Luke 15
15
Ambe Pühave keu Holetsa
1Ike zame küqhami eno axinemiqo kümtsü Jisü tsa ini nike sühomxa pe ngoa. 2Ikemu Phariseemi eno ayeza kükütsümiqo no nhenheshi hitoi pi, “Timi hipau ye axinemiqo ikhilu eno panongu gholo chu-sho anie.”
3Tisheno Jisü no aholetsa hipau panongu vilo pi: 4“Kümsüju kelo nongu dolo milakhi no ambe aqhe akelo lakhi pühave aye, pa ye lhotoku tokú aluza qhalo püaghi no ti ambe pühave keu phulumo ke kutólo phumoni keshea? 5Eno kughou pa no ti phuluve nike no alokivishi pa bighi lono xapusü 6aki lo wuve cheni. Tisheno pa no pa küsàmi eno akisüghümiqo kukütsü no ishi pi cheni, ‘I gholo alovi küqhalo; Ni ye iw ambe pühave keu phuluvae.’ 7I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.
Ghükayi Pühave keu Holetsa
8“Momu kümsüju kelo totimi lakhi no ghükayi chighí#15:8 Hiye atsala lakhi jume qhemi ke akelo lakhi pühave aye. Li ye akulu küqü püzü aki khule no tipau phulumo ke kutólo tsaqütsalei phumoni keshea? 9Eno kughou ti phuluni keno li no li küsàmi eno akisüghümiqo kukütsü no ishi pi nani, ‘I gholo alovi küqhalo; Ni ye iw pühave keu ghükayi phuluvae.’ 10I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”
Pühave keu Nu Holetsa
11Jisü no kibe ghi pi: “Timi lakhi no anu kini ache. 12Ayitiu no papù vilo ishi pi, ‘I pù, amheghi lo I saje I tsülo.’ Tighenguno apù no anu pama dolo amheghi kijeve tsü.
13“Tishiwo kushuwa kumo lo anu ayitiu ye pa mheghi akeu kümtsü je pesü aghakhu kushuwa lo wuve eno tilau no lahilaza keu küxü lono pa kiní kümtsü kilhekulu puwokhave. 14Pa no akeu kümtsü puwokhave kethiu tipau ghakhu qha kümtsü lo püqümiye kijè lakhi ighi, eno pa ye kiumu kühave. 15Tighenguno pa ye tipa ghakhu lo aghakütsami vilo aqe qe niye wu, ikelo pa pesü awo pulhu penike aluza lo puwuve. 16Pa ye müzüthive eno awo no ayephi chu akeu kutólo chuni shiqhiyi ake, ikemu khunomu kiumu pesü pa tsümoe.
17“Kughou pa no alotsü ipeghi keno pa likhi pa vilo ishi pi, ‘I pù ki lo qekuchumiqo ye khijehi no achuqupu chukha kümlapú shi anikela mthae, eno ni ye hila akhü no thiveni chae! 18Ni ye ithu no I pù lau idewoni eno pa vilo ishi pìní: I pù, ni ye Alhou eno O gizülo axiné shivae. 19Ni ye O nu ipi kuküzü kumovae; O gholo aqe qekuchumi lakhi hutoi I peitha tsülo.’ 20Ike pa no ithu no papù lau idewove.
“Ikemu pa no alà kushuwa lo chephi lono papù no pa ithulu no pa mlo ighiqhiyive; pa no posü panu lau wu no pa u pe panu valuve püzü pa mümae.
21“Anu hu no pa vilo pi, ‘I pù, ni ye Alhou eno O gizülo axiné shivae. Ni ye O nu ipi kuküzü kumovae.’
22“Ikemu apù hu no pa qemiqo vilo pi, ‘Papashi chijeboboi-phi akiviu süghi no pa pu-u lo. Pa u lo anguthi pesü tsülo eno pa pukhu lo apukhukuqho qhopipe lo. 23Amishiti athakupuu süghi no heqhi lo. Ningu alokivishi aghulhu kijè shinie. 24Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.
25“Tishi ake dolo anu akichiú ye alu lo ae. Kughou pa no aki kupunú ighi keno alekiphe ngò ilhe keu sütsa chilu. 26Ikehu pa no aqemiqo gholo lakhi ku eno pa vilo kiu shi ani kea ipi iniju. 27Aqeu hu no khochile, ‘O thiküzüu ye ideghivae, eno O pù no amishiti athakupuu hu heqhivae kughengu O thiküzüu ye kiumu shilusamo no aküxü ideghiluvae.’
28“Anu akichiú ye ighono amloideve no aki alou iloghi tsümove. Ikehu papù no khalau ipeghi eno pa vilo alou iloghi lo pi qhüiniju. 29Ikemu pa no ishi papù khochile, ‘Julo! Ni ye ampe hijejehi aqemi lakhi toi O qe ighi eno khilemu O zakütsüqo hebide chemoe. Tishimu no ye khilemu I pelo I küsàmiqo gholo alokivi ghulhu shilu penike aneti lakhimu pesü I tsümoe. 30Ikemu O nu hipau no amheghi kümtsü kütüqhami lau no kilhekulu puwokhave no aki lo ideighi kelo, no ye pa ghenguno amishiti athakupuu heqhitsüe!’
31“Apù hu no pi, ‘I nu, no ye alhokuthu I gholo acheni, eno I no akeu thowkha kümtsü ow ke. 32Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”
Currently Selected:
Luke 15: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Luke 15
15
Ambe Pühave keu Holetsa
1Ike zame küqhami eno axinemiqo kümtsü Jisü tsa ini nike sühomxa pe ngoa. 2Ikemu Phariseemi eno ayeza kükütsümiqo no nhenheshi hitoi pi, “Timi hipau ye axinemiqo ikhilu eno panongu gholo chu-sho anie.”
3Tisheno Jisü no aholetsa hipau panongu vilo pi: 4“Kümsüju kelo nongu dolo milakhi no ambe aqhe akelo lakhi pühave aye, pa ye lhotoku tokú aluza qhalo püaghi no ti ambe pühave keu phulumo ke kutólo phumoni keshea? 5Eno kughou pa no ti phuluve nike no alokivishi pa bighi lono xapusü 6aki lo wuve cheni. Tisheno pa no pa küsàmi eno akisüghümiqo kukütsü no ishi pi cheni, ‘I gholo alovi küqhalo; Ni ye iw ambe pühave keu phuluvae.’ 7I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.
Ghükayi Pühave keu Holetsa
8“Momu kümsüju kelo totimi lakhi no ghükayi chighí#15:8 Hiye atsala lakhi jume qhemi ke akelo lakhi pühave aye. Li ye akulu küqü püzü aki khule no tipau phulumo ke kutólo tsaqütsalei phumoni keshea? 9Eno kughou ti phuluni keno li no li küsàmi eno akisüghümiqo kukütsü no ishi pi nani, ‘I gholo alovi küqhalo; Ni ye iw pühave keu ghükayi phuluvae.’ 10I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”
Pühave keu Nu Holetsa
11Jisü no kibe ghi pi: “Timi lakhi no anu kini ache. 12Ayitiu no papù vilo ishi pi, ‘I pù, amheghi lo I saje I tsülo.’ Tighenguno apù no anu pama dolo amheghi kijeve tsü.
13“Tishiwo kushuwa kumo lo anu ayitiu ye pa mheghi akeu kümtsü je pesü aghakhu kushuwa lo wuve eno tilau no lahilaza keu küxü lono pa kiní kümtsü kilhekulu puwokhave. 14Pa no akeu kümtsü puwokhave kethiu tipau ghakhu qha kümtsü lo püqümiye kijè lakhi ighi, eno pa ye kiumu kühave. 15Tighenguno pa ye tipa ghakhu lo aghakütsami vilo aqe qe niye wu, ikelo pa pesü awo pulhu penike aluza lo puwuve. 16Pa ye müzüthive eno awo no ayephi chu akeu kutólo chuni shiqhiyi ake, ikemu khunomu kiumu pesü pa tsümoe.
17“Kughou pa no alotsü ipeghi keno pa likhi pa vilo ishi pi, ‘I pù ki lo qekuchumiqo ye khijehi no achuqupu chukha kümlapú shi anikela mthae, eno ni ye hila akhü no thiveni chae! 18Ni ye ithu no I pù lau idewoni eno pa vilo ishi pìní: I pù, ni ye Alhou eno O gizülo axiné shivae. 19Ni ye O nu ipi kuküzü kumovae; O gholo aqe qekuchumi lakhi hutoi I peitha tsülo.’ 20Ike pa no ithu no papù lau idewove.
“Ikemu pa no alà kushuwa lo chephi lono papù no pa ithulu no pa mlo ighiqhiyive; pa no posü panu lau wu no pa u pe panu valuve püzü pa mümae.
21“Anu hu no pa vilo pi, ‘I pù, ni ye Alhou eno O gizülo axiné shivae. Ni ye O nu ipi kuküzü kumovae.’
22“Ikemu apù hu no pa qemiqo vilo pi, ‘Papashi chijeboboi-phi akiviu süghi no pa pu-u lo. Pa u lo anguthi pesü tsülo eno pa pukhu lo apukhukuqho qhopipe lo. 23Amishiti athakupuu süghi no heqhi lo. Ningu alokivishi aghulhu kijè shinie. 24Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.
25“Tishi ake dolo anu akichiú ye alu lo ae. Kughou pa no aki kupunú ighi keno alekiphe ngò ilhe keu sütsa chilu. 26Ikehu pa no aqemiqo gholo lakhi ku eno pa vilo kiu shi ani kea ipi iniju. 27Aqeu hu no khochile, ‘O thiküzüu ye ideghivae, eno O pù no amishiti athakupuu hu heqhivae kughengu O thiküzüu ye kiumu shilusamo no aküxü ideghiluvae.’
28“Anu akichiú ye ighono amloideve no aki alou iloghi tsümove. Ikehu papù no khalau ipeghi eno pa vilo alou iloghi lo pi qhüiniju. 29Ikemu pa no ishi papù khochile, ‘Julo! Ni ye ampe hijejehi aqemi lakhi toi O qe ighi eno khilemu O zakütsüqo hebide chemoe. Tishimu no ye khilemu I pelo I küsàmiqo gholo alokivi ghulhu shilu penike aneti lakhimu pesü I tsümoe. 30Ikemu O nu hipau no amheghi kümtsü kütüqhami lau no kilhekulu puwokhave no aki lo ideighi kelo, no ye pa ghenguno amishiti athakupuu heqhitsüe!’
31“Apù hu no pi, ‘I nu, no ye alhokuthu I gholo acheni, eno I no akeu thowkha kümtsü ow ke. 32Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.