani kepi ithi ake, eno pa ye Alhou lau no ighi eno Alhou lau idechile wucheni kepi ithi ake; 4ike pa no aghulhu-a lono ithu no pa phì khalau xaqhive püzü küghüsüpuphi pesü pa chita khapuluve. 5Tipathiu, pa no chithakhu lakhi lo azü lesü no pa khopemiqo pukhu qhutsü no pa chita lo khapu akeu küghüsüpuphi pesü panongu pukhu isüve tsü.
6Pa no Simon Peter lau ighi, ikelo Peter no pa vilo ishi pi, “Ampeu, no ye I pukhu qhutsü niye ani keshea?”
7Jisü no khochile, “I no itehi kiu shi ani keno no ye vethamla nani, ikemu nono kutou no vethalu nanie.”
8Peter no pi, “Moe, O pelo khilemu I pukhu qhupemoe.”
Jisü no khochile, “I no O pukhu qhutsümo ke thaqhülo no ye Iw shimla nani.”
9Simon Peter no khochile, “Ampeu, tishiaye I pukhu likhi kumo no I u ngò I kütsü ghí qhu tsülo.”
10Jisü no khochile, “Khunoqo no azü kuchhuvea keno panongu ye apukhu likhi qhuve kepue kughengu panongu phimpi kuchopu mithe anike. Eno kümtsü ye kumo kemu nongu ye mithe ani.” 11Kughengu pa ye khuu no pa pesü thechu shive niye ani keno ithi ake, eno tighenguno pa no kümtsü ye mithe akeu kumoe ipi ke.
12Kughou pa no panongu pukhu qhü tave keno, pa no pa phì uluve no pa-a lo idechile wo ngove. Pa no panongu vilo iniju, “I no nongu ghenguno kiu shive tsü akeno nongu ye vethalu ani kema? 13Nongu no I vilo ‘Akükütsüu,’ eno ‘Ampeu,’ ipi ku cheni, eno tishi ku keu ye achipi, kughengu tino ni ke. 14Itehi ye ni, nongu Mpeu eno Kükütsüu, no nongu pukhu qhuvetsü ake, nongu ghí lakhi no lakhi pukhu qhutsü moayesae. 15I no nongu ghenguno kiu shi keno nongu pelo tishi peniye nongu lau kiche-kipiye shive tsüae. 16Kuchou no I no nongu vilo pìní, aqemi lakhi ye pa mpeu nguno akijeu kumoe, momu aghinikishiu lakhi ye pa puwu keu nguno akijeu kumoe. 17Itehi nongu ye hipaqo ithive ake, nongu no hipaqo shi aye mügha nani.
Jisü no Pa Thechu Shini keu Ghili Pichho
18“Ni ye nongu kümtsü ghili piamoe; Ni ye I no kisheluve kemiqo ithi ani. Ikemu hiye Kuchoyesü hipau shikupu niye ke: ‘I sasü asho kijechu keu hu no I ghümi shivae.’#13:18 Leshe 41:9
19“Tishi mphi züu no I no nongu vilo itehi no pive ani, tishianguno kughou tipau shini keno Ni ye Ni kepi nongu no pülü nani. 20Kuchou no I no nongu vilo pìní, khukhumu I no puwu keu ikhilu keu ye ni ikhilu ani; eno khukhumu ni ikhilu keu ye I puwu akeu ikhilu ani.”
21Hipau pive kethiu Jisü ye alokhümüive püzü ishi asheshu, “Kuchou no I no nongu vilo pìní, nongu lakhi no I pesü thechu shive niye anie.”
22Pa khopemiqo ye panongu dolo khiu piani keno mtha kelau no lakhi no lakhi jua. 23Panongu dolo Jisü no kimiye chekeu akhopeu ye Jisü phivilo mungupe ae. 24Simon Peter no akhopemiqo vilo pa u kihi ghi pi, “Pa ye khuu piani keno pa vilo iniju lo.”
25Jisü mungupe ngo no, pa no Jisü vilo iniju, “Ampeu, tiye khuu kea?”
26Jisü no khochile, “I no akhu lo asho lakhi pütsü no khuu tsüní keno timi tipau ke.” Tisheno pa no asho lakhi pütsü püzü Simon nu Judas Iscariot tsü. 27Judas no asho ikhiluve kemtsa Satan no pa lolo iloghive.
Ike Jisü no pa vilo pi, “Nono kiu shi niye ani keno mtazü shivelo.” 28Ikemu aghulhu shi akemi khunomu Jisü ye kushiye hipau tsa pesü pa vilo pi keno vethalumoe. 29Kughengu Judas no pisa jukütsü che kehu, khami no kümsü keu no Jisü ye pa vilo tiqhitini lo kiu avehupu shi nani momu kiuala pesü kumlhomiqo tsü nike qhü lo piani küghashive ke. 30Judas ye asholuve kemtsa khalau ipeve. Ike tiye putho shi ake.
Peter no Jisü Milive nikeu Pichho Tsü
31Kughou Judas no wuve keno Jisü no pi, “Itehi ye Timi Nu juküvüpu shiva eno pa vechewo Alhou juküvüpu shivae. 32Tsalá pa vechewo Alhou juküvüpu shive aye, Alhou no pa vechewo Anu jekipipu shitsü nani, eno ghuthukhavi lono pa jekipipu shitsü nani.
33“I nuliqo, ni ye ado kitila likhi nongu gholo ananie. Nongu no I phuju nani, eno I no Jewmiqo vilo pike toi, itehi I no nongu vilo piani; I no khile wucheni keno, nongu ye ighi müla nanie.
34“I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae. 35Nongu no lakhi no lakhi kimiyekilé aye kümtsü no nongu ye I khopemiqo kepi ithi nanie.”
36Simon Peter no pa vilo iniju, “Ampeu, no ye khila wucheni kea?”
Jisü no khochile, “I no khila wucheni keno itehi no ye pape mülae, ikemu no ye kutou no papelu nanie.”
37Peter no iniju, “Ampeu, ni ye kushiye itehi O pape müla nani kea? I no O ghenguno I küxü tsünie.”
38Ikelo Jisü no khochile, “No ye kuchou no O küxü pesü I ghenguno tsüve nani keshea? Kuchou no I no O vilo pìní, awudu no igha mphi züu, no ye ghuthu küthü I milive nani!
Currently Selected:
John 13: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
John 13
13
Jisü no Pa Khopemiqo Pukhu Qhutsü
1Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.
2Avela ghulhu shi akelo, tüghami no Simon nu Judas Iscariot pelo Jisü pesü thechu shive peniye kiteve ke. 3Jisü ye Apù no thime kümtsü pa küká qholo qhipüani kepi ithi ake, eno pa ye Alhou lau no ighi eno Alhou lau idechile wucheni kepi ithi ake; 4ike pa no aghulhu-a lono ithu no pa phì khalau xaqhive püzü küghüsüpuphi pesü pa chita khapuluve. 5Tipathiu, pa no chithakhu lakhi lo azü lesü no pa khopemiqo pukhu qhutsü no pa chita lo khapu akeu küghüsüpuphi pesü panongu pukhu isüve tsü.
6Pa no Simon Peter lau ighi, ikelo Peter no pa vilo ishi pi, “Ampeu, no ye I pukhu qhutsü niye ani keshea?”
7Jisü no khochile, “I no itehi kiu shi ani keno no ye vethamla nani, ikemu nono kutou no vethalu nanie.”
8Peter no pi, “Moe, O pelo khilemu I pukhu qhupemoe.”
Jisü no khochile, “I no O pukhu qhutsümo ke thaqhülo no ye Iw shimla nani.”
9Simon Peter no khochile, “Ampeu, tishiaye I pukhu likhi kumo no I u ngò I kütsü ghí qhu tsülo.”
10Jisü no khochile, “Khunoqo no azü kuchhuvea keno panongu ye apukhu likhi qhuve kepue kughengu panongu phimpi kuchopu mithe anike. Eno kümtsü ye kumo kemu nongu ye mithe ani.” 11Kughengu pa ye khuu no pa pesü thechu shive niye ani keno ithi ake, eno tighenguno pa no kümtsü ye mithe akeu kumoe ipi ke.
12Kughou pa no panongu pukhu qhü tave keno, pa no pa phì uluve no pa-a lo idechile wo ngove. Pa no panongu vilo iniju, “I no nongu ghenguno kiu shive tsü akeno nongu ye vethalu ani kema? 13Nongu no I vilo ‘Akükütsüu,’ eno ‘Ampeu,’ ipi ku cheni, eno tishi ku keu ye achipi, kughengu tino ni ke. 14Itehi ye ni, nongu Mpeu eno Kükütsüu, no nongu pukhu qhuvetsü ake, nongu ghí lakhi no lakhi pukhu qhutsü moayesae. 15I no nongu ghenguno kiu shi keno nongu pelo tishi peniye nongu lau kiche-kipiye shive tsüae. 16Kuchou no I no nongu vilo pìní, aqemi lakhi ye pa mpeu nguno akijeu kumoe, momu aghinikishiu lakhi ye pa puwu keu nguno akijeu kumoe. 17Itehi nongu ye hipaqo ithive ake, nongu no hipaqo shi aye mügha nani.
Jisü no Pa Thechu Shini keu Ghili Pichho
18“Ni ye nongu kümtsü ghili piamoe; Ni ye I no kisheluve kemiqo ithi ani. Ikemu hiye Kuchoyesü hipau shikupu niye ke: ‘I sasü asho kijechu keu hu no I ghümi shivae.’#13:18 Leshe 41:9
19“Tishi mphi züu no I no nongu vilo itehi no pive ani, tishianguno kughou tipau shini keno Ni ye Ni kepi nongu no pülü nani. 20Kuchou no I no nongu vilo pìní, khukhumu I no puwu keu ikhilu keu ye ni ikhilu ani; eno khukhumu ni ikhilu keu ye I puwu akeu ikhilu ani.”
21Hipau pive kethiu Jisü ye alokhümüive püzü ishi asheshu, “Kuchou no I no nongu vilo pìní, nongu lakhi no I pesü thechu shive niye anie.”
22Pa khopemiqo ye panongu dolo khiu piani keno mtha kelau no lakhi no lakhi jua. 23Panongu dolo Jisü no kimiye chekeu akhopeu ye Jisü phivilo mungupe ae. 24Simon Peter no akhopemiqo vilo pa u kihi ghi pi, “Pa ye khuu piani keno pa vilo iniju lo.”
25Jisü mungupe ngo no, pa no Jisü vilo iniju, “Ampeu, tiye khuu kea?”
26Jisü no khochile, “I no akhu lo asho lakhi pütsü no khuu tsüní keno timi tipau ke.” Tisheno pa no asho lakhi pütsü püzü Simon nu Judas Iscariot tsü. 27Judas no asho ikhiluve kemtsa Satan no pa lolo iloghive.
Ike Jisü no pa vilo pi, “Nono kiu shi niye ani keno mtazü shivelo.” 28Ikemu aghulhu shi akemi khunomu Jisü ye kushiye hipau tsa pesü pa vilo pi keno vethalumoe. 29Kughengu Judas no pisa jukütsü che kehu, khami no kümsü keu no Jisü ye pa vilo tiqhitini lo kiu avehupu shi nani momu kiuala pesü kumlhomiqo tsü nike qhü lo piani küghashive ke. 30Judas ye asholuve kemtsa khalau ipeve. Ike tiye putho shi ake.
Peter no Jisü Milive nikeu Pichho Tsü
31Kughou Judas no wuve keno Jisü no pi, “Itehi ye Timi Nu juküvüpu shiva eno pa vechewo Alhou juküvüpu shivae. 32Tsalá pa vechewo Alhou juküvüpu shive aye, Alhou no pa vechewo Anu jekipipu shitsü nani, eno ghuthukhavi lono pa jekipipu shitsü nani.
33“I nuliqo, ni ye ado kitila likhi nongu gholo ananie. Nongu no I phuju nani, eno I no Jewmiqo vilo pike toi, itehi I no nongu vilo piani; I no khile wucheni keno, nongu ye ighi müla nanie.
34“I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae. 35Nongu no lakhi no lakhi kimiyekilé aye kümtsü no nongu ye I khopemiqo kepi ithi nanie.”
36Simon Peter no pa vilo iniju, “Ampeu, no ye khila wucheni kea?”
Jisü no khochile, “I no khila wucheni keno itehi no ye pape mülae, ikemu no ye kutou no papelu nanie.”
37Peter no iniju, “Ampeu, ni ye kushiye itehi O pape müla nani kea? I no O ghenguno I küxü tsünie.”
38Ikelo Jisü no khochile, “No ye kuchou no O küxü pesü I ghenguno tsüve nani keshea? Kuchou no I no O vilo pìní, awudu no igha mphi züu, no ye ghuthu küthü I milive nani!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.