Matius 28
28
Si Yesus tumou sumawel
(Mrk. 16:1-10; Luk. 24:1-12; Yoh. 20:1-10)
1Kelangkoi angé in endo Sabat, an tutuw imatawio mando asi endo kataré in duminggu itu, si Maria Magdalena wo si Maria walina mangé suméré ing kubur i Yesus. 2Wo tumarépé'- anke'mai awéan pangéro' repet. Ampa'paan awéan esa malaékat i Casuruan tumumpa an sorga owo mai miléi im batu aipénet ing kubur itu wo sia lumukut am bawo im batu itu. 3En amona masendot tanuoka télang ing kilat, wo eng karaina kulo' tanuoka in salju. 4Sé suraro makatéir am bitu gume'ger in indé' akar séra tanuoka sé tou imatéo.
5Icua i malaékat a sé wéwéné itu, “Tioo kamu maindé'! Kailekanku kamu maéré-éré si Yesus si aisalip itu. 6Sia ra'io am bia'i, Sia itumouo sumawel tanu sé sumangkumo aicua-Na. Mayo, séréno mai en tinekelan i mayat-Na. 7Anaé, mario-rioro mangé kamu eng kumua a sé murit-Na sapaoka Sia itumouo sumawel an uner é tou é matéo. Wo Sia irumioro mangé ai camu ang Galilea. A mangé mbitu oka kaséréan iow Sia. Ta'néieno waya sé aicuaku anio' ulit!”
8Wo makala'us itela'u éra eng kubur itu ang karapi in indé' wo uli-ulit arui. Séra repet matéron mangé kumua waya in itu a sé murit i Yesus.
9Tumarépé'anke'mai si Yesus ipeta'upo éra wo kumua, ‘Siri' ai camu’. Wo susuten éra Sia, keresen éra eng kécéi-Na wo kumuru en sumiri' Sia.
10Wo icua-Na ai séra, “Tioo maindé'. Mangéo icua miow a sé poo-poow-Ku, wosama' séra mangé ang Galilea. A mangé mbitu oka sérén éra Aku.”
Katowo-towoan é Mahkamah Agama
11Ang karoro'an é wéwéné itu mawaya' maangé a sé murit i Yesus, piraan suraro sé makatéir ing kubur-Na maréng an Yerusalem. Wo icua é suraro a sé kikiiten é imam pakasa e imamuali. 12Sé kikiiten é imam wo sé matu'a é tou Yahudi mali'us mepaar, em pinepusé' éra e méé roit keli a sé suraro itu, 13wo icua éra a sé suraro itu, “Musti icua miow a sé tou in tana'i, ‘Sé murit i Yesus mai ang katoora im bengi e rumombit i mayat-Na an tutuw ami kinakili'an.’ 14Wo sa kalingaan i gubernur en anio', icami oka e numuwu' ai sia wosama' kamu ra'ica ukumen.”
15Wo indon é suraro itu en doit wo émaan éra tanu si airu'du' ai séra. Wo akar intarépé' ipasisil é tou Yahudi sapaoka e mayat i Yesus rinombit é murit-Na.
Si Yesus mutus sé murit-Na
(Mrk. 16:14-18; Luk. 24:36-49; Yoh. 20:19-23; Kis. 1:6-8)
16 #
Mat. 26:32; Mrk. 14:28 Sé sangapulu' esa murit i Yesus mangé ang Galilea asi esa tolaina tanu si airu'du' i Yesus en angéan éra. 17Icateka' mangé am bitu, kaséréan érao si Yesus wo séra kumundu en sumiri' Sia, taan awéané' piraan tou sé ra'ipé' talos mercaya.
18Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan. 19#Kis. 1:8 Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas. 20Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”
Currently Selected:
Matius 28: TNT
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
Matius 28
28
Si Yesus tumou sumawel
(Mrk. 16:1-10; Luk. 24:1-12; Yoh. 20:1-10)
1Kelangkoi angé in endo Sabat, an tutuw imatawio mando asi endo kataré in duminggu itu, si Maria Magdalena wo si Maria walina mangé suméré ing kubur i Yesus. 2Wo tumarépé'- anke'mai awéan pangéro' repet. Ampa'paan awéan esa malaékat i Casuruan tumumpa an sorga owo mai miléi im batu aipénet ing kubur itu wo sia lumukut am bawo im batu itu. 3En amona masendot tanuoka télang ing kilat, wo eng karaina kulo' tanuoka in salju. 4Sé suraro makatéir am bitu gume'ger in indé' akar séra tanuoka sé tou imatéo.
5Icua i malaékat a sé wéwéné itu, “Tioo kamu maindé'! Kailekanku kamu maéré-éré si Yesus si aisalip itu. 6Sia ra'io am bia'i, Sia itumouo sumawel tanu sé sumangkumo aicua-Na. Mayo, séréno mai en tinekelan i mayat-Na. 7Anaé, mario-rioro mangé kamu eng kumua a sé murit-Na sapaoka Sia itumouo sumawel an uner é tou é matéo. Wo Sia irumioro mangé ai camu ang Galilea. A mangé mbitu oka kaséréan iow Sia. Ta'néieno waya sé aicuaku anio' ulit!”
8Wo makala'us itela'u éra eng kubur itu ang karapi in indé' wo uli-ulit arui. Séra repet matéron mangé kumua waya in itu a sé murit i Yesus.
9Tumarépé'anke'mai si Yesus ipeta'upo éra wo kumua, ‘Siri' ai camu’. Wo susuten éra Sia, keresen éra eng kécéi-Na wo kumuru en sumiri' Sia.
10Wo icua-Na ai séra, “Tioo maindé'. Mangéo icua miow a sé poo-poow-Ku, wosama' séra mangé ang Galilea. A mangé mbitu oka sérén éra Aku.”
Katowo-towoan é Mahkamah Agama
11Ang karoro'an é wéwéné itu mawaya' maangé a sé murit i Yesus, piraan suraro sé makatéir ing kubur-Na maréng an Yerusalem. Wo icua é suraro a sé kikiiten é imam pakasa e imamuali. 12Sé kikiiten é imam wo sé matu'a é tou Yahudi mali'us mepaar, em pinepusé' éra e méé roit keli a sé suraro itu, 13wo icua éra a sé suraro itu, “Musti icua miow a sé tou in tana'i, ‘Sé murit i Yesus mai ang katoora im bengi e rumombit i mayat-Na an tutuw ami kinakili'an.’ 14Wo sa kalingaan i gubernur en anio', icami oka e numuwu' ai sia wosama' kamu ra'ica ukumen.”
15Wo indon é suraro itu en doit wo émaan éra tanu si airu'du' ai séra. Wo akar intarépé' ipasisil é tou Yahudi sapaoka e mayat i Yesus rinombit é murit-Na.
Si Yesus mutus sé murit-Na
(Mrk. 16:14-18; Luk. 24:36-49; Yoh. 20:19-23; Kis. 1:6-8)
16 #
Mat. 26:32; Mrk. 14:28 Sé sangapulu' esa murit i Yesus mangé ang Galilea asi esa tolaina tanu si airu'du' i Yesus en angéan éra. 17Icateka' mangé am bitu, kaséréan érao si Yesus wo séra kumundu en sumiri' Sia, taan awéané' piraan tou sé ra'ipé' talos mercaya.
18Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan. 19#Kis. 1:8 Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas. 20Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018