Luke 16
16
Amqükini Püghükütsüu Holetsa
1Jisü no pa khopemiqo vilo pi: “Ghuthu lakhi kiními lakhi ache eno paw püghükütsüu no pa küakini kilheküzave tsü ani ipi nguku akeu sütsa pa tove. 2Tighenguno pa no püghükütsüu ku püzü pa vilo iniju, ‘I no O ghili chilu akeu hiye kiu kea? Ow akümlàqo kihikülai pe I tsülo, kughengu hinguno hilau ye O pelo püghükütsüu shipema ke.’
3“Püghükütsüu hu no pa likhi pa vilo ishi pi, ‘Ni ye itehi ye kiu shinia kea? I mpeu no I kümlà ikhipe wuve niye shivea. Ni ye aka-aghashi alu hokide müla, eno ni ye khuchu nike kujoe. 4Ni ye I kümlà kühave kelo timi pelo panongu ki lo I sasǘ penike ghenguno kiu shi moayesa keno ithivea.’
5“Ikehu pa no timi khijehi no pa mpeu lau api pua keno kümtsü kusü. Pa no atüghiu vilo iniju, ‘No ye khijehi I mpeu lochile kepu ani kea?’
6“Pa no ishi khochile, ‘Olive thazü abohu aqhe tokú.’
“Püghükütsüu hu no pa vilo pi, ‘O jume kaku ikhilu no mtazü iqave püzü aqhe bidí no lhopungu yèsüve lo.’
7“Tipathiu pa no akiniù vilo iniju, ‘Eno no ye khije lokepu ani kea?’
“Timi hu no khochile, ‘Athì abi#16:7 Abi ipi akeu ye apù-asü ghuloki lo athì kutomo süpe qhiche keu abo kijè ke qhethonhe lakhi.’
“Püghükütsüu hu no pa vilo pi, ‘O jume kaku hilo, eno aqhe tache shivelo.’
8“Ampeu hu no amikucho kumou püghükütsüu no amqükini kümlà shikeu ghenguno akishé tsü. Kughengu ayeghi lo timi ye aküvü lo akemi nguno alau amqükini shi pano lojimiqo sasü pekithi acheni. 9I no nongu vilo pìní, ayeghi lo küakini pesü ow shompami kighishelu lo, tishianguno kughou ti kühaveni keno lhokta kungo-a lo O sasü nani ke.
10“Khuno no ighono kitila lomu pichebekulu shini keno kutomo lo ghí pichebekulu shi nani, eno khuno no ighono kitila lomu pichebe müla nike no kutomo lo ghí pichebe müla nani. 11Tishiaye nongu no ayeghi lo küakini peitha akeu thotsü pichebe müla aye, khuu no kuchou kiní pesü nongu shou pichebeluni kea? 12Eno tsalá nongu no kütami mheghi shou pichebekulu shimo aye, khuu no nongu likhi nongu mheghi pesü nongu tsüní kea?
13“Timi khumu ampeu kini qüaxemi shimlae. No ye lakhi mithive no lakhiu kimiye nani, momu no ye lakhi qhoqhü püzü lakhiu phimo nani. No ye Alhou eno küakini küma kinikujo qüaxeu ye shimlae.”
14Phariseemi khunoqo no pisa kimiye cheni keno panongu no hi kümtsü chilu püzü Jisü junu ae. 15Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.
Akükütsü Alau
16“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni. 17Moses yeza lo atsathi aghulou eno choküsü akeu ayeza yèpüa keu aghuloumu ikhive nikeu ye kungugha eno ayeghi hauve keu no akümláu ke.
18“Timi khuu no pa nipu sasü küghüxave püzü totimi kütami sasü külakupu shini keno, pa ye shupuvae, eno kipitimi khuu no akibo küghüxave kemi totimi sasü külani keno pa ye shupuvae.
Kiními eno Lazarus
19“Ghuthu lakhi kiními lakhi ache eno pa ye amekusho phephei keu phì hughai keu pepu no tsalà kipetsü nibonilei xüache. 20Pa ki khagho phivilo khukuchumi lakhi Lazarus ipikeu aphi kümtsü apiyí xapusü ache, 21eno pa ye akiníu ghulhu lipa lono munomugho ikiqi keu chuni shiqhiyi ache. Atsǜqo ghí ighino pa phi lo apiyíqo mine ache.
22“Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove. 23Kiními hu no Hades lo shishe imea kelo, pa no kunguu jupuku eno putou no Abraham phivilo Lazarus akeu ithulu. 24Ike pa no Abraham ku no pi, ‘Apù Abraham, I kimiye tsülo eno Lazarus pelo pa u loti azü lo chosü no I mili dikumko tsü pelo, kughengu ni ye ami hipau lo shishe ime anie.’
25“Ikemu Abraham no ishi khochile, ‘Anu, Lazarus no shiluküsa shi ache kelo no ye O küxü kupuju akivi nhemgha ithulu chekeu kümsüchilelu lo, ikemu itehi Lazarus ye hilau alokughuno shi ani eno no ye ime anie. 26Hi kümtsü nguno alau no, no eno ningu dolo akuthoku thonhei keu ani, eno khunomu hile no kathasü O lau wuni keu shimlae, momu khunomu nono akeu lono hilau kathasü ighi mülae.’
27“Pa no khochile, ‘Tishiaye Apù, I kibolomiqo lau Lazarus puwu tsü penike I no O qhüiniju ani, 28kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’
29“Abraham no khochile, ‘Panongu ye Moses eno Tungkupumiqo kaku ani, panongu pelo tipaqo tsa ini pelo.’
30“Kiními hu no pi, ‘Tiye shimlae, apù Abraham, ikemu kithimi dolo khuala no panongu lau wu anguno panongu ye amlo pebide nani.’
31“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”
Currently Selected:
Luke 16: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Luke 16
16
Amqükini Püghükütsüu Holetsa
1Jisü no pa khopemiqo vilo pi: “Ghuthu lakhi kiními lakhi ache eno paw püghükütsüu no pa küakini kilheküzave tsü ani ipi nguku akeu sütsa pa tove. 2Tighenguno pa no püghükütsüu ku püzü pa vilo iniju, ‘I no O ghili chilu akeu hiye kiu kea? Ow akümlàqo kihikülai pe I tsülo, kughengu hinguno hilau ye O pelo püghükütsüu shipema ke.’
3“Püghükütsüu hu no pa likhi pa vilo ishi pi, ‘Ni ye itehi ye kiu shinia kea? I mpeu no I kümlà ikhipe wuve niye shivea. Ni ye aka-aghashi alu hokide müla, eno ni ye khuchu nike kujoe. 4Ni ye I kümlà kühave kelo timi pelo panongu ki lo I sasǘ penike ghenguno kiu shi moayesa keno ithivea.’
5“Ikehu pa no timi khijehi no pa mpeu lau api pua keno kümtsü kusü. Pa no atüghiu vilo iniju, ‘No ye khijehi I mpeu lochile kepu ani kea?’
6“Pa no ishi khochile, ‘Olive thazü abohu aqhe tokú.’
“Püghükütsüu hu no pa vilo pi, ‘O jume kaku ikhilu no mtazü iqave püzü aqhe bidí no lhopungu yèsüve lo.’
7“Tipathiu pa no akiniù vilo iniju, ‘Eno no ye khije lokepu ani kea?’
“Timi hu no khochile, ‘Athì abi#16:7 Abi ipi akeu ye apù-asü ghuloki lo athì kutomo süpe qhiche keu abo kijè ke qhethonhe lakhi.’
“Püghükütsüu hu no pa vilo pi, ‘O jume kaku hilo, eno aqhe tache shivelo.’
8“Ampeu hu no amikucho kumou püghükütsüu no amqükini kümlà shikeu ghenguno akishé tsü. Kughengu ayeghi lo timi ye aküvü lo akemi nguno alau amqükini shi pano lojimiqo sasü pekithi acheni. 9I no nongu vilo pìní, ayeghi lo küakini pesü ow shompami kighishelu lo, tishianguno kughou ti kühaveni keno lhokta kungo-a lo O sasü nani ke.
10“Khuno no ighono kitila lomu pichebekulu shini keno kutomo lo ghí pichebekulu shi nani, eno khuno no ighono kitila lomu pichebe müla nike no kutomo lo ghí pichebe müla nani. 11Tishiaye nongu no ayeghi lo küakini peitha akeu thotsü pichebe müla aye, khuu no kuchou kiní pesü nongu shou pichebeluni kea? 12Eno tsalá nongu no kütami mheghi shou pichebekulu shimo aye, khuu no nongu likhi nongu mheghi pesü nongu tsüní kea?
13“Timi khumu ampeu kini qüaxemi shimlae. No ye lakhi mithive no lakhiu kimiye nani, momu no ye lakhi qhoqhü püzü lakhiu phimo nani. No ye Alhou eno küakini küma kinikujo qüaxeu ye shimlae.”
14Phariseemi khunoqo no pisa kimiye cheni keno panongu no hi kümtsü chilu püzü Jisü junu ae. 15Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.
Akükütsü Alau
16“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni. 17Moses yeza lo atsathi aghulou eno choküsü akeu ayeza yèpüa keu aghuloumu ikhive nikeu ye kungugha eno ayeghi hauve keu no akümláu ke.
18“Timi khuu no pa nipu sasü küghüxave püzü totimi kütami sasü külakupu shini keno, pa ye shupuvae, eno kipitimi khuu no akibo küghüxave kemi totimi sasü külani keno pa ye shupuvae.
Kiními eno Lazarus
19“Ghuthu lakhi kiními lakhi ache eno pa ye amekusho phephei keu phì hughai keu pepu no tsalà kipetsü nibonilei xüache. 20Pa ki khagho phivilo khukuchumi lakhi Lazarus ipikeu aphi kümtsü apiyí xapusü ache, 21eno pa ye akiníu ghulhu lipa lono munomugho ikiqi keu chuni shiqhiyi ache. Atsǜqo ghí ighino pa phi lo apiyíqo mine ache.
22“Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove. 23Kiními hu no Hades lo shishe imea kelo, pa no kunguu jupuku eno putou no Abraham phivilo Lazarus akeu ithulu. 24Ike pa no Abraham ku no pi, ‘Apù Abraham, I kimiye tsülo eno Lazarus pelo pa u loti azü lo chosü no I mili dikumko tsü pelo, kughengu ni ye ami hipau lo shishe ime anie.’
25“Ikemu Abraham no ishi khochile, ‘Anu, Lazarus no shiluküsa shi ache kelo no ye O küxü kupuju akivi nhemgha ithulu chekeu kümsüchilelu lo, ikemu itehi Lazarus ye hilau alokughuno shi ani eno no ye ime anie. 26Hi kümtsü nguno alau no, no eno ningu dolo akuthoku thonhei keu ani, eno khunomu hile no kathasü O lau wuni keu shimlae, momu khunomu nono akeu lono hilau kathasü ighi mülae.’
27“Pa no khochile, ‘Tishiaye Apù, I kibolomiqo lau Lazarus puwu tsü penike I no O qhüiniju ani, 28kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’
29“Abraham no khochile, ‘Panongu ye Moses eno Tungkupumiqo kaku ani, panongu pelo tipaqo tsa ini pelo.’
30“Kiními hu no pi, ‘Tiye shimlae, apù Abraham, ikemu kithimi dolo khuala no panongu lau wu anguno panongu ye amlo pebide nani.’
31“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.