John 14
14
Jisü no Pa Khopemiqo Lokughuno tsü
1“Nongu mlo kütakihi pe kevilo. Nongu no Alhou shou pülülo eno I shou ghí pülülo. 2I pù ki lo ye achebo kutomo ani; tishi aghimo ke aye ni ye nongu vilo tile wu no nongu sala a-a kutò pe aghíni ipini che keshea? 3Eno I no wu no nongu sala a-a kutò pe qhitsü aye, I no khilehi acheni keno nongu ghí tilehi apenike ghenguno ni ye ideighi no nongu sasü wu nani. 4Nongu ye I no khilehi wucheni keno tipau kungo-a laghi ithi anie.”
Jisü ye Apù Lau Wuni keu Laghi
5Thomas no Jisü vilo pi, “Ampeu, ningu ye nono khila wucheni keno mthae, ike ningu ye kíshi no alaghi ithini kea?”
6Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae. 7Nongu no kuchou no ni ithi aghí aye, nongu ye I pù ghí ithi nani. Hinguno hilau ye nongu ye pa ithivea eno pa ithuluvae.”
8Philip no pi, “Ampeu, Apù ningu pìyelo, tino ningu ghenguno lukümkha ke.”
9Jisü no khochile, “Philip, I no nongu gholo ado kushuwa ngo ighive kethiu ghí no ye ni mtha keshea? Khukhumu ni ithuluve keu ye Apù ithuluvae. No ye kíshi püzü, ‘Apù hu ningu pìyelo,’ ipi ani kea? 10Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike. 11Kughou I no ni ye Apù lolo ani eno Apù ye I lolo ani ipini keno I pülülo; tikumo aye akümlà shipe pìye keqo vechewomu kuchou kepi pülülo. 12Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke. 13Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke. 14Nongu no I je lono kiu-kiu ghengumu khulu nani, eno I no tipau shitsü nani.
Jisü no Aghungu Kimthe Puwu nikeu Piqhitsü
15“Nongu no I kimiye cheni aye, I zakütsüqo pelulo. 16I no Apù vilo khu nani, eno pa no shikumtokütsüu#14:16 Momu alokughuno-kütsüu momu lapiyeu kütau lakhi nongu kuphu penike eno nongu gholo pülhapuju apenike tsü nani— 17tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani. 18Niye mighimi toi nongu qhivemo nani; I no nongu lau ighi nani. 19Kusho kumo lo ayeghiqha ye ni ithulu kithemove nani, ikemu nongu ye ni ithulu nani. I no xü anike ghenguno nongu ghí xü nani. 20Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani. 21I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”
22Ikelo Judas (Judas Iscariot kumo no kütami) no ishi pi, “Ampeu, ikemu no ye kushiye ayeghiqha lau O likhi O pìyemo püzü ningu lau likhi pìye ani kea?”
23Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani. 24I kimiyemo kemiqo I kükütsüqo ikhilumo nani. Nongu no chilu akeu tsa hipaqo ye I tsa kumoe; tipaqo ye I pù khuu I puwu keno paw ke.
25“I no nongu gholo aphi lono hipaqo kümtsü pive ani. 26Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani. 27Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.
28“Nongu no I no ishi pikeu chiluvae, ‘Ni ye wuchea eno ni ye nongu lau ideighi nani.’ Nongu no I kimiye cheghi aye nongu ye I no Apù lau wuche keu lo alovi nani kughengu Apù ye I nguno akijeu ke. 29Hipau shimphi lono I no nongu vilo pivae, tishianguno kughou hipau shikupuni keno nongu pelo pülülu peniye ke. 30Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae, 31ikemu pa no ighi keu ye ayeghiqha pelo I no Apù kimiye chekeu eno I pù no azakütsü I tsüke toi shikupulu keu ithi peniye ke.
“Itehi shilo; ningu wuvenie.
Currently Selected:
John 14: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
John 14
14
Jisü no Pa Khopemiqo Lokughuno tsü
1“Nongu mlo kütakihi pe kevilo. Nongu no Alhou shou pülülo eno I shou ghí pülülo. 2I pù ki lo ye achebo kutomo ani; tishi aghimo ke aye ni ye nongu vilo tile wu no nongu sala a-a kutò pe aghíni ipini che keshea? 3Eno I no wu no nongu sala a-a kutò pe qhitsü aye, I no khilehi acheni keno nongu ghí tilehi apenike ghenguno ni ye ideighi no nongu sasü wu nani. 4Nongu ye I no khilehi wucheni keno tipau kungo-a laghi ithi anie.”
Jisü ye Apù Lau Wuni keu Laghi
5Thomas no Jisü vilo pi, “Ampeu, ningu ye nono khila wucheni keno mthae, ike ningu ye kíshi no alaghi ithini kea?”
6Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae. 7Nongu no kuchou no ni ithi aghí aye, nongu ye I pù ghí ithi nani. Hinguno hilau ye nongu ye pa ithivea eno pa ithuluvae.”
8Philip no pi, “Ampeu, Apù ningu pìyelo, tino ningu ghenguno lukümkha ke.”
9Jisü no khochile, “Philip, I no nongu gholo ado kushuwa ngo ighive kethiu ghí no ye ni mtha keshea? Khukhumu ni ithuluve keu ye Apù ithuluvae. No ye kíshi püzü, ‘Apù hu ningu pìyelo,’ ipi ani kea? 10Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike. 11Kughou I no ni ye Apù lolo ani eno Apù ye I lolo ani ipini keno I pülülo; tikumo aye akümlà shipe pìye keqo vechewomu kuchou kepi pülülo. 12Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke. 13Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke. 14Nongu no I je lono kiu-kiu ghengumu khulu nani, eno I no tipau shitsü nani.
Jisü no Aghungu Kimthe Puwu nikeu Piqhitsü
15“Nongu no I kimiye cheni aye, I zakütsüqo pelulo. 16I no Apù vilo khu nani, eno pa no shikumtokütsüu#14:16 Momu alokughuno-kütsüu momu lapiyeu kütau lakhi nongu kuphu penike eno nongu gholo pülhapuju apenike tsü nani— 17tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani. 18Niye mighimi toi nongu qhivemo nani; I no nongu lau ighi nani. 19Kusho kumo lo ayeghiqha ye ni ithulu kithemove nani, ikemu nongu ye ni ithulu nani. I no xü anike ghenguno nongu ghí xü nani. 20Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani. 21I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”
22Ikelo Judas (Judas Iscariot kumo no kütami) no ishi pi, “Ampeu, ikemu no ye kushiye ayeghiqha lau O likhi O pìyemo püzü ningu lau likhi pìye ani kea?”
23Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani. 24I kimiyemo kemiqo I kükütsüqo ikhilumo nani. Nongu no chilu akeu tsa hipaqo ye I tsa kumoe; tipaqo ye I pù khuu I puwu keno paw ke.
25“I no nongu gholo aphi lono hipaqo kümtsü pive ani. 26Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani. 27Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.
28“Nongu no I no ishi pikeu chiluvae, ‘Ni ye wuchea eno ni ye nongu lau ideighi nani.’ Nongu no I kimiye cheghi aye nongu ye I no Apù lau wuche keu lo alovi nani kughengu Apù ye I nguno akijeu ke. 29Hipau shimphi lono I no nongu vilo pivae, tishianguno kughou hipau shikupuni keno nongu pelo pülülu peniye ke. 30Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae, 31ikemu pa no ighi keu ye ayeghiqha pelo I no Apù kimiye chekeu eno I pù no azakütsü I tsüke toi shikupulu keu ithi peniye ke.
“Itehi shilo; ningu wuvenie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.