MARKUS, NOPUKU AFASAO SORE, 5.
NOPUKU AFASAO SORE, 5.
1ACRE niromai ia nofokagi tatai, ia tafanua o Catara.
2Iai aia nisopocea tuporuku, milowa tatane tasi nifapa aia nimai kourucea upunaga tanumea tagata iai agelo isa konofo iateia.
3Aia neinofo ia upunaga tanumea tagata iai; jimra tatane tasi fousia aia mukei, jimra ia ous.
4Ia ane nei acre nifousia mukei aia nopoge ma nopoge ia avava etoga ma ous, ta ous aia neifasia, ma avava etoga aia neitumusia ia nopitopito sisi; jimra tasi keiro kotara aia mo fakairo aia erefia.
5Nopoge ma nopoge, tupo ma tiau, aia neinofo ia aora, i ta upunaga tanumea tagata iai, nokovaro, ma nokoseria tshana notshino ia afatu.
6Kaia iai aia neicitia Iesu papai, aia nitere ma nimori iateia.
7Aia nitapa ia norio palo ueitucage, Taha avau keimna iatakoi, Iesu, Nontariki o ta Atua sore? Avau fakowia mukei akoi i neigo o Atua, pe akoi sesaciria mana avau.
8Ma aia neitucage iateia, komai watafa tatane, akoi agelo isa.
9Aia nifakowia aia, Taha tshou neigo? Aia nifasao, nokoutucua, Tshaku neigo ko Lijon, ma acime nalupai.
10Aia nifakowia, mukei aia, pe aia jimra segiake acre watafa fanua iai.
11Itata aora iai, apakasi nalupai su neinofo nokokeina akai iai.
12Agelo isa iotshi nifakowia sore aia, nokoutucua, kowna acime kokava ia acre.
13Milowa Iesu neitucage iacre roro. Ta Agelo isa iotshi niroro watafa aia, nikokava ia apakasi; ma iotshi apakasi iai milowa niteifo taora nontafa egosa ia tatai acre hepe tu thousant, acre nikero nimate ia tatai.
14Acre nifakeina apakasi nifura neitucua ane nei ia tumrai sore, nifori fanua iai ma. Acre niroro watafa keicitia taha ane nei aia neimna.
15Acre niromai iai ia Iesu, neicitia aia agelo isa mokagi neinofo iateia, ta lijon neinofo ia aia, nokonofo nitaka ia tumiga, keiro ane iotshi erefia, ma acre nimtacu iai.
16Acre neicitia ane tira neitucua iacre ane iotshi aia neimna ia aia agelo isa neinofo iateia, ane iotshi tsha apakasi ma.
17Acre neikamata keifakowia aia, keifeke tshare fanua wateriari.
18Ma wamuri aia nimai ia tuporuku, aia agelo isa mokagi neinofo iateia nifakowia aia sore, pe aia asua iateia.
19Kaia Iesu neitucuasana mukei aia, kaia neitucage iateia, Fano ia tshou afare ia tshou tagata, koutucua acre ane sore iotshi ta Teriki neimna iatakoi, ma neicitia fakarafia akoi.
20Aia nifano neikamata keitucage iacre, ia Tikapolis ane sore iotshi Iesu neimna iateia; ma tagatotshi nimasaro iateia.
21¶ Iai Iesu nifarau foci ia tavaka ia nofokagi tatai, tagata nalupai su nifetacina iateia, aia iai itata tatai.
22Kowcitia tasi o ta fatoriki o tafare mori nimai iai, tshana neigo Jerus; aia neicitia aia, aia nito itata tshan avai
23Neinogia fakasore aia, nokoutucua, Tshaku nofine sisi komoy itata komate, avau acitiafakarafia sore, akoi komai fecitshia norima iluga aia, pe akoi penpena aia; ma aia kamouri.
24Iesu nifano ia aia, tagata nalupai su niroro wamuri aia, neipecitshia aia.
25Tasi fine nimaci iai, tshana toto nimerigi tou twelv.
26Nimy tshana nalupai o tagata nalupai keiamke amaci, nifakamata acre iateia ane iotshi tshana, aia semouri mana, kaia tshana maci sore iateia.
27Iai aia nifakarogona o Iesu, aia nimai ia aroto o tagata nifetacina iateia wamuri aia, nitofia tshana miga.
28Ma aia neitucage, Pe avau tofia ana tshana miga, Avau kamouri.
29Milowa ta nimerigi o tshana toto nijimra, aia nikeiro ia tshana notshino tamaci isa tshana natshicina aia.
30Iesu milowa nokeiro ia niana roto, pe tomatua tshana nifano iateia, aia nikotafaru ia tagata nifetacina iateia nipecitshia aia, neitucage, Akai nitofia tshaku miga?
31Niana tagata aia nifakairo neitucua iateia, Akoi kowcitia tagata nalupai su kopecitshia akoi, ma tiaha akoi fakowia, Akai nitofia avau?
32Aia neicitia kofori keicitia aia neimna ane nei.
33Kaia ta fine nokumtacu, ma nokoviriviri, nokeiro ane neimna ia tshana roto, nimai nito mokagi aia, neitucage aia tamari iotshi fasao iateia.
34Aia neitucage iateia, Nofine, tshou fakarogrogo avau neipenpena akoi; fano erefia ma tshou maci isa nagke akoi.
35¶ Iai hepe aia neitucua afasao tira, faru tagata niromai tsha teriki o tafare mori, neitucua, Tshou nofine komate; tiaha akoi arafia Teriki wamuri nei?
36Hepe Iesu nifakarogona tafasao acre neitucua, aia neitueage ia teriki o tafare mori, Natshicina kumtacu, fakarogrogo avau ana?
37Aia neitucuasana tagatotshi keiroro wamuri aia, kaia Pitrus, ma Jakobus, ma Joanes ta noso o Jakobus ana.
38Aia nimai ia tafare o teriki o tafare mori, neicitia magane o acre nifetacina iai, nikomakuru nitagi niarafeina sore.
39Aia nimai efare, aia neitucage iacre, Tiaha magane nei tshowa, ma nokotagi? ta tamafene jimra komate, kaia komiro ana.
40Acre nikowkata feimacowa aia iateia, kaia wamuri aia neisegiake acre efuafo, aia niarafia efare ta mana o ta tamafine, ma acre wamuri aia, nifano ia nopito efare ta tamafine nimoy iai.
41Aia nipurutshia ta norima o ta tamafine, neitucage iateia, Talitha kumai; nokano o tafasao nei, Ta tamafine avau koutucua iatakoi masike.
42Milowa ta tamafine nimasike, nifano; ma aia neinofo wararoni toufi twelv. Acre nimasaro ia nimasaro sore.
43Aia neitucuasana mukei acre, sekoutucua tagata tasi ane nei, ma neitucage acre keitufwa aia faru takai aia keina.
Currently Selected:
MARKUS, NOPUKU AFASAO SORE, 5.: ANT
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
Learn More About Niu Testamen