Yohanes 11
11
Si Lazarus nimaté
1 #
Luk. 10:38-39
Wéwéhan si saki makangaran Lazarus mahento' witi Betania karia ni Maria wo ni Marta sé totoz katuarina. 2#Yoh. 12:3 Si Maria é si wéwéné si nimuwu' u lana mahwou tariis witu un a'é ni Yesus wo nimisu' un a'é ni Yesus karia um wuukna. Lazarus si saki itii én totoz katuarina. 3Sé wéwéné zua itii é nimatuma tou i makimuamé wia si Yesus, “Tuang, si kakaria totoz ikararaaté-Mu é saki.”
4Taan in timalingama u méikuamé itii, Sia kimua, “U saki itii én zéi'kan mangun ni sia i maté. Niia nimamuali wo si Opo Empung loozen wo sigi'en wo pahpaan u saki itii si Oki' ni Opo Empung é loozen wo sigi'en.”
5Si Yesus é rumaraaté si Marta, si Maria wo si Lazarus. 6Taan in tinalinga-Nama si Lazarus i saki, ni Sia én zéi'kan rengan i mangé taan nimento'pé'la zuana endo im witu. 7Tumondong niitu Sia kimuala wia sé pahtuzu'en-Na, “Méyémo kita mawurimo sumaup witi Yudea.”
8Sé pahtuzu'en-Na kimuala wia ni Sia, “Méster, zéi'kampé' uré sé tou Yahudi mahwewerité ni Ko karia am watu wo in tarékan kaa ni Ko paazpé' i mawuri witu?”
9Kuan ni Yesus, “Zéi'kankuaa in endo é mapulu' wo zuana jam? Séi si mahlampang in endopé' un a'éna én zéi'kan kasundui pahpaan ni sia é mahilek witu un ayah ung kaayahan kenu. 10Taan sa si tou mahlampang im wengimo, un a'éna éng kasundui pahpaan zéi'kan siapa u mahwéhémé un ayah wia ni sia.”
11Téntu u méikua-Na, wo kumawusa niitu Sia kimua wia ni séra, “Lazarus si kakariata é nimatekelo taan ni Aku é mangé witu i mamongké ni sia.”
12Ang kuan né pahtuzu'en-Na wia ni Sia, “Tuang, sa sia nimatekel, ni sia é malé'os uman.”
13Un ulitna si Yesus mahkua i si Lazarus é nimatémo. Taan ni séra é mahgenangla i si Lazarus én uli-ulit timekel uman. 14Pahpaano niitu si Yesus é nimakaulitla, “Si Lazarus é nimatémo, 15taan ni Aku é mahpaa-paaz pahpaan ni Aku én zéi'kan witu in toro niitu. Niitu ém wangun wia ni kamu, wo ni kamu toro ma'éman. Méyémo kita mangé wia ni sia in tarékan.”
16A si Tomas, si pahkuan Didimus#11:16 Didimus ung kalakoana é ‘Si kambar’., kumuama wia sé kakariana, sé pahtuzu'en walina, “Méyémo kita kasii mangé i maté karia-Na.”
Si Lazarus méitou sumaup im wia sé nimaté
17I si Yesus méikaayomola witi tampa itii, ang kata'uan-Nala si Lazarus én epatna endomo i méileweng. 18Um Betania ém witi rété u Yerusalem, woo teluna kilometer ung kazou'na. 19Im witu é lakezo sé tou Yahudi niméyé wia si Marta wo Maria i menté' un até néra pahpaan si totoz katuari néra én taré matéma.
20In tinalingama ni Marta si Yesus i niméyé, a sia mangé i sumungkul si Yesus. Taan si Maria ém witi walé uman. 21Ang kuan ni Marta wia si Yesus, “Tuang, sa ni Ko wia'i in toro niitu, si totoz katuariku én zéi'kan nimaté. 22Taan zozo' in téntu kata'uangku in oras kenukan péléng am pahaléien-Nu wia si Opo Empung én iwéhé-Na wia ni Ko.”
23Ang kuan ni Yesus wia si Marta, “Si totoz katuarimu é matou sumaup.”
24Kuan ni Marta wia ni Sia, “Kata'uangku ni sia én itou sumaup im wia sé nimaté im witu un endo kaakazan ung kaayahan i sé nimatémo itou sumaup.”
25Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo. 26Wo péléng sé tou menou-nou wo ma'éman wia ni Aku, zéi'kan maté makaz ing kauré-uré. Apa pa'émanennu un taré ikua-Kuma itii?”
27Am wingkotela ni Marta, “Éné, Tuang, ni aku ma'éman i ni Komo si Mesias, si Oki' ni Opo Empung, si méyé wia ung kaayahan.”
28I si Marta makakuala un téntu, a sia matumawahmé si Maria totoz katuarina ang kumewitla wia ni sia, “Si Méster ém witi kenuma wo ni Sia é menawah ni ko.” 29In timalingamé niitu, si Maria rengan i rimendaié a merorota i mamahilekan karia ni Yesus. 30In toro niitu si Yesus én zéi'kampé' nimuntep witi wanua itii. Ni Sia ém witipé' tampa pinahilekan-Na karia ni Marta. 31I sé tou Yahudi sé mahenté' un até ni Maria nimileka si Maria i rimendaié a merorota i nimondola, ni séra éng kimiita ni sia pahpaan pahgenangen nérala ni sia é mangé witi lelewengan i mamamé' witu.
32I si Maria méikaayomola witi tampa ni Yesus a mileka ni Sia, sia kumuruzla ung gio makaz witu un tana' witu u sinaru un a'é ni Yesus a mahkua wia ni Sia, “Tuang, sa ni Ko wia'i in toro niitu, si totoz katuariku én zéi'kan nimaté.”
33I niilekla ni Yesus si Maria mahamé' wo kasii sé tou Yahudi sé kimiité ni sia é mahamé', un até ni Yesus én totoz rumara wo nimasusa a Sia kumua, 34“Wisa u linewengan niou sia?” Ang kuan néra, “Tuang, méyémo wo méileken!”
35A si Yesus mamé'. 36Ang kuan né tou Yahudi, “Ilekena, ni Sia én totoz rumaraaté si Lazarus!”
37Taan sé woopira im wia ni séra é mahkua, “Ni Sia nimangun si letok toromo mahilek, kaa Sia zéi'kan kimurala, wo si Lazarus zéi'kan nimaté?”
38Makasapé' kasii un até ni Yesus rumara, a Sia mangé witi lelewengan itii. U lelewengan itii én tuleng pinalot karia um watu. 39Kuan ni Yesus wia sé tou witu, “Isoro'ma um watu itii!” Si Marta totoz katuari ni Lazarus, kimuama wia ni Sia, “Tuang, ni sia é mahwoumo pahpaan epatna endomo i nimaté.”
40Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”
41An isoro' nérama um watu itii. A si Yesus lumoho'ma witi langit wo mahkua, “Ama', ni Aku mapaayoma u makasé wia ni Ko, pahpaan ni Ko én timalingamo ni Aku. 42Kata'uang-Ku ni Ko sekezé é mahtalinga ni Aku, taan pahpaan sé tou lakez sé rimendai makaliklik kenu, ni Aku éng kimua niitu, wo séra ma'éman i ni Komo si nimatumé ni Aku.” 43I nimakakuala un téntu, a Sia kuméréta, “Lazarus, mondolomé!”
44A mondolé si tou nimatémo itii. Un a'é wo u lengenna é niapuspé' karia u roko'#11:44 Witu u nunuwu'en Yunani é ‘Soudario’ u malayuna éng ‘Kafan’. sasaput sé tou nimatémo wo ung giona é niapé'ampé' u léso. Kuan ni Yesus wia ni séra, “Wukana a roko' itii wo iwayamola sia i mangé.”
Sé tonaas né tou Yahudi nimaesaan i munu' si Yesus
(Mat. 26:1-5; Mrk. 14:1-2; Luk. 22:1-2)
45Lakez im wia sé tou Yahudi sé niméyé i menté' un até ni Maria wo nimilek am winangun ni Yesus, nima'éman wia ni Sia. 46Taan sé woopira im wia ni séra nimangé wia sé sana réwok tou Farisi a sumirita wia ni séra am winanguna ni Yesus itii.
47A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta? 48Sa Sia iwayata, péléng sé tou é ma'éman wia ni Sia wo sé tou Roma é méyé wo luméwo' um walé ni Opo Empung anuta wo kumawasa sé tahsasana wanuata.”
49Taan si esaané im wia ni séra, si Kayafas, si Walian Wangko'#11:49 Si Walian Wangko' é si tou mengangali un zaha' né tatamun sé kineriz in iragés wia si Opo Empung. in ta'un itii, kimuama wia ni séra, “Ni kamu én zéi'kan siapa kata'uan 50wo zéi'kan katulapan niou apa um wangun wia ni kamu. Tawimo si esa si maté wia péléng sé tahsasana wanua taan péléng sé tahsasana wanua sé maté.” 51Taan u méikuama ni Kayafas itii én zéi'kan mengiit ung genangna. Taan im Walian Wangko' witu un ta'un itii ni sia éng kimuama u méikuamé ni Opo Empung in esa i si Yesus é maté wia sé tahsasana wanua itii. 52Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.
53Rengané in endo itii sé tonaas né tou Yahudi nimaesaan i munu' ni Sia. 54Pahpaano niitu, si Yesus soomo mapailek wia sé tou Yahudi lakez. Ni Sia én timula'umé un tampa itii, a mangé witi Efraim rété ung kapelasan. Ni Sia karia né pahtuzu'en-Na nimento' witu.
55In toro niitu un endo Paskah né tou Yahudi zéi'mo uré wo lakez sé tou sé wana am wanua mangé witi Yerusalem i meresi un tou#11:55 U memeresi un tou kenu é mengiit an tinotoz witu um pa'émanen né tou Yahudi. puunala un endo Paskah itii. 56Ni séra é menéro-néro si Yesus wo karia merenda-rendai witi porés um Walé ni Opo Empung ni séra mahkua wia sé tou walina, “Sa kiit ko éng kura? Apa Sia méyé im witi pésta?” 57Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.
Currently Selected:
Yohanes 11: LAITOM
Highlight
Share
Copy
Want to have your highlights saved across all your devices? Sign up or sign in
Yohanes 11
11
Si Lazarus nimaté
1 #
Luk. 10:38-39
Wéwéhan si saki makangaran Lazarus mahento' witi Betania karia ni Maria wo ni Marta sé totoz katuarina. 2#Yoh. 12:3 Si Maria é si wéwéné si nimuwu' u lana mahwou tariis witu un a'é ni Yesus wo nimisu' un a'é ni Yesus karia um wuukna. Lazarus si saki itii én totoz katuarina. 3Sé wéwéné zua itii é nimatuma tou i makimuamé wia si Yesus, “Tuang, si kakaria totoz ikararaaté-Mu é saki.”
4Taan in timalingama u méikuamé itii, Sia kimua, “U saki itii én zéi'kan mangun ni sia i maté. Niia nimamuali wo si Opo Empung loozen wo sigi'en wo pahpaan u saki itii si Oki' ni Opo Empung é loozen wo sigi'en.”
5Si Yesus é rumaraaté si Marta, si Maria wo si Lazarus. 6Taan in tinalinga-Nama si Lazarus i saki, ni Sia én zéi'kan rengan i mangé taan nimento'pé'la zuana endo im witu. 7Tumondong niitu Sia kimuala wia sé pahtuzu'en-Na, “Méyémo kita mawurimo sumaup witi Yudea.”
8Sé pahtuzu'en-Na kimuala wia ni Sia, “Méster, zéi'kampé' uré sé tou Yahudi mahwewerité ni Ko karia am watu wo in tarékan kaa ni Ko paazpé' i mawuri witu?”
9Kuan ni Yesus, “Zéi'kankuaa in endo é mapulu' wo zuana jam? Séi si mahlampang in endopé' un a'éna én zéi'kan kasundui pahpaan ni sia é mahilek witu un ayah ung kaayahan kenu. 10Taan sa si tou mahlampang im wengimo, un a'éna éng kasundui pahpaan zéi'kan siapa u mahwéhémé un ayah wia ni sia.”
11Téntu u méikua-Na, wo kumawusa niitu Sia kimua wia ni séra, “Lazarus si kakariata é nimatekelo taan ni Aku é mangé witu i mamongké ni sia.”
12Ang kuan né pahtuzu'en-Na wia ni Sia, “Tuang, sa sia nimatekel, ni sia é malé'os uman.”
13Un ulitna si Yesus mahkua i si Lazarus é nimatémo. Taan ni séra é mahgenangla i si Lazarus én uli-ulit timekel uman. 14Pahpaano niitu si Yesus é nimakaulitla, “Si Lazarus é nimatémo, 15taan ni Aku é mahpaa-paaz pahpaan ni Aku én zéi'kan witu in toro niitu. Niitu ém wangun wia ni kamu, wo ni kamu toro ma'éman. Méyémo kita mangé wia ni sia in tarékan.”
16A si Tomas, si pahkuan Didimus#11:16 Didimus ung kalakoana é ‘Si kambar’., kumuama wia sé kakariana, sé pahtuzu'en walina, “Méyémo kita kasii mangé i maté karia-Na.”
Si Lazarus méitou sumaup im wia sé nimaté
17I si Yesus méikaayomola witi tampa itii, ang kata'uan-Nala si Lazarus én epatna endomo i méileweng. 18Um Betania ém witi rété u Yerusalem, woo teluna kilometer ung kazou'na. 19Im witu é lakezo sé tou Yahudi niméyé wia si Marta wo Maria i menté' un até néra pahpaan si totoz katuari néra én taré matéma.
20In tinalingama ni Marta si Yesus i niméyé, a sia mangé i sumungkul si Yesus. Taan si Maria ém witi walé uman. 21Ang kuan ni Marta wia si Yesus, “Tuang, sa ni Ko wia'i in toro niitu, si totoz katuariku én zéi'kan nimaté. 22Taan zozo' in téntu kata'uangku in oras kenukan péléng am pahaléien-Nu wia si Opo Empung én iwéhé-Na wia ni Ko.”
23Ang kuan ni Yesus wia si Marta, “Si totoz katuarimu é matou sumaup.”
24Kuan ni Marta wia ni Sia, “Kata'uangku ni sia én itou sumaup im wia sé nimaté im witu un endo kaakazan ung kaayahan i sé nimatémo itou sumaup.”
25Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo. 26Wo péléng sé tou menou-nou wo ma'éman wia ni Aku, zéi'kan maté makaz ing kauré-uré. Apa pa'émanennu un taré ikua-Kuma itii?”
27Am wingkotela ni Marta, “Éné, Tuang, ni aku ma'éman i ni Komo si Mesias, si Oki' ni Opo Empung, si méyé wia ung kaayahan.”
28I si Marta makakuala un téntu, a sia matumawahmé si Maria totoz katuarina ang kumewitla wia ni sia, “Si Méster ém witi kenuma wo ni Sia é menawah ni ko.” 29In timalingamé niitu, si Maria rengan i rimendaié a merorota i mamahilekan karia ni Yesus. 30In toro niitu si Yesus én zéi'kampé' nimuntep witi wanua itii. Ni Sia ém witipé' tampa pinahilekan-Na karia ni Marta. 31I sé tou Yahudi sé mahenté' un até ni Maria nimileka si Maria i rimendaié a merorota i nimondola, ni séra éng kimiita ni sia pahpaan pahgenangen nérala ni sia é mangé witi lelewengan i mamamé' witu.
32I si Maria méikaayomola witi tampa ni Yesus a mileka ni Sia, sia kumuruzla ung gio makaz witu un tana' witu u sinaru un a'é ni Yesus a mahkua wia ni Sia, “Tuang, sa ni Ko wia'i in toro niitu, si totoz katuariku én zéi'kan nimaté.”
33I niilekla ni Yesus si Maria mahamé' wo kasii sé tou Yahudi sé kimiité ni sia é mahamé', un até ni Yesus én totoz rumara wo nimasusa a Sia kumua, 34“Wisa u linewengan niou sia?” Ang kuan néra, “Tuang, méyémo wo méileken!”
35A si Yesus mamé'. 36Ang kuan né tou Yahudi, “Ilekena, ni Sia én totoz rumaraaté si Lazarus!”
37Taan sé woopira im wia ni séra é mahkua, “Ni Sia nimangun si letok toromo mahilek, kaa Sia zéi'kan kimurala, wo si Lazarus zéi'kan nimaté?”
38Makasapé' kasii un até ni Yesus rumara, a Sia mangé witi lelewengan itii. U lelewengan itii én tuleng pinalot karia um watu. 39Kuan ni Yesus wia sé tou witu, “Isoro'ma um watu itii!” Si Marta totoz katuari ni Lazarus, kimuama wia ni Sia, “Tuang, ni sia é mahwoumo pahpaan epatna endomo i nimaté.”
40Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”
41An isoro' nérama um watu itii. A si Yesus lumoho'ma witi langit wo mahkua, “Ama', ni Aku mapaayoma u makasé wia ni Ko, pahpaan ni Ko én timalingamo ni Aku. 42Kata'uang-Ku ni Ko sekezé é mahtalinga ni Aku, taan pahpaan sé tou lakez sé rimendai makaliklik kenu, ni Aku éng kimua niitu, wo séra ma'éman i ni Komo si nimatumé ni Aku.” 43I nimakakuala un téntu, a Sia kuméréta, “Lazarus, mondolomé!”
44A mondolé si tou nimatémo itii. Un a'é wo u lengenna é niapuspé' karia u roko'#11:44 Witu u nunuwu'en Yunani é ‘Soudario’ u malayuna éng ‘Kafan’. sasaput sé tou nimatémo wo ung giona é niapé'ampé' u léso. Kuan ni Yesus wia ni séra, “Wukana a roko' itii wo iwayamola sia i mangé.”
Sé tonaas né tou Yahudi nimaesaan i munu' si Yesus
(Mat. 26:1-5; Mrk. 14:1-2; Luk. 22:1-2)
45Lakez im wia sé tou Yahudi sé niméyé i menté' un até ni Maria wo nimilek am winangun ni Yesus, nima'éman wia ni Sia. 46Taan sé woopira im wia ni séra nimangé wia sé sana réwok tou Farisi a sumirita wia ni séra am winanguna ni Yesus itii.
47A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta? 48Sa Sia iwayata, péléng sé tou é ma'éman wia ni Sia wo sé tou Roma é méyé wo luméwo' um walé ni Opo Empung anuta wo kumawasa sé tahsasana wanuata.”
49Taan si esaané im wia ni séra, si Kayafas, si Walian Wangko'#11:49 Si Walian Wangko' é si tou mengangali un zaha' né tatamun sé kineriz in iragés wia si Opo Empung. in ta'un itii, kimuama wia ni séra, “Ni kamu én zéi'kan siapa kata'uan 50wo zéi'kan katulapan niou apa um wangun wia ni kamu. Tawimo si esa si maté wia péléng sé tahsasana wanua taan péléng sé tahsasana wanua sé maté.” 51Taan u méikuama ni Kayafas itii én zéi'kan mengiit ung genangna. Taan im Walian Wangko' witu un ta'un itii ni sia éng kimuama u méikuamé ni Opo Empung in esa i si Yesus é maté wia sé tahsasana wanua itii. 52Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.
53Rengané in endo itii sé tonaas né tou Yahudi nimaesaan i munu' ni Sia. 54Pahpaano niitu, si Yesus soomo mapailek wia sé tou Yahudi lakez. Ni Sia én timula'umé un tampa itii, a mangé witi Efraim rété ung kapelasan. Ni Sia karia né pahtuzu'en-Na nimento' witu.
55In toro niitu un endo Paskah né tou Yahudi zéi'mo uré wo lakez sé tou sé wana am wanua mangé witi Yerusalem i meresi un tou#11:55 U memeresi un tou kenu é mengiit an tinotoz witu um pa'émanen né tou Yahudi. puunala un endo Paskah itii. 56Ni séra é menéro-néro si Yesus wo karia merenda-rendai witi porés um Walé ni Opo Empung ni séra mahkua wia sé tou walina, “Sa kiit ko éng kura? Apa Sia méyé im witi pésta?” 57Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.
Currently Selected:
:
Highlight
Share
Copy
Want to have your highlights saved across all your devices? Sign up or sign in